04/06/2026
📌 ليش سعر المتر يمنا يختلف؟ (البطانة أغلى من الوجه!)
هواي ناس تسأل عن أسعار المطابخ، ومن نعطي السعر الحقيقي، البعض يشوفه غالي مقارنة بالأسعار الي يشوفوها بالبيجات.. بس تعالوا نفهم اللعبة وين!
أغلب الأسعار الرخيصة الي تشوفوها بالبيجات هي أسعار غير حقيقية، والهدف منها بس "جر رجل الزبون"، وتعتمد سياسة الإضافات المخفية.
⚠️ شلون يصعد السعر من 200 الف إلى 700 الف؟
من تجربة شخصية بالسوق، يعطيك سعر متر رخيص، بس بعدين يبدأ الحساب الفعلي:
💡 تريد إضاءة LED أو إنارة داخلية؟ (حساب بوحد)
🛑 تريد جرجف إنارة أو تاج للمطبخ؟ (حساب بوحد)
🚪 أبواب جام، رفوف إضافية، أو يدات؟ (كلها تطلع عليك إضافات)
بالنتيجة.. المطبخ مستحيل يكمل بدون هاي التفاصيل الي هي أساس العمل، وتلكي المجموع الكلي قفز قفزة غير طبيعية وخيالية! وبما إنو أغلب الزبائن مو شغلهم القياس والفيتة (وهذا مو عيب)،
فالصدمة تكون بالنهاية بالوصل.
🤝 سياستنا في "أحمد رياض للنجارة الحديثة"
إحنا نشتغل بوضوح وشفافية من أول دقيقة:
السعر الي نعطيك إياه للمتر.. يشمل كل شيء!
أبواب جام، ليدات وإنارة، جرجف إنارة، تاج، رفوف، يدات.. كلها من ضمن سعر المتر.
لا زيادة ولا نقصان، ولا وجود لأي مصاريف مخفية تشتت تفكيرك أو تصدمك وقت الحساب. تدخل لورشتا وتطلع وأنت عارف ميزانيتك بالضبط وبأعلى جودة.
💬 أخيراً.. شهادتكم هي رأس مالنا:
أتمنى من كل زبائننا الغاليين الي اشتغلوا يمنا سابقاً، يشاركونا تعليقاتهم بكل صراحة عن جودة العمل، المتانة، والتعامل.. نتقبل كل الآراء ونحترم كل الانتقادات لأن هدفنا نطور دائماً.
لأي استفسار أو اقتراح، أنا حاضر وبخدمتكم دائماً ❤️
أخوكم: أحمد رياض للنجارة الحديثة
