02/05/2023
(چل) سوود لە سوودەکانى صەڵاواتدان لەسەر پێغەمبەرى خـوا(ﷺ):
(1) جێبەجێ كردنى فەرمانى خوایە.
(2) لەگەڵ خوادا بوون لە صەڵاواتداندا لەسەر پێغەمبەر(ﷺ) هەرچەندە جیاوازن.
(3) بەشدارى كردن لە صەڵاواتدان لەگەڵ فریشتەكاندا.
(4) دەستكەوتنى دە صەڵاوات لەلایەن خواى گەورەوە بۆ ئەو كەسەى یەك جار صەڵاوات دەدات.
(5) بە هۆى صەڵاواتەوە بەندە دە پلە بەرز دەبێتەوە.
(6) بە هۆى صەڵاواتەوە دە چاكەى بۆ دەنووسرێت.
(7) بە هۆى صەڵاواتەوە دە تاوان و خراپەى لەسەر دەسڕێتەوە.
(8) صەڵاواتدان هۆكارێكە بۆ گیرابوونى دوعــا.
(9) هۆكارێكە بۆ بەركەوتنى شەفاعەتى پێغەمبەر(ﷺ).
(10) هۆكارێكە بۆ لێخۆشبوونى تاوانەكان.
(11) هۆكارێكە بۆ چاودێریى خوایی بەسەر بەندەوە و هاوكارى كردنى لە كاروبارەكانیدا.
(12) نزیكبوونەوەى بەندەیە لە پێغەمبەرەوە(ﷺ) لە ڕۆژى دواییدا.
(13) صەڵاواتدان وەكو ێەدەقەكردن وایە بۆ كەسێك كە لە ناڕەحەتیدا بێت و پێویست بێت.
(14) هۆكارێكە بۆ ڕاپەڕاندن و دەستەبەركردنى پێویستییەكان.
(15) هۆكارێكە بۆ صەڵاواتدانى خوا و فریشتەكان لەسەر كەسەكە.
(16) هۆكارى پاكبوونەوەى بەندەیە و پاكژییە بۆى.
(17) هۆكارێكە بۆ مژدەدان بە كەسەكە بە بەهەشت پێش مردنى.
(18) هۆكارێكە بۆ ڕزگاربوون لە ناخۆشى و دژوارییەكانى ڕۆژى دوایی.
(19) هۆكارێكە بۆ وەبیرهاتنەوەى ئەوەى کە بەندە بیرى چووە.
(20) هۆكارێكە بۆ وەڵامدانەوەى پێغەمبەر(ﷺ) بۆ ئەو كەسەى كە صەڵاوات و سەلامى لێ دەكات.
(21) هۆكارێكە بۆ پاكێتى وچاكێتى كۆڕ و مەجلیس بە شێوەیەك كە خاوەنەكانیان پەشیمانى ناكێشن لەو دانیشتنەیاندا لە ڕۆژى دواییدا.
(22) هۆكارێكە بۆ لابردنى هەژارى و نەدارى.
(23) هۆكارێكە بۆ لابردنى ڕژدى و ڕەزیلى لە بەندەدا.
(24) هۆكارێكە بۆ ڕزگاربوونى لەو دوعایەى لێى دەكرێت.
(25) هۆكارى دۆزینەوەى ڕێگاى بەهەشتە، چونكە خاوەنەكەى دەخاتە سەر ڕێگاى بەهەشت و ئەو كەسەشى كە نایڵێت ڕێگاى لێ ون دەبێت.
(26) ڕزگاربوون لە بۆگەنیى ئەو كۆڕ و دانیشتنەى كە ناوى خوا و پێغەمبەرى تێدا نابرێت.
(27) هۆكارى تەواویى قسە و لێدوانە لە وتار و جگە لەویشدا.
(28) هۆكارى زۆربوونى نوور و ڕۆشنایی بەندەیە لەسەر پردى صیرات.
(29) هۆكارى دەرچوونى بەندەیە لە سەختى و ناڕەحەتى.
(30) هۆكارى بەردەوامبوونى ستایشى خواى گەورەیە بۆ كەسەكە و صەڵاواتدانە لە سەرى لە نێوان ئەهلى ئاسمان و زەویدا.
(31) هۆكارى دروستبوونى فەڕ و بەرەكەتە بۆ بەندە لە كردار و تەمەنیدا.
(32) هۆكارى دەستكەوتنى ڕەحم و میهرەبانیى خوایە.
(33) هۆكارى بەردەوامبوونى خۆشویستنى بەندەیە بۆ پێغەمبەر(ﷺ).
(34) هۆكارى بەردەوامبوونى خۆشویستنى پێغەمبەرە(ﷺ) بۆ كەسى صەڵاواتدەر.
(35) هۆكارى هیدایەتدانى بەندەیە و ژیانەوە و زیندووێتیى دڵێتى.
(36) هۆكارى ناوهێنانى كەسى صەڵاواتدەرە لەلایەن فریشتەكانەوە لاى پێغەمبەرى خوا(ﷺ).
(37) هۆكارى دامەرزان و پێ چەسپانە لەسەر ڕێگاى ڕاست و پردى صیرات.
(38)هۆكارى پێدانى هەندێ لە مافەكانى پێغەمبەرى خوایە(ﷺ).
(39) صەڵاواتدان ذیكر و شوكرى خواى پەروەردگار لە خۆ دەگرێت.
(40) صەڵاواتدان بریتیيە لە دوعا وپاڕانەوە، چونكە داوا لە خوا دەكرێ كە وەصف و ستایشى خۆشەویستەكەى بكات (ﷺ) و داواكاریى بەندەشە بۆ دابینكردنى پێویستیى گرنگ..
