03/06/2026
هەنێ کەس هەن گلەیی لە خەیاتەکان ئەکەن
کە گوایە پێنەو چەن کارێکی ئاسان هەیە کە چی بۆیان ناکەن .
منیش پێیان ئەڵێم :
هەڵەکە لە ئێوەوەیە .
کۆمەڵێک شت هەیە خەباتەکان پێتی ناڵێن وەک ڕێزێک بۆتۆ
یا وەک ئەوەی بڵێی لەگەڵ ئەم کەسەدا هەرچی بڵێی سودی نی یە !!
چونکە ڕەفتارێکی هەڵەی تۆ هەر لەسەرەتاوە کە ئەچیتە ژوورەوە هێند ناشیرین پێناسەت ئەکات و ئەتناسێنێ یەکسەر دوکاندارەکە بەکەسێکی گێل و نەفام و گەوج و نەزانکارت ئەبینێ .
چونکە ئەو جۆرە ڕەوشت و خووانە خەیاتەکان بەسوکایەتی ئەزانن بۆ سەر خۆیان و پیشەکەیان بۆیە زۆر جار بەهەمان ئسلوب وەڵامت ئەدەنەوە .
لەبەر ئەوە و وە بۆ ئەوەی ئەمە چیتر ڕوو نەدات بە هیوام ڕەچاوی ئەم چەند خاڵەی لای خوارەوە بکەن بکەن .
١- هەمیشە کە چویتە ناو دوکانێکەوە کەمێک بووەستە بزانە گوێت بۆ ئەگیرێ گەر قسە بکەی ؟!
کە زانیت قسە بەکەس نابڕیت و نورەی کەس پێشێل ناکەیت و خۆیان فەرمووت لێ ئەکەن و مەجالت هەیە
لە پێشدا سەلامێک بکە .
هەر لە خۆتەوە سەر مەکە بە هەر دوکانێکا و یەکسەر بێ هیچ پێشەکییەک بڵێی ئاکاکە ئەم
شتەم بۆ چاک بکە بێ سەلام و کەلام .
کەوات کرد خەیاتەکە تۆ بە کەسێکی ئاست نزم لە دواکەوتووی ژیری و نەبوونی ڕۆشنبیری و ڕەوشت و بەکەسێکی سەرسەری و بێ ڕێزت ئەزانن .
بۆیە هەر لەدەرگاکەوە ڕەفزت ئەداتێ .
پارە هەموو شتێک نیەیە !!!
٢- ئەو شتەی کە پێتە و ئەتەوێ بۆت چاک بکەن پێشتر جوان بیشۆرەو لەعلاگەیەکی پاکدا بیهێنە بۆ خەیاتەکە .
چونکە خەیاتەکان زۆر حەزیان لە پاکو خاوێنی یە .
ناکرێ تۆ جلێکی چڵنی سەر ئیش یا خود کراسێک یا چۆغەیەکی بندەست عارەقاوی یا پانتۆڵێک کە لە ئاودەستەوە هاتویتەتە دەرەوە بۆ نموونە زنجیری پانتۆڵەکەت خراپ بووە و پانتۆڵەکەت هێشتا ئاوی تارەتەکەتی پێوەیە بێت و بڵێی ئا کاکە ئەم زنجیرەم بۆ چاک بکە هەر لەویا خۆت ڕووت بکەیتەوە بێ شەرمانە .
ئەمە شتێکی زۆر نا لۆژیکی و دوورە لە ڕەوشتی بەرزی هەر کەسێکی تێگەیشتوو پێگەیشتووی عاقڵەوە .
کەوا هاتی دڵنیابە پارەی چوار پانتۆڵیشی بدەیتێ بۆتی چاک ناکات و بە دەشتەکی و بێ عەقڵ و سوکیشت ئەزانێ .
٣- جگەرەکەت لەدەرەوەی دەکانەکە بکوژێنەرەوەو و فڕێی بدە نەک بە دوکەڵ و تەپوتۆزەوە خۆت بکەی بە ژووردا با خەیاتەکە خۆیشی جگەرە کێش بێت .
چونکە دوکەڵ و بۆنەکەی هەر ئەمێنێتەوە کە دوایی ئەبێتە هۆی بێزار کردنی مشتەری خەیاتەکە .
هەتا ڕەفتارت جوان بێت ئیشەکەت هەر چەن قورسیش بێت دڵنیابە بۆتی ئەکەن ، مەگەر مەجالی نەبێت یان هەر نەیزانێ .
تۆش گەر شتێکی تر ئەزانی لێی مەوەستەو بابەتەکەی پێ دەوڵەمەند بکە .... . . .
وەهبی هەڵەبجەیی
