Sjoppan vöruhús er lítið fjölskyldufyrirtæki í Listagilinu á Akureyri sem hefur selt fjölbreyttar, skemmtilegar og vandaðar hönnunarvörur út um lúgu frá árinu 2014. Sjoppan er sennilega eina og minnsta hönnunarsjoppan á Íslandi. Eigendum hafði dreymt um að bjóða fólki upp á fleiri vörur en þær sem þau framleiða undir merkinu ALMAR vöruhönnun en vegna plássleysis á vinnustofunni varð ekkert úr því.
Þegar skipta þurfti um útihurð ákváðu þau að nýta tækifærið, láta útbúa lúgu á hurðina og opna litla verslun í anddyrinu. Þannig nýta þau plássið vel og fólk getur komið og keypt sér fallegar vörur gegnum lúguna. Vandaðar vörur, helst með smá húmor, innlendar sem erlendar. Eins og nafnið segir til um er stærðin (3,5fm) ekki vandamál og stefnt á að selja stóra sem litla hluti og jafnvel halda einhverja viðburði eins og tónleika, ljóðalestur og fleira. Almar og Heiða reyna eftir fremsta megni að veita góða og persónulega þjónustu. Opnunartími er breytilegur dag frá degi en hægt er að sjá hann efst á heimasíðunni okkar sjoppanvoruhus.is. Hringja þarf bjöllunni til að fá aðstoð. Mögulegt er að redda vörum utan opnunartíma í síma 864-0710
UPPLÝSINGAR UM SELJANDA
Sjoppan vöruhús / Almar Alfreðsson
Kaupvangsstræti 21
600 Akureyri
Iceland
Kt. 071080-5449
Reikningsnr. 565-26-7793
VSK númer: 112733
Sími: 864-0710
Netfang: [email protected]
