16/12/2025
Viltu koma með mér á sýninguna The Stitch Festival ? Í samstarfi við ferðaskrifstofuna Trans Atlantic mun ég verða fararstjóri til London á þessa frábæru sýningu 19.-22. mars 2026.
Á sýningunni The Stitch Festival koma saman um 150 söluaðilar sem sýna og selja margs konar efnivið til að nota í útsaum, fatasaum, prjóni og öðru handverki. Ættu því allir að finna eitthvað við sitt hæfi því úrvalið er mikið. Á þessari skemmtilegu sýningu muntu fá ógrynni af nýjum hugmyndum, getur hlustað á fyrirlestra og fylgst með sýnikennslu á margs konar handverki.
https://www.thestitchfestival.co.uk/ hér getur þú séð m.a. myndir frá sýningunni í fyrra.
Ég mun leiða hópinn á sýninguna og einnig mun ég koma með hugmyndir að búðum/ götum sem gaman væri að heimsækja á frjálsum dögum - ef þú hefur ekki fengið nóg á sýningunni 🙂
Hægt er að fara á stutt námskeið (1-2 klst) í margs konar handverki, sjá auglýsingu / framboð hér :
https://thestitchfestival.seetickets.com/workshops/the-stitch-festival-workshops
Ferðin kostar 199.300 kr miðað við 2ja manna herbergi.
Innifalið í því verði :
Gist verður á hótelinu Hilton London Angel Islington (4 stjörnu). Það getur ekki verið betur staðsett. Alveg við hliðin á sýningarhöllinni þannig að ekki er langt að fara og við getum meira að segja skotist upp á herbergi og hvílt okkur eða losað okkur við varning sem við kaupum.
Flogið er með Icelandair - morgunflug á fimmtudegi og kvöldflug á sunnudegi. 1 taska innifalin.
Miði á sýninguna fyrir 2 daga.
Rúta til og frá Heathrow.
Fararstjórn
Staðfestingargjald er 45.000 kr.
Ef þú hefur áhuga og/eða vilt skrá þig í ferðina þá er bara að senda mér línu. [email protected]
