Precious hair braiding and beading

22/03/2025

Rwanda chop 2 goals to nil from Nigeria for di first half of dia 2026 World Cup qualifier match.

Na Galatasaray striker Victor Osimhen net di two goals for di Super Eagles.

How di second half go end?

Follow di live updates for here: https://www.bbc.com/pidgin/articles/cdrx423j04jo

22/03/2025

President Bola Tinubu don commend di National Assembly for dia approval of im declaration of state of emergency for Rivers State, south-south Nigeria.

Di president describe am as patriotic decision wey prioritise di welfare and security of di state residents.

For one statement by Bayo Onanuga wey be di president special adviser on information and strategy, Tinubu praise di Senate President Godswill Akpabio, Speaker of di House of Representatives Tajudeen Abbas, and oda lawmakers for dia support.

E say di crisis for Rivers State bin dey threaten di security of vital oil and gas installations and undermine di national economy.

“Dis emergency measure na lifeline to stabilise di state and prevent further escalation,” Tinubu tok.

22/03/2025

22/03/2025

George Foreman get astonishing total of 76 wins including 68 knockouts, almost double dat of Muhammad Ali.

22/03/2025

Former Nigeria vice president Atiku Abubakar don announce say opposition figures for di kontri dey ready to challenge President Bola Ahmed Tinubu for di 2027 presidential election.

Atiku wey bin run for presidency under Peoples Democratic Party (PDP) for 2023 general elections yarn dis one for one press conference for Abuja on Thursday.

Oda opposition figures wey include former Kaduna State govnor Nasir El-Rufai follow dey di press conference wey shele for Yar’adua centre.

Atiku say di g*thering na di birth of opposition coming togeda ahead of di next elections.

As e dey answer questions on weda di opposition coalition press conference na di coming togeda of opposition leaders, Atiku say, “Dis na di birth of di coalition of opposition ahead of 2027."

22/03/2025

Di Director-General of di National Youth Service Corps, Brigadier General Olakunle Nafiu say dem go begin pay 77,000 naira monthly allawee to corps members from March 2025.

Currently, corps members dey collect 33,000 naira monthly allawee and dem dey wait for wen di federal goment go increase di allowance.

DG Nafiu make di announcement wen e tok to corps members on Thursday 20 March for NYSC Zonal offices for Abuja.

"Wit effect for March, you go dey receive di sum of 77,000 naira as your monthly allowance," di DG tok.

22/03/2025

Dem hack di X account of Ghana President John Mahama to promote one cryptocurrency scheme.

According to di Cyber Security Association for Ghana, di incident happun on 17 March wen dem receive information say di President X account dey compromised.

However, Ghana President reveal on Tuesday 18 March say im X account don come back afta im team work wit X team to recova am.

“My team don restore my account, working wit di X support team.”

Although, nobodi don claim responsibility for di hack of Ghana President X account.

22/03/2025

Nnamdi Kanu don plead not guilty to terrorism charges wey Nigeria goment sama am as im trial begin afresh on Friday.

Di trial of di Indigenous People of Biafra (Ipob) start afresh for di Federal High Court in Abuja, afta Kanu ask Justice Binta Nyako to withdraw hersef from di matter wen e accuse her of partiality.

At di resumed hearing, Kanu plead not guilty to di seven counts of terrorism against am.

Justice Omotosho wey dey in charge of dis case now, grant accelerated hearing for di matter as e don drag on for 10 years come adjourn di case to to 29 April, 2nd and 6th May 2025 for trial to start.

Nigeria goment dey accuse Kanu of terrorism and attempts to bring down goment, sake of di activities of Ipob, a group wey dey agitate to break away from di south eastern region of Nigeria to become independent kontri wey im name go be Biafra.

Also earlier for court on Friday, Kanu Agabi, a former Attorney General of di federation wey be one of Nnamdi Kanu lawyers wen di matter bin go to di Supreme Court bin don apologise for Kanu outburst against di former judge for di case, Binta Nyako.

Kanu case dey start again becos wen a new judge take over a case wey bin din dey go on, e no matter how far di case bin don go, di matter go start again from di beginning.

More on di tori dey here: https://www.bbc.com/pidgin/articles/c4g0j55pk1qo

22/03/2025

Ghana attorney general don drop treason charges against popular social activist Oliver Barker-Vormawor wey don dey stand trial since 2022.

Dem arrest Oliver as im enta di kontri in February 2022 as goment say im social media post about one controversial tax dey treasonable.

Dem say di convener bin suggest say if goment bin pass di electronic transaction levy, im go lead coup.

Na so dem arrest am wia dem charge am wit treason felony – offence for Ghana wey be punishable by death.

Pipo at di time tok say na attempt by di former goment to silence free speech – afta three years, di case no reach anywhere.

Na so di new attorney general don drop di charges as im do wit some ogbonge cases sake of “ethical considerations, legal principles and commitment to fairness and transparency.”

Oliver wey be lawyer and PhD candidate for Cambridge university tok say “di intention of di arrest and trial na to scata my doctoral programme – wia di goment don succeed.”

“Now make una release my passport and remove me from di no-fly list. Also as I bin lose my funding for Cambridge, we g*t to chook mouth for dat mata so I fit to finish my programme,” Oliver write for social media.

For September 2024, police bin arrest Oliver Vormawor and 53 odas during one demonstration against illegal mining for di kontri.

Di police charge dem wit unlawful assembly and breach of peace and destruction of public property among odas.

But di new attorney general Dr Dominic Ayine don drop di case against those pipo also.

22/03/2025

Former Nigeria president Goodluck Jonathan tok say di suspension of elected officials for Rivers State by President Bola Tinubu don paint di kontri in neg*tive light.

Jonathan yarn dis one wen im speak as di chairman at di Haske Satumari Foundation Colloquium for Abuja on Saturday, 22 March.

E say im dey disappointed say elected officials chop suspension.
“Dis actions by key actors in di executive and legislative arms of goment paint di kontri in neg*tive light,” e tok.

Dis dey come afta President Tinubu bin declare state of emergency in di oil-rich south-south region, and suspend Govnor Siminalayi Fubara, im deputy, Ngozi Odu, and all elected members of di state House of Assembly for six months.

President Tinubu say im decision na to restore stability for di state wey bin don dey witness political kasala sake of di disagreement between di state govnor and di state lawmakers.

12/08/2023