គ្រួសាររុងរឿង Krousar Rongroeung

09/08/2026

19/07/2026

18/07/2026

នៅតែយើង មិនដឹងពេលណាទើបផ្លាស់ប្ដូរ

ជប៉ុនត្រូវបានគេទទួលស្គាល់ថា ជាប្រទេសដែលមានអាហារថ្ងៃត្រង់ដែលមានសុខភាពល្អជាងគេនៅលើពិភពលោក ហើយឥលូវនេះ ជប៉ុនបានដកចេញនូវរាល់អាហារកែច្នៃចេញពីតាមស្តង់លក់អាហារនៅតាមសាលារៀនជាច្រើន ដើម្បីជួយលើកកម្ពស់ដល់សុខភាពរបស់កុមារ។

ប្រព័ន្ធអាហារថ្ងៃត្រង់នៅតាមសាលារបស់ប្រទេសជប៉ុន ច្រើនតែទទួលបានការកោតសរសើរទូទាំងពិភពលោក សម្រាប់ការយកចិត្តទុកដាក់ទៅលើអាហារដែលសម្បូរសារធាតុចិញ្ចឹម ស្រស់ និងមានតុល្យភាព។ ជំនួសអោយអាហារកែច្នៃខ្លាំង (highly processed food) សាលារៀនជាច្រើនបានបម្រើជូនអាហារដែលចម្អិនចេញពីបន្លែស្រស់ ត្រី សាច់ បាយ និងស៊ុប ដែលរៀបចំប្រចាំថ្ងៃសម្រាប់សិស្ស។

គោលដៅ គឺមិនត្រឹមតែជួយធ្វើអោយសុខភាពកុមារប្រសើរឡើងនោះទេ ប៉ុន្តែក៏ដើម្បីបង្រៀនពីទម្លាប់នៃការទទួលទានអាហារសុខភាព អោយមានអាយុវែងផងដែរ។

មានមតិជាច្រើនបានលើកឡើងថា ការធ្វើបែបនេះ មិនត្រឹមតែជួយដល់សិស្សានុសិស្សអោយស្វែងយល់ពីអាហាររូបត្ថម្ភនោះទេ ប៉ុន្តែថែមទាំងជួយអោយពួកគេមានចំណូលចិត្តទៅលើអាហារពិតផងដែរ (real food)។

ក្រឡេកមកមើលប្រទេសកម្ពុជាវិញ សព្វថ្ងៃយើងសង្កេតឃើញថាមានសាលារៀនគម្រូមួយចំនួនអាចធ្វើបានហើយ ស្របពេលដែលនៅតាមសាលារៀនមួយចំនួនទៀត នៅតែដាក់លក់អាហារកែច្នៃដែលមានគុណភាពទាបនៅឡើយ។ សង្ឃឹមថាក្នុងពេលអនាគតខាងមុខ កម្ពុជានឹងដើរដល់ចំណុចនេះ ដូចប្រទេសជប៉ុនដែរ។

ឯកសារយោង៖
BBC: Japan’s School Lunch System
Reuters: Healthy School Meals Around the World
National Geographic: Global Nutrition Trends

17/07/2026

ផ្អែកតាមសេចក្តីប្រកាសព័ត៌មានរបស់ក្រសួងសុខាភិបាល ស្តីពី «ការការពារសុខភាព ត្រៀមបង្ការ និងឆ្លើយតបនឹងគ្រោះទឹកជំនន់» វិធានការណែនាំត្រូវបានបែងចែកជា ៣ ដំណាក់កាលដូចខាងក្រោម៖

​១- មុនពេលទឹកជំនន់
👉 ​ត្រូវតាមដានស្ថានភាពទឹកជំនន់ ត្រៀមទីទួលសុវត្ថិភាព និងបម្រុងទុកស្បៀងអាហារ ទឹកស្អាត និងឱសថសង្គ្រោះបន្ទាន់។
👉 ​ត្រូវរៀបចំទ្រុង ឬប្តូរទីកន្លែងសត្វចិញ្ចឹមឱ្យបានស្អាត និងសាងសង់បង្គន់ឱ្យបានខ្ពស់ដើម្បីការពារទឹកជំនន់។

​២- អំឡុងពេលមានទឹកជំនន់
👉​សុវត្ថិភាពស្នាក់នៅ និងអគ្គិសនី៖ មិនត្រូវចូលទៅក្នុងផ្ទះ ឬអគារទ្រុឌទ្រោមព្រោះអាចស្រុតបាក់ និងដាច់ខាតមិនត្រូវប៉ះពាល់គ្រឿងប្រើប្រាស់អគ្គិសនីដោយដៃសើម ឬកំពុងឈរនៅក្នុងទឹកឡើយ។
👉​ការការពារជំងឺ៖ ត្រូវគេងក្នុងមុងគ្រប់ពេលដើម្បីការពារជំងឺគ្រុនឈាម គ្រុនចាញ់ និងគ្រុនឈីក ហើយត្រូវដុសលាងខ្លួនប្រាណនឹងទឹកស្អាត និងសាប៊ូដើម្បីបង្ការជំងឺសបែក និងភ្នែកក្រហម។
👉​សុខភាពមាតា និងទារក៖ ស្រ្តីមានផ្ទៃពោះត្រូវតាមដាន និងពិនិត្យផ្ទៃពោះតាមកាលកំណត់ ហើយបើជិតដល់ពេលសម្រាល ត្រូវរកកន្លែងស្នាក់នៅក្បែរមណ្ឌលសុខភាព ឬមន្ទីរពេទ្យដែលនៅជិតបំផុត។
👉​ការគាំទ្រជនងាយរងគ្រោះ៖ ត្រូវយកចិត្តទុកដាក់ជួយមនុស្សចាស់ កុមារ និងជនពិការ ដោយត្រៀមឱសថដែលពួកគាត់កំពុងប្រើប្រាស់ប្រចាំថ្ងៃឱ្យបានគ្រប់គ្រាន់។
👉​សុវត្ថិភាពការធ្វើដំណើរ៖ ការធ្វើដំណើរតាមទូកឬកាណូតមិនត្រូវផ្ទុកមនុស្សហួសកម្រិតឡើយ ហើយការធ្វើដំណើរពេលយប់ត្រូវមានភ្លើងបំភ្លឺ និងត្រូវមានអាវពោងសុវត្ថិភាពជានិច្ច។
👉​ការបង្ការសត្វអសិរពិសខាំ៖ ត្រូវប្រុងប្រយ័ត្នពិនិត្យឱ្យបានត្រឹមត្រូវមុនទៅកាន់ទីទួលសុវត្ថិភាព ជៀសវាងការដើរយប់ (បើខានមិនបានត្រូវស្លៀកខោជើងវែង និងពាក់ស្បែកជើងវែង) ហើយករណីមានសត្វអសិរពិសខាំ ត្រូវបញ្ជូនជនរងគ្រោះទៅមណ្ឌលសុខភាព ឬមន្ទីរពេទ្យជាបន្ទាន់។
👉​អនាម័យចំណីអាហារ និងទឹកស្អាត៖ ត្រូវប្រើប្រាស់ទឹកស្អាត (ដាំពុះ ប្រើធុងចម្រោះ ឬប្រើថ្នាំក្លរ៉ាមីន ធី ឬអាគីតាប ៥០០មីលីក្រាម ចំនួន ១គ្រាប់រលាយក្នុងទឹក ២០លីត្រ ទុកចោល ៣០នាទីមុនប្រើ)។ ត្រូវពិសាចំណីអាហារដែលឆ្អិនល្អ គ្របឱ្យជិត និងលាងសម្អាតដៃនឹងសាប៊ូឱ្យបានញឹកញាប់ មុននិងក្រោយបរិភោគអាហារ និងក្រោយចេញពីបង្គន់។

​៣- ក្រោយពេលទឹកជំនន់
👉​បន្តរក្សាអនាម័យក្នុងការបរិភោគចំណីអាហារ ទឹកស្អាត ព្រមទាំងសម្រាន្តក្នុងមុងគ្រប់ពេល និងរក្សាអនាម័យខ្លួនប្រាណឱ្យបានស្អាត។
👉​ពិនិត្យមើលផ្ទះក្រែងមានបាក់ស្រុត និងប្រុងប្រយ័ត្នសត្វអសិរពិសដែលលាក់ខ្លួន។
👉​ធ្វើអនាម័យបរិស្ថានជុំវិញផ្ទះ និងក្នុងផ្ទះ ជៀសវាងការដក់ទឹកនាំឱ្យកើតមូសខ្លា និងមូសដែកគោល លាងសម្អាតអណ្តូងទឹកឡើងវិញ ព្រមទាំងជួសជុលបង្គន់ឱ្យបានត្រឹមត្រូវ។

​ចំណាំ៖ នៅគ្រប់ដំណាក់កាល ប្រសិនបើមានបញ្ហាសុខភាព សូមស្វែងរកការពិគ្រោះ ពិនិត្យ និងព្យាបាលជំងឺជាបន្ទាន់នៅប៉ុស្តិ៍សុខភាព មណ្ឌលសុខភាព ឬមន្ទីរពេទ្យដែលនៅជិតលោកអ្នកបំផុត។ សម្រាប់ព័ត៌មានបន្ថែម អាចទាក់ទងលេខទូរស័ព្ទ Hotline របស់ក្រសួងសុខាភិបាល លេខ 115 ដោយឥតគិតថ្លៃ។

👉 សូមជួយចុច SHARE ចែករំលែកព័ត៌មាននេះទៅកាន់បងប្អូន និងមិត្តភក្តិរបស់អ្នក ដើម្បីឲ្យពួកគាត់បានដឹង

12/07/2026

អ្នកគ្រូសសើរអូន រតនៈ ថា ស្រួលញាំ ស្រួលគេង ចេះសម្របខ្លួន ជាមួយមិត្តភក្តិ ចូលចិត្តលេងជាមួយបងបងៗ ធំជាងខ្លួនឯង 🥰
កូនម៉ាក់ពូកែណាស់ 😘😘
ការប្រឹងប្រែង ខ្លះ ទទួលបានលទ្ធផលយូរអង្វែងទៅមុខទៀត ម៉ាក់ៗដែល កំពុងពិបាករឿងកូនញាំ ក៉ំបោះបង់ ព្យាយាម ជាបន្តបន្ទាប់ ម៉ាក់នឹងបានឃើញជាផ្លែផ្កាជាក់ជាមិនខាន ជឿខ្ញ៉ំទៅ ក្មេងត្រូវការពេលវេលា ដើម្បីទទួលយកបទពិសោធន៍ និងរសជាតិថ្មី 🌸❤️

12/07/2026

🛑 លោកប៉ាអ្នកម៉ាក់ដឹងទេ... ថាតើមូសខ្លាខាំភ្លាម កូននឹងក្តៅខ្លួនគ្រុនឈាមភ្លាមមែនទេ? 🦟
ចម្លើយគឺ៖ ទេ! ❌ កូនៗមិនចេញរោគសញ្ញា ឬក្តៅខ្លួនភ្លាមៗនោះទេ។

👉 នេះជាការពិតអំពីជំងឺគ្រុនឈាមដែលឪពុកម្តាយគ្រប់រូបត្រូវដឹង ដើម្បីសង្គ្រោះជីវិតកូនៗ៖

-រយៈពេលសម្ងំនៃមេរោគ៖ បន្ទាប់ពីមូសខ្លាដែលមានផ្ទុកមេរោគខាំ វានឹងប្រើពេលពី ៤ ទៅ ១០ថ្ងៃ ទើបកូនចាប់ផ្តើមចេញរោគសញ្ញា។ ស្នាមក្រហម ឬរមាស់ភ្លាមៗនៅកន្លែងមូសខាំ គ្រាន់តែជាប្រតិកម្មស្បែកធម្មតាប៉ុណ្ណោះ។

-រោគសញ្ញាដែលត្រូវប្រកាសអាសន្ន៖ ក្រោយរយៈពេលសម្ងំផុតទៅ កូននឹងមានអាការៈក្តៅខ្លួនខ្លាំងភ្លាមៗ (អាចដល់ ៤០°C) ឈឺក្បាល ឈឺប្រឡង់ភ្នែក ឈឺសាច់ដុំនិងសន្លាក់ ក្អួតចង្អោរ ឬមានស្នាមអុចក្រហមៗលើស្បែក។

យល់ដឹងលំអិតពីសញ្ញាជំងឺគ្រុនឈាម https://www.facebook.com/share/p/1E41b4E1vK/

⚠️ បម្រាមដាច់ខាតដែលប៉ាម៉ាក់ត្រូវចងចាំ៖
ប្រសិនបើកូនក្តៅខ្លួនខ្លាំង សូម កុំទិញថ្នាំផ្តាសាយ ឬថ្នាំបំបាត់ការឈឺចាប់ (ដូចជា អាស្ពីរីន ឬ អ៊ីប៊ុយប្រូហ្វេន) ឱ្យកូនលេបដោយខ្លួនឯងឱ្យសោះ ព្រោះវាអាចបណ្តាលឱ្យមានការហូរឈាមក្នុងរាងកាយយ៉ាងធ្ងន់ធ្ងរ! ថ្នាំដែលអាចប្រើបញ្ចុះកម្តៅបានមានតែ ប៉ារ៉ាសេតាម៉ុល (Paracetamol) ប៉ុណ្ណោះ។

🏥 អ្វីដែលអ្នកត្រូវធ្វើ៖
បើឃើញកូនក្តៅខ្លួនខ្លាំងខុសធម្មតា សូមប្រញាប់បញ្ជូនកូនទៅមន្ទីរពេទ្យកុមារ ឬមណ្ឌលសុខភាពដែលនៅជិតបំផុតជាបន្ទាន់ ដើម្បីពិគ្រោះជាមួយគ្រូពេទ្យ និងធ្វើតេស្តឈាម។
ការពារប្រសើរជាងព្យាបាល! សូមចូលរួមលុបបំបាត់ជម្រកមូសខ្លានៅជុំវិញផ្ទះ និងឱ្យកូនគេងក្នុងមុងជានិច្ច ទាំងយប់ទាំងថ្ងៃ។

សង្គ្រោះជីវិតកុមារចាប់ផ្តើមពីយើងទាំងអស់គ្នា! សូមជួយ Share ព័ត៌មាននេះ ដើម្បីជាការដាស់តឿន និងចែករំលែកចំណេះដឹងដល់លោកប៉ាអ្នកម៉ាក់ដទៃទៀតផង! 🙏❤️

សូមជួយចែករំលែក (Share) ចំណេះដឹងនេះដើម្បីសុខភាព និងសុវត្ថិភាពកុមារទាំងអស់គ្នា! ស្វែងយល់បន្ថែមជាមួយខ្ញុំ https://t.me/AngtaminhKidClinic ឬតាមដាន Page ដើម្បូដឹងបន្តពីសញ្ញាគ្រោះថ្នាក់

#ជំងឺគ្រុនឈាម #សុខភាពកុមារ #ចំណេះដឹងសម្រាប់ឪពុកម្តាយ #ការពារកូនពីមូសខ្លា #សុខភាពគ្រួសារ Awareness

09/07/2026

🚨 ចំណេះដឹងសុខភាពសម្រាប់មាតាបិតា៖ តើអ្វីខ្លះជាសញ្ញាសម្គាល់នៃជំងឺគ្រុនឈាមលើកុមារ? 🚨

លោកប៉ាអ្នកម៉ាក់ជ្រាបទេថា ជំងឺគ្រុនឈាម (Dengue Fever) គឺជាជំងឺដែលបង្កឡើងដោយវីរុសតាមរយៈការខាំចម្លងពីមូសខ្លា។ វាជារឿងសំខាន់ណាស់ដែលអ្នកអាណាព្យាបាលត្រូវតាមដានអាការៈកូនៗឱ្យបានដិតដល់ ព្រោះជំងឺនេះអាចបង្កគ្រោះថ្នាក់ដល់អាយុជីវិត ប្រសិនបើមិនទទួលបានការព្យាបាលបានត្រឹមត្រូវទាន់ពេលវេលា។

ខាងក្រោមនេះគឺជា សញ្ញាសម្គាល់នៃជំងឺគ្រុនឈាមលើកុមារ ដែលលោកប៉ាអ្នកម៉ាក់ត្រូវសង្កេតមើល៖

🔹 រោគសញ្ញាទូទៅនៃជំងឺគ្រុនឈាម: រោគសញ្ញាច្រើនលេចឡើងចន្លោះពី ៤ ទៅ ១០ ថ្ងៃបន្ទាប់ពីមូសខ្លាខាំ មិនខាំភ្លាមឈឺភ្លាមនោះទេ
🌡️ គ្រុនក្តៅខ្លាំងភ្លាមៗ៖ កម្តៅអាចឡើងដល់ ៣៩ ទៅ ៤០ អង្សាសេ ហើយក្តៅជាប់រហូតពី ២ ទៅ ៧ ថ្ងៃ។
🤕 ឈឺក្បាល និងឈឺប្រឡង់ភ្នែក៖ កុមារអាចត្អូញត្អែរថាឈឺក្បាលខ្លាំង និងចុកគ្រាគ្រាប់ភ្នែក។
🦴 ឈឺសាច់ដុំ និងសន្លាក់៖ មានអាការៈចុករោយខ្លួនប្រាណ និងសន្លាក់ឆ្អឹង។
🤢 ចង្អោរ និងក្អួត៖ កុមារអស់កម្លាំង ល្ហិតល្ហៃ និងញ៉ាំអាហារមិនបាន។
🔴 កន្ទួលក្រហមលើស្បែក៖ ច្រើនលេចឡើងបន្ទាប់ពីក្តៅខ្លួនបាន ២ ទៅ ៥ ថ្ងៃ (លេចចេញជាស្នាមអុចក្រហមតូចៗលើស្បែក)។

ការពារប្រសើរជាងព្យាបាល! សូមចូលរួមលុបបំបាត់ជម្រកមូសខ្លានៅជុំវិញផ្ទះ និងឱ្យកូនៗគេងក្នុងមុងជានិច្ច ដើម្បីសុវត្ថិភាពនិងស្នាមញញឹមរបស់ពួកគេ។ 💖

សញ្ញាព្រមានជំងឺគ្រុនឈាម https://www.facebook.com/share/p/1DEwFY639i/

👇 សូមជួយ Share ចែករំលែកសារដ៏សំខាន់នេះទៅកាន់ប៉ាម៉ាក់ដទៃទៀត ដើម្បីឱ្យពួកគាត់បានដឹង និងរួមគ្នាការពារជីវិតកូនៗពីជំងឺគ្រុនឈាមទាំងអស់គ្នា! 🙏❤️
ស្វែងយល់បន្ថែមជាមួយខ្ញុំ https://t.me/AngtaminhKidClinic ឬតាមដាន Page ដើម្បីទទួលបានបន្ថែមពីជំងឺគ្រុនឈាម

#ជំងឺគ្រុនឈាម #គ្រោះថ្នាក់ជំងឺគ្រុនឈាម #សុខភាពកុមារ #ចំណេះដឹងសម្រាប់ប៉ាម៉ាក់ #សង្គ្រោះបន្ទាន់

#សុខភាពកុមារ #ជំងឺគ្រុនឈាម #មាតាបិតាត្រូវដឹង #ការថែទាំកុមារ