05/09/2022
តើគួរចូលរៀនសាកលវិទ្យាល័យដែរឬទេ បើពេលខ្លះសញ្ញាបត្រសាកលវិទ្យាល័យមិនស្មើនឹងចំណូលរបស់មីងលក់គុយទាវ?
នៅពេលដែលផ្សព្វផ្សាយពីការអប់រំនៅសាកលវិទ្យាល័យ ខ្ញុំតែងតែត្រូវបានសួរសំនួរនេះ។ យុវជនមួយចំនួនតែងតែលើកឡើងថា ប្រាក់ខែរបស់អ្នកដែលមានសញ្ញាបត្រសាកលវិទ្យាល័យមិនស្មើនឹងអ្នកលក់គុយទាវ មានអ្នកខ្លះប្រៀបធៀបជាមួយពលករចំណាកស្រុក ឬអ្នកលក់ដូរ។
ដោយសារដូច្នេះហើយទើបអ្នកដែលតាមស្វែងរកចំណេះដឹងតែងតែមានការហត់នឿយដោយសារតែមិនឃើញសារៈប្រយោជន៍។ ពេលខ្លះក៏ក្តៅចិត្តដោយសារតែរៀនសាកលវិទ្យាល័យ៤ឆ្នាំ ពេលចេញធ្វើការប្រាក់ខែមិនស្មើអ្នកដែលមិនរៀនសោះ។
«ខ្ញុំឯកភាព»
ជាមួយប្រាក់ខែជាមធ្យមប្រចាំខែ ២៥០ដុល្លារ មានយុវវ័យមួយចំនួនសួរថានេះឬជាតម្លៃនៃការសិក្សា។ ហើយប្រាក់ខែមធ្យម៥០០ដុល្លារក្នុងមួយខែ មានការលំបាកក្នុងការបញ្ចុះបញ្ចូលអ្នកដទៃថា ការសិក្សាជាផ្លូវកាត់សម្រាប់ការចាកចេញពីភាពក្រីក្រ។
ចំពោះខ្ញុំការយល់ឃើញនេះ ជាការយល់ឃើញមិនទាន់ស៊ីជម្រៅនៅឡើយទេ។
បុគ្គលិកគឺជាមនុស្សដែលធ្វើការយកប្រាក់ខែ ចំណែកអ៉ីអ្នកលក់គុយទាវគឺជាអ្នករកស៊ី។ ដូច្នេះមិនអាចប្រៀបធៀបគ្នាបានទេដោយសារចំណុចខុសគ្នាដូចខាងក្រោម៖
1. បុគ្គលិកការិយាល័យធ្វើការតែ៨ម៉ោងក្នុងមួយថ្ងៃ រៀងរាល់សប្តាហ៍ធ្វើការតែ ៥ថ្ងៃ ឬថែមថ្ងៃសៅរ៍មួយព្រឹកទៀត។ ជារៀងរាល់ឆ្នាំមានច្បាប់សម្រាក់ពី ១ទៅ២សប្តាហ៍ដោយមិនកាត់ប្រាក់ខែ។ មានរបបជាច្រើនដូចជា៖ ធានារ៉ាប់រងសង្គម ធានារ៉ាប់រងសុខភាព និងធានារ៉ាប់រងគ្រោះថ្នាក់ការងារ មិនទាន់និយាយដល់ការតម្លើងតំណែង តម្លើងប្រាក់ខែផង។ ចាប់ផ្តើមពី ២៥០ដុល្លារ/ខែ យូរៗទៅឡើងដល់ ៥០០ដុល្លារ/ខែ ឬ ១០០០ដុល្លារ/ខែ។
2. អ៉ីលក់គុយទាវត្រូវធ្វើការ ១២ម៉ោង/ថ្ងៃ រយៈពេលដែលឈរលក់គ្រាន់តែជាផ្នែកមួយតែប៉ុណ្ណោះ ក្រៅពីនោះត្រូវភ្ញាក់ឡើងតាំងពីព្រលឹមដើម្បីចំអិនទៀត។ ជារៀងរាល់សប្តាហ៍ច្បាស់ណាស់គ្មានបានសម្រាក់មួយថ្ងៃណាឡើយ ហើយក៏មិនមានថ្ងៃដែលឈប់សម្រាក់ហើយនៅតែមានប្រាក់ខែដែរ។ គ្មានធានារ៉ាប់រងសង្គម គ្មានធានារ៉ាប់រងសុខភាព គ្មានធានារ៉ាប់រងគ្រោះថ្នាក់ការងារ មានបញ្ហាអីត្រូវទទួលខុសត្រូវដោយខ្លូនឯង។ ឳកាសបង្កើនប្រាក់ចំណូលលុះត្រាតែលក់ច្រើនជាងមុន ឬបើកសាខាបន្ថែម តែធ្វើបែបនេះត្រូវមានទុន ហើយប្រកួតប្រជែងខ្លាំងណាស់។
អ្នកទៅធ្វើការក្រុមហ៊ុនមិនមានហានិភ័យ តែអ៉ីអ្នកលក់គុយទាវកំពុងលេងល្បែងភ្នាល់ជូនកាលត្រូវចាញ់ខាតទាំងដើមក៏មាន។
ដើម្បីអោយបានឃើញច្បាស់យើងគណនាតម្លៃដែលបុគ្គលិកនឹងអ៉ីលក់គុយទាវរកបានជារៀងរាល់ថ្ងៃ
1. ជារៀងរាល់ថ្ងៃគាត់រកបាន ៤០ដុល្លារ/ថ្ងៃ ដូច្នេះមួយខែ ១,២០០ដុល្លារ
2. ប្រសិនបើគាត់ធ្វើតែ ៥ថ្ងៃ/សប្តាហ៍ ដូច្នេះ ២០ថ្ងៃ/ខែ ស្មើនឹង ៨០០ដុល្លារ
3. ហើយត្រូវបង់ថ្លៃធានារ៉ាប់រងដូចបុគ្គលិកការិយាល័យ ៣៣% នោះនៅលស់ត្រឹមតែ ៥៣៦ដុល្លារតែប៉ុនោះ។
នោះគឺជាភាពខុសគ្នា អ្នកគិតថាគាត់មានប្រាក់ចំណូលខ្ពស់តែការពិតគាត់មានប្រាក់ចំណូលខ្ពស់ជាងអ្នកបន្តិចតែប៉ុណ្ណោះ។ លក់ដូរដូច្នេះមានការនឿយហត់ណាស់ បើអ្នកវិញត្រូវរុញរទេះលក់ដូច្នេះតើអ្នកអាចលក់បានយូរប៉ុនណា?
ធ្វើការងារការិយាល័យរាល់ថ្ងៃអ្នកអង្គុយក្នុងម៉ាស៊ីនត្រជាក់ គាត់វិញបែកញើសក្តៅ។ អ្នកមានឳកាសជាច្រើន គាត់វិញមានតែឈរលក់។
រាល់ការងារទាំងអស់សុទ្ធតែមានតម្លៃ តែការសិក្សាតែងតែឈ្នះក្នុងរយៈពេលវែង។ កុំផ្តោតតែរយៈពេលខ្លីព្រោះការវិនិយោគចំពោះការសិក្សាមិនដែលខុសនោះទេ។
