ទន លីដា •• Torn Lida

26/07/2025

06/12/2024

02/12/2024

មុនពេលសម្រេចចិត្តរៀបអាពាហ៍ពិពាហ៍ ក្រៅពីស្រឡាញ់ និងទទួលយកចរិតនិស្ស័យ សម្ដីសម្ដៅ ការប្រព្រឹត្ត ចរិយាសម្បត្តិអីអស់ហើយ មិនទាន់គ្រប់ទេ ត្រូវចេះសួរនាំ និងនិយាយគ្នាឱ្យហើយលើ៖

1-ទ្រព្យសម្បត្តិ និងបំណុលទាំងសងខាង: សម័យនេះ គួរនិយាយគ្នាមុន ច្បាស់លាស់រៀងខ្លួន ហើយសម្រេចចិត្តទទួលយកឬមិនទទួលយកឱ្យច្បាស់លាស់។ គេថា លុយអត់សំខាន់ទេ តែជីវិតប្រែជាវេទនានៅពេលដែលគ្មានលុយ។ បំណុលគឺជាសម្ពាធដ៏ធំមួយ រុញឱ្យគូជីវិតច្រើនណាស់បែកគ្នា ដូចនេះគួរស្មោះត្រង់និយាយគ្នាឱ្យច្បាស់។

2-ចំណូលទាំងសងខាង: អ្នកនៅអ៊ឺរ៉ុបគេប្រកាន់ណាស់ រឿងដឹងចំណូលគ្នា តែយើងជាខ្មែរ នៅចិញ្ចឹមឪពុកម្ដាយនៅផ្ដាច់ខ្លួនពីឪពុកម្ដាយមិនផុតដូចអ៊ឺរ៉ុបទេ ដូចនេះគួរសួរនាំ និងដឹងពីគ្នា។ មានដៃគូច្រើនណាស់ រៀបការហើយខកចិត្ត បញ្ហាចំណូលមិនល្អ ឬមិនដូចការរំពឹងទុក ចំណាយច្រើន ទៅជារកាំរកូសគ្នាដល់បែកគ្នាក៏មាន។

3-ការរំពឹងទុកលើរឿងផ្លូវភេទ: អសុរសម្លេះនិយាយរឿងផ្លូវភេទ? ខ្ញុំសួរដូចឆោទ រៀបការជាមួយគ្នាមិនមានសកម្មភាពផ្លូវភេទទេឬយ៉ាងណា? សូម្បីក្នុងច្បាប់ បញ្ហាសង្វាសនេះ គឺជាមូលហេតុសំខាន់មួយក្នុងការលែងលះ។ ផ្លូវភេទ ជាចំណងដ៏ធំមួយក្នុងចំណោមឯទៀត នៅក្នុងជីវិតគូ។ រវល់តែខ្មាសអៀន មិននិយាយគ្នា គ្មានសេចក្ដីសុខនឹងគ្នា មិនយល់ពីគ្នា ច្បាស់ជាកើតមានបញ្ហាផិតក្បត់កើតឡើង។ ទទួលស្គាល់ មនុស្សខ្លះមិនចេះគ្រប់ អានេះមូលហេតុដោយឡែក។ យ៉ាងណាបំពេញតួនាទីប្ដីប្រពន្ធឱ្យល្អសិន និយាយគ្នាឱ្យច្បាស់ ពីការចង់បាន ឬរំពឹងទុកជីវិតផ្លូវភេទពីគ្នា សឹមសម្រេចចិត្ត។

4-គម្រោងចំណាយជួយគ្រួសារទាំងសងខាង: បញ្ហានេះ ត្រូវតែនិយាយគ្នាឱ្យហើយ ឱ្យបានច្បាស់លាស់ ថានៅក្រោយរៀបការ ទាំងសងខាងចង់ជួយឪពុកម្ដាយប៉ុន្មាន? កម្រិតណា? កាលដែលមិនអីៗ មិនហ៊ាននិយាយគ្នា ដល់តែជាក់ស្ដែង អន់ចិត្តគ្នា លាក់គ្នា។ ប្ដីអន់ចិត្តប្រពន្ធ ប្រពន្ធអន់ចិត្តប្ដី ម៉ែឪអន់ចិត្តកូន អន់ចិត្តកូនប្រសារ បង្កើតបានជាបញ្ហារាប់រយរឿង។ នៅក្នុងជីវិតជាក់ស្ដែង មានគូជីវិតច្រើនណាស់ ដែលបែកគ្នាព្រោះបញ្ហានេះ។ គួរតែពិភាក្សាគ្នាឱ្យបានច្បាស់លាស់ ជាការល្អ។

5-គម្រោងសន្សំ និងរៀបចំផែនការជីវិត: ជីវិតគូរុងរឿង ឬអត់ លើចំណុចហ្នឹង។ គូដែលមានផែនការសន្សំ និងរៀបចំផែនការអនាគតជាមួយគ្នា ចំណាំឃើញថាស្វាហាប់ មានក្ដីសង្ឃឹម ហើយចេះអនុគ្រោះគ្នាច្រើន។

6-ផែនការយកកូន: និយាយគ្នាឱ្យហើយ ទៅលើគម្រោងយកកូន ប៉ុន្មានឆ្នាំយកឱ្យច្បាស់? ហើយយក ផ្អែកលើស្ថានភាពហិរញ្ញវត្ថុកម្រិតណាៗ។ កូនជាចំណងគូ ជាអំណោយ និងសុភមង្គលគូ តែប្រសិនបើទាំងសងខាង មិនទាន់រួចរាល់ ហើយមានកូន ច្បាស់ជាទទួលបានអារម្មណ៍ផ្សេង។ និយាយគ្នាឱ្យច្បាស់ នៅមុនពេលសម្រេចចិត្ត។

7-ការរំពឹងទុកលើកិច្ចការងារផ្ទះ: អីគេនិយាយគ្នាទៀត? ច្បាស់ជាត្រូវនិយាយ សួរគ្នា បងឬអូនរំពឹងទុកពីអូន ឬបងប៉ុណ្ណា ក្នុងការងារផ្ទះ? សម័យនេះ ដល់តែនិយាយគ្នា យល់យោគគ្នា ជួយគ្នាទើបបញ្ហាអត់កើតមាន ព្រោះភាគច្រើន ប្ដីនិងប្រពន្ធសម័យថ្មី រកចំណូលទាំងពីរ។ បើទោះមិនធ្វើការងារក្រុមហ៊ុន ក៏រកស៊ីដែរ បើទោះបីឥលូវកំពុងរៀន ឬស្វែងរកការងារ ក៏គង់តែស្វះស្វែងរកចំណូលឱ្យបាន ព្រោះថាការចំណាយបច្ចុប្បន្នចំណូលតែម្នាក់ទប់អត់រួចទេ។ នេះហើយ ជាមូលហេតុគួរនិយាយគ្នាឱ្យច្បាស់ ជៀសវាងលែងគ្នា "មូលហេតុខឹងគ្នារឿងអត់ដាំបាយ អត់លាងចាន" នាំពិបាកហាមាត់ប្រាប់ក្រលាបញ្ជីរ។

8-និយាយគ្នាឱ្យច្បាស់ពីគោលការណ៍ និងវិន័យផ្ទាល់ខ្លួន: យីស ប្ដីប្រពន្ធសម័យនេះ មានគោលការណ៍ មានវិន័យផ្ទាល់ខ្លួនទៀត? ចាស មាន! រឿងដែលគ្នាមិនចូលចិត្ត ហើយដាច់ខាតហាមប្រព្រឹត្តិ ក្នុងជីវិតគូ គួរនិយាយគ្នា ដឹងគ្នាឱ្យជាក់។ ដើម្បីកុំឱ្យគ្នាប្រព្រឹត្តិហើយ មិនដឹងរឿង ម្ខាងក្ដៅដូចភ្លើងទប់អត់ឈ្នះមានតែលែង។ ការអនុគ្រោះ ការយល់យោគ ជារឿងប្ដីប្រពន្ធគួរមានហើយ តែយ៉ាងណាគួរដឹងគ្នា ព្រោះការគ្រប់គ្រងផ្លូវចិត្តមនុស្សយើងម្នាក់ៗ មានកម្រិតខុសៗគ្នា។ គ្មានអ្នកណា ចង់បែកគ្នាទេ តែពេលខ្លះទង្វើម្ខាងទៀតវាយប្រហាផ្លូវចិត្តម្ខាងទៀតពេក រហូតគ្រប់គ្រងអារម្មណ៍ល្អៗលែងបាន។ ដូចនេះ គួរសិក្សាពីគ្នា។

9-ការរំពឹកទុកពេលវេលា និងតម្រូវការចេបចុបពីគ្នា: បុរសថា មនុស្សស្រីរឿងច្រើនណាស់ មនុស្សស្រីវិញនិយាយថា បុរសជាគល់ឈើគ្មានយល់ចិត្តមនុស្សស្រី តាមពិតបញ្ហាមកពីមិនយល់គ្នា មិនធ្លាប់និយាយគ្នា។ សួរគ្នា ចង់បានពេលវេលាពីគ្នាកម្រិតណា ហើយអីខ្លះដែលគ្នារំពឹងទុកចង់បាន កំឡុងពេលរួមរស់ជាមួយគ្នាជាប្ដីប្រពន្ធ។ យល់គ្នា រឿងធំក្លាយជារឿងតូច រឿងតូច ក្លាយជាអត់រឿង។

10-សាសនា គំនិតវប្បធម៌ និងនយោបាយ: នេះជារឿងដ៏កម្រណាស់ ដែលដៃគូខ្មែរយើងនឹងគិតគូពីរឿងនេះ ប៉ុន្តែគួរសិក្សាពីចិត្តគំនិត ការយល់ឃើញ និងការប្រកាន់ទៅលើរឿងនេះដែរ។ បច្ចុប្បន្នលំហូសាសនាក្នុងប្រទេសយើងកាន់តែមានច្រើន ហើយរបៀបនៅក្នុងការប្រតិបត្តិ និងស្វែងរកសេរីភាព រវាងភេទទាំងពីរក៏កាន់តែបើកទូលាយឡើង បង្កើតបានជាទស្សន:ដោយឡែកៗ។ ឧទាហរណ៍ បញ្ហាលើការគាំពាវប្បធម៌ សូម្បីបញ្ហាការចំណាយលើកម្មវិធីមង្គលការ ជាវប្បធម៌ខ្មែរយើងនេះ ក៏ជាបញ្ហាដ៏ចម្រូងចម្រាសមួយដែរ។ អ្នកណាជាអ្នកចំណាយ? ហើយចំណាយក្នុងទំហំណា? ការប្រកាន់ក្នុងកម្រិតណាទៅលើកិច្ច និងពិធីទាំងនោះ។ នេះគ្រាន់តែជាឧទាហរណ៍តូចមួយ ដូចនេះបើអាចគួរសិក្សាពីគ្នាទៅលើការយល់ឃើញ និងបើកចិត្តទៅលើផ្នែកខាងលើនេះឱ្យបានល្អ៕

ជូនពរសំណាងល្អ!

រក្សាសិទ្ធិ

30/11/2024

30/11/2024

ម៉ាក់ធ្លាក់ប្រាប់ខ្ញុំថា បើកូនស្រឡាញ់មនុស្សប្រុស ចូរកូនសម្លឹងមើលគេនូវចំណុចទាំងនេះ៖

១ តើគេស្រឡាញ់កូនជាកូនពិតទេ? ឬគេគ្រាន់តឬស្រឡាញ់កូន ព្រោះសម្លឹងមើលឃើញអ្វីផ្សេងពីហ្នឹង ដូចជាទ្រព្យ លុយកាក់ តំណែង ឬស្រឡាញ់ត្រឹមតែខ្លួនប្រាណរបស់កូន?

២ តើគេមានចរិតបែបណា ពេលគេខឹងកូន ឬពេលមានបញ្ហាជាមួយកូន? គេសម្ដីអាក្រក់ដាក់កូន ជេរស្ដីកូន មិនគោរពកូន ឬប្រើប្រាស់ហិង្សា ប្រើដៃជើងជាមួយកូន? ឬគេស្ងប់ស្ងាត់ ដោយះស្រាយបញ្ហារបៀបចាស់ទុំ?

៣ តើគេមានការងារ និងទំនួលខុសត្រូវគ្រប់គ្រាន់ធ្វើជាស្វាមី និងឪពុកហើយឬនៅ? ការងារ និងទំនួលខុសត្រូវសំខាន់ណាស់កូន បើកូនរៀបការនឹងមនុស្សគ្មានគោលដៅ កូននឹងវេទនា បើកូនរៀបការនឹងបុរសគ្មានទំនួលខុសត្រូវ កូនរបស់កូននឹងខ្វះភាពកក់ក្ដៅ។

៤ តើគេឱ្យតម្លៃកូន និងសាច់ញាតិកូនកម្រិតណា? រៀបការហើយមិនមែនរស់តែ២នាក់ប្ដីប្រពន្ធឡើយ សាច់ញាតិវាពិតជាសំខាន់ និងមានឥទ្ធិពលណាស់ ហើយការចេះគោរពឱ្យតម្លៃសាច់ញាតិ គឺបញ្ជាក់ពីសាមគ្គីភាពក្នុងរវង្វ់គ្រួសារ។

៥ តើគេអាចឱ្យកូនញញឹមបានទេ? ក្ដីសុខរបស់មនុស្ស គឺមិនមែនជាទ្រព្យសម្បត្តិឡើយ តែក៏មិនអាចខ្វះវាបាន។ ប៉ុន្តែក្ដីសុខ គឺជាស្នាមញញឹម ដែលកើតឡើងពីមនុស្សដែលគេស្រឡាញ់កូន គេចង់ឃើញកូនមានភាពរីករាយ និងសុភមង្គល ហើយគេព្រមលះបង់ ដើម្បីប្ដូរវាជូនកូន។

// ប្រភព : ស្នេហា & គ្រួសារ

30/11/2024

" ការសម្រេចចិត្តជ្រើសរើសគូជីវិត "

- កុំចង់បានអ្នកមានជាង ៖ គេមានមិនប្រាកដថាឪពុកម្ដាយគេនោះ លើកទ្រព្យទាំងអស់ឱ្យយើងឡើយ ផ្ទុយទៅវិញ គេអាចនឹងមើលងាយយើងផងក៏មិនដឹង

- កុំចង់បានអ្នកស្អាតឬសង្ហា ៖ ព្រោះបើគេស្អាត គេសង្ហា គេអាចនឹងមានជម្រើសច្រើន ខឹងឈ្លោះយើងពេលណា គេរកថ្មីមិនខាន ព្រោះគេអាចរកអ្នកថ្មីបាន

- កុំចង់បានអ្នកឆ្លាតពេក ៖ បើគេឆ្លាតពេក ឆ្លាតជាងយើង គេនឹងមើលមិនឃើញពីតម្លៃយើងទេ គេនឹងត្រួតត្រាលើយើង លែងស្ដាប់យើងហើយ

ជ្រើសយកអ្នកណាដែលល្មមៗ សក្តិសមនឹងយើង ឃើញយើងល្អក្នុងភ្នែកគេ ទុកយើងជាដៃគូជីវិតរបស់គេ គោរពឱ្យតម្លៃយើង និងម៉ាក់ប៉ាយើង ដូចក្រុមគ្រួសាររបស់គេ កុំជ្រើសយក ព្រោះតែឃើញទ្រព្យសម្បត្តិគេ កុំរំពឹងទៅនឹងភាពមានបានរបស់គ្រួសារគេ

ជឿទៅណា គ្មានទ្រព្យសម្បត្តិណា មានតម្លៃជាង សុភមង្គលក្នុងគ្រួសារយើងទេ ហើយក៏គ្មានអ្វីដែលឋិតថេរ ដូចការខិតខំប្រឹង និងរកបានដោយខ្លួនឯងឡើយ៕

30/11/2024

អានិសង្សនៃការលាងព្រះបាទរបស់ព្រះសង្ឃមានអ្វីខ្លះ?

តាមទំនៀមទម្លាប់នៃព្រះពុទ្ធសាសនា ការលាងព្រះបាទរបស់ព្រះសង្ឃ គឺជាការបំពេញបុណ្យល្អមួយក្នុងចំណោមបុណ្យទាំងឡាយ។ អានិសង្សទាំងឡាយនោះមានដូចខាងក្រោម:

1. បង្ហាញពីការគោរព
ការលាងព្រះបាទថ្វាយដល់ព្រះសង្ឃ គឺបង្ហាញអំពីសេចក្ដីគោរពនិងភក្ដីភាពចំពោះព្រះសង្ឃ។ ក្នុងសៀវភៅធម្មបទបានបញ្ជាក់ថា

អភិវាទនសីលស្ស និច្ចំ វុឌ្ឍាបចាយិនោ
ចត្តារោ ធម្មាវឌ្ឍន្តិ អាយុ វណ្ណោ សុខំ ពលំ។
ក្នុងគាថានេះចង់និយាយអំពីការធ្វើសេចក្ដីគារវចំពោះព្រះមហាថេរៈ នឹងចម្រើននូវពរបួនប្រការគឺ អាយុ វណ្ណៈ សុខៈ ពលៈ។

2. កម្ម វិបាក
«អំពើល្អនាំមកនូវលទ្ធផលល្អ»
យោងតាមគម្ពីរអង្គុត្តរនិកាយបានសម្ដែងថា:-
«យាទិសំ វបទេ ពីជំ, តាទិសំ ហរទេ ផលំ»
សាបព្រោះនូវដំណាំណា, រមែងបាននូវផលនោះ។
ក្នុង​ចូឡកម្មវិភង្គសូត្រ​ មជ្ឈិម​និកាយ​ ព្រះអង្គក៏បានលេីកឡេីង​ នៅ​អានិសង្ស​ការ​គោរព​ចាស់ទុំដែរ​។

3. បើកផ្លូវនិព្វាន
បម្រើព្រះសង្ឃ គឺជាការបើកផ្លូវទៅកាន់និព្វាន។
៚ក្នុងគម្ពីរទីឃនិកាយ សិង្គាលកសូត្រព្រះសម្មាសម្ពុទ្ធសម្ដែងអំពី​ការ​បម្រើនិងគារវព្រះសង្ឃ​។

4. ព្យាបាលជម្ងឺផ្លូវចិត្ត
កិរិយាជាកុសលដូចជាការលាងព្រះបាទថាយដល់ព្រះសង្ឃអាចជួយឲ្យសុខភាពផ្លូវចិត្តកាន់តែប្រសើរឡើង។
៚ក្នុងគម្ពីរមជ្ឍិមនិកាយ វត្ថូបមសូត្រ សម្ដែងអំពីអានិសង្សនៃចិត្តបរិសុទ្ធ។

5. ការសន្សំបុណ្យ
ក្នុងគម្ពីរអង្គុត្តរនិកាយបានសម្ដែងយ៉ាងដូច្នេះថា
«បុញ្ញានិ បរលោកស្មឹ បតិដ្ឋា ហោន្តុ បាណិនំ»។
បុណ្យរមែងជាទីពឹង របស់សត្វទាំងឡាយក្នុងលោកខាងមុខ។

6. ទង្វើជាគំរូ
ទង្វើនេះជាទង្វើគំរូដល់អ្នកដទៃ, អភិវឌ្ឍតម្លៃសីលធម៌ និងស្មារតីនៃសង្គម។

7. មានទំនាក់ទំនងជិតស្និតជាមួយព្រះសង្ឃ
អានិសង្សនៃការលាងព្រះបាទថ្វាយដល់ព្រះសង្ឃនេះ បានបង្រៀនមនុស្សឲ្យស្គាល់ពីតម្លៃនៃការគោរព និងក្រមសីលធម៌ ម្យ៉ាងវិញទៀត កិរិយាដែរប្រកបដោយទឹកចិត្តសទ្ធាជ្រះថ្លាដ៏បរិសុទ្ធ អាចជួយត្រួសត្រាយផ្លូវទៅកាន់ស្ថានទីដ៏សុខស្ងប់គឺបរមសុខផងដែរ។

នេះជាអត្ថបទ​ដែលដកស្រង់ពីភាសា​សីហឡៈ​
ប្រែសម្រួល​ដោយ​ ភិក្ខុ​ ឃុំ​ បូរ៉ា
ប្រភព:Bhikkhu Kassapa

18/10/2022

របបអាហារ​មាន​វីតាមីនសំខាន់ៗ ជួយ​សុខភាពភ្នែក

១. សារធាតុ​ចិញ្ចឹម​ល្អ​ចំពោះ​សុខ​ភាព​ភ្នែក​
សារធាតុ​ចិញ្ចឹម​​មួយ​ចំនួន​ជួយ​ឲ្យ​ភ្នែក​មាន​សុខ​​ភាព​ល្អ និង​មាន​សារធាតុ​ចិញ្ចឹម​ខ្លះ​ទៀត​ជួយ​កាត់​បន្ថយ​ហានិភ័យ​ជំងឺ​ភ្នែក​ផង​ដែរ​។

ការ​ញ៉ាំ​អាហារ​មាន​កម្រិត​ជាតិ​ខ្លាញ់​ទាប និង​សម្បូរ​​ដោយ​បន្លែ ផ្លែ​ឈើ និង​គ្រាប់ធញ្ញជាតិ អាច​ជួយ​មិន​ត្រឹម​តែ​សុខ​ភាព​បេះដូង​ទេ តែ​ក៏​ជួយ​ដល់​សុខភាព​ភ្នែក​ផង​ដែរ​។ នេះ​មិន​មាន​ជា​រឿង​គួរ​ឲ្យ​ភ្ញាក់​ផ្អើល​អ្វី​នោះ​ទេ ព្រោះ​ថា​ភ្នែក​ត្រូវ​ពឹង​លើ​សរសៃ​ឈាម​អាក់ទែ​តូច​ៗនាំ​យក​អុកស៊ីសែន និង​សារធាតុចិញ្ចឹម ដូច​ទៅ​នឹង​បេះដូង​ពឹង​ច្រើន​លើ​សរសៃឈាម​អាក់ទែ​ធំ​ៗ​អ៊ីចឹង​ដែរ​។ ការ​ធ្វើ​ឲ្យ​សរសៃ​ឈាម​អាក់ទែ​តូចៗ​ទាំង​នោះ​មាន​សុខ​ភាព​ល្អ នឹង​ធ្វើ​ឲ្យ​ភ្នែក​មាន​សុខ​ភាព​ល្អ​ដែរ​។

២. របប​អាហារ​បែប​ណា​ល្អ​ចំពោះ​សុខភាព​ភ្នែក?​
អាហារ​ពណ៌​ទឹកក្រូច​ និង​ផ្លែឈើ​មាន​វីតាមីនA៖ ដូច​គ្នា​យើង​បាន​ដឹង​ហើយ​ថា​​សារធាតុ​ចិញ្ចឹម​ល្អ​ចំពោះ​សុខ​ភាព​ភ្នែក​គឺ​វីតាមីនA។ ស្រទាប់​រ៉េទីន​របស់​ភ្នែក​ត្រូវ​ការ​វីតាមីន​A ច្រើន​ដើម្បី​ជួយ​បំប្លែង​កាំរស្មី​ពន្លឺ​ទៅ​ជា​រូប​ភាព ដែល​យើង​បាន​ឃើញ​។ ដូច​នេះ បើ​គ្មាន​វីតាមីន​A ភ្នែក​របស់​យើង​នឹង​មិន​អាច​រក្សា​សំណើម​គ្រប់​គ្រាន់​អាច​ការពារ​ភ្នែក​ស្ងួត​បានទេ​។ ការ៉ុត ត្រូវ​គេ​ដឹង​ថា​ជា​ប្រភព​នៃ​វីតាមីន​A។ ដូច​គ្នា​ដែរ​ ដំឡូង​ជ្វា ក៏​​អាច​ផ្ដល់​នូវ​វីតាមីន​A ច្រើន​ដូច​គ្នា​។ ​

បន្លែ​ ផ្លែឈើ​សម្បូរ​វីតាមីនC៖ វីតាមីន C ក៏​មាន​តួនាទី​សំខាន់​សម្រាប់​សុខភាព​ភ្នែក​ដូច​គ្នា​។ វីតាមីន​C ​ជា​​សារធាតុ​ប្រឆាំង​អុកស៊ីតកម្ម ជួយ​ការពារ​ការ​ខូច​ខាត​របស់​រាង​កាយ​ បង្ក​ឡើង​ដោយ​ការញ៉ាំ​អាហារ​មិន​ល្អ​ចំពោះ​សុខភាព​ឬ​ទម្លាប់​រស់​នៅ​មិន​ល្អ និង​កត្តា​បរិស្ថាន​។ អាហារ​ចៀន ជក់បារី និង​កាំរស្មី​ព្រះ​អាទិត្យ អាច​បង្កើត​បានជា​រ៉ាឌីកាល់​សេរី ​ដែល​ជា​មូលេគុល​អាច​បំផ្លាញ និង​សម្លាប់​កោសិកា​បាន​។

​ប្រភព​របស់​វីតាមីន C គឺ​ពពួក​ផ្លែ​ក្រូច និង​ទំពាំងបាយជូរ​។ បន្លែ និង​ផ្លែ​ ឈើ​ផ្សេង​ទៀត ដូច​ជា​ម្ទេស​ប្លោក ប៉េងប៉ោះ និង​ស្រ្ត​បឺរី ជា​ដើម​សុទ្ធ​តែ​មាន​ផ្ទុក​វីតាមីន C។ សារធាតុ​ប្រឆាំង​អុកស៊ីតកម្ម ​អាច​ការពារ​ ឬ​យ៉ាង​ហោច​ណាស់​អាច​ពន្យារ​ពេល​នៃ​ការ​ខូច​ខាត​ភ្នែក​ទៅ​តាម​វ័យ ឬ​ជំងឺ​ភ្នែក​ឡើង​បាយ​។

វីតាមីន E៖ ​វីតាមីន​ E ក៏​ជា​សារធាតុ​ប្រឆាំង​អុកស៊ីតកម្ម​សំខាន់​មួយ​ដែរ ក្នុង​ការ​ជួយ​ឲ្យ​កោសិកា​ភ្នែក​មាន​សុខភាព​ល្អ។ វីតាមីន​ E អាច​រក​បាន​ក្នុង​ផ្លែបឺរ គ្រាប់​អាល់ម៉ុន និង​គ្រាប់​ផ្កា​ឈូក​រ័ត្នន៍។

ក្រៅ​ពី​នេះ បន្លែ​ស្លឹក​បៃតង​ដូច​ជា​ស្ពៃ​ពួយឡេង ខាត់​ណា​ខៀវ ពពួក​សណ្ដែក ​ស៊ុត សាច់​មាន់ សាច់​ក្រហម និង​អ៊យស្ទ័រ​ ក៏​ជា​ប្រភព​នៃ​សារធាតុ​ចិញ្ចឹម​សំខាន់​ៗ​របស់​ភ្នែក​ដូច​គ្នា​។

hellokrupet.com

18/10/2022

អាកាសធាតុត្រជាក់ ងាយឲ្យស្បែកស្ងួតយារធ្លាក់ គួរថែទាំបែបណាល្អ?

យើងគួរថែទាំ និងជ្រើសរើសផលិតផលណាដែលអាចការពារស្បែកស្ងួតយារធ្លាក់ក្នុងខែត្រជាក់?
• រក្សាសំណើមក្នុងស្បែកដែលយើងមានស្រាប់។ ជាទូទៅស្បែកយើងមានផលិតប្រេងធម្មជាតិដែលអាចជួយការពារ និងរក្សាសុខភាពស្បែកឲ្យមានសុខភាពល្អផងដែរ។ ដើម្បីកុំឲ្យស្បែកស្ងួតយារធ្លាក់ឆាប់ យកល្អចៀសវាងការងូតទឹកក្ដៅ ឬងូតទឹកយូរពេក និងគួរផ្ដល់សំណើមភ្លាមដល់ស្បែកក្រោយងូតទឹករួច (ជូតសម្អាតខ្លួនសិន)។

• ផ្ដល់សំណើមដល់ស្បែកចេញពីក្នុងខ្លួនដោយការញ៉ាំទឹកឲ្យបានច្រើន ព្រោះទឹកក៏ជួយផ្ដល់សំណើមដល់ស្បែកដែរ។
• កុំភ្លេចលាបឡេការពារកម្ដៅថ្ងៃ ទោះជានៅខាងក្រៅត្រជាក់ ក៏មិនមែនមានន័យថាកម្ដៅព្រះអាទិត្យមិនប៉ះពាល់ដល់ស្បែកយើងទេ។
• បន្ថែមសំណើមដល់ស្បែកដោយប្ដូរទៅប្រើផលិតផលផ្ដល់សំណើមដែលមានជាតិប្រេងធម្មជាតិក្នុងរដូវរងា។

ស្រីៗយើងត្រូវចំណាំទុកថា ផលិតផលដែលអាចការពារស្បែកស្ងួតយារធ្លាក់បានល្អ ជាផលិតផលមានផ្ទុកសារធាតុ Occlusives (មានមុខងារជួយរក្សាសំណើមក្នុងស្បែក) Humectants (ជួយទាញសំណើមចូលទៅក្នុងស្បែក) និងសារធាតុ Emollients (ជួសជុលស្នាមប្រេះក្នុងស្បែក)។ ផលិតផលដែលមានធាតុផ្សំទាំង ៣ ខាងលើនេះ ផ្ដល់នូវភាពរលោង ផ្ដល់សំណើមដល់ស្បែកបានយូរ និងធ្វើឲ្យស្បែកទន់រលោងដូចអំបោះសូត្រ។

hellokrupet.com

14/12/2021

សេចក្តីជូនដំណឹង៖ ស្តីពី ស្ថានភាពធាតុអាកាស