08/12/2022
របៀបសែនកាត់ឆុងឆ្នាំ2023 សំរាប់អ្នកគត់ឆ្នាំ និង អ្នអ្នកកេីតឆ្នាំថោះ🐇 រោង🐉 មមី🐴 រកា🐓 ជូត🐭
អ្នកអាចទៅធ្វេីកិច្ចសែនកាត់ឆុងបាននៅវត្តភ្នំ ឬ វិហារអ្នកតាចិនណាមួយដែលមានរូបសំណាក់អ្នកតាខ្លា។
[សំភារ:]
- សាច់ជ្រូកបីជាន់ សាច់ឆៅមួយដុំ ពងទា2គ្រាប់ ក្រដាសសែនកាត់ឆុងមួយកន្ទោង
- ផ្លែឈេី 3មុខ ឫ 5មុខ តាមលទ្ធភាពនិងសទ្ធាសំរាប់ថ្វាយទេវរាជ និងលោកតាព្រះចៅក្រុង
[របៀបសែនកាត់ឆុង]
1. រៀបចំផ្លែឈេី3មុខ ឬ5មុខ និងអុចធូប3សសៃថ្វាយដល់ទេវរាជមុនគេ ទូលថ្វាយព្រះអង្គថា កូនចៅឈ្មោះ កខគ ឆ្នាំ កខគ ស្នាក់នៅតំបន់ កខគ ថ្ងៃនេះមានដង្វាយថ្វាយដល់លោក ហេីយកូនចៅសូមធ្វេីកិច្ចកាត់ឆុង ជំរះឧបទ្រព ចង្រៃចង្រូកទាំងអំបាលម៉ានអោយអស់ ហេីយសុំពរជ័យសេរីសួស្តីក្នុងឆ្នាំថ្មី
2. រៀបចំផ្លែឈេី3មុខ ឬ5មុខ និងអុចធូប5សសៃថ្វាយដល់លោកតាព្រះចៅក្រុង និងបារមីទាំង8ទិស ទូលថ្វាយព្រះអង្គថា កូនចៅឈ្មោះ កខគ ឆ្នាំ កខគ ស្នាក់នៅតំបន់ កខគ ថ្ងៃនេះមានដង្វាយថ្វាយដល់លោក ហេីយកូនចៅសូមធ្វេីកិច្ចកាត់ឆុង ជំរះឧបទ្រព ចង្រៃចង្រូកទាំងអំបាលម៉ានអោយអស់ ហេីយសុំពរជ័យសេរីសួស្តីក្នុងឆ្នាំថ្មី
3. រៀបចំសាច់ជ្រូកបីជាន់ឆៅ និងពងទា2គ្រាប់ក្នុងចាន ព្រមទាំងក្រដាសសែនមួយកន្ទោង ធូប3សសៃ សំរាប់ថ្វាយដល់អ្នកតាខ្លា។ នៅលេីក្រដាសសែនត្រូវសរសេរ ឈ្មោះ និង ឆ្នាំរបស់អ្នកត្រូវកាត់ឆុង។ អុជធូប3សសៃ ជំរាបដល់អ្នកតាខ្លា ថាកូនចៅឈ្មោះ កខគ ឆ្នាំ កខគ ស្នាក់នៅតំបន់ កខគ ថ្ងៃនេះមានដង្វាយសាច់ស្រស់ និងពងទាស្រស់ ថ្វាយដល់លោក ហេីយកូនចៅសូមធ្វេីកិច្ចកាត់ឆុង ជំរះឧបទ្រព ចង្រៃចង្រូកទាំងអំបាលម៉ានអោយអស់ ហេីយសុំពរជ័យសេរីសួស្តីក្នុងឆ្នាំថ្មី។ ដោតធូបរួច ត្រូវយកសាច់ជ្រូកស្រស់ញាត់មាត់ខ្លា យកពងទាញាត់មាត់ខ្លា ហេីយគោះសំបកអោយបែកបន្តិច។ ប្រាប់លោកតាខ្លាថា កូនចៅថ្វាយសាច់ស្រស់ហេីយ សូមអោយកូនចៅអស់គ្រោះខែ គ្រោះឆ្នាំ គ្រោះតូច គ្រោះធំ គ្រោះមាត់គ្រោះក គ្រោះទាំងអំបាលម៉ាន សូមអោយអស់ពីពេលនេះទៅ។ បន្ទាប់មក ដកយកក្រដាសសែនដែលមានរូបខ្លាទាំងពីរសន្លឹក យកមកបរបោះលេីខ្លួនពីលេីក្បាលចុះមកអោយបានយ៉ាងតិច12ដង (មួយឆ្នាំមាន12ខែ) ហេីយបញ្ចេរអោយគ្រោះចេញពីក្នុងខ្លួនប្រាណ ហេីយដុតថ្វាយ។ បន្ទាប់មកអ្នកអាចយកក្រដាសសែនផ្សេងទៀតដែលនៅសល់ ដែលជាក្រដាសមាស ក្រដាសប្រាក់ ក្រដាសលាភសំណាង យកមកដុតថ្វាយ។ សូមកុំយកក្រដាសមាសប្រាក់មកបរបោះលេីខ្លួនហេីយបញ្ចេរចេញ ព្រោះដូចជាហៅទ្រព្យអោយចេញពីខ្លួនអញ្ចឹង។
4. ចូលក្នុងព្រះវិហារលោកតាព្រះចៅសុំទឹកមន្ត លុបមុខជំរះឧបទ្រពចង្រៃ និងសូមលាភជ័យ។
5. បេីអាច អ្នកអាចប្រលែងសត្វសំរាប់អោយអ្នកអស់កម្មពរវេលាទាំងឡាយផងដែល
សំគាល់: បេីអ្នកទៅធ្វេីកិច្ចសែនកាត់ឆុងជាគ្រួសារ អ្នកអាចថ្វាយដង្វាយដល់ទេវរាជ និង លោកតាព្រះចៅ បារមីទាំង8ទិសរួមគ្នា តែសាច់ស្រស់ ពងទា និងក្រដាសសែនកាត់ឆុងត្រូវមានម្នាក់មួយឈុត សំរាប់អ្នកត្រូវកាត់ឆុង។
[កាត់ឆុងពេលណាល្អ? ]
អ្នកអាចធ្វេីកិច្ចកាត់ឆុងពីថ្ងៃទី1 មករា 2023 រហូតដក់មុនពេលអ្នកតាឡេីងលេីមេឃ ពោលគឺមុនថ្ងៃសែនដកជេីងធូប ។ សែនធ្វេីកិច្ចមុនចូលឆ្នាំដេីម្បីទប់ស្កាត់កុំអោយមានគ្រោះកេីតឡេីង។
អ្នកក៏អាចធ្វេីកិច្ចកាត់ឆុង ពេលចូលឆ្នាំចិនរួច 4ថ្ងៃ ពោលគឺអ្នកតាចុះពីឋានសួរគាមកវិញហេីយ។ ភាគច្រេីនគេនិយធ្វេីនៅថ្ងៃទី៩ក្រោយពេលចូលឆ្នាំចិនដែលត្រូវជាថ្ងៃខួបចំរេីនព្រះជន្មព្រះសក្កទេវរាជ។
[សែនម៉ោងប៉ុន្មាន? ]
ជាទូទៅ គឺចាប់ពីម៉ោង10ឡេីងទៅ អ្នកអាចធ្វេីកិច្ចកាត់ឆុងបានហេីយ។ ពេលព្រឹកមុនម៉ោង10 គឺជាម៉ោងសំរាប់ទទួលសេរីសួស្តី គួរកុំធ្វេីកិច្ចបេីអាច។
