22/05/2024
អនុមោទនាបុណ្យ វិសាខបូជា!!!
លាពុទ្ធសករាជចាស់ ២៥៦៧ ចូលពុទ្ធសករាជថ្មី ២៥៦៨
ពុទ្ធសករាជថ្មីតទៅ សូមប្រកបដោយ សិរីសួស្ដី សេចក្ដីសុខ សុភមង្គកគ្រប់ប្រការ...។
#វិសាខបូជា
អនុមោទនា ពិធីបុណ្យវិសាខបូជា
ប្រារព្ធអភិលក្ខិតសម័យដ៏ពិសិដ្ឋនៃព្រះសម្ពុទ្ធបរមលោកនាថ
១- ថ្ងៃប្រសូត ( ១៥កេីត ខែពិសាខ ឆ្នាំច ថ្ងៃសុក្រ )
២- ថ្ងៃត្រាស់ដឹង ( ១៥កេីត ខែពិសាខ ឆ្នាំរកា ថ្ងៃពុធ )
៣- ថ្ងៃបរិនិព្វាន ( ១៥កេីត ខែពិសាខ ឆ្នាំម្សាញ់ ថ្ងៃអង្គារ )
ពុទ្ធបូជា មហាតេជោ : ការបូជាព្រះពុទ្ធមានតេជៈច្រើន!
តេីការដែលធ្វេីខួបរំឭកព្រះបានបុណ្យដែរឬទេ?
តេីយេីងទាញយកផលប្រយោជន៍អ្វីខ្លះពី បុណ្យនេះ?
សូមជ្រាបថា មិនមែន ទាញយកលាភសក្ការៈ នោះទេ។
ចូរពុទ្ធសាសនិក ត្រិះរិញពិចារណាបុណ្យនេះ។
មិនមែនត្រេកអរបុណ្យនោះទេ គឺយេីងនាំគ្នាកេីតធម្មសង្វេគចំពោះសង្ខារដែលមិនស្ថិតស្ថេរតាំងនៅយូរឡេីយ!
យេីងអាចរៀនទី
១-ប្រសូត គឺសត្វលោកទាំងអស់ បេីមិនទាន់អស់អាសវ:គឺ
ជាតិមានដំណតទៅខាងមុខជានិច្ច។
២-ត្រាស់ដឹង ជាមេរៀនឱ្យយេីងជាអ្នកកេីតមកនោះប្រឹងប្រែងស្វែករកប្រយោជន៍កុំបីមានសេចក្តីប្រមាទធ្វេសប្រហែសឡេីយ។ បេីអ្នករៀនសូត្រត្រូវប្រឹងរៀន បេីអ្នករកមុខរបរទទួលទានត្រូវខំរក តាមគន្លងដំណេីរនៃ សម្មាមគ្គរហូតបានសម្រេចផលគាប់ប្រាថ្នាដូចព្រះពុទ្ធអ៊ីចឹង។
ព្រោះថា ពេលវេលាមិនរង់ចាំយេីងឡេីយតែងតែទៅមុខជានិច្ច។
៣-បរិព្វាន យេីងនិយាយធម្មតាទៅចុះ សំដៅយកសេចក្តី
ស្លាប់នៅខាងចុង គ្រប់រូបសត្វគ្មានសត្វណាមួយគេចឱ្យផុតរត់ឱ្យរួចចេញពីក្រញាំនៃស្ដេចមច្ចរាជពោលគឺសេចក្តីស្លាប់នោះឡេីយ ។ ដូច្នេះហេីយ បេីស្លាប់នរណាម្នាក់មិនអាចកេចបានហេីយ គួរធ្វេីប្រយោជន៍មនុស្សសត្វដែលរួមកេីត រួមចាស់ រួមស្លាប់ ដូចព្រះពុទ្ធបានបន្សល់ទុកព្រះធម៌សម្រាប់សត្វលោកប្រព្រឹត្តតាមដេីម្បីរួចផុតទុក្ខគ្រប់យ៉ាង។
🙏ការបដិបត្តិ បេីយេីងនឹកគុណព្រះមែននោះគឺនាំគ្នាប្រឹងប្រែងស្វែងយល់សិក្សាព្រះធម៌ព្រះពុទ្ធដេីម្បីឈ្វេងយល់
នូវម៌ាគាទាញយកឧត្តមប្រយោជន៍ឱ្យបាន កុំបីប្រហែស
ធ្វេសឡេីយ មិនមែនគ្រាន់តែ បូជាដោយអាមិសៈ ហេីយថា បានបុណ្យ បានសុខនោះក៏ទេដែរ គឺសុខមែនទែនការ
យកព្រះធម៌ពោលគឺ សីល មកទុកក្នុងចិត្តគំនិតទេីបសុខមែនទែន ព្រោះថា សីល មានអត្ថន័យថា
១-សីតដ្ឋោ ត្រជាក់
២-សិរដ្ឋោ កំពូល
៣-សីសដ្ឋោ ក្បាល
៤-សីលដ្ឋោ ប្រក្រតី
ត្រជាក់កសយចិត្តមិនដិតដាមដោយអំពេីអកុសល។
កំពូលនៃគុណធម៌ទាំងអស់។ ក្បាលញាំងជីវិតឱ្យរស់បានមានខ្លឹមសារ។ ប្រក្រតីគឺជាធម៌មនុស្សទួទៅបេីមានសីលហេីយសុខតែងមានដល់អ្នកធ្វេីអំពេីល្អ ហៅថា បុណ្យនោះឯង។
🙏ព្រះពុទ្ធដីកា
បច្ឆិមពុទ្ធវចនៈ
យោ វោ អានន្ទ មយា ធម្មោ ច វិនយោ ច ទេសិតោ បញ្ញត្តោ ម្នាលអានន្ទ សភាវៈណា គឺព្រះធម៌ក្តី ព្រះវិន័យក្តី ដែលតថាគតបានសំដែងហើយ បានបញ្ញត្តិហើយ ដល់អ្នកទាំងឡាយ ។ សោ វោ មមច្ចយេន សត្ថា សភា គឺព្រះធម៌និងព្រះវិន័យនោះ អំណឹះឥតអំពីតថាគតទៅហើយ នឹងបានជាគ្រូប្រៀនប្រដៅនូវអ្នកទាំងឡាយ ។ អហំ ឯកកោវ បរិនិព្វាយិស្សាមិ តថាគតជា ព្រះពុទ្ធមួយអង្គឯងពិត នឹងបរិនិព្វានទៅ ។ អហញ្ច បនិទានិ ឯកកោវ ឱវទាមិ អនុសាសេមិ តែថាឥឡូវនេះ តថាគតជាព្រះពុទ្ធមួយអង្គឯងពិត តែងទូន្មានប្រៀនប្រដៅនូវអ្នកទាំងឡាយ ។ មយិ បរិនិព្វុតេ កាលបើតថាគតបរិនិព្វានទៅហើយ ឥមានិ ចតុរាសីតិ- ធម្មក្ខន្ធសហស្សានិ តុម្ហេ ឱវទិស្សន្តិ អនុសាសិស្សន្តិ ព្រះធម្មក្ខន្ធប្រាំបីហ្មឺនបួនពាន់នេះ នឹងទូន្មាន ប្រៀនប្រដៅនូវអ្នក ទាំងឡាយជាខាងក្រោយ ។ យោ កោចិ អានន្ទ ភិក្ខុ វា ភិក្ខុនី វា ឧបាសកោ វា ឧបាសិកា វា ធម្មានុធម្មប្បដិបន្នោ វិហរតិ សាមីចិប្បដិបន្នោ អនុធម្មចារី ម្នាលអានន្ទ បុគ្គលឯណាមួយ គឺភិក្ខុក្តី ភិក្ខុនីក្តី ឧបាសកក្តី ឧបាសិកាក្តី ជាអ្នកប្រតិបត្តិធម៌វិន័យតាមសមគួរដល់ធម៌វិន័យ ជាអ្នកប្រតិបត្តិ ដោយសេចក្តី គោរពកោតក្រែងដល់ធម៌វិន័យ ប្រព្រឹត្តតាម ធម៌វិន័យ ប្រព្រឹត្តតាមធម៌វិន័យជា ប្រក្រតី ។ សោ តថាគតំ សក្ករោតិ គរុករោតិ មានេតិ បូជេតិ បរមាយ បូជាយ បដិបត្តិបូជាយ បុគ្គលទាំងអស់នោះ បានឈ្មោះថាធ្វើសក្ការៈ នឹងតថាគត ធ្វើនូវសេចក្តីគោរពតថាគត រាប់អាននូវតថាគត បូជានូវតថាគត ដោយបដិបត្តិបូជា បូជាយ៉ាងក្រៃលែង ។ ហន្ទទានិ ភិក្ខវេ អាមន្តយាមិ វោ ភិក្ខវេ ខយវយធម្មា សង្ខារា អប្បមាទេន សម្បាទេថាតិ ឥទម្បច្ឆិមពុទ្ធវចនំ ម្នាលភិក្ខុ ទាំងឡាយ ឥឡូវនេះតថាគតនឹងផ្តាំនូវអ្នកទាំងឡាយ ឲ្យបានដឹងគ្រប់គ្នា នែភិក្ខុទាំងឡាយ សង្ខារទាំងឡាយ មានកិរិយា អស់ទៅនឹងសាបសូន្យទៅជាធម្មតា ។ អ្នករាល់គ្នាចូរ ញ៉ាំង ប្រយោជន៍ឲ្យដល់ព្រមដោយអប្បមាទៈ គឺមានការមិនបណ្តែត បណ្តោយក្នុង ធម៌វិន័យ ពាក្យប្រៀនប្រដៅមានប្រមាណប៉ុណ្ណេះ ជាដើមនេះ ឈ្មោះថា បច្ឆិមពុទ្ធវចនៈ ជាពាក្យផ្តាំពៅបំផុតរបស់ ព្រះពុទ្ធជាម្ចាស់នៃយើង ។ ឧភិន្នមន្តរេ យំ វុត្តំ ឯតំ មជ្ឈិមពុទ្ធវចនំ ពាក្យប្រៀនប្រដៅណា ដែលទ្រង់ត្រាស់ពោល ជាចន្លោះនៃបឋមពុទ្ធវចនៈ និងបច្ឆិមពុទ្ធវចនៈទាំងពីរនេះ ពាក្យ ប្រៀនប្រដៅនោះ ឈ្មោះថា មជ្ឈិមពុទ្ធវចនៈ ពុទ្ធវចនៈ គឹពាក្យប្រៀនប្រដៅ ជាកណ្តាលរបស់ព្រះពុទ្ធ ជាបរមគ្រូ (នៃយើង) ។
(ចប់បច្ឆិមពុទ្ធវចនៈ)
អ្នកអាចារ្យ ឌុនសុខខុន អាចារ្យបង្រៀនសាលាពុទ្ធិកបឋមសិក្សាសម្តេច ជា ស៊ីម ខ្នារ។
ថ្ងៃ អាទិត្យ ១៥កេីត ខែពិសាខ ឆ្នាំខាល ចត្វាស័ក ព.ស.
២៥៦៦ ;១៥/៥/២០២២។
ប្រភព: FB Ut Tom
