28/04/2021
តើអ្នកជឿលើការធ្វើដំណើរឆ្លងកាត់ពេលវេលាដែឬទេ?
ការធ្វើដំណើរឆ្លងកាត់ពេលវេលាត្រូវបានគេលើកឡើងមកនិយាយជាយូរមកហើយ មានរឿវរ៉ាវនិងទ្រឹស្តិជាច្រើនដែលត្រូវបានលើកឡើងមកនិយាយនិងវិភាគដោយមនុស្សមួយចំនួននិងអ្នកវិទ្យាសាស្ត្រល្បីៗជាច្រើនរូប។ ប៉ុន្តែអ្វីដែលខុសគ្នានោះមនុស្សមួយចំនួនបានអះអាងថាខ្លួនគេផ្ទាល់ជាអ្នកធ្វើដំណើរឆ្លងកាត់ពេលវេលា ចំណែកឯអ្នកវិទ្យាសាស្ត្រគឺសិក្សាអំពីអ្វីដែលទាក់ទងនិងគាំទ្រទ្រឺស្តីការធ្វើដំណើរឆ្លងកាត់ពេលវេលា។ ប៉ុន្តែយើងលើកយកមកនិយាយតែអំពីមនុស្សមួយចំនួនដែលបានអះអាងថាគេបានធ្វើដំណើរឆ្លងកាត់ពេលវេលាប៉ុណ្ណោះ។ កាលពីឆ្នាំ២០០០មានបុរសម្នាក់ឈ្មោះ John Titor បានផុសនៅលើអិនធើណេតដោយបាននិយាយថា គាត់ជាអ្នកធ្វើរដំណើរមកពីឆ្នាំ២០៣៦។ គាត់នៅតាមផ្លូវទៅផ្ទះក្រោយពីបានធ្វើដំណើរទៅយកប្រព័ន្ទកុំព្យូទ័រ IBM 5100 នៅក្នុងឆ្នាំ១៩៧៥។ គាត់បាននិយាយថា គាត់បានឆ្លៀតធ្វើដំណើរទៅកាន់ឆ្នាំ២០០០ដើម្បីយករូបថតគ្រូសាររបស់គាត់ និងទៅមើលគ្រួសាររបស់កាត់នៅ Tampa និង Rochester។ នេះគឺជាការផុសដំបូងរបស់គាត់ ៤ខែក្រោយមកគាត់ក៏បានផុសម្ដងទៀតដោយបាននិយាយអំពីការរស់នៅរបស់គាត់នៅឆ្នាំ២០៣៦ ជម្លោះលើការបោះឆ្នោតជ្រើសរើសប្រធានាធិបតី ក៏ដូចជាប្រមានអំពីការរីករាលដាលឆ្លងនៃវីរុសMad Cow ក៏ដូចជាប្រាប់អំពីសង្គ្រាមនុយក្លេអែរជាមួយរុស្ស៊ីជាដើម។ គាត់ក៏បានលើកនិយាយអំពីម៉ាស៊ីនឆ្លងកាត់ពេលវេលារបស់គាត់ដែរ ម៉ាស៊ីនរបស់គាត់មិនឆ្លងកាត់លំហរនោះទេប៉ុន្តែឆ្លាងកាត់ពេលវេលា ដូច្នេះគាត់ត្រូវជិះរថយន្តពី Tampa ក្នុងឆ្នាំ២០០១ត្រឡប់ទៅកាន់ Tampaក្នុងឆ្នាំ២០៣៦វិញ។ អ្វីដែលធ្វើអោយគែភ្ញាក់ផ្អើលនោះគឺម៉ាស៊ីនរបស់គាត់ គឺដោយសារវាត្រឹមត្រូវតៅតាមវិទ្យាសាស្ត្រពិតប្រកដមែន។
ទោះបីយ៉ាងណាក៏ដោយក៏ការលើកឡើងពីហេតុការណ៏នៅពេលអនាគតនោះសឹងតែទាំងអស់ហើយដែលមិនបានកើតឡើងមែននោះទេ ហើយក៏គ្មានអ្នកណាដឹងឬស្គាល់អំពីគាត់នោះដែរទោះបីជាមានការសើបអង្កេតក្តី។ តើអ្នកទាំងអស់គ្នាជឿគាត់ដែរឬទេ? សម្រប់អេតមីន អេតមីនជឿប៉ុន្តែមិនជឿទៅលើការនិយាយរបស់គាត់ទេ ប៉ុន្តែជឿថានៅពេលអនាគតយើងនឹងអាចផលិតម៉ាស៊ីនឆ្លងកាត់ពេលវេលាបាន វាដូចទៅនឹងទួរស័រព្ធពេលបច្ចុប្បន្នដែលអាចមើលមុខគ្នាបាន និយាយគ្នាបានទោះនៅឆ្ងាយពីគ្នាប៉ុណ្ណាក៏ដោយ ជាអ្វីដែលមនុស្សយើងកាលពី១០០ឆ្នាំមនុមិននឹកស្មានថាមាន និងអាចធ្វើបានចឹង អ្វីដែលសំខាន់នោះគឺវាអាស្រ័យលើពេលវេលាប៉ុណ្ណោះ។
