https://www.facebook.com/106165877562503/

អប់រំខ្លួនឯង, Ville de Phnom Penh (2026)

08/10/2025

21/06/2025

3 ឆ្នាំ : ម៉ាក់ កូនស្រឡាញ់ម៉ាក់ ជាងគេលើលោក
10 ឆ្នាំ : ស្រេចតែម៉ាក់ចុះ
16 ឆ្នាំ : ឯងដឹងអត់ ម៉ាក់ខ្ញុំ រវល់នោះរវល់
18 ឆ្នាំ : មិនចង់នៅផ្ទះសោះ
25 ឆ្នាំ : ម៉ាក់ អ្វីដែលម៉ាក់ធ្លាប់ប្រាប់ ត្រូវទាំងអស់
30 ឆ្នាំ : ខ្ញុំសូម ត្រឡប់ទៅមើលម៉ាក់ខ្ញុំ ណា៎
50 ឆ្នាំ : ខ្ញុំមិនចង់បាត់បង់ម៉ាក់ទេ
70 ឆ្នាំ : សូមអោយតែម៉ាក់នូវមានខ្យល់ដង្ហើម អោយខ្ញុំធ្វើអ្វីខ្ញុំក៏ព្រម

~~~~~

យើងតែងតែនិយាយលេងជាមួយម៉ាក់ជានិច្ច
ម៉ាក់...! អាវខ្ញុំនៅឯណា ?
ម៉ាក់...! ល្ងាចនេះពួកយើង បានអីធ្វើម្ហូប?
ម៉ាក់...! ខ្ញុំសុំទៅខាងក្រៅជាមួយមិត្តភក្តិបានអត់?
ម៉ាក់...! ខ្ញុំហេវបាយណាស់

ចំណែកឯនិយាយជាមួយឪពុក
មានត្រឹមតែប្រយោគប្រហែលនេះ
“ ពុក ពុក ម៉ាក់នៅណា ? ”

ពេលយើងឈឺ ម៉ាក់ប្រាប់ថា
“ កូនកុំកើតអីណា៎ កូនកុំធ្វើឱ្យម៉ាក់ភ័យណា៎ ”

ពេលហូបបាយ ម៉ាក់ប្រាប់ថា...
“ ហូបអោយច្រើនៗណា៎ ម៉ាក់អត់សូវឃ្លានទេ ”

ពេលរៀបការ ម៉ាក់ប្រាប់ថា...
“ កុំបារម្ភពីម៉ាក់អី ម៉ាក់នៅបាន មិនអីទេ ”

ប៉ុន្តែនៅពេលដែលម៉ាក់ឈឺ ម៉ាក់ប្រាប់យើងថា...
“ ម៉ាក់អត់អីទេ ”

សាកសង្កេតមើលបន្តិចមើល
សក់ម៉ាក់របស់អ្នក មានស្កូវ ច្រើនជាងឆ្នាំមុនឬអត់? 👵🏻
យូរប៉ុណ្ណាហើយ ដែលយើងមិនបានអោបម៉ាក់របស់យើង!

“ ម៉ាក់ ” មានតែម្នាក់ ប្រសិនបើអ្នកមិនស្រឡាញ់ម៉ាក់ តើអ្នកនឹងស្រឡាញ់នរណា?

#ឌូអាអោយឪពុកម្ដាយ 🤲🏻

( رَبِّ اغْفِرْ لِيَّ وَلِوَالِدَيَّ وَارْحَمْهُمَا كَمَا رَبَّيَانِيْ صَغِيْرًا )

-zahra Al-batul✍🏻

24/04/2025

#សិទ្ធិស្រ្តីនៅក្នុងសាសនាឥស្លាម

✴️ សិទ្ធិស្រ្តីត្រូវបានលើកកម្ពស់នៅក្នុងសាសនាឥស្លាមតាំងពីជាង១៤០០ឆ្នាំមុនមកម្ល៉េះ។ ស្រ្តីមានសិទ្ធិដែលសាកសមនឹងអ្វីដែលគាត់ត្រូវទទួលដោយយុត្តិធម៌។ ចំណែកបុរសក៏មានសិទ្ធិដែលសាកសមនឹងអ្វីដែលគាត់ត្រូវទទួលដោយយុត្តិធម៌ដែរ ។

👉 មានសិទ្ធិខ្លះបុរសនិងស្រ្តីទទួលបានដូចគ្នា ដូចជា ៖ សិទ្ធិរស់រានមានជីវិត , សិទ្ធិទទួលបានការអប់រំ , សិទ្ធិទទួលបាននូវសេចក្តីថ្លៃថ្នូរ , សិទ្ធិមានកម្មសិទ្ធិ , សិទ្ធិក្នុងការជ្រើសរើសគូស្រករ , សិទ្ធិស្មើគ្នានៅចំពោះមុខច្បាប់ , សិទ្ធិទទួលបានផលបុណ្យ និងទំនួលខុសត្រូវ , សិទ្ធិទទួលបានការអភ័យទោស ។ល។

👉 ហើយក៏មានសិទ្ធិខ្លះទៀតបុរសលើសស្រ្តី ដូចជា ការគ្រប់គ្រងគ្រួសារជាដើម ។

👉 មានសិទ្ធិខ្លះទៀតស្រ្តីលើសបុរសវិញ ដូចជា ៖

🔹 សិទ្ធិទទួលបានការធ្វើល្អពីមនុស្សដែលនៅជុំវិញខ្លួន ពោលគឺ ៖ ឥស្លាមបានផ្តាំផ្ញើកូនៗឲ្យធ្វើល្អ ជាពិសេសធ្វើល្អចំពោះស្រ្តីដែលជាម្តាយច្រើនជាងឪពុក។ ឥស្លាមបានផ្ដាំផ្ញើរដល់ឪពុកម្ដាយឲ្យធ្វើល្អដល់កូនស្រី។ ឥស្លាមបានដាក់បទបញ្ជាលើប្តីឲ្យធ្វើល្អបំផុតចំពោះស្រ្តីជាភរិយា និងបានចាត់ទុកថា អ្នកដែលល្អជាងគេនៃអ្នកឥស្លាម គឺអ្នកដែលធ្វើល្អជាងគេចំពោះគ្រួសាររបស់គាត់ ។

🔹 សិទ្ធិទទួលបានការផ្គត់ផ្គង់ជីវភាពពី ឪពុក បងប្អូនប្រុស ប្ដី កូនប្រុស និងផ្សេងៗ ដោយស្រ្តីមានសិទ្ធិក្នុងការជ្រើសរើសរវាងការប្រកបមុខរបរជួយផ្គត់ផ្គង់គ្រួសារ ឬមិនប្រកបមុខរបរ ដោយគាត់នឹងទទួលបានការផ្គត់ផ្គង់ពេញលេញពីស្វាមីរបស់គាត់ ឬផ្សេងៗ ចំណែកបុរសគ្មានជម្រើសដូចនោះឡើយ ។

🔹 សិទ្ធិក្នុងការមិនសឡាតកាតព្វកិច្ច ចំពោះស្រ្តីមានរដូវឬនីហ្វាស រហូតទាល់តែគាត់ជ្រះស្អាត តែបុរសវិញមិនទទួលបានសិទ្ធិដូចនេះឡើយ ទោះជាស្ថិតក្នុងកាលៈទេសៈណាក៏ដោយ ដរាបណាគាត់នៅមានប្រាជ្ញាស្មារតីធម្មតា ។

🔹 សិទ្ធិក្នុងការស្រាយបួសខែរ៉ម៉ាឌន ចំពោះស្រ្តីមានផ្ទៃពោះ ឬស្រ្តីបំបៅដោះកូន ដើម្បីសម្រាលដល់ស្ថានភាពរបស់គាត់ ហើយចាំបួសសងវិញនៅពេលមានលទ្ធភាព ។

🔹 សិទ្ធិមិនទៅចូលរួមសឡាតជុំអាត់នៅម៉ាស្ជិទ ។

🔹 សិទ្ធិមិនទៅចូលរួមតស៊ូក្នុងផ្លូវអល់ឡោះនៅសមរភូមិ ។

🔹 សិទ្ធិទទួលបានអ៊ីស៉ីកាវិនពេលរៀបការ ។

🔹 សិទ្ធិរុំក្រណាត់ពេលស្លាប់៥ជាន់ ដែលខុសពីបុរសដែលរុំតែ៣ជាន់ ។ល។

✅ ហើយលក្ខណៈពិសេសរបស់ស្រ្តីនៅក្នុងសាសនាឥស្លាមដែរនោះគឺ ៖

🔹 គ្មានជំពូកណាដែលមានឈ្មោះថា "ជំពូកស្តីអំពីបុរស" ទេនៅក្នុងគម្ពីរគួរអាន ប៉ុន្តែមានជំពូកមួយដែលមានឈ្មោះថា "ស៊ូរ៉ោះ អាន់នីសាក" ដែលមានន័យថា "ជំពូកស្តីអំពីស្រ្តី" ។

🔹 សាសនាឥស្លាមបានដាក់ទោសយ៉ាងធ្ងន់ធ្ងរចំពោះអ្នកដែលមួលបង្កាច់ស្រ្តីស្អាតស្អំថាជាស្រ្តីមិនល្អ ។

🔹 តាមធម្មតាអ្នកដែលមានអង្គរក្សតាមខ្លួនដើម្បីការពារ គឺជាអ្នកមានទ្រព្យសម្បត្តិស្តុកស្តម្ភ ឬអ្នកមានតំណែងខ្ពង់ខ្ពស់។ ហេតុនេះ សាសនាឥស្លាមដែលតម្រូវឲ្យមានសាច់ញ្ញាតិជិតជាបុរស ឬប្តីអមដំណើរស្រ្តីពេលធ្វើដំណើរទៅឆ្ងាយពីផ្ទះដើម្បីការពារនោះ មានន័យថា សាសនានេះចាត់ទុកស្រ្តីគឺជាមនុស្សមានតម្លៃ និងជាមនុស្សពិសេសនៅក្នុងគ្រួសារ ប៉ុន្តែគួរឲ្យស្តាយ មានអ្នកខ្លះបែរជាមួលបង្កាច់ឥស្លាមថា នេះជាការបំបិទសិទ្ធិស្រ្តីទៅវិញ ។

❌ មានការយល់ច្រឡំមួយចំនួនចំពោះច្បាប់វិន័យខ្លះរបស់សាសនាឥស្លាមទៅលើស្រ្តីថា វាជាការបំបិទសិទ្ធិស្រ្តី ដូចជា ការប្រើឲ្យស្រ្តីស្លៀកសំលៀកបំពាក់បិទបាំងរាងកាយឲ្យល្អជាដើម។ល។ តាមការពិតច្បាប់វិន័យទាំងនេះ គឺសុទ្ធតែដើម្បីការពារដល់កិត្តិយស និងសេចក្តីថ្លៃថ្នូររបស់ស្រ្តីប៉ុណ្ណោះ វាមិនមែនជាការបំបិទសិទ្ធិដូចការចោទប្រកាន់នោះឡើយ ។

➡️ សរុបសេចក្តីមក ៖ ទាំងបុរសនិងស្រ្តីនៅក្នុងសាសនាឥស្លាមសុទ្ធតែមានសិទ្ធិដែលសាកសមនឹងអ្វីដែលគាត់ត្រូវទទួលសមស្របនឹងលក្ខណៈធម្មជាតិដែលអល់ឡោះបានបង្កើតគាត់មកប្រកបដោយភាពយុត្តិធម៌ ។
Credit By Gazaly Abdullah