25/07/2026
قلّن من بكركي على الديمان
قولو الحقيقة متل ما هيّ
بطرك انا برجّف الف سلطان
شو همّني من جيوش تركية
مش همني البس دهب رنان
وصلبان وخواتم ب أيديّ
البهمّني دفّي طفل بردان
وطَعمي الفقير بكل حنية
البهمّني يبقى الوطن منصان
ويعرف الراعي يصون الرعية
ومن بعد ما فلّيت يا اخوان
وغِفيت بقلب النعش عينيي
قِمتو لحَقتوني لورا الأكفان
ونعشي فتحتو بكل حرية
وحتى طوباوي كون !! مش سئلان
و مش عايز شهادات فخرية
عيب !!! استحو!!! لا تشوّهو الإيمان
بعرف انا شو عندكن نيّة
بالأمس كنتو تتاجرو بلبنان
واليوم عم بتتاجرو فييّ
جون اللقيس
