03/02/2026
1. ජෙෆ්රි එප්ස්ටීන් යනු කවුද?
ජෙෆ්රි එප්ස්ටීන් යනු ඉතා ධනවත් ඇමරිකානු ව්යාපාරිකයෙකි. ඔහු ලෝකයේ ප්රසිද්ධ දේශපාලනඥයන්, කලාකරුවන් සහ බිලියනපතියන් සමඟ සමීප සබඳතා පැවැත්වූවෙකි. වයස අවුරුදු 18ට අඩු දැරියන් ලිංගික ජාවාරම් සඳහා යොදාගැනීමේ චෝදනා මත 2019 වසරේදී ඔහුව අත්අඩංගුවට ගත් අතර, නඩු විභාගය පැවැත්වෙන අතරතුර ඔහු බන්ධනාගාරය තුළදී සියදිවි නසා ගත්තේය.
2. මේ ලේඛන මොනවාද?
මෙම ලේඛන එප්ස්ටීන්ගේ වින්දිතයෙකු වූ වර්ජිනියා ජුෆ්රේ (Virginia Giuffre) විසින් එප්ස්ටීන්ගේ සහකාරියක වූ ගිස්ලේන් මැක්ස්වෙල්ට (Ghislaine Maxwell) එරෙහිව පවරන ලද සිවිල් නඩුවකට අදාළ ඒවා වේ. ඇමරිකානු අධිකරණය විසින් 2024 සහ 2025 වසරවලදී මෙම ලිපිගොනු දහස් ගණනක් ප්රසිද්ධියට පත් කරන ලදී.
3. ලේඛනවල සඳහන් වන ප්රධාන කරුණු
මෙම ලේඛනවල එප්ස්ටීන් සමඟ සබඳතා පැවැත්වූ පුද්ගලයන් 150කට අධික පිරිසකගේ නම් සඳහන් වේ.
ප්රසිද්ධ පුද්ගලයන්ගේ නම්
බිල් ක්ලින්ටන් (හිටපු ඇමරිකානු ජනාධිපති)
ඩොනල්ඩ් ට්රම්ප් (ඇමරිකානු ජනාධිපති)
ඇන්ඩෘ කුමරු (බ්රිතාන්ය රාජකීය පවුලේ සාමාජික)
බිල් ගේට්ස්
එලොන් මස්ක්
මෙහි නම සඳහන් වූ පමණින් ඔවුන් සියලු දෙනා වැරදිකරුවන් නොවේ. සමහර නම් සඳහන් වී ඇත්තේ සාක්ෂිකරුවන් ලෙස හෝ එප්ස්ටීන්ගේ මිතුරන් හෝ ව්යාපාරික හවුල්කරුවන් ලෙස පමණි.
ලිංගික අපයෝජන චෝදනා: එප්ස්ටීන්ගේ පෞද්ගලික දූපතේ (Little Saint James) සහ ඔහුගේ නිවාසවල සිදුවූ අකටයුතුකම් පිළිබඳ වින්දිතයන් ලබා දුන් සාක්ෂි මෙහි අන්තර්ගත වේ.
ප්රධාන් චෝදනා පහත පරිදි වේ..
1. බාලවයස්කාර දැරියන් ඉලක්ක කිරීම
එප්ස්ටීන් සහ ඔහුගේ සහකාරිය වූ ගිස්ලේන් මැක්ස්වෙල් ප්රධාන වශයෙන්ම වයස අවුරුදු 14-18 අතර පසුවන අඩු ආදායම්ලාභී පවුල්වල දැරියන් ඉලක්ක කර ගත් බවට සාක්ෂි හෙළි වී තිබේ. මොවුන්ට මුදල් ලබා දී "සම්බාහනය" සඳහා යැයි පවසමින් කැඳවා පසුව ලිංගික අපයෝජනයට ලක් කර ඇත.
2. ලිංගික ජාවාරම් ජාලයක් පවත්වාගෙන යාම (S*x Trafficking)
මෙය හුදෙක් තනි පුද්ගලයෙකු විසින් කරන ලද අපරාධයක් නොවූ අතර, එය ඉතා ක්රමවත් ජාලයක් ලෙස ක්රියාත්මක විය. එක් වින්දිත දැරියක් ලවා තවත් දැරියන් කිහිප දෙනෙකු හඳුන්වා දීමට කටයුතු කිරීම. දැරියන්ව ගුවන් මගින් ඔහුගේ පෞද්ගලික දූපතක් වන Little Saint James ( මෙය Pe*****le Island යනුවෙන්ද හඳුන්වයි ) වෙත සහ නිව්යෝර්ක්, ෆ්ලොරිඩා හි පිහිටි ඔහුගේ නිවාස වෙත ප්රවාහනය කිරීම.
3. ප්රභූන් සඳහා පහසුකම් සැලසීම
ලේඛනවලින් හෙළි වන වඩාත්ම ආන්දෝලනාත්මක කරුණ වන්නේ එප්ස්ටීන් විසින් මෙම දැරියන්ව ලෝකයේ ප්රබල දේශපාලනඥයන්, විද්යාඥයන් සහ ව්යාපාරිකයන් වෙත "සැපයූ" බවට එල්ල වන චෝදනාවයි. වර්ජිනියා ජුෆ්රේ වැනි වින්දිතයන් ප්රකාශ කර ඇත්තේ ඇන්ඩෲ කුමරු වැනි පුද්ගලයන් සමඟ ලිංගිකව හැසිරීමට තමන්ට බල කළ බවයි.
4. ලිංගික වහල්භාවය සහ බ්ලැක්මේල් කිරීම (Blackmail)
එප්ස්ටීන් මෙම අපයෝජනයන් වීඩියෝ ගත කළ බවට සැක කෙරේ. එමගින් ප්රබල පුද්ගලයන්ව තමාගේ ග්රහණයට නතු කර ගැනීම (Blackmail) ඔහුගේ අරමුණ වූ බව බොහෝ විචාරකයෝ පවසති.
✍️ Smart සිංහල
