08/07/2026
දෑවැද්දකට හිලව් වුණු රිධ්යානා..💔
රිද්යානා විවාහ වෙලා ගෙවිලා තිබ්බේ මාස කීපයක් විතරයි. නමුත් පසු ගිය සතියේ ඇය සිය ජීවිතයට සමුදෙන්න තීරණය කරලා තිබ්බා. සැමියා වගේම ඔහුගේ මවගේ අතින් නිරන්තරයෙන් සිද්ධ වෙච්ච ශාරීරික වගේම මානසික පීඩාවන් ඇයට දරාගන්න බැරි වුණු බවයි අනාවරණය වෙන්නෙ. විවාහය පෙර එකග වුණු දෑවැද්ද විදියට රුපියල් කෝටි 2.5ක් වියදම් කරලා තිබ්බා ඇගේ දෙමව්පියන්. රුපියල් ලක්ෂ 70ක් වටිනා වොල්වෝ මෝටර් රථයක් සහ පවුම් 300ක් (කිලෝග්රෑම් 2.4) රත්තරන් දෑවැද්ද විදියට තෑගි කළත් රිධාන්යාගේ නැන්දම්මා හා සැමියා ඒකෙන් සෑහීමට පත් වෙලා තිබ්බෙ නැ.
රිද්යානාගෙ පවුලේ අය මේ ගැන දැනගත්තට පස්සෙ තවත් පවුම් 200ක් (රත්තරන් කිලෝග්රෑම් 1.6ක්) ලබා දෙන බවට පොරොන්දු වෙලා තිබුණත් ඔවුන් දිගටම ඈට ඒ බව පවසමින් හිරිහැර කලා කියලයි ඈ මියයන්නට පෙර සදහන් කරලා තිබ්බේ. ඇගේ සැමියා වන කවින්, මාමණ්ඩිය වන ඊශ්වරමූර්ති සහ නැන්දම්මා වන චිත්රාදේවි මේ සම්බන්ධව අත් අඩංගුවට අරන් තියෙනවා මේ වෙද්දි.
මොණ්ඩිපාලයම් වල තියෙන කෝවිලකට යන අතරමගදී ඇය තම මෝටර් රථය තුළ පළිබෝධනාශක පෙති පානය කරලා සිය ජීවිතයට නැවතීමේ තිත තියන්න තීරණය කරලා තිබ්බා.
ඇගේ මරණයට පෙර, ඇය ඇගේ විවාහය තුළ විඳදරාගත් අපයෝජනය, මානසික පීඩාව ගැන සමාව අයැද ඒ ගැන තොරතුරු පැහැදිලි කරමින් හද කම්පා කරවන හඬ සටහන් හතක් පටිගත කරලා ඇගේ පියාට යවා තිබුණ බව සදහන්. ඒ එක පණිවිඩයක ඇය ,
“මට හැමදාම එයාලගේ මානසික වධහිංසා දරාගන්න බෑ තාත්තෙ. මේ ගැන කාට කියන්නද කියලා මන් දන්නෙ නැ. කවුරුත් මාව තේරුම් ගන්නෙ නැ. හැමෝටම අවශ්ය එකග වෙලා නිහඩව ඉන්නයි. මගේ වටේ ඉන්න හැමෝම රඟපානවා, මම නිහඬව සිටින්නේ ඇයි කියලාවත් අඩු ගානෙ දිගින් දිගටම මෙහෙම වෙන්නේ ඇයි කියලාවත් මට තේරෙන්නේ නැහැ. මගේ මුළු ජීවිත කාලය පුරාම ඔබට බරක් වීමට මට අවශ්ය නැහ තාත්තේ. මේ වතාවෙ මම කිසිම වැරැද්දක් කළේ නැහැ. මම මේ ජීවිතයට කැමති නැහැ. ඔහු මට ශාරීරිකව වධ දෙනවා. ඒ වගේම මානසිකව පහතට ඇදලා දානවා"
“ඔබ සහ අම්මා තමයි මගේ ලෝකය. මගේ අවසන් හුස්ම හෙළන තුරු ඔබ මගේ ලග ඉන්න බවත් බලාපොරොත්තුව වුණ. නමුත් මම ඔබට දරුණු ලෙස රිදෙව්වා. ඔබට මෙය විවෘතව පවසන්න මට ශක්තිය තිබුනේ නැ. මාව මේ විදියට දකින්න ඔබ කැමැති නැති බව මම දන්නවා තාත්තේ. මට ඔබේ දුක තේරුම් ගන්න පුලුවන්. මට සමාවෙන්න තාත්තේ හැමදේම අවසන්. මම යනවා, ” රිද්යානා එයාගෙ හඩපට වලින් එහෙම කියලා තිබ්බා.
තමිල්නාඩුව ඉන්දියාවෙ අනෙක් ප්රාන්ත එක්ක සසදද්දි උගත් බව අතින් ටිකක් ඉහළින් තියෙනවා. ශක්තිමත් පාසල් අධ්යාපන ක්රම, පුළුල් විද්යාල ප්රවේශය සහ ඉහළ සාක්ෂරතාවය අතින් අනෙක් ප්රාන්ත වලට වඩා ඉහළින් ඉන්නවා. ඒත් මනුස්සකම කියන එක පොතක අකුරු වලින් මනින්න බැ කියන එක මේ සිද්ධිය තව දුරටත් තහවුරු කරලා තියෙනවා.
අනෙක් කරුණ වෙන්නෙ, කරුණාකරලා දෙමව්පියන් තමන්ගෙ දූවරුන්ට හොදින් උගන්වන්න. ( පුතුන්ටත්) දෑවැද්දකට මුදලකට හිලව් කරන්න සිද්ධ කරන්නෙපා. ඒ ගෝත්රික මානසිකත්වය නැති කරගන්න. තමන්ගෙ දුවව , මුදලට හුවමාරු කරගන්න විවාහයකට තල්ලු කරන්නෙපා. ඒ වගේම කරුණාකරලා හැම ගැහැනු දරුවෙක්ම ඉගෙන ගන්න. හැම පිරිමියෙක්ම, හැම පවුලක්ම එක වගේ සහයෝගය දෙයි කියන විශ්වාසෙ පිට මේ ගමන යන්නෙපා.එහෙම වුණාම මේ වගේ අවස්ථාවක දවසක ඉතුරු වෙන්නෙ ඒක විතරයි.
"ඔච්චරනෙ ගෙනාවෙ, එද්දි මොනවද අරන් ආවෙ,.." වගේ වචන අහගන්න වෙන තැනට කවුරුත් වැඩ කරන්නත් එපා. ඉගෙනගන්න, රැකියාවක් කරන්න. ආර්ථිකය අතින් ශක්තිමත් වෙලා විවාහයකට යන්න. එතකොට ඒක ඔබට වගේම ඔබේ සැමියටත් හයියක් වෙනවා. ඒ වගේම එහෙම අවස්ථාවක ජීවිතය අත් හරින තැනට වැටෙන්නත් එපා. ඒක තමා තියෙන එකම විසදුම කියන තැනට ඔළුව හදාගන්නෙපා. ඊට වඩා ලස්සන විසදුම් ජීවිතය ඉස්සරහා තියෙනවා. දරා ගැනීම උපරිම තැන් වලත් දරා ගන්න කිව්වට ....ඒක අපහසුම නම්..ඒකෙ වේදනාව දන්නෙ මට වඩා හොදින් ඔයා නම්...වෙන්න ඕන ජීවිතය අතාරින එක නෙමෙයි....කියන තැනට හිතන්න පුරුදු වෙන්න.
රිද්යානාටත් ඒ හයිය තිබ්බා නම්...ඇගේ දෙමාපියන් ආ ගැන මීට වඩා සැලකිලිමත් වුණා නම්, ඈ අදත් ජීවතුන් අතර ඉන්න තිබුනා..💔
උපුටා ගැනීමකි. අයිතිය මුල් හිමිකරු සතුය.
DM for credits 🙏
