RM Needle Magic

24/06/2026

Be Loving to Yourself 🌹

23/06/2026

Good night 🌙

18/06/2026

පොඩිත්තන්ගේ හීන හැඩකරන අපේ තවත් ලස්සන නිමැවුමක්! 🥰👗

​
​
​
​
​
​
​

15/06/2026

හෙට නුඹේ දවසයි! 💪✨

​අද දවස හිතපු තරම් හොඳ නැති වුණාද?
සමහර බලාපොරොත්තු සුන් වෙලා ගියාද?
කමක් නෑ... නුඹ තවමත් වැටිලා නෑ,
නුඹ ඉන්නේ ඊළඟ පිම්මට සූදානම් වෙමින්

​හඳ වුණත් ලස්සන වෙන්නේ -
කළුම කළු රාත්‍රියක විතරයි.
ඒ නිසා අද අඳුරට බය වෙන්න එපා...
නුඹේ ඇතුළේ තියෙන ඒ නොනිවෙන හයිය,
නුඹව හෙට ලෝකය දකින තරුවක් කරාවි!

​දෑස් පියාගන්න සැනසීමෙන්...
නුඹේ හීන වලට පණ දෙන්න,
ලස්සනම හිරු කිරණක් හෙට උදාවේවි.
​.
Written by: Kavee (Silent Echoes) 🖋️
Copied

14/06/2026

වැටෙන හැම වතාවකම -
හිතුවද උඹ පැරදුණා කියලා?
නෑ, ඒ හැම වැටීමක්ම -
උඹේ හයිය "පරීක්ෂා" කළා විතරයි..

​ලෝකයා හිනා වෙද්දී -
උඹේ අඩිය පස්සට ගන්න එපා..
නිහඬවම දරාගෙන -
තව එක පාරක් "උත්සාහ" කරපන්..

​ඉලක්කම් වලට බැහැ -
උඹේ හීන වල වටිනාකම මනින්න..
වැටුණු තැනින් නැගිටින දාට -
උඹටත් වඩා ලොකුවට උඹේ "හිනාව" පෙනේවි! ❤️✨

​දීර්ඝ නිහඬතාවයකට පස්සේ, අවුරුද්දකට විතර පස්සේ මගේ ආදරණීයයන් වෙනුවෙන් ලියන පළවෙනි සටහන මේක.. ✍️🌸

​මාව ළඟින්ම අඳුරන, මගේ හැකියාවන් විශ්වාස කරපු මගේම අයගේ ඉල්ලීම් සහ අවශ්‍යතාවයන් මත මගේ අතින් නිමැවුණු පුංචි නිර්මාණ කිහිපයකුයි මේ පින්තූර වල තියෙන්නේ. 🥰👗 (බලන්නකෝ ලස්සනද කියලා!)

​මගේ ප්‍රධානම අවධානය සහ ආසාව තියෙන්නේ සාරි (Hand-Embroidery සහ Hand-Paint Saree) නිර්මාණකරණයට වුණත්, ඔයාලගේ ආදරණීය ඉල්ලීම් නිසා මෙන්න මේ වගේ ලස්සන පුංචි ඇඳුම් නිර්මාණත් මගේ අතින් හැඩවුණා.

​ඉදිරියට තවත් අලුත් සාරි මෝස්තර සහ වෙනස්ම විදියේ ලස්සන නිර්මාණ රැසක් අරගෙන ඔයාලව හමුවෙන්න බලාපොරොත්තු වෙනවා. 🎨🧵

​✨ ඔයාලටත් ඔයාලගේම කියලා කැමැත්තක්, විශේෂ මෝස්තරයක් තියෙනවා නම්, ඒ රුචිකත්වයට අනුව සාරි හෝ වෙනත් ඇඳුම් නිර්මාණය කරවාගන්න දැන් පුළුවන්.

​දිගටම මාත් එක්ක රැඳිලා ඉන්න. ඔයාලට අවශ්‍ය ඕනෑම නිර්මාණයක් ගැන කතා කරගන්න කෙලින්ම මගේ WhatsApp එකට මැසේජ් එකක් දාන්න.

ආදරෙයි හැමෝටම! ❤️

​

06/02/2025

❤️❤️❤️

අවේස වීම.. 👹
‘’දර්ශිකා හෙට ඔයා අපේ සමාගමේ ප්‍රධාන නිෂ්පාදන කළමණාකාරීනිය ලෙස පත්වෙනවා. පත්වීම බාරගන්නට සුදුසු ඇඳුමකින් හෙට සැරසී එන්න..’’
ආයතන ප්‍රධානියා දර්ශිකාට වට්ස්ඇප් පණිවිඩයක් යැව්වා. එය එවා තිබුනේ ඉංග්‍රීසියෙන්. දර්ශිකාට කිසිවක් අදහාගන්න බැරිවුණා. නිෂ්පාදන අංශයේ මෙහෙයුම් නිළධාරිනියක් ලෙස ඇය වසර හතරක් සේවය කළා. ලබාගත හැකි හැම අත්දැකීමක්ම ලබාගත්තා. එහෙත් තමාට ප්‍රධාන නිෂ්පාදන කළමණාකාරීනිය ලෙස පත්විමක් ලබාදෙන බව ඇසිමෙන් ඇය පුදුමයට පත්වුණා. තවමත් අවිවාහකව ඉන්නා ඇය මේ සතුට බෙදාගත්තේ ඇගේ අම්මා සමඟයි.
‘’ඉතින් ඔයා හෙට ලස්සනට ඇඳගෙන යන්න..හැමදාම එකම පෝස්ට් එකේ ඉන්නෝන නෑනේ. ඔයා කැපවිමෙන් වැඩ කරනවානේ. සර් හිතන්න ඇති ඒ ගැන…’’
‘’ඔව් අම්මා..හෙට ස්ටාෆ් මීටින් එකක් තියලාම මට අලුත් පෝස්ට් එක බාරදෙයි..මම මට පුළුවන් උපරිමයෙන් වැඩකරනවා. බාරෙකුත් වෙන්න හොදේ..’’
උදෑසන, දර්ශිකා ඉතාම සුන්දරව සැරසී කාර්යාලයට යන්නට පිටත් වුණා. මෙතුවක් දවස් පොදු ප්‍රනාහන සේවය පාවිච්චි කළත් සමහරවිට අද සිට තමාට වාහනයක් ලැබෙන බව ඇය දැනගෙන උන්නා. දැනට ප්‍රධාන නිෂ්පාදන කළමණාකාරීනිය ලෙස සේවය කරන මිසිස් අමරසූරිය පාවිච්චි කරන්නේ සුදු පැහැපත් සුන්දර කාරයක්. එය ආයතනයෙන් ලබාදි ඇති එකක්. ඇයටම වෙන්වූ කැබින් එකකුත් තිබෙනවා.
ලස්සනට සාරියක් ඇඳගෙන ආයතනයට ආ දර්ශිකා දෙස නිෂ්පාදන අංශයම බලාගෙන උන්නේ පුදුමයෙන්.
‘’අද මොකද මේ දර්ශි. මේ ගමන් පාටියකට යන්නද?’’
නිෂ්පාදන අංශයේ සේවිකාවන් ඇගෙන් ඇසුවා.
‘’සර් මට කිව්වේ. අද මාව පෝස්ට් එකකට අපොයින්ට් කරනවා නේ..’’
දර්ශි අහිංසකව කිව්වා.
‘’වාව්. ප්‍රඩක්ෂන් එකේ..’’
‘’මං හිතන්නේ..’’
‘’මාරයිනේ..අපිවත් දන්නේ නෑනේ’’
මේ නිව්ස් එක නිෂ්පාදන අංශය පුරාම පැතිරිලා ගියේ හරි ඉක්මනින්. හැමෝම තැන තැන කසු කුසු ගෑවා.
‘’ඉතින් මෙච්චරම ලස්සනට ඇඳන් එන්න. ප්‍රඩක්ෂන් චීෆ් වෙනවද ඔයා..’’
සමහර අය ඇහුවේ තරමක සමච්චල් හඩකින්. දර්ශිකා කිසිවක් කිවේ නෑ.
ප්‍රධාන නිෂ්පාදන කළමණාකාරීනිය ලෙස සේවය කරන මිසිස් අමරසූරිය දර්ශිකාව ඇගේ කැබින් එකට කැඳෙව්වා.
‘’ආ..ඔයා අද වැඩකරන්න බලාගෙන නෙමේද ආවේ.. මම මේ ස්ටෝ රූම් එකේ ස්ටොක් බැලන්ස් එක බලන්න කියන්න ගියේ..’’
දර්ශිකාට කිසිවක් සිතාගන්නට නොහැකි වුණා.
‘’මම බලන්නම් මිස්. ඒක මොකක්ද?’’
‘’බලන්නකෝ. අපට මේ සතියේ වැඩ වැඩියි. පර්සනල් වැඩ තියේනම් වීක් එන්ඩ්ස්වල දාගන්න. ලීව් ඇප්ලිකේෂන් අරන් මං ගාවටනම් එන්න එපා..’’
දර්ශිකාට පුදුමත් සිතුණා. ‘එයා අයින් වෙන්නේ නැත්නම් මම කොහොමද චීෆ් ප්‍රඩක්ෂන් මැනේජර් වෙන්නේ..’ දර්ශිකා සිතුවා. ඇය යද්දීත් නිෂ්පාදන අංශයේ අය හිනාවුණා.
‘’අමරසූරිය මිසුත් මාර වැඩනේ කරන්නේ. මේ අලුත් පෝස්ට් එකක් ගන්න සාරිත් ඇඳගෙන ආපු කෙල්ලව ස්ටොක් රූම් එකට දාන්නේ…කැතයි කැතයි..’’
ඒ වචන දර්ශිකාගේ දෙසවන් තුළ දෝංකාර දුන්නා. ඒත් ඇය දරාගෙන උන්නා.
‘’සර් කියයිනේ..’’
වෙනදාට සාමාන්‍ය ස්ලැක් කළිසමකින් සහ බ්ලවුසයකින් සැරසී නිෂ්පාදන අංශයේ වැඩකරන ඇයට අද මේ සාරියක් ඇද වැඩකරන්නට විම පුදුමාකාර අපහසුතාවයක් වුණා. ඔක්කොටම වඩා අමාරු වුනේ අඟලක් දෙකක විතර හීල්ස් දෙකක් සාරියට ඇන්ඳ නිසයි.
අනික, අද කිසිම ස්ටාෆ් මීටින් එකක් යොදලත් නෑ. නිෂ්පාදන අංශය සුදුරුදු ලෙසින් වැඩ. මිසිස් අමරසූරියත් හරිම අපූරුවට ඇගේ කැබින් එකේ විරාජමානව සිටිනවා. ටිකකට කළින් ඇය ආයතන ප්‍රධානියාගේ කාමරයටත් ගිහින් සිනාසෙමින් පිටතට ආවා.
‘’එතකොට මට සර්ගේ නම්බර් එකෙන් ආපු වට්ස්ඇප් එක.. ඒක මොකක්ද?’’
ඇයට කිසිවක් සිතාගන්නට නොහැකි වුණා. එහෙත් කරබාගෙන දර්ශිකා වැඩ කළා. කුමක්හෝ දෙයක් සිදුවෙන බව ඇයට තේරෙනවා.
‘’ඉතින් අදම පෝස්ට් එකට සර් අපොයින්ට් කරනවලුද දර්ශි..’’
ප්‍රඩක්ෂන් එකේ සුමී ඇසුවා.
‘’දන්නැ. මට කියපු දේ මම කළා..’’
අවසානයේ ඇය දහවල් දෙකට පමණ ආයතන ප්‍රධානීයාගේ කාමරයට ගියා. දර්ශි දවල් කැමට ලන්ච් රූම් එකටවත් ගියේ නෑ. ඇයට යන්න ලැජ්ජයි.
‘’ගුඩ් ආෆ්ටර්නූන් සර්..’’
‘’ගුඩ් ආෆ්ටර්නූන්. අද දර්ශි ලස්සනට ඇඳන් ඇවිත් තියෙන්නේ. ඒත් ප්‍රඩක්ෂන් සෙක්ෂන් එකේ වැඩකරන්න ඔහොම අමාරුයිනේ..’’
දෑස්වලට කඳුළු පිරෙන තරමට දර්ශිකාව අසරණ වුණා.
‘’ම..ට සර් පොඩි දෙයක් දැනගන්න පුළුවන්ද?’’
‘’කියන්න..’’
‘’මේ වට්ස්ඇප් එක ස..ර් මට ඊයේ ලැබුණා..රෑ හතට විතර..’’
ආයතන ප්‍රධානීයා දර්ශිකාගේ අතින් ඇගේ දුරකථනය ගෙන එදෙස බලාගෙනම උන්නා.
‘’මේක වැරදීමක් දර්ශිකා. එච්චර ගණන් ගන්න එපා. කවුරුහරි මගේ ෆෝන් එක අරගෙන ඔයාට බොරු මැසේජ් එකක් දාලා. අපට චීෆ් ප්‍රඩක්ෂන් මැනේජර් කෙනෙක් ඉන්නවනේ. එයා රිසයින් වෙලා නෑනේ. මේක කාගේහරි බොරුවක්..වැඩකරගෙන යන්න..’’
දර්ශිකා බිම බලාගෙනම උන්නා. ඇගේ දෙනෙතින් කඳුළක් වැටුණා. ඒ කඳුළ ටිකක් බර වැඩියි.
‘’ඔව් සර්. එහෙම වෙන්න ඇති. තැන්කියු සර්…’’
ඊටත් පැයකට පසුව ඇය ඇගේ අස්වීමේ ලිපිය ලියා පිරිස් කළමණාකරුට ලබාදී සේවයෙන් ඉවත්වුණා. මුළු ආයතනයම සිනාබරව බලාගෙන ඉඳිද්දී ඇය සාරි පටත් අල්ලාගෙනම ආයතනයෙන් පිටවුණා. මඟ දිගට ඇගේ දෑස් තෙමෙමින් ගියා. ටවුමට එද්දී තමාට උණ ගන්න වගේ කියලා ඇයට දැනුණා.
‘’එහෙනම් මට එහෙම කළා…කමක් නෑ..’’
දර්ශිකා ටවුමෙන් ත්‍රී වීල් එකක් අරගෙන නිවසට ගියා. අම්මා පුදුමයෙන් බලාගෙන උන්නා.
‘’ඇයි පොඩි පුතේ..’’
ම..ට ටිකක් සනීප නෑ වගේ අම්මා..’’
‘’අනේ. අද අලුත් පෝස්ට් එකේ වැඩ බාරගත්තද ඉතින්..’’
‘’මම කියන්නම්. මට තේ චුට්ටක් පුළුවන්නම්..’’
අම්මා බලාගෙන උන්නේ අසරණවයි.
එදා සිට සතියක් යනතුරු ඇය බලාගත් අත බලාගෙන උන්නා. ඒක ඇගේ ජීවිතයේ ඉතාම දුෂ්කර කාලයක්. අවසානයේදී ඉරිදා හවස ඇය නැඟී සිටියා. ඉතාම දුෂ්කර දින හතකට පසුව ඇය නැඟී සිටියා.
‘’නෑ ඒක බොරුවක් නෙමෙයි. මම ඒ බොරුව ඇත්ත කරනවා. චීෆ් ප්‍රඩක්ෂන් මැනේජර් නෙමෙයි. මම ප්‍රඩක්ෂන් කම්පනි එකක ඕනර්ම වෙනවා..දෛවය මට හරි නරක විහිළුවක් කලේ. මම ඒ විහිළුව ඇත්ත කරනවා..’’
එය සිතාගත් පසුව, දර්ශිකාව වෙව්ලන්නට තරම් හැඟීමක් ආවා. ඇය වෙව්ලා ගියේ ඇය තුළින්ම ආ ආත්ම ශක්තියේ බලවත්කමටයි.
ඉනුත් මාසයකට පසුව දර්ශිකා රුවන්මලී ඇගේ පාවහන් නිෂ්පාදන ආයතනය ගොඩගමදී අරඹන්නේ ඉතාම කුඩාවට. සේවිකාවන් දෙදෙනෙක් පමණක් තබාගෙනයි ඇය ඇරඹුවේ. දර්ශිකා යකෙක් මෙන් වැඩකළා. උදෑසන පහේ සිට රාත්‍රි එක දක්වා ඇය වැඩකළා. කන්නට පවා ඇය ගතකලේ විනාඩි හය හතක් පමණයි. ඇගේ මේ ආත්ම ශක්තිය එහෙමම තියන්න කියලා ඇගේ අම්මා කුඩා පන්සලට බාරයකුත් වුණා.
වසරක් තුළ දර්ශිකා ඇගේ ‘ප්‍රින්සන් ස්ලිපර්ස්’ ආයතනය හරි ලස්සන තැනකට ගත්තා. ඉනුත් වසරකට පසුව ඇය අලුත්ම ගොඩනැඟිල්ලකට ඇගේ ප්‍රින්සස් ස්ලිපර්ස් ආයතනය රැගෙන ආවා.
මේ සිදුවීම් සියල්ල වෙලා දැන් වසර හතරක් ගතවී අවසානයි. අද දර්ශිකාට මිතුරියකගේ නිවසකට ගෙවැදිමේ උත්සවයකට යද්දී ඇය සේවය කළ පැරණි නිෂ්පාදන ආයතනය ළඟින් යන්නට සිදුවුණා. නිකමට මෙන් ඇය ඇගේ සුදු කුඩා ජීප් රිය ආයතනය තුළට දැම්මා. බොහේ සේවිකාවන් බලාගෙන උන්නේ ලස්සන පීච් පැහැගත් සාරියකින් සැරසී ආයතනයට එන යුවතිය දෙසයි. ඒ, අදින් වසර හතරකට පෙර සරදම් කර ආයතනයෙන් පිටමං කළ දර්ශිකා බව ඔවුන්ට හඳුනාගන්නට පවා ටික වෙලාවක් ගියා.
‘’කොහොමද සුමී. ආ චමරිත් තාම ඉන්නවනේ. ඉතින් ජීවක්කේ..’’
ඇය ඇගේ පැරණි නිෂ්පාදන අංශයේ මිතුරියන් හා කතාකළා. ඒ වෙද්දි දර්ශිකා ගැන හැමෝටම ආරංචිවෙලා තිබුනේ. ඔවුන් හැමෝටම අද ලැජ්ජා සහගත දිනයක් වුණා. ඇය කෙළින්ම ගියේ ඇගේ පැරණි සේවා ප්‍රධානියා වෙතයි.
‘’කොහොමද සර්. මේ ළඟට ආවා.ඉතින් සර්වත් බලලා යන්න ආවා..’’
‘’දර්ශිකා ගැන අපට ආරංචියි. ඇත්තටම ආඩම්බරයි..’’
‘’තැන්කියු සර්. මේ වට්ස්ඇප් එක තමයි මාව වෙනස් කලේ සර්..’’
දර්ශිකා ඇගේ වට්ස් එක විවර කර එය ඔහුට පෙන්නුවා. ඔහු ඒ දෙස බලාගෙන උන්නේ පුදුමයෙන්.
‘’එදා ආපු ආවේසයට මම හරි ආසයි..’’
එද්දි දර්ශිකා සිතුවා.
ජීවිතය දිනන්නනම්, ආවේසයක් හදාගන්න. ඒක යක්ෂාවේසයක් වුනත් කමක් නෑ. දෙවියන් පවා ඒ ආවේසයට බයයි.
ඉතින් මොකද කියන්නේ. අපි ආවේසයක් හදාගමුද? ඔය එක එක දේවල්වලට ආවේස වෙනවට වඩා ටිකක් බර දේකට ආවේස වෙන්න. බුදු සරණයි..!
💁🏻‍♀️💐
💥 #දෙවෙනිවසන්තය #ජීවිතයටමමහරිආදරෙයි #ජීවිතයටජයවේවා

05/02/2025

අම්මේ.. අම්මා පැරදිලා තියෙනවද? 🥹🤍

ඔවු!

අම්මා ලැජ්ජා වෙලා තියෙනවද?

ඔවු!

එතකොට දුක හිතිලා? අඬලා ?

තියෙනව! 🥹🤍

එතකොට අම්ම සර්ව සම්පූර්ණ නැද්ද? 🥹🤍

නැහැ දරුවෝ.............

එහෙනම් ඔච්චර ආඩම්බරෙන් හිස කෙලින් කරන් ඉන්නෙ? ලෝකෙම දිනලා වගේ ? 🥹🤍

සේරම නැතිවෙලා ගිය තැනත්,
දරුණුම පරාජයකින් පස්සෙත්,
මහා අවනම්බුවකින් පස්සෙත්, හිස කෙලින් තියාගන්න එක අමාරු වැඩක් නෙමෙයි.. 🥹🤍

ඒකට ඕනෙ කරන්නේ "පිරිසිදු හෘද සාක්ෂියක්" විතරයි..
ලොකු වෙන්නකො.. මං කියල දෙන්නම් 🖤

~Nawodya Udawatthe~

#බුඩී