03/07/2026
පාඨලී බෙල්ලටම හිරවෙයි 😏
රාජගිරිය 2016 රිය අනතුර සම්බන්ධ නඩුවේදී හිටපු අමාත්ය පාඨලී චම්පික රණවක මහතාගේ පෞද්ගලික සහකරු ලෙස කටයුතු කළ හර්ෂ බණ්ඩාර තිලකසිරි මහතා අද කොළඹ මහාධිකරණයේදී සාක්ෂි ලබාදුන්නේය.
අනතුර සිදුවූ පසු චම්පික රණවක මහතා දුරකථනයෙන් අමතා "අනතුරක් වුණා, පොලිසියට රියැදුරකු යවන්න" ලෙස දැනුම් දුන් බවත්, එම දැනුම්දීම අනුව මුලින් සිටි රියැදුරු වෙනුවට තුසිත බොරැල්ල පොලිසියට යැවූ බවත් සාක්ෂිකරු අධිකරණයට ප්රකාශ කළේය.
අනතුරෙන් තුවාල ලැබූ සන්දීප් සම්පත් මහතා බැලීමට තමා කිහිප වරක් රෝහලට ගිය බවත්, සිද්ධිය සම්බන්ධයෙන් සත්ය හෙළි කිරීමට පසුව තීරණය කළේ ඒ හේතුවෙන් බවත් ඔහු සඳහන් කළේය.
මේ අතර, විදේශගතව සිටින තවත් සාක්ෂිකරුවකුගේ සාක්ෂිය ජර්මනියේ බර්ලින්හි ශ්රී ලංකා තානාපති කාර්යාලය මඟින් මාර්ගගත ක්රමයට ලබාගැනීමට අධිකරණය අවසර ලබාදුන්නේය.
2016 පෙබරවාරි 28 දින රාජගිරියේදී සිදුවූ රිය අනතුර සහ එම සිද්ධිය වසන් කිරීම ඇතුළු චෝදනා යටතේ මෙම නඩුව පවරා ඇති අතර, වැඩිදුර විභාගය ජූලි 8 දිනට කල් තැබිණි.
#සිංහලපුවත්
