05/01/2026
🎉 අවුරුදු 35 කියන්නේ අලුත් ආරම්භයක්... මේ උපන්දිනයට ඇයට දිය හැකි වටිනාම තෑග්ග "නිරෝගීකම" යි! 🎁
🌟🌟අවුරුදු 35 හේ උපන්දින තෑග්ග🌟🌟
👉අවුරුදු 35 දී විශේෂ තෑග්ගක් ද?
📌 තිස් පස් වන වියට පා තබන ඔබගේ ආදරණීය බිරිඳට, සහෝදරියට හෝ යෙහෙළියට පිරිනැමෙණ සුවිශේෂී උපන්දින තෑග්ග ඇයව සුවනාරි සායනයට යොමු කිරීමයි .
👉සුවනාරි සායනය කියන්නේ මොකක්ද!
📌අවුරුදු 35 හෝ ඊට වැඩි කාන්තාවන් සඳහා සෞඛ්ය වෛද්ය නිලධාරී කාර්යාලය විසින් පවත්වනු ලබන සායනයකි.
👉මොකද්ද එකෙන් කරන්නේ?
📌සුවනාරී සායනයේ දී සෞඛ්ය කාර්යය මණ්ඩලය ඔබව පරීක්ෂාකර බලා යම් රෝග තත්ත්වයක් ඇත්නම් හෝ එවැන්නක් පිළිබඳව අනාගත අවදානමක් පවතින බව පෙනේ නම් එම රෝග තත්ත්වය වළක්වා ගැනීමට, මුල් අවධියේ හඳුනා ගැනීමට, සුව කිරීමට හා පාලනය කිරීමට අවශ්ය ක්රියාමාර්ග හා උපදෙස් නොමිලේම ලබා දීම සිදු කරයි.
👉ඉතින් ඒකට යන්නම ඕනෙද?
📌ඔව්. තිස් පස් වන වියට එළඹීමත් සමගම විවිධ රෝගාබාධයන්ට ගොදුරු වීමේ අවදානම වැඩි වේ.පිළිකා රෝගී තත්ත්ව මේ අතරින් ප්රධාන තැනක් ගනියි.
💥ශ්රී ලංකාවේ පිළිකා වැළඳී මිය යන කාන්තාවන් අතුරින් වැඩිම සංඛ්යාවක් මිය යන්නේ පියයුරු පිළිකා සහ ගැබ් ගෙල පිළිකා වැළඳී මෙන් බව ඔබ දන්නවාද?
මෙම පිළිකා දෙවර්ගය කල් ඇතිව හඳුනා ගැනීම මගින් එවැනි තත්ත්වයන් වළක්වා ගන්න පුළුවන්.
👉සුවනාරි සායනයෙන් සැලසෙන සේවාවන්
1)සාමාන්ය කායික පරීක්ෂාව සහ පෝෂණ තත්ත්වය බැලීම.
📌මෙහිදී BMI (ශරීර ස්කන්ධ දර්ශකය) අනුව යම් කාන්තාවකගේ අපේක්ෂිත පෝෂණ තත්ත්වයට වඩා අඩු හෝ වැඩි නම් එම තත්ත්වයන් නිවැරදි කරගැනීමට අවශ්ය ආහාර රටාවන් සහ ව්යායාම පිළිබඳව අවශ්ය දැනුම ලබා දෙයි.
2)රුධිර පීඩනය මැන බැලීම
📌අදාල මට්ටමට වඩා වැඩි නම් ප්රතිකාර සඳහා යොමු කරයි.
3)දියවැඩියා රෝගය හඳුනාගැනීම සඳහා රුධිරගත සීනි මට්ටම පරික්ෂා කිරීම
📌 අදාල මට්ටමට වඩා වැඩි නම් ප්රතිකාර සඳහා යොමු කරයි.
4)ත්රයිරොයිඩ් ග්රන්ථිය පරික්ෂා කිරීම
📌මෙහිදී ගලගණ්ඩය හෝ තයිරොයිඩ් ග්රන්ථියේ අසාමාන්ය වර්ධන තත්ත්වයන් සහ තයිරොයිඩ් හෝමෝන මට්ටම අඩු හෝ වැඩි වීම මගින් සිදුවන ශාරීරික වෙනස්කම් හඳුනා ගැනීම සිදුකරනු ලබයි.
5)සායනික පියයුරු පරීක්ෂාව සිදු කිරීම සහ ස්වයං පියයුරු පරීක්ෂාව සදහා මගපෙන්වීම
📌මෙහිදී අසාමාන්ය පියයුරු ගැටිති හඳුනා ගැනීම සහ එවැනි තත්ත්ව ඇත්නම් වහාම වැඩිදුර පරීක්ෂාව හා ප්රතිකාර සදහා යොමු කරනු ලැබේ.
6)ගැබ්ගෙල පෙදෙස පරීක්ෂාව ලක් කිරීම සහ ගැබ්ගෙල පිළිකා හඳුනාගැනීම සඳහා පැප් (PAP) නියැදි ලබාගැනීම.
📌මෙහිදී පැප් පරීක්ෂණය සඳහා ලබාගන්න නියැඳි හඳුනාගත් රෝහලක රසායනාගාරයකට යවා වාර්තාව ලබා ගැනීම සිදුවෙයි. අසාමාන්ය වාර්තා ලැබුණු කාන්තාවන් පසු කටයුතු සඳහා නාරිවේද විශේෂඥ වෛද්යවරයෙක් වෙත යොමු කරයි.
7)පවුල් සැලසුම් සේවා සහ උපදේශන සේවා සැපයීම
📌මෙහිදී අවශ්යතාවය මත ඉල්ලා සිටින, එහෙත් සුදුසු පරිදි ගිලින පෙති(OCP), නික්පේෂණ(DMPA), ජඩෙල්ලා හෝ ලුප්(IUCD) ලබාදීම හෝ ඇතුල් කිරීම සිදුකරයි.
8)ආර්තව චක්රය පිළිබඳ ගැටළු වලට උපදේශන සේවා සැපයීම සහ වැඩි වයස් කාන්තාවන්ට (අවුරුදු 45) ආර්තවහරණය පිළිබඳ දැනුවත් කිරීම.
📌මෙම සියලු සේවාවන් සෞඛ්ය වෛද්ය නිලධාරිවරයාගේ අධීක්ෂණය යටතේ මහජන සෞඛ්ය හෙද සොයුරිය සහ පවුල් සෞඛ්ය සේවා නිලධාරිනියගේ සහයෝගය මත සිදු කරයි.
📌නිරෝගී සුවබර දිවියක් සඳහා සුවනාරි සායන වලින් නොමිලේ සැපයෙන සේවා ඔබට මහගු අවස්ථාවක් වනු ඇත. එබැවින් ඔබගේ සුන්දරත්වය පමණක් නොව වටිනා ජීවිතය ද ආරක්ෂා කර ගැනීම සඳහා සුවනාරි සායනය ට නො වරදවා ම පැමිණෙන්න.
👉සායනය පවතින ස්ථානය, දිනය හා වේලාව ඇතුළත් සියලු තොරතුරු ඔබගේ ගමේ පවුල් සෞඛ්ය සේවා නිලධාරිනිය ගෙන් ලබා ගන්න.
