30/06/2026
📱 අපිට පුතෙක් හම්බුණා කියලා අම්මා පවුලේ අයට යවපු මැසේජ් එක යන්නේ අඳුරන්නේ නැති පුද්ගලයෙක්ට..
ඒ පුද්ගලයා ඔහුගේ සහෝදරයත් එක්ක එකතු වෙලා රෝහලට ඇවිත් කරපු දේ නිසා හැමෝම උඩ ගියා.. 👶✨
ඔයාලට මතකද ඉස්සර අපේ ෆෝන්වලට වැරදිල SMS එකක් ආවම අපි මොකද කළේ? එක්කෝ Wrong Number කියලා රිප්ලයි එකක් දානවා. නැත්නම් නොදැක්කා වගේ ඩිලීට් කරලා දමනවා. හැබැයි, එකම එක අංකයක් වැරදිලා ආපු මැසේජ් එකක් නිසා, මුළු ජීවිත කාලයටම නෑදෑයෝ වුණු, අහඹු බාප්පලා දෙන්නෙක් ගැන කතාවක් ඔයාලා අහලා තියෙනවාද?
මේක කිසිම සැලසුමකින් තොරව, ලෝකයම පුදුම කරපු, ඇස්වලට කඳුළු උනන තරම් ලස්සන ඇත්තම ඇත්ත කතාවක් ❤️
🏥 කතාව පටන් ගන්නේ 2016 අවුරුද්දේ, ඇමරිකාවේ ජෝර්ජියා ප්රාන්තයේ බේන්බ්රිජ් (Bainbridge) කියන පුංචි නගරයෙන්.
එදා ලැන්ඩන් (Lashray and Lindsey Lashley) පවුලට ගොඩක් සුවිශේෂී දවසක්. මොකද, ඒ පවුලට අලුත් අමුත්තෙක් එකතු වෙන්නයි යන්නේ. ඉතින්, පවුලේ හැමෝම රෝහලට වෙලා නොඉවසිල්ලෙන් බලාගෙන හිටියා. ටික වෙලාවකින් පුංචි පුතෙක් මෙලොවට බිහිවුණා. එයාගේ නම කේසන් (Cason).
"අනේ අපිට පුතෙක් හම්බුණා එයා රෝහලේ 211 කාමරේ ඉන්නේ. ඉක්මනට එන්න..."
පවුලේ කෙනෙක් මේ සතුටුදායක ආරංචිය තමන්ගේ නෑදෑයෙකුට කියන්න හිතාගෙන හදිසියෙම ෆෝන් එකෙන් මැසේජ් එකක් යැව්වා පවුලේ ගෘප් එකකට,. හැබැයි ඒ කලබලේට දුරකථන අංකයක් ගෘප් එකට එකතු කරද්දී එකම එක ඉලක්කමක් වැරදුණා.
ඒ වැරදුණු මැසේජ් එක ගියේ කාටද දන්නවාද? ඩියෝරික් විලියම්ස් (Deorick Williams) සහ එයාගේ සහෝදරයා වෙන ඩෙනිස් (Dennis Williams) කියන තරුණයෝ දෙන්නාට (මැසේජ් එක ආවේ ඩියෝරික්ගේ ෆෝන් එකට වුණාට, ඒ වෙලාවේ ඩියෝරික් වගේම එයාගේ සහෝදරයා වෙන ඩෙනිස් (Dennis) හිටියෙත් එකම කාමරේ, එකටමයි. ඩියෝරික්ට ආපු මේ අපූරු මැසේජ් එක දැකලා දෙන්නත් එක්කම ඒ ගැන කතා වෙලා, "අපි දෙන්නම යමු" කියලා තීරණය කරලා තමයි රෝහලට පිටත් වුණේ.)
😎 මැසේජ් එක කියවපු ගමන් ඩියෝරික්ටයි, ඩෙනිස්ටයි තේරුණා මේක වැරදිලා ආපු එකක් කියලා. මොකද, එයාලා දන්න කියන කිසිම කෙනෙක් ඒ වෙලාවේ හොස්පිට්ල් එකක හිටියේ නැහැ.
සාමාන්යයෙන් කෙනෙක් නම් සොරි, රොන්ග් නම්බර් කියලා නිකම් ඉඳියි. හැබැයි මේ සහෝදරයෝ දෙන්නා වෙනස්ම විදියේ කොල්ලෝ දෙන්නෙක්. එයාලා ඒ මැසේජ් එකට මෙන්න මෙහෙම රිප්ලයි එකක් දැම්මා
සුබ පැතුම්.. හැබැයි අපිට හිතෙන්නේ ඔයාලට අංකය වැරදිලා. කොහොම වුණත්, අපි දෙන්නා දැන් ඔයාලව බලන්න තෑගිත් අරගෙන රෝහලට එනවා. ෆොටෝ එකක් ගන්න ලෑස්ති වෙලා ඉන්න.. 📸😄
මේ මැසේජ් එක දැකපු අර අලුත් දෙමාපියෝ හිතුවේ කවුරු හරි යාළුවෙක් ජෝක් එකක් කරනවා කියලා. මොකද, එයාලට හීනෙකින්වත් හිතුණේ නැහැ නන්නාඳුනන මිනිස්සු දෙන්නෙක් මේ වගේ මැසේජ් එකක් දැකලා හොස්පිට්ල් එකට ඒවි කියලා.
🚗 හැබැයි ඩියෝරික් සහ ඩෙනිස් කියපු දේ අකුරටම කළා.. එයාලා කාර් එකට නැඟලා කෙළින්ම ගියේ සුපර් මාර්කට් එකකට. ගිහින්, උපන්න විතරක් පුංචි පැටියට ඕන කරන තෑගි බෝග ගොඩක් මිලදී ගත්තා.
ඊටපස්සේ කෙළින්ම බේන්බ්රිජ් රෝහලට ගිහින්, අර මැසේජ් එකේ තිබුණු 211 කාමරේ දොරට තට්ටු කළා.🚪
දොර ඇරුණා විතරයි... කාමරේ හිටපු හැමෝම ගල් ගැසුණා.. දොරකඩ හිටගෙන ඉන්නේ හිනාව මූණේ පුරවගත්ත, අඩි හයකට වඩා උස, නන්නාඳුනන කළු ජාතික තරුණයෝ දෙන්නෙක්. එයාලගේ අත්වල බේබි ගිෆ්ට්ස් පාර්සල් ගොඩක්.. 🎁🍼
ඇඳ උඩ හිටපු අම්මා, ලින්ඩ්සේ (Lindsey), පුදුමෙන් පුදුමයට පත්වුණා. ඔයාලා කවුද? කියලා අහන්නත් කලින්, මේ සහෝදරයෝ දෙන්නා හරිම ආදරෙන් මෙහෙම කිව්වා
"අපි තමයි අර වැරදි මැසේජ් එක ආපු මිනිස්සු. අපිට හිතුණා මේ සතුට සමරන්න අපිත් එන්න ඕනේ කියලා. මේ පුංචි පැටියට අපෙන් තෑගි"
📸 ඒ වෙලාවේ ඒ රෝහල් කාමරය ඇතුළේ ඇතිවුණේ වචනවලින් විස්තර කරන්න බැරි තරම් සුන්දර වාතාවරණයක්. ජාති, ආගම් බේද, නන්නාඳුනන බව මේ හැමදේම තත්පරයකින් දියවෙලා ගියා. මිනිස්සුන්ගේ හදවත්වල තියෙන ආදරය සහ මනුෂ්යත්වය විතරක් ඉතිරි වුණා.
අලුත් අම්මයි තාත්තයි හරිම සතුටින් මේ අමුත්තන්ව පිළිගත්තා. ඩියෝරික් සහ ඩෙනිස්, පුංචි කේසන් පැටියාව අතට අරන්, හරියට තමන්ගේම බෑණනුවන් කෙනෙක් වගේ ආදරෙන් වඩාගත්තා.
ඒ වෙලාවේ ගත්ත ඡායාරූප කිහිපයක් ඩියෝරික් තමන්ගේ ෆේස්බුක් ගිණුමට එකතු කරලා තිබුණේ මෙහෙම සටහනක් එක්ක
"වැරදිලා ආපු මැසේජ් එකක් නිසා අපිට අද අලුත් යාළුවෝ පිරිසක් හම්බුණා"
සති කිහිපයක් යන්න කලින් මේ පෝස්ට් එක ලෝකය පුරා ලක්ෂ ගණනින් ෂෙයාර් වෙන්න පටන් ගත්තා. ලෝක ප්රසිද්ධ මාධ්ය නාලිකා පවා මේ අපූරු සහෝදරයෝ දෙන්නාව හොයාගෙන ආවා. මිනිස්සු කිව්වේ, මේක තමයි අවුරුද්දේ දැකපු ලස්සනම සහ මානුෂීයම සිදුවීම කියලා.
❤️ මේ සිදුවීම වෙලා දැන් අවුරුදු ගාණක් ගතවෙලා. හැබැයි අදටත් ඩියෝරික්, ඩෙනිස් සහ අර ලැන්ඩන් පවුල අතර තියෙන බැඳීම නැතිවෙලා නැහැ. එයාලා හැම අවුරුද්දකම කේසන් පැටියාගේ උපන්දිනය සමරන්න එකතු වෙනවා. පුංචි කේසන්ට අදටත් එයාලා තමන්ගේම බාප්පලා දෙන්නෙක් වගේමයි
සමහර වෙලාවට අපේ ජීවිතවල සිද්ධවෙන වැරදීම්, අපිට වැරදි පාරවල් පෙන්වන්නේ නැහැ. ඒ වෙනුවට, අපේ ජීවිතයට එන්න ඕනෙම කරන, හරිම මිනිස්සුන්ව මුණගස්වන්න ඒ වැරදීම් පාලමක් වෙනවා. ✨😊 👇
