05/08/2026
ඔබ වටේ ඉන්න මිනිසුන් ඔබට අවශ්ය විදියට වෙනස් කරන්න ඔබේ මතය ගිල්ලවන්න හදනවාට වඩා ඔබ කල යුතු හොඳම දේ මුලින්ම ඔවුන්ව ඔවුන් විදියට පිලිගන්න පුලුවන් සමතුලිත ආධ්යාත්මයක් ඔබ තුල නිර්මාණය කරගන්න එක.
මිනිස්සුන්ට ඔවුන්ගේම කියලා අදහස්, ආකල්ප, මතවාද, දර්ශන තියෙන්න පුලුවන්. ඒ හැමදේම අවසානෙදි සංකල්ප ලෙස පැත්තකින් තිබ්බම අපි හැමෝම මිනිස්සු කියන පොදු කුලකය ඇතුලෙ අපි කිසිදේකින් වෙන්වෙලා නෑ. අපි කවුරුත් විශේෂත් නෑ.
තමන්ගෙ දර්ශනයේ, තමන්ගේ මතවාදෙ වහලෙක් වුනාට ඒක මිනිස්සුන්ට ඔබ්බවන්න හදනවා වෙනුවට ඔබ ලඟාකරගත් දෙයක් ඔබේ අභ්යන්තර තෘප්තියක් ඇත්නම් ඒක ඔබ අත්විඳින ගමන් මිනිසුන්ට කාරුණික වන්න ඉගෙනගන්න.
ඔබ නොදකින පරාසයන් ඔවුන්ගේ මනස තුල තිබිය හැක. ඔවුන්ගේ සංජානනය හෝ දැක්ම ඔබට වඩා කුඩා හෝ ඔබට වඩා විශාලද විය හැක. ඔවුන්ගේ ප්රඥාව ඔබට දැකීමට නොහැකිනිසා කිසිවෙකු විනිශ්චය නොකර සිටින්න.
මන්ද ඔබ විශ්වාස කරන දෙයත් අවසානයේ ඔබේම අත්දැකීමක් නොවන්නට පුලුවන් වගේම ඔබේම ප්රත්යක්ෂය ලෙස ඔබ අත්විඳින දෙයත් තවත් එක්තරා මායාවක් වන්නට පුලුවන්.
එම නිසා හැකි සෑමවිටෙම මධ්යස්ථව පවතින්න. අවදියෙන් සිටින්න.
