27/09/2026
කොණ්ඩ කැවුම්....
මන් හදාපු කොණ්ඩ කැවුම්....
මන් පුංචි කාලෙ කන්න අකමැතිම දේවල් තමා පැණිරහ...කොටින්ම කිව්වොත් කේක්, අයිස් ක්‍රීම්, චොකලට්, ටොෆි පේන්න බෑ..කැවුම්, කොකිස් , අලුවා, කිරිටොෆි වගේ දේවල් කියලත් ලොකු වෙනසක් නෑ.හිතුනොත් එකක් දෙකක් කනවා..නැත්තම් ඒත් නෑ...🙅🙅
ඒකට අපෙ ගෙදර.කැවිලි, කිරිටොෆි, අරවා මේවා හදන්නෙ නැති දවසක් හොයාගන්න එක ටිකක් අමාරුයි. අම්මා දානයක්, බණක්, උපන්දිනයක් ඒ මුකුත්ම නැත්තම් අහල පහල කාට හරි දෙන්න හරි මොනා හරි හැමදාම හදනවා.
මන් දන්නෙ නෑ.රස්සාවත් කරන ගමන් ඔවා කොහොම balance කර ගත්‍තද කියන්න.කොහොමත් හරි අපෙ අම්මගෙ කෑම රස මතක අය දන්නවා ඒවගෙ රස. අපෙ අම්මාට කියලම කිරිටොෆි, රුලං, අල දෝසි, කැරට් දෝසි එකී මෙකී නොකී සුකුරුත්තං හදා ගන්න මගෙ යාලුවොත් නොහිටියා නෙමේ ඉතින් 🥰🥰🙆🙆
අනේ.ඉතින් අම්මා ඉන්න කාලෙ ඔය එකක් වත් තනියම හදන්න මට උවමනාවක් තිබ්බෙ නෑ.මන් එච්චර ආස නැති නිසා...ඒත්.....
අම්මා නැති උනාට පස්සෙ එච්චරටම රසට අම්මා කෑම හැදුවෙ කොහොමද හැදුවෙ කියල අහගන්නවත් බැරි උනා නේද කියල හුස්මක් හෙලෙන කෑම සමහර කෑම අදටත් තියනවා....😳🥹
කොණ්ඩ කැවුමත් ඒ වගේ..ජීවිතේ පළවෙනි වතාවට යන්තම් කොණ්ඩ කුරුච්චක් එක්ක හදාපු කොණ්ඩ කැවුම් අරගෙන ආවෙ මතක සුවදක්....
අම්මාගෙ තරම් රස, හැඩ නැතත්...
ඒ කොණ්ඩ කැවුම් ගාවින් ආවෙ අම්මගෙ මතක සුවදක්...❤️❤️❤️❤️
ඔයාලටත් මේ වගේ මතක ඇති...කැමති නම් comment එකක් දාගෙනම යන්න ❤️❤️❤️
