02/07/2026
බල්ලන්ට ආදරේ කරන්න... ඒත් බල්ලෙක් ඇති කරන වගකීමත් ඒ තරම්ම ආදරෙන් ඉටු කරන්න. 🐶
ඔයාලත් අහල පහල බල්ලන්ගෙන් කරදර විඳිනවද?
මීට මාස 7-8 කලින් මගේ පුතාව අල්ලපු ගෙදර බල්ලා හැපුවා.
ඒකට කලින් මම කොච්චර නම් ඒ මිනිස්සුන්ට කිව්වද... එයාලට ලොකු වත්තක් තියෙන නිසා දවල්ට බල්ලව එළියට අරින්න එපා, පාරේ ළමයි යනවා කියලා. ඒත් ඒක ගණන් ගත්තේ නෑ. අසල්වාසියෝ නිසා අපිත් ඉවසගෙන හිටියා.
දරුවව ඉස්පිරිතාලෙ ගෙනියන්න කලින් මම ඇහුවා, "බල්ලට ජලභීතිකා එන්නත විදලාද?" කියලා. කිව්වේ "ඔව්" කියලා.
වාර්තාවත් අරගෙන ඉස්පිරිතාලෙ ගියාම ඩොක්ටර් කිව්වේ, "මේ විදලා තියෙන්නේ ජලභීතිකා එන්නත නෙවෙයි. පණුවන්ට දෙන බෙහෙත." කියලා.
ඒ වෙලාවේ මට දැනුණු බය කියලා ඉවර කරන්න බෑ. අම්මා කෙනෙක් නම් ඒක තේරෙයි. තමන්ගේ දරුවා ගැන වෙනකොට අපි හැමෝම සන්වේදී.
දරුවට බෙහෙත් ගන්න වුණා. පාසල් දවස් අහිමි වුණා. Swimming පන්ති මඟහැරුණා. ගෙවපු පන්ති ගාස්තුත් අපරාදේ. මේ හැම දෙයක්ම වෙනකොට "බල්ලට මොකුත් නෑ, බය වෙන්න එපා" කියන එකෙන් අපේ ප්රශ්නය විසඳෙන්නෙ නෑ.
ඊටත් වඩා පුදුම වුණේ, එයාලාම කියනවා එයාලගෙ දුවවත් මේ බල්ලා 10 පාරක් විතර හපලා තියෙනවා කියලා. එහෙම නම් තවත් අයගේ ආරක්ෂාව ගැන හිතන්න ඕන නේද?
සතියක් විතර බල්ලව ඇතුළේ තියාගෙන හිටියා. ඊට පස්සේ ආයෙත් පුරුදු විදිහට එළියෙ.
දැන් හැමදාම උදේට අපේ ගේට්ටුව ළඟ, වැරැන්ඩාව ඉස්සරහ චූ දානවා. දවස ගානේ ඩෙටෝල් දාලා හෝදනවා. සතියක් යන්න කලින් බෝතලයක් ඉවරයි.
ඒ ගැන කිව්වම අපි තමයි වැරදිකාරයෝලු. "ඔයාලා බල්ලට ගහන නිසා කේන්තියට චූ දානවා"ලු.
අනේ...
බල්ලා අපේ ඇඟට පනිනකොට අපි මොකද කියන්න ඕනේ?
"එන්න පැටියෝ... අපිව හපන්න. අපිට ඉස්පිරිතාලේ යන එක මහ දෙයක් නෙවෙයි. එන්න අපේ දොරකඩ චූ දාන්න..." කියලද?
අද සුනඛයින් ගැන අලුත් නීතියක් ගැන කතා වෙනවා. ඇත්තටම මට ඕන එක දෙයයි...
බල්ලන්ට ආදරේ කරන්න. ඒත් ඒ වගේම බල්ලෙක් ඇති කරන කෙනාත් වගකීමෙන් වැඩ කරන්න.
ඔයාගේ බල්ලා ඔයාගේ පවුලේ සාමාජිකයෙක් වෙන්න පුළුවන්. හැබැයි අනිත් මිනිස්සුන්ට, විශේෂයෙන්ම පුංචි දරුවන්ට, බය නැතුව පාරේ යන්න තියෙන අයිතියත් ඒ තරම්ම වැදගත්.
මේ වගේ අත්දැකීමක් ඔයාලටත් තියෙනවද?
#සුනඛ_වගකීම #දරුවන්ගේ_ආරක්ෂාව #සත්ව_කරුණාව #අසල්වැසියෝ
