أمثال شعبية وحكم

أمثال شعبية وحكم الامثال الشعبية صفحة اجتماعية ثقافية.،،،ليبية وعربية ?

14/10/2023

عوم في بحر غريق وما تعوم في (بحر ولايه) كان مالقيتها في الصحه تلاقاها في الذريه. دعوي تسكر عليك الدنيا كلها.

13/10/2023

انشالله تخلا وتنبت فيها نخلة.

14/07/2023

مستشار يزة ....
(( بعد السيف
علق منجل ))

28/10/2022

🍃من الأقوال المصرية 🗣
*خايفة أهزك يا غربالي .. يُقَع منك كل عزيز وغالي
*إللي يعاتب الرخيص بيرخص معاه
**إللي في قلبي على لساني .. وإللي مش عاجبو ينساني
**مش كل الورد اتخلق للشم .. ولا كل البشر بتنفدى بالدم
**لا تضرب ولا تعمق في الجرح .. 💔 ما بعد العداوة إلا الصلح
**ناس ناموا عندنا ليلة .. فكروا بقى حالهم من العيلة
**بنت الأصل🙎🏻‍♀.. تخلي كوخها قصر 🎰
**ربنا يخلي لنا عقولنا .. لغاية ما نوصل لقبورنا
**ما بقاش في حد صالح .. كل الناس بقت مصالح
**ناس من لحمك ودمك بايعينك .. ماتلومش بقى على اللي لسه امبارح عارفينك
**مش كل إللي بيحكي فهيم .. ولا كل إللي بيسكت بهيم
**دروس الحياة مش ببلاش .. دافعين ثمنها من عمرنا كاش
**كله ماشي بألف وش .. والقلوب مليانة غش
**ربنا يكفينا شر من رحب بينا وهللا .. ومن ورانا حكي علينا وما خللا
**اشكى لربك ونام .. ولا تشكى لبني آدم وتتهان
**الدنيا في الضيق توريك .. مين بيبيعك، ومين بيشتريك
**شيل الريحانة وشمها .. وخذ البنت على ريحة أمها
📺 لو عجبك أمثالي علق👵

23/09/2022

// المثل يقول // انت تضع العربة امام الحصان

05/04/2022

مسكو فاللي سلخ ويسيبو فاللي ذبح

30/03/2022

اصرف مافي الجيب وبعدها أندب نديب

20/03/2022

كل ريح عطيها ستارها🤣

14/03/2022

يوفي مال الجدين وتقعد صنعة اليدين.
اخذاها من اخداها واحتزت.
في النهار اتطوف وفي الليل تغزل الصوف.
الزير المليان ما يرنش.
طول العشرة تعرفك الذهب من القشرة.
اللي فاته الكلام يقول سمعت، واللي فاته الطعام يقول شبعت.
براح وحماره راح.
اخفلها اجرالها.
تعزيك طاقيتي يا للي عباتك رايحه.
ارحت وطبقت رقعها.
جبة راجلنا ولا الطلبة.
اربايه البنت على أمها.
البصلة عمرها ما تولي تفاحة.
حمل الجماعة ريش.
اشبعلي ونشبعلك يا طاجين الحوت.
خيار اللباس ما ستر وخيار اليكال ما حضر.
اشكون يعطي سعده لاخته.
دار الزوالي مليانه بالقسم على الله.
اضرب الطقوس تستاذب العروس.
ركبه وحاديه وشاوخه لا ينعس.
اعلك ببنات الأصول راهو الزمان ايطول.
زي السردوك ما ينقب كان عين خوه.
اعطي لبنتك الزين والبهي والزقاطة ايعلموها لها النسي.
كل عتبة تنادي صاحبها.
سيبها بالعين وقصها بالجره.
اكفي البرمه على فمها والبنت تطلع لأمها.
شكواك للأجواد طلبه.
البنات سلعة ذل.
صغار الشيابين يعيشوا مهملين.
ما تجبد البمبوك غير الشينه.. اما الغزيل ما يدرق عينه.
صقع الربيع يشيب الرضيع.
ضيف ليله ما توريه فقرك.
قاله وين أمك؟ قاله ترحي بالكرى، واعشاكم؟ قاله نكروا عليه.
طردها ما لحقها قلها بري معتوقه.
اقطع الراس، ييبسن لعروق.
عاشر يا معاشر لابد من فراق.
البايره لا حرت فيها حوش بوها أولى بيها.
غارق والحبل قصير.
احسبني كيف خوك، وعاملني كيف عدوك.
في ركني ويعاركني.
الدنيا راك عليها ضيف، اقعد فيها ياحي نظيف.
قرد موالف ولا غزال شرود.
ما تجبد البنبوك غير الزينة.. اللي خايفه شر الحسود وعينه.
كانت تشخر زادت بف.
يا جاي من غير عزومة.. يا بايت من غير فراش.
لقمة اليتيم معبره.
البيت معمور ومولاته اتدور.
اللي يكثر ماله يكثر هباله.
مشت للحمام جابت ما تخبر عام.
تقضي في قضيتها واتمن على جارتها.
نلحس مسني ونبات متهني.
اهلك يبوك هنيه.. وراجلك يبيك قويه.. وعيلة راجلك يبوك سخيه.
هاتي يا مدره قلي يا سدره.
البنت اتجيب من عمتها لو كان من كعبتها.
ولدها في غمرها وتدور فيه.
الزيتونة وقت الحاجة تعطيك.. والبنت الأصول وقت الشدة ما تخليك.
يلعن بو السلطان في غيبته.
كول وتبنن قبل ماتضنى وتكنن.
من داريبك يا غماز الليل.
اللي عنده البارات يعوم سواء ظالم والا مظلوم.
الجدي ايعلم أمه الصياح.
عاشر يا معاشر لابد من فراقك.
درتها بايديك حلها بسنونك.
الخميرة قبت والعجينة انكبت.
ما فيش حال تدوم زي ما تمشي الضحكة تمشي الهموم.
الدحية ما تكسر الحيطة.
حبة الوالدين انجوت.
الدلاعة ما تكبر الا في عشبتها.
اللي ما يسمع كلام كبيره، لا خير فيه ولافي تدبيره.
نوريك الزنباع وين ينباع.
الصيت أطول من العمر.
ياداير يالاقي.
أرحم من زار وخفف.
انصح الجاهل ايعاديك.
مركب الضراير سارت ومركب السلايف حارت.
املا البطن تستحي العين.
تمشي الرجل وين ايحب الخاطر.
المرسال لا ينضرب ولا ينهان.
اللي ما لبس قبل ما يتزوج وكلى قبل ما يضنى لا عاد يلبس ولا عاد يكل.
المكتوب ما منه هروب.
مش كيف ولدها كيف اربيبها.
الباب مفتوح، والرزق على الله.
المليان ما ينقص.
المكابرة في الشتي ترزي.
الغالي سعره في.
كون اماري ولا تكون حسود.
الكثرة تغلب الشجاعة.
مهبوله وزغرتوا في ودنها.
البذار عارف ما طالع من ايديه.
من الحبيبة حتى ازبيبه.
حد العجب سبع ايام.
على وجوهها تشرب لبنها.
الدار دار وأم حنك والعوجه والمكسورة.
البحر ما يكرهش الزيادة.
جابت وضمت رجليها.
قاله يا عمي عطيني بلح، قاله جاك عمك والبلح.
ولي ميش فيدك اتكيدك.
من شوق الشيح سمى بنته شيحه.
المشلوحة ما اتعفن.
اللي في القلب في القلب يا كنيسيه.
الي مي فرس بوك اتوقعك.
من كبر بختي جت كنتي بنت أختي.
الي احذاك خير ملي يالاك.
خود بنت عمك تصبر على همك.
العين عليها احجاب.
المغصوبه ما تلقش.
العين ما يملاها الا التراب.
موجعة الحبيب ما ليهاش طبيب.
اليد قصيرة والعين بصيرة.
هدية أم الرق أبليشه وأغمق.
عيطة وشهود على ذبيحة قنفود.
خدوها بالدين وقول عرقوبها شين.
اطلق الطير واجري تحته.
اللي مش خاطره في الزواج يخطب المحصنات.
شكرناه بات عندنا.
هلي ما يعرف الصقر يشويه.
يا خبيزه ما تتكسري ويا مريه ما تجوعي.
نصيبك يجيك، واجلك تمشيلة.
الي تحلها بيدك خير ما تحلها بسنونك.
طبعي طبعي ولو انقص صبعي.
احمارك ولا جمل جارك.
ما كبر اهبال اميمتي نشدت عليها انسيبها.
يا سعد من قال أمي.. وقالت نعم وجاوباته.. تاريتها الأم جنة.. ياتعس من فارقاته.
صاحب العلة ينخصوه مرافقه.
كل حد وسعده.. حتى البرم، وحدة تطبخ في السفناري، وحدة تطبخ في اللحم.
ما تفرحي يا ضرتي عبتلك اعروق صرتي.
مدام ولدي حي يا سعدودي.. نوار قبرعون فوق خدودي.
اللي ما تعرفش تندب.. الملاش يموت راجلها.
الشوارب تبوس.. والقلب فيه السوس.
ما هم الأهم السلفه أما الحمي ما شيه منتلفه.
الفار الزرباز من سعد القطوس.
اللي تغدى خوك تعشاك.
اللي واخذ على طعامك، وين يشبحك يجوع.
ما يشكر العرس اللي شبع فيه.
صامت قليل الملح ما يتعدى.. برك احدانا ناقته وتغذى.
خود غولة النسيء اتجيبلك غول الرجال.
ما يحبها شبح.. جابوهله عروس.
ما تكبر في جنانها كان القرعه.
في اللبس زوجة من.. وفي الشرف بنت من.
اللي عنده ابنات عنده الهم بالحفنات.
كل شيء دواه الصبر، إلا قلت الصبر ماليهاش دواء.
ما تكحل العمشة لين يفترق العرس.
اللي ضرباته أمه راحت فيه.
الدقله دقله والعليق عليق.
مشيت للبحر نشكي من كبر هبالي.. حتى البحر وخر ووجعه حالي.
ما يجلوا انكادها كان أولادها.
غايضه واسمع ما في قلبه.
اللي ايموت بوه يتوسد الركبة واللي اتموت أمه يتوسد العتبة.
كل شيء تلقاه في السوق، كان أمك وبوك.
ما زال الخال في خير لين يكبر له ولد أخته.
اللي يحب روحه، يقعد بروحه.
داداي خير وأمي تعرف.
شرقه بريقك، توريك عدوك من صديقك.
ماتت الحمارة وانقطعت الزيارة.
مكتوب ع وراق التفاح رزق الشاقي يأخذه المرتاح.
داقرة ولقت مغطاها.
الى ما يبكي خانقاته العبرة.
ما تقول احميده روح لين ايقول الباب زيو.
عين تضحك وعين تبكي.
اللي ما يجي مع العروس ما يجي مع خالتها.
يمين البكوش في صدره.
ما يتيم إلا ايتيم الأم.
الليل بوديناته والنهار بعويناته.
السورية كم والبنت أم.
الفم المسكر ماتخش له دبانه.
قاله يا بوي خود لي امراء قاله كان دام هالحال حتى أمك انطلقوها.
كل جرح يبرا الا جرحك يا لسان.
خوك من والاك مش من رضع معاك.
البحر فيه كلب.
دزه بيخطبله اتجوزها.
أمشي يا الاول جاك التالي.
كان طلفتها ما توربها حوش بوها.
ما اعطب من الثوم الا الكرات.
اللي اتديره طايح المزال يجي في البال.
مشكاي أطرش ومتشرب ريح.
كان حلالك موله العرس كول بلا غسل اليدين.
يامبركك يامرت بوي لوله تضربني وتعطيني ناكل.
مادخلش لحوشك حاجه غريبة إلا الشعير والطعام، والغريب والفار ما توريلهمش باب الدار.
وجه تعرفة خير من وجه ما تعرفاش.
كان الدعي ايحوك لا عاشت أمك لأبوك.
الى يديره الذيب ما يكرهها الكلب.
الراجل بكلمته ينقاس، وولد الحلال عمره ما يلعب ببنات الناس، وبنت العيله مايغرها مال ولا لباس، الفاهم يفهم والكلام مقياس.
يجينا قرطاس ينبت شوشة.
كل قرد في عين أمه غزال.
الي يقول الحق راسه ينشق.
اللي ما يختار ايضيح في الشماته والعار.
كلام الحق وجاع.
كل ساقطة ليها لاقطة.
الحوش لبونا والناس بيطردونا.
عد رجالك وارد الماء.
في ركني ويعاركني.
لا حميده في الكتاب لا فاطمه في العريفه.
واحد فقره محاديه وواحد سعده يخدم عليه، واحد زلته مغفوره وواحد زلته فوق النخل منشورة.
رافع القصعة وما يعرفش حوش العرس.
الى خاف سلم.
الضرة ضرة و لو تبدأ عروة جرة.
الملدوغ يتخايل الحبل.
لشكون تحرقس يا مرة لعمى.
الى مات مات على روحه.
اللي خلف البنات ما مات.
احييني اليوم واقتلني غدوه.
لم الرقعة بدقيقها.
يا روحي ما دونك روح.
راقد ومتوسد تراب العتبة.. وشن ينفع التخميم بعد الكتبه.
كل واحد على روحه.
ما بوي إلا بأمي.
اخطى راسي وقص.
زينه الدار استارها وزينة المراء أصغارها.
الى ماهي فيك ما تعيرك.
شكارة العروس أمها وخالتها وعشرة من قبيلتها.
امش صحيح لا تعتر لا تطيح.
اللي برك للستة يبرك للستين.
كل حي يلبس من صندوقه.
صنت أمي اعليك يا خالتي.
ماحي مات على ميت.
زي راعي خالتها هو ايقول خالتي ما تخلينيش بلاش وهي تقول ولد اختي ما يأخدش مني.
الاصحاب ولت معارف.
ولدك على ما تربيه.. وراجلك على ما تعوديه.
الي ما يدير خير مايجيه شر.
العين بدرية والخشم ما زوزي.
ماعين تعلا على حاجبها.
شرط النسيب الكاره.
المحتاج يقول للكلب يا سيدي.
صنت أمي تحييني ولو كان بالسم تسقيني.
ايش بيقول الميت قدام غساله.
على قيس فراشك مد رجليك.
تعاركت الام وبنتها فرح العدو من هباله.
ضرب الجهاله في بنتها.
العريس يعرس و المشوم يتهرس.
الي ليك ليك يمضغك ولا يعديك.
الناقه ما تضرش احوارها.
الي انت منه لا غنى عنه.
عنز الجزار تموت جيفه.
البحر ما تعومش فيه بروحك.
طردها ما لحقها قلها بري معتوقه.
الي عقبه خوه ما ذل رزق خو عند خوه.
العز بعد الوالدين حرام، وكل الاهل من بعدهم جيران.
النعجة الطائشة من سعد الذيب.
عريها وزريها وقلها يا شينه الصيفات.
الى يقول كلام يرعاه.
ليلة قبرك ما تبات البرا.
الكلمة زي الروح لو خرجت ما عادش تولي.
عزومه الحمار في حوش العرس.
من كبر هده مات بوه قبل جده.
المدزوزه مهزوزه.
أكبر منك بليلة يغلبك بكل حيله.
علمي بنتك حتى انواح اليهود.
صاحب بوك خير من صاحبك.
البطن ما تجيب اعدوا.
الي ما يعرف بوك ينعل جدك.
عميه وشدت خانب.
كلمة امي كيف العسل في فمي.
الجنازة كبيرة والميت فار.
ان كبر ولدك خاويه.
عميه اتقود في مجنونه.
الي تحساب موسى طلع فرعون.
كل انسان وليه قسمه، واللي استعجل على غناه استعجل على فقره.
رقدة أهل الكهف.
فزعة البنت اعياط وضوقتها تحت الباط.
عليك الامان وخاتم سيدنا سليمان.
فيه اللي كلمته في فمه واللي كلمته عند أمه.
اللي تخاصمه ما تقطعش أحبال اوصالة
الضرب للمحاميد والثناء لغومة.
اللي مرته اقصيره يفرح ويا قول صغيره.
كل شاه امعلقة من كراعها.
أم الدلال لا تفرح ولا تحزن.
الي أوله شرط اعقابة سلامة.
العمشة في دار العميان يسموها كحيلة الأعيان.
قطعنا البحر يابال البحيرة.
تجملت الفرطاسه برأس مرت خوها.
الى ما يحك جلده بيده ما يحكهوله عبيده.
انسيب ولابن عم قريب.
مشينا الواجد يابال الشوي.
اللي يأخذ امنا هو بونا.
الي ما يأكل بيده ما يشبع.
بيت ارجال ولا بيت مال.
الثمر ما يجيبنه مراسيل.
أوخي أخواته.
صحح ابدانك وادهب شيطانك.
الفرس على راكبها.
تعشى وتمشى.
ما تعمر نين تخرب.
الصابر معاه الله.
أيدي وإيد القابله طاح المشوم أعور.
لا تجاور نسيبك ولا تأمن طليبك.
بو البنات مرزوق.
دير ما يدير جارك والاحول باب دارك.
الفالحة تغزل برجل حمار.
رفقة الثور للجمل.
تجملت النعجة بلية الخروف.
الذوقة اتدير الصاحب والي ما يدوق ما يدير اصحاب.
بارك الله في الرجل المشعار والمرأة الملط.
صاحبك بختك.
رزق الحلال يرق وما ينقطع.
يا زين ميعاد لحباب.
أتموت الفكرونه اوما حكت ظهرها.
الصاحب الي ما تستفاد منه العدو خير منه.
بعد اختي من يجد أي تلقي تمرتها اقداي.
الصاحب على الصاحب يبيع عباته وان صاحبي كلمة وفاء كادت.
اللي ما عنداش ما يموتلاش.

Address

شارع الصطيف السياحية طرابلس ليبيا
Tripoli
22222

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Telephone

+218925096059

Website

Alerts

Be the first to know and let us send you an email when أمثال شعبية وحكم posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أمثال شعبية وحكم:

Shortcuts

Share

Category