Maroc Sérigraphie

14/10/2018

من دورة اليوم

14/10/2018

مرحبا بمن يريد الحظور لدورة اليوم
التسجيل في عين المكان

11/10/2018

نعلمكم ان اخر يوم لتأكيد المشاركة هو يوم غد

02/10/2018

نعلن عن الدورة المقبلة ب 200 درهم فقط
مدة الدورة ساعتان
محور الدورة : تقنيات الطباعة على الالواح
لتأكيد التسجيل المرجوا الاتصال بالرقم. 0766443493
اخر اجل للتسجيل 04/10/2018

24/09/2018

مباشرة من مكان الدورة

21/09/2018

نعلن عن تاني دورة في مجال الطباعة على ألواح الحرير
و ذلك يوم 29/03/2018
برنامج الدورة:
* مقدمة عن التجارة الالكترونية
* انواع الطباعة
* تعريف الطباعة على الحرير و تطبيقاتها
* تطبيق عملي ( ستقدم لكل مشارك لوازم الطباعة الخاصة به)
* في الخاتمة تقديم لمختلف مجالات استخدام الطباعة و مناقشة الافكار
تمن الدورة 500 درهم والعدد محدد في 10 متدربين
مكان الدورة شارع محمد الخامس بالدار البيضاء
لتسجيل المرجوا لاتصال بالرقم 0766443493

30/08/2018

السلام عليكم،
هادي اول مرة غادي نشارك معكم فهاذ المجموعة!
اسمي كرم، 24 سنة من مدينة الدار البيضاء و جيت نعاود ليكم على قصتي و محاولاتي في خلق فرص للنجاح في حياتي...
كبرت فوسط عائلة بسيطة جدا فالمدينة القديمة ديال الدار البيضاء، و قريت بحالي بحال الناس فمدارس عمومية و بضع سنوات فالتعليم الخاص، واخا عمرني كنت كانبغي القراية حيت كانت كاتسلب مني الحرية ديالي كانسان... و كنت طفل عزيز عليه يتعلم حوايج جداد بحدو... والحمد لله كانتقن لغات العربية، و الفرنسية، والانجليزية و البعض من الاسبانية، و طريقة تعلمي كانت غير من السمع ولا الرسوم المتحركة، او الانترنيت و قليل فين كنت كانتعلم من المدرسة شي حاجة من المناهج لي الدور ديالها تصنيع نسخ طبق الاصل عن بعضها البعض.
كبرت و شديت الباك، و كنت كانحلم نقرا ف"ENCG" علما انني دوزت المباراة 3 مرات و ماجبتهاش و شآئت الاقدار و قريت عاماين مور الباك و حصلت على الاجازة المهنية فالموارد البشرية بالسطات... بديت الخدمة في سن الواحد والعشرين حيت كنت فأمس الحاجة لمدخول... بلا مانحسبو الخدمات لي كنت كانخدم فالعطل، فمراكز الاتصال باش ندير شوية ديال فليسات ندوز بيهم بلا مانقول للوالدة عطيني...
المهم بديت الخدمة فالمجال ديال التخصص ديالي (الموارد البشرية) براتب قدره 2500 درهم للشهر، كان المهم عندي نتعلم، و بقيت خدام حتال يومنا هاذا... براتب حسن الحمد لله وما عمرني قلت لا الناس لي عندهم الاجازة كايبداو ب 6000 درهم ولا بديت نتشكا... خدمت و تقاتلت و ترقيت و زدت ترقيت... ولكن مع مرور الوقت فهمت بلي راتب شهري عمرو غادي يخليك تربي الريش ولا تعيش الحياة لي كاتمنا... و كنت ديما كانقول لصحابي راني باغي "ندير اللعاقة" باغي نكون انسان عندو وزن ديالو فالمجتمع ونعيش حياة احسن و نشوف بلادي فواقع احسن، و نكون فخور بها.
واحد النهار (هادي عام بالضبط) كنت جالس انا و صاحبي فقهوة و بدينا نهضرو على اللغة العربية و الدارجة، و فكرنا نصيبو "Les t-shirt" بكلمات عربية، و نبيعوها عبر الانترنيت... من فكرة بدينا نبحتو و نقلبو، مشينا كاندورو فالاحياء الصناعية ديال الدار البيضاء و ماخليناش شي باب ما دقيناهاش و بزاف تسدو لينا فوجهنا حتال واحد النهار واحد السيدة قالت لينا نبيع ليكم ماكينا كاطبع فوق الثوب و الكيسان، و ما الى ذلك من الاكسيسوارات... شريناها بشي 7000 درهم و ماصدقاتش لينا كيفما بغينا و كان اول تعتر كبير فداك المشوار... صاحبي فقد الامل و انسحب و انا بقات عندي ديك الفكرة ديال ندير ماركا ديال الحوايج مغربية، ونبيع عبر الانترنيت... وليت مهووس بالفكرة، و بديت نتعلم لفوتوشوب و برامج اخرى، علما انني خدام، غير كانخرج من الخدمة نمشي نضرب ساعة ديال الطريق ونهز الحاسوب ونبقا نقلب و نبحت و فعطلة نهاية الاسبوع نمشي نقلب فأرض الواقع. كل واحد آش كيحاول يبيع ليك، ولكن تعلمت انني مانقبلش باي حاجة باش مانتقولبش كيفما المرة الاولى، حيت كنت باغي نخرج منتوج ذو جودة عالية... بقيت كانبحت، و ندوز الليل و النهار خدام و كانفكر، كاين لي كايحفزك و كاين لي كايقوليك هادشي ما خدامش... جاوني بزاف ديال الاوقات قلت فراسي آش كانخربق، و اوقات اخرى كانحلم براسي كانعيش الحياة لي لطالما كنت كانحلم بها... و بهاذ الفكرة بقيت غادي و ماحبستش، وليت كانبحت على شي واحد يعاوني فالرسمات لي غاندير ف "Les t-shirt" و الملابس، ولقيت واحد ولد الناس سميتو يونس ولد مدينة ابن جرير، ، لي كانشكرو بزاف على التفاني ديالو، و الخدمة الاحترافية لي كايدير... كانخدم معاه عبر الانترنيت، عاوني صيبت الموقع، و "Designs" و كيفية التسويق عبر الانترنيت... فآخر المطاف لقيت معمل ديال الخياطة لي قبلو يتعاونو معي علما انني بغيت نبدا بكمية قليلا ديال 100 "T-shirt" و لقيت مطبعة لي قبلات حتا هي تصوب لي هاد العدد، كنت كانقلب على الجودة العالية، و ماشي اي ثوب او طبعة لي غاتحيد مع التصبين ولا الوقت، والحمد لله لقيت داكشي لي بغيت، وقدرت، الاسبوع لي فات انني نخرج المشروع ديالي للوجود، و لي سميتو ميرينيد أو "RINID" ولي كاتعني مريني او مغربي، من المرينيون لي حكمو المغرب فالقرن ال12، و لي الهدف ديالها خلق و تسويق منتوجات مصنغ %100 فالمغرب من طرف شباب مغاربة، إلى الشباب المغاربة ولي كانتمنا تعجبكم لي بغيت يلبسوها المغاربة لي هما عزيز عليهم الثرات و التقافة ديالهم، مرفوقة بلمسة عصرية.
بعض الصور لي خديت طوال هاد المشوار، و صور للمنتوجات النهائية.
دابا 4 ايام باش خرجت المشروع ديالي للوجود، و الحمد لله لقى اعجاب على مواقع التواصل الاجتماعي... و كانتمنا من كل واحد عندو هذف او حلم يبقا مآمن بيه و مايحبسش من الخدمة الخدمة الخدمة.
لي عندو شي سؤال مرحبا...
و شكرا
كرم.
:

04/08/2018

The 4-4 Screen Press can realize four precise colors in four stations after installation and debugging. In other words, it can be applied into multi-color pr...

02/08/2018

200 درهم هو ما يكلفك لكي تبدأ مشروعك في مجال الطباعة على الاتواب
نضمن لك ان تتعلم كل التطبيقات زائد افكار مدرة للدخل وتتبع عملك.

23/07/2018

بعد نجاح الدورة الاولة. سنقوم ببرمجة دورة تانية انشاء الله

05/07/2018

الدورة ستكون يوم السبت 14/07/2018

La sérigraphie textile est une technique d'impression qui consiste à déposer une couche d'encre sur le textile à travers les mailles d'un écran, à l'aide d'u...