معلومات مفيدة ومتنوعة

15/09/2025

14/09/2025

انا بنت خدامة وجمعت جوج مليون تلتسنين وانا كنجمع فيها حيت لخلصة. ديالي عيانة ولخدمة صعيبة فيها تمارة لموهيم كنخبيهم عند ماما حيت انا هكا ولفت اسراري وكولشي عند ماما وفهاد صيف خويا دار لعرس ماما خدات دوك لفلوس عطاتهوم لخويا باش يسافر بيهم هو ومراتو يديرو شهر العسل على حسابي وانا عاد عرفت مأخرا غير بصدفة تخاصمت مع ماما خصوما خايبة ومرات خويا كتقليلي سم غير ملتحت لتحت وخويا قالي فلوسك انرجعهوم ليك مع لعلم ملي ياله خطب سلفتو 3000 درهم فات عليها عام مرجعلي منهم تا درهم اوا خليت ماما ومرات خويا مشاو لحمام وخويا كان في لخدمة فرعت باب بيت نعاس ديالهوم خديت لمرات خويا رادكو ديال ذهم وريسي ديالو وجمعت حوايجي مشيت عند جدة يمات بابا الله يرحمو حكيت ليها كولشي وجات في صفي قات ليهم لي قرب ليها نتفاهم معاه وخويا ملي رجع وهو كيتحلف فيا باش نرد سنسلة ديال مراتو وانا قولت ليه رجع لي فلوسي ونعطيكم ديالكم ودمراتو بغات تدعيني دخلني لحبس وخيا لي تعكس ليها قلي نعطيك سمانة الى مرجعتيش سنسلة. نجيب ليك لبوليس انا خفت الصراحة شنو ندير واش نرجعها ليها



ٔده

#قصص #المغرب

#قصص #المغرب
لكي يصلك الجديد ديرو متابعة فضلا وليس امرا

14/09/2025

سلام عليكم،
أنا سميتي سامي عندي 29 عام، تزوجت مؤخرا من بنت سميتها هند عمرها 25 عام.

نهار بعد الزواج بأسبوع، صونات عليا واحد النمرة غريبة، جاوباتني بنت وقالت: "بغيت نهضر معاك فموضوع كيخص مراتك"، أنا دغيا قطعت عليها الخط.
مورا دقائق، بدات كتصيفط لي تصاور ديال مراتي بالبيجامة وسط الدار وحوايج شخصية. ماجاوبتهاش وبلوكيتها.

ولكن ماوقفتش هنا، عاودت دخلت عليا من نمرة أخرى وبدات كتقول: "تزوجتي بعاهرة، عندي تصاور +18، وعندي دلائل باللي ماشي بنت الناس." حتى هادي بلوكيتها، بلا ما نجاوب.

رغم هادشي، الشيطان بدا كيوسوس ليا، وليت كنشوف مراتي بعين ناقصة وكنعاملها بواحد القساوة، حيث بقينا مزال حديثي الزواج.
اللي محيرني هو أنني عارف هاد البنت من عام قبل ما نتزوجها، وكانت كتبان ليا إنسانة بنت الناس.
دابا صراحة ندمت علاش تسرعت فتزواجي، وولات داخلة ليا واحد الشكوك وخوف كبير نكتشف شي حاجة أخطر تدمر حياتي.

خاصكم تعرفو أنني قبل منها كنت عندي تجارب ديال تعارف عادية فقط، ماشي علاقات جديّة.

شنو ندير؟ واش نآمن مراتي ونكمل حياتي معاها، ولا نشد على الشك ونقطع الطريق من دابا قبل ما يوقع الأسوء؟

#منقول


#قصصواقعية #رسائلكــــــــم

14/09/2025

واحد الولد ساكن فالحومة نتاعنا هو بوكوص ودرويش ومعندوش الصحاب ديما بوحدو وهو موظف فإدارة الجمارك أنا كيعجبني بزاف ولكن المشكل هو مكيردليش البال نهائيا هاد الأيام كنت راجعة من الخدمة تلاقيت الوالدة ديالو مرة كبيرة درويشة وعيطات لي نشد ليها نمرة نتاع ولدها فالتليفون لمهم شديتها ليها وبقات دعي معايا وبكترت مكيعجبني ولدها حفظت النمرة وقيدتها عندي فالتلفون طلعتلي تصويرتو فالواتساب حققت فيه مزيان حيت هو فالواقع ديما حادر الراس. قلت لصاحبتي غندير شي نمرة اخرى ونتعارف معاه مخلتنيش قالتلي نهار تبغي تعرفيه براسك غادي توحلي واتلقاي مشكل اللهم من النهار الاول يعرفك شكون بالضبط باش متوحليش زيد على هادا السيد جاركم ربما تكوني مكتعجبيهش وفاش يتعرف عليك بشخصية اخرى يبغيك ونهار يعرفك انتي يقلب عليك. المهم بقيت حتى عرفت الفيس نتاعو وقلبت على شي بنات عندو فلي زامي وصيفت ليهم وقبلوني ومن بعد صيفط ليه هو وقبلني فالبلاصة قتلو راه بالصدفة طلعتلي حيت عندنا اصدقاء مشتركين قالي معليناش كي دايرة مع القرايا (اويلي حي السيد كيحساب انا مزال صغيرة) قتلو لا راني ساليت القرايا 3 سنين هادي وانا دابة خدامة عاد تطلق معايا السيد عاد بقى كيهضر طورات علاقتنا عجباتو عقليتي ولكن معمرو هضر معايا فعلاقة جدية ولا شي حاجة فحال هاكة. واحد النهار شفت الوالدة نتاعو غادية الحمام خلطت عليها جلست حداها تهليت فيها مزيان عجبها الحال فاش بغات تخرج قاتلي الله يبيض سعدك ابنتي تستاهلي كل خير (و انا كنقول مع راسي مع ولدك) وكنقولها امئيييييييييين اخالتي فاش كنت كلبس حوايجي سمعتها كتقول لطيابة والله لكان مكنش ولدي مريض منلقاش حسن منها انا تصدمت داك الزين كلو مريض ضرني الراس بغيت نعرف مالو ولكن ملقيت كندير ندخلو كنكتب لميساج و نرجع نمسحو حشمت واحد نهار نتاع السبت قطعو الضو على الحومة نتاعنا وبقيت نشوف فالشرجم لقيتو خارج ومداش معاه طوموبيل فرحت قلت لماما عندي الخدمة ف pc غنمشي عند صاحبتي راه هما عندهوم الضو خرجت كنطير خلطت عليه فالطريق قتليه فين غادي قالي غير القهوة مكاين ميدار قتلو حتى انا عندي شي خدمة و خصني ضروري الضو قالي الى معندكش مشكل نمشيو بجوج فرحت مشينا جلسنا وجات من عندو بلا منسول بغى ياخد قهوة وهو يشرب واحد الدوا قتلو الله يشافي قالي امين و جاوه الدموع قتلو نتاعاش داك الدوا قالي انا مريض واحد المرض خايب انا تصدمت ب
#منقول

14/09/2025

ط*لقت انا ورجلي وكنت بنتي صغيرة خدمت ودمرت عليها وجمعت وشريت دار وكتبتا فسميتا كبرت دارت 21بغات دزوج بوحد شخص مشي قد لمسؤولية قلتلا بلاش من هد زواج ولكن درت لفراسا دزوجت به من بتد بقات كتبكي عليا بلي معندو باش يكري يسكن معنا فدار كنت ضد لفكرة من بعد وافقت قلتلا متقولوش دار فسميتك دزت مدة سيد رجع يشوف فيا شوفا نقصة معجبو حال ينوض صداع ميخدمش قلتلو راك سكن فداري الى معجبكش لحال خرج تكري قالي نتي لغتخرج ملي جات لبنت سولتا بقات تبكي عليا قلتلي كتبتلو قالي انا كنحس بنقص وكتبتلوو تصدمت معرفت واش نغوت ولا شندير صغري وشبابي فنيتو كمل باش درت داك دار فلخر كتبتلو تخيل ميتفاهمش معها
ويط*لقة مبقيت عرفت اشندير



ٔده

#قصص #المغرب

#قصص #المغرب
لكي يصلك الجديد ديرو متابعة فضلا وليس امرا

14/09/2025

هاد القصة ديالي،💔💔💔 غتخليكم مصدومين. كيفاش وحدة فعمرها 18 سنة لقات راسها مزوجة ب راجل عندو 60 عام؟ وكيفاش هاد الزواج كان الفرج وفي نفس الوقت كان الصدمة؟ غنعاود ليكم كلشي من البداية، قصة غريبة وفيها العبرة. ..أنا سميتي نادية، بنت من عائلة بسيطة، عندنا غا البنات، أنا وخواتاتي بجوج بننات. الله ما رزقش الواليد بالولاد، كان دايما كيتمنى يكون عندو ولد يسندو ويعاونو. الواليد كان ديما خدام وكيضرب تمارة باش يعيشنا بكرامتنا وما يخصنا والو، ولكن ملي كبر، الشغل ولا صعيب بزاف عليه. ولاو الديون كيتراكمو عليه حيت كان مضطر يتسلف باش يوفر لينا كل احتياجاتنا. الحالة المادية ديالنا ولات صعيبة بزاف، وظروفنا ولات قاصحة. الواليد ما عندوش ولد يعاونو، وحنا من عائلة محافظة، عندهم البنت صعيب تخرج تخدم وتختالط بالرجال.....واحد النهار، زارنا واحد الراجل من عائلتنا، عمرو فالستينات، وكان غني بزاف. كلشي فالدار استغرب من الزيارة ديالو، توقعنا جا يطلب الواليد فلوس كان تسلفها من عندو. أنا دخلت ليهم الصينية للصالة وخرجت😱، ولكن بقيت قريبة وكنتسنط باش نعرف شنو واقع، حيت هاد الراجل واخا من عائلتنا، ماشي من عادتو يزورنا ديما مشغول بتجارتو وفلوسو. سمعتو كيسول الواليد على أحوالو، وفي الآخر دخل فالموضوع نيشان. قال ليه: "أنا مستعد نسدد ليك كل الديون ديالك، وبزيادة نعطيك فلوس باش تفتح مشروع وتعيش منو، ولكن فالمقابل، تزوجني بنتك اللي فعمرها 21 عام" كان كيقصد أختي ماها....الواليد تفاجأ وفرح فنفس الوقت🥹🥹🥹، حس بلي جاتو فرصة باش يتخلص من هم الدين ويرجع يخدم. مباشرة قال ليه: "أنا ما عنديش مشكل، موافق، ولكن عطيني الوقت نتشاور مع بنتي ونرجع ليك الخبر". ملي مشا الراجل، جا الواليد عند أختي ماها وقال ليها: "جانا الفرج، فلان طلب يدك للزواج، وغادي يسدد لينا كاع الديون الى وافقتي عليه"....أختي ماها تصدمات من هضرة الواليد. قالت ليه: "بابا، أنا باقية صغيرة، كيفاش غنتزوج واحد فعمر جدي ونهدم حياتي؟" الواليد قال ليها: "وافقي يا بنتي باش نتخلصو من الديون💔❤️‍🩹، وأنتي تعيشي فالعز". ماها قالت للواليد: "سمح ليا بابا، أنا آسفة، ما نقدرش نوافق على هاد الشي، ما نقدرش نضيع عمري مع شايب وأنا باقي فعز شبابي". الواليد بقا كيترجاها، وهاديك كانت أول مرة كنشوف فيها الواليد ديالي كيترجا شي حد، وكان مكسور بزاف....ملي شفت الواليد بهاد المنظر، وأنا كان عمري 18 عام، بلا ما نفكر قلت ليه: "بابا، ما يهمكش، أنا مستعدة نتزوج بيه، غير ما تخليش خاطرك مكسور". والواليد شاف فيا وهو متفاجئ، قال لي: "بنتي كتهضري بصح؟" قلت ليه: "أه، أنا موافقة، واعتبر الموضوع محلول"....و صافي، الواليد قالها الراجل بلي أختي رفضت وأنا وافقت. هو فرح كثر، وبسرعة تحدد المهر والعرس، والواليد تخلص من كاع الديون لي عندو ... تتمة

#منقــــــول #رسائلكــــــــم #متــــــابعة #للدعــــم #المنــــشور
من فضــــلك قــــم بمـــتابــعة الحســــاب و تعليـــق للمنـــشور 🥰

14/09/2025

جات عندنا خالتي من برا مع راجلها و2 بناتها كبار شوية عرضناهم لعرس اختي صافي وبقاو معانا دابا شهر ونص انا خدامة سيمانة كاملة فينما نجي فالعشية فيا جوع ما نلقى والو كتقوليا ماما ماشي ندير بزقة فالغدا نبدا نفرق خلي لهادي وهذا على خويا هما كيطيبو ليهم شهيوات اقسم بالله دجاج محمر رفيسة كسكسو بزز لبارح صونيت قلت ليها خلي ليا شوية قالت ليا دايرا غير شوية اصلا ناضت زادت سميدة تا بقات فورة لخرى عاد فوراتها مع لي زادت جيت لقيت بزقة كسكسو وما طايبش تا طياب ونص خيزو مع المرقة بقى فيا الحال بزاف والله حيت كنكمونضي كل نهار الماكلة كنجي عيانة باش نطيب وتشهيت ماكلة دار زعما المهم اليوم كنت مشغولة بزااف وخدامة من دار ناضو فطرو وخرجو وصل البوز مع 13h مشيت نفطر ما لقيت والو تخيلو ه الكوزينة عامرة بالماعن دالفطور و ما خلاوش ليا عاد خرجت تاني شريت الحرشة....فطرت جمعت الكوزينة جاو تالخمسة جات عندي ماما كتغوت واش ما درتيش الغدا صخفنا قلت ليها راني خدامة بقات تدعي عليا قلت ليها ياك خليتو ريسطورات فطريق مالكم ما تغديتو كون دزتي غير لشارع فسناك جبتي معاك دجاجة معولين عليا وهي تقوليا خالتي را غير ما معاناش فلان على راجلها حيت بقى فدار اما كون تغدينا برا زعما ما نجيبوش الماكلة لدار ناكلو ونجيو ونتي بقاي تغسلي غير الماعن ما عرفت شنو ندير معاهم عييت والله



ٔده

#قصص #المغرب

#قصص #المغرب
لكي يصلك الجديد ديرو متابعة فضلا وليس امرا

14/09/2025

لبنات واش انا مسخوطة جوبوني بصراحة
انا وارتة على بابا اراضي و ديور و طونوبيلتو
مهم كاع دكشي ديالو رجع ليا حيت بابا وحيد ام واب ديالو و ماما كانت مطلقة ملي مات
مهم وصلت 18 عام داتني ماما دارت راسها وكالة عامة عليا تبيع وتشري و تاخد وتحيد لي بغات انا كنت صغيرة لي كالت كنكول واخا مهم مورة 18 عام بشهر تزوجت اوا دبا راني بولادي مهم
لالة ماما بغات تزوج الله يسر ليها امرها مشغليش فيها ناض خطيبها كاليها اوا لوكالة لي عطياك بنتك راه خاص ديريها ليا نهار تخصها شي حاجة انا لي نتدخل نتي كلسي متخرجيش كنغير عليك
كالتها ليا وكالت ليا دابزت معاه و مخصش يكولها ليا و داك تخربيق ديالها انا كلت ليها اصلان ملي تزوجي غدي نحيد ليك لوكالة عامة وندير ليك وكالة غير ديال وراق ملي نتي كتكولي ليا انا بغيت غي نجري فوراق دار نهار تحتاجي شي ورقة
وكلت ليها هذا ملي هدر هكا سواء هو ولا واخد اهر مبقاتش ثقة اللهم نخيدها ونهني وكلت ليها اصلان نتي اش دار تكوليها ليه مهم نهار تزوجي انبدلو لوكالة
اوا غي كلت ديك لكلمة شبعاتني سبان وانا مسخوطة وانا ممربياش وانا راه ادور عليا دنيا وهي لي جبت ليا حقي و انا دبا يلوحني راجلي و ولادي ايلوحوني مهم شبعاتني سبان و قطعات
تا انا متليت صونيت ليها كاع
جوبوني بصراحة واش بصح انا مسخوطة بغيت غي حقي مبغيت والو

14/09/2025

🔴 السلام عليكم،
أنا فاطمة، عندي 32 عام، وراجلّي خالد جاب عليا امرأة اسمها سعاد عندها ولاد، وسكنها تحت دارنا وأنا كنت ساكنة فوق. في البداية ماقبلتهاش نهائياً، ودازت عام كامل حتى بدات كاتقرب ليا.

واحد النهار مرضت ودخلت للمستشفى، وهي اللي وقفات معايا وقاست معايا وبقات كاتهلا في ولادي. مع الوقت عرفت أنها إنسانة طيبة بزاف.

دابا، منذ شهر ونص توفات وخلات ولادها، وراجلّي بغى ياخدهم عند خوالهم، ولكن أنا شديتهم عندي، واخا ماشي ولاد راجلي، ولكن احتراماً وكرامة للخير اللي دارت معايا.

كنتمنى من الله يعاوني نربيهم، نقريهم، ونزوجهم، ونخرج منهم بنات صالحات يسموني "ماما". ربي رزقني غير بالذكور، وهاد البنات ونسوني وولفتهم، وماقدرتش نبعدهم عني. حتى ملي جا خالهم بغى ياخدهم يعيشو عندو، ما بغيوش يمشيو.

دعيو معايا الله يعاوني عليهم ونقريهم ونفرح بيهم.

#رسائلكــــــــم #علاقات #قصةقصيرة #قصص #قصصواقعية #قصة #قصصي

14/09/2025

غواص وجهاً لوجه مع الأناكوندا الخضراء العملاقة في نهر الامازون:

في أعماق أنهار الأمازون الشاسعة بأمريكا الجنوبية، تعيش الأناكوندا الخضراء (Green Anaconda - Eunectes murinus)، وهي أضخم أفعى في العالم من حيث الوزن والسماكة. قد يصل طولها إلى 8 أمتار ووزنها إلى أكثر من 200 كغ، مما يجعلها كائنًا يثير الدهشة والرهبة في آن واحد.

الأناكوندا لا تعيش في البراري فقط، بل تقضي معظم وقتها في المياه الهادئة والمستنقعات، حيث تتميز بقدرتها العجيبة على السباحة والاختباء تحت السطح بهدوء، لتفاجئ فريستها بانقضاض خاطف. ورغم ضخامتها، فإنها تتجنب البشر غالبًا ولا تهاجم إلا عند شعورها بالتهديد.

📸 الصور التُقطت بعدسة أحد الغواصين المحترفين الذي خاطر بالنزول إلى أعماق الأنهار الموحلة ليوثق هذه اللحظات النادرة. يظهر فيها حجم الأفعى الهائل مقارنة بالإنسان، وهو مشهد قلّ أن يراه أحد عن قرب بهذا الوضوح. التراب العالق في المياه وأشعة الشمس المتسربة من الأعلى أضفت على الصور طابعًا فريدا يبرز عظمة الخالق في أدق تفاصيلها.

قال تعالى:
﴿ هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِن دُونِهِ ﴾ [لقمان:11]

سبحان الله الذي أبدع في خلقها، فجعل من هذا الكائن العملاق آية من آيات قدرته ❣️

من صفحة :
#الأمازون #الأناكوندا