25/08/2021
{Recycled and Reused Costumes in Movies}
ရုပ်ရှင်တွေကြည့်တဲ့အခါ ကြည့်ရှုသူတစ်ယောက်အနေနဲ့ တွေးမိတာတွေအများကြီးရှိတတ်ကြပါတယ်။ရုပ်ရှင်က အဓိကပြချင်တဲ့အကြောင်းအရာတွေ၊ရုပ်ရှင်တစ်ကားကပေးတဲ့ခံစားချက်ဘာညာ,စတာတွေပေါ့။ဒါတွေကလူတိုင်းလိုလိုရုပ်ရှင်ကြည့်ပြီးတိုင်းတွေးတတ်တာတွေပါ့။ဒါပေမဲ့ JoJoအတွက်တော့တခြားမေးခွန်းတွေလဲတွေးမိပါသေးတယ်။ဥပမာ-ရိုက်ကွင်းကိုဘယ်လိုပြင်ဆင်လဲ၊မိတ်ကပ်တွေ၊Designer တွေ၊Location တွေ,စတာတွေပေါ့။အဲ့တာတွေထဲကမှ Movie Costumes တွေကိုပိုစိတ်ဝင်စားပြီးကြည့်ဖြစ်ပါတယ်။Early Europe Century ကဝတ်စုံတွေဟာ တန်ဖိုးလဲကြီးတဲ့အပြင် စိတ်ဝင်စားစရာလဲကောင်းပါတယ်။ဒါတွေကိုစပြီးသတိထားမိတာက ဆရာမြသန်းတင့်ရဲ့ ဘာသာပြန်စာအုပ် Gone with The Wind (လေရူးသုန်သုန်) ကိုဖတ်အပြီးမှာပါ။ဆိုတော့ အရင်ကရုပ်ရှင်တွေကြည့်ရင် အများဆုံးလိုက်သတိထားကြည့်မိတာကသူတို့ဝတ်ထားတဲ့ အဝတ်အစားတွေပါ။အဲ့တာတွေကိုရှာကြည့်ရင်းဒီအကြောင်းအရာကိုပါဆက်စပ်တွေ့လာခဲ့ပါတယ်။
●အဲ့တာကတော့ ရုပ်ရှင်တစ်ကားမှာအသုံးပြုပြီးသားဝတ်စုံတွေကို တခြားရုပ်ရှင်တွေမှာပြန်လည်ပြီး ပြုပြင်ဝတ်ဆင်တာ (Recycled & Reused Costumes)တွေပဲဖြစ်ပါတယ်။အကြောင်းအရာကတော့ အရမ်းကြီးစိတ်ဝင်စားစရာကောင်းချင်မှကောင်းပါလိမ့်မယ်။ဒါပေမဲ့ အောက်မှာပြထားတဲ့ ပုံလေးတွေထဲကိုယ်ကြည့်ဖူးတဲ့ရုပ်ရှင်တွေလဲ ပါကောင်းပါမှာပေါ့။ဒီတော့ နည်းနည်းဆက်ဖတ်ကြည့်လိုက်ရအောင် !
သုံးပြီးသားပစ္စည်းတွေ၊ပလတ်စတစ်အိတ်တွေ နဲ့ လူသုံးကုန်ပစ္စည်းတွေကို Recycle ပြုလုပ်အသုံးပြုတာဟာဒီနေ့ခေတ်မှာတော်တော်တွင်ကျယ်လာပါတယ်။အဲ့ထဲမှာမှ ဝတ်ပြီးသားအဝတ်အထည်တွေ၊မဝတ်ဖြစ်တော့တာတွေကို ပြန်လည်ရောင်းချတဲ့ Thrift market တွေကလဲတော်တော်တွင်ကျယ်လာပါပြီ။ဒါဟာတော်တော်ကျေနပ်စရာကောင်းတဲ့အချက်ပါပဲ။အများအားဖြင့်မဝတ်ဖြစ်တာတွေ၊အသုံးမလိုတာတွေဟာ ဒီတိုင်းကြီး waste ဖြစ်သွားမဲ့အစားအသုံးလိုတဲ့သူတွေအတွက်ပြန်ရောင်းချပေးတာ၊Second hand အထည်အဖြစ်ပြောင်းလဲတာဟာတစ်ဖက်ကကြည့်ရင် ပိုက်ဆံအများကြီးသက်သာတဲ့အပြင် Environment ကိုလဲထိန်းသိမ်းရာရောက်ပါတယ်။ဒီနေ့ပြောပြချင်တဲ့အကြောင်းအရာက ဒီ Thrift market နဲ့အများကြီးမသက်ဆိုင်ပေမဲ့ တစ်နည်းတစ်သွယ်တော့သက်ဆိုင်ပါတယ်။
ရုပ်ရှင်တွေထဲမှာအသုံးပြုရတဲ့ Costume တန်ဖိုးတွေဟာ ပိုက်ဆံအများကြီးကုန်ကျပါတယ်။နောက်တစ်ချက်က ရုပ်ရှင်တစ်ကားမှာပါဝင်တဲ့ Costume ဟာအဲ့ရုပ်ရှင်ရဲ့အခန်းကဏ္ဍတွေကိုအများကြီးအထောက်အပံ့ပေးပါတယ်။ဒါကြောင့် Costume တွေကိုအသေးစိတ်ပြင်ဆင်ရတာမို့အကုန်အကျများပြီး အရေးပါတယ်လို့ပြောချင်တာပါ။
●ဆိုတော့ ပိုက်ဆံတွေအကုန်အကျခံပြီးအသေးစိတ်ချုပ်ထားတဲ့ Costume တွေဟာဒီရုပ်ရှင်ရိုက်ပြီးတဲ့အချိန်မှာဘယ်ရောက်သွားသလဲ?
ရုပ်ရှင်တစ်ကားပြီးတဲ့အချိန် အဆိုပါရုပ်ရှင်မှာအသုံးပြုထားတဲ့ costume တွေကိုသေချာထုတ်ပိုးသိမ်းဆည်းပြီး သေတ္တာထဲထည့်ထားကြပါတယ်။ပြီးရင်တော့အဆိုပါ အဝတ်အစားတွေကိုပြန်လည်ရောင်းချတာတွေ၊Recycled ပြန်လုပ်ပြီးအခြားရုပ်ရှင်တစ်ကားမှာ ပြန်လည်ဝတ်ဆင်တာတွေကိုပြုလုပ်ကြပါတယ်။တခြားနည်းနဲ့ပြောရရင်တော့ Second hand အဝတ်စားတွေကိုပြန်လည်အသုံးပြုတာပါပဲ။
●အောက်မှာဖော်ပြပေးထားတဲ့ပုံတွေကတော့ ဝတ်စုံတစ်စုံကို ပြန်လည်အသုံးပြုဝတ်ဆင်ထားတဲ့ရုပ်ရှင်တွေကိုဖော်ပြထားတာပါ။ပထမပုံက အရင်ဆုံးချုပ်လုပ်ဝတ်ဆင်တဲ့ရုပ်ရှင်တွေဖြစ်ပြီးတော့ဒုတိယပုံကတော့ ပြန်လည်အသုံးပြုဝတ်ဆင်ထားတဲ့ရုပ်ရှင်တွေဖြစ်ပါတယ်။
●ဝတ်ပြီးသားအဝတ်အထည်တွေကိုပြန်လည်ဝတ်ဆင်ခြင်း၊ရောင်းချခြင်းဟာအပြင်လောကမှာတင်ရှိတာမဟုတ်ပါဘူး။ဒိတ်ဒိတ်ကြဲရုပ်ရှင်လောကတွေမှာတောင်ရှိပါတယ်။ဒါကိုရုပ်ရှင်လောကထဲကသူတွေအနေနဲ့ကတော့ ဒီလို Recycled လုပ်ပြီး,ဝတ်ဆင်ရခြင်း၊အရမ်းကိုအောင်မြင်ကျော်ကြားခဲ့တဲ့ရုပ်ရှင်တွေရဲ့ ဝတ်စုံတွေကိုပြန်လည်ဝတ်ဆင်ရခြင်းဟာ တကယ်ကိုဂုဏ်ယူစရာကောင်းပါတယ်လို့ဆိုကြပါတယ်။
ဆိုတော့ဒီနေ့ရေးသားထားတဲ့အကြောင်းအရာတွေကတော့ရုပ်ရှင်အညွှန်းလဲမဟုတ်ပါဘူး။နာမည်ကြီးရုပ်ရှင်လောကရဲ့ အဝတ်အစားတွေအကြောင်းထဲက ရုပ်ရှင်ကြည့်ပရိတ်သတ်တွေ သတိမထားမိတဲ့အကြောင်းအရာတစ်စိတ်တစ်ဒေသကို ရှာဖွေပြီးဖော်ပြပေးရုံပါပဲ။
(ဒီရက်ပိုင်း ရုပ်ရှင်အက်ဆေးအသစ်တွေရေးဖို့ စိတ်မပါတာနဲ့ အရင်ကရေးဖူးတဲ့ ပေါ့ပေါ့ပါးပါး topic လေးကိုပဲ ပြန် sharing လုပ်လိုက်ပါတယ်။ဒီအကြောင်းအရာက အရမ်းကြီးတော့ စိတ်ဝင်စားဖို့မကောင်းပေမဲ့ တစ်ခုခုတော့လေ့လာမိမယ်လို့မျှော်လင့်ပါတယ်။)
#ပုံကောစာကောအကုန်Creditပါ။
