10/02/2024
ကျွန်းနက်ပုတီး
📿ကျွန်းနက်သားနှင့် ဂုဏ်တော်ကိုးပါးပွားများပါက
လာဘ်ရွှင်စေသည်။
📿ဒိဝါတပတိဂါထာကဲ့သို့ ငွေဝင် လာဘ်ရွှင်ဂါထာတွေကို
ပုတီးစိပ်သင့်ပါသည်။
📿သိမ်ဝင်ခြင်း၊ ဂုဏ်တော်ပွားခြင်း၊
သိဒ္ဓိတင်ထားခြင်း၊ အမွှေးနံ့သာဆွတ်ဖျန်းပေးခြင်း၊
မြင့်သောနေရာမှာ ထားရခြင်းစသည်တို့
ပြုလုပ်ပေးပါက
ကျွန်းနက်ပုတီးစောင့် နတ်က အိပ်မက် ပေးသည်ဟု ဆိုသည်
🪵ကျွန်းနက်သည်လည်း သိဒ္ဓိဝင်အသားဂမ္ဘီရဆန်သော
သစ်ဖြစ်ပါသည်။ ကျွန်းနက်ပင်သည် ရေအောက်မှာ
ပေါက်ရောက်သည့်ကျွန်းပင်တစ်မျိုးဖြစ်ပြီး
အလွန်ရှားပါးသော သစ်မျိုးဖြစ်သည်။
🌊ရေထဲမှာ နှစ်လကြာ နစ်မြုပ်နေရင်း
သဘာဝအလျောက် ဓာတ်ပြောင်းပြီး
မည်းနက်သွားသည်ဟု မှတ်သားရပါသည်။
ကျွန်းနက်သည် (၂+၇-၉)ကိုးနဝင်းဖြစ်၍
လောကီပညာ လောကီစခန်း၊ ဂန္ဓာရီလမ်းလိုက်စားကြသူတွေ
အထူးနှစ်သက်ကြ သည်။
ကျွန်းနက်ဟု ဆိုသော်လည်း
သစ်ကနက်လောက် မနက်ပါ။
➖ကျွန်းနက်သားကို အဖြူရောင်ပိတ်စတွင်
ပွတ်ချင်သလောက် ပွတ်၊မည်းမသွားပါ။
မီးရှို့ ကြည့်ပါက ရရှိသော ပြာသည် ရွှေရောင်
(အုတ်နီခဲမှုန့်၊ နီညိုရောင်)သမ်းနေသည်။
➖အနံ့က ရေနံနှင့် ကျွန်းသား
မီးလောင်သည့် အနံ့မျိုးဖြစ်သည်။
➖ကျွန်းနက်ပြာသည် သံလိုက်ဓာတ်ပါသည်။
➖အချို့ ကျွန်းနက်အသားကို သဘာဝအတိုင်း
ဆောင်ထားကြသည်။ ပယောဂအနှောင့်အယှက်
အတိုက်အခံကင်းစေသည်ဟုယုံကြည်ကြသည်။
ယခုအခါ ကျွန်းနက်ဘုရား၊ ရှင်သီဝလရှင်ဥပဂုတ္တ၊ကျွန်းနက်သန်လျက် စသည်ဖြင့်
အမျိုးမျိုးပြုလုပ်ရောင်းချကြသည်။
ကျွန်းနက်နှင့် နဂါးကက်ကင်းမိသလို
ဆက်စပ်မှုလည်းရှိနေသည်။
ရေအောက်မှာ ပေါက်သောကြောင့်
အချို့က နဂါးစောင့်ရှောက်သည်ဟု ယုံကြည်ကြသည်။
ထို့ကြောင့် ဝိဇ္ဇာဓာတ်၊ နဂါးဆက်၊
ပဋ္ဌာန်းဆက်ရှိသူများသာ ပိုင်ဆိုင်ခွင့်ရှိကြောင်း၊
ရရှိလာ၊ရောက်ရှိလာသည်ဟု ဆိုကြပါသည်။
တနင်္လာနံ၏ ဆပွတ်ဂြိုဟ်သည် စနေဖြစ်သည်။
သူ့ကိုနိုင်လို ဆကိုခိုဟု ဆိုသည်
ထို့ကြောင့် ကျွန်းနက်(၂+၇)သည်
ငွေနံကို နိုင်သောကြောင့် ငွေကြေးအခက်အခဲ
အဆင်ပြေခြင်း၊ငွေအစုလိုက်ဝင်ခြင်း၊
ဈေးရောင်းကောင်းခြင်း
အကျိုးကျေးဇူးများ ရရှိစေပါသည်။
ကျွန်းနက် ရေပေါ်တွင်ပေါ်ခြင်း, မပေါ်ခြင်းမှာ
အနှစ်သားပါဝင်မှုပေါ် မူတည်ပါသည်။
ရေဆန် ကျွန်းနက်မှာ အလွန်ရှားပါသည်။
ရေဆန်ကျွန်းနက်ဘုရားမှာ အလွန်တန်ခိုးကြီးပါသည်။
ယခုအခါ ကျွန်းနက်၊ သစ်ကနက်ပုတီးတို့ကို ဝါစိမ်းနီကြိုး
အကောင်းစားဖြင့် ကျစ်ကျစ်လျစ်လျစ် လှလှပပထိုးပြီး
ဈေးကွက်ထဲ ဝင်လာသည်။
ကြိုးတွင် နဂါးပတ်၊ နဂါးလိမ်ထိုးပါက ပို၍သဘာဝကျသည်။
ကျွန်းနက်ဦးခေါင်းကို နဂါးပုံစံပြုလုပ်ခြင်း၊
နဂါးရုံဘုရားထုလုပ်ခြင်း၊ နဂါးပုံထုလုပ်ခြင်းတို့ဖြင့်
ဆောင်ထားနိုင်သည်။
ကျွန်းနက်ပုတီးကို အိမ်မှာ ထားရုံဖြင့် မကောင်းသော မိစ္ဆာအနှောင့်အယှက်များ၊ အခြောက်အလှန့်များ မဝင်ရောက်၊
မကျရောက်နိုင်ပေ။
မကောင်းသော အိပ်မက်အတိတ်နိမိတ်များ
ကင်းဝေး ပပျောက်စေပါသည်။
တနင်္လာဂြိုဟ်အိပ် သက်ရောက်စဉ်ကာလတွင်
(၂+၇) (၇+၂) တန်းစီး+တိုင်ထိပ်ဖြစ်၍
ကျွန်းနက်ပုတီးဆောင်၍ စိပ်ပါကအထူးကံ
ကောင်း လာဘ်ပွင့်စေ ပါသည်။
ကျွန်းနက်၊သစ်ကနက်အကြောင်းကို မိမိတို့ကိုယ်တိုင်လည်းလက်တွေ့လေ့လာ သုတေသနပြုသင့်ပါသည်။
လောကီပညာအရတနင်္ဂနွေသားသမီးကတော့
နဝင်းပြောင်းပြန်ဖြစ်နေ၍ ရေရှည်မဆောင် ထားသင့်ပါ။
ကျန်နေ့သားသမီးများ ရေရှည်ဆောင်/စိပ်နိုင်ပါသည်။
ထိုကျွန်းနက်ပုတီး(၁၀၈)လုံး မဝယ်နိုင်၊
မဆောင်နိုင်ပါက (၉)လုံး ပုတီးဆောင်ထားသင့်ပါသည်။
ကျွန်းနက်ပုတီးကို ရေသန့်နှင့်စိမ်၊ ပရိတ်၊ ပဋ္ဌာန်း၊
ဂုဏ်တော်ရွတ်ဆို၍ နေအိမ်၊ တိုက်တာ၊ကားတို့ကိုဖျန်းပေးနိုင်ပါသည်။ ဂုဏ်တော်၊ ဂါထာရွတ်ဆို၍ ဈေးဆိုင်၊
ကား၊ ယာဉ်၊ အမျိုးမျိုးကို ပက်ဖျန်းပေးပါက
အရောင်းအဝယ်ကောင်းစေပါသည်။
အထူးသဖြင့် တနင်္လာ ကား၊
ကျောက်၊ ငွေ၊ ငွေထည်၊ကြေးထည်ပစ္စည်း၊
ကုမ္ပဏီလုပ်ငန်း၊ ကြိမ်ထည်ပစ္စည်း၊ ကျူရှင်
လုပ်ငန်း၊ (က ခ ဂ ဃ င)နှင့် ဆိုင်သောလုပ်ငန်း၊
အချစ်ရေးကိစ္စစသည်တို့တွင် ဆောင်ထား/စိပ်ကြပါကအထူးကောင်းမွန်လှပါသည်။
မည်သို့ပင်ဖြစ်စေ
ယခင်က ရှားပါးသောပစ္စည်း၊ ယခုပေါ်လာသဖြင့်
ဆောင်ကြ စိပ်ကြရသည်မှာ ကံကောင်းသည်ဟုဆိုရပေမည်။
☘️မည်သည့်ပုတီးဖြစ်စေ၊ဆောင်လည်း ဆောင်၊
စိပ်လည်း စိပ်မှသာ အကျိုးထူးရပါမည်။
☘️ပုတီးက သာမည၊ ဂုဏ်တော်က ဒုတိယ၊
စိတ်က ပဓာနဖြစ်ပါသည်။
☘️ဘုရားဂုဏ်တော်ကိုပွားများရာတွင် ပုံတော်ထက်
ဂုဏ်တော်အနက်ကို အာရုံပြု စိပ်ပါကလျင်မြန်စွာ
အကျိုးကျေးဇူးရရှိစေပါသည်။
☘️အချို့လည်း ပုတီးစိပ်ပြီးပါက ပုတီးခေါင်းကိုကိုင်၍ ဆုတောင်းမှု ပြုကြပါသည်။ စိပ်ပြီးပုတီးလက်ဖြင့်ဆုပ်ကိုင်၍ ဆုတောင်းမှုလည်း ရှိသည်။
ကျွန်းနက်ပုတီးကို အောက်က ပန်းကန်ပြားခံ၊
ကတ္တီပါအနီ၊အနက်၊ အစိမ်း တစ်ခုခုခင်း၊ နှင်းဆီပန်းပွင့်တင်ပြီး ဓမ္မစကြာတရားတော်ပူဇော်၊ ဂုဏ်တော်ကိုးပါး၊ မေတ္တာသုတ်
စသည်တို့ ရွတ်ဆိုကာကိုယ်တိုင် သိဒ္ဓိတင်နိုင်ပါသည်။
ကျွန်းနက်ပုတီးဖြစ်စေ၊ သိဒ္ဓိဝင်၊ သိမ်ဝင် ပုတီးဖြစ်စေ အောက် ခြေနင်းတွင် ချထားခြင်း၊ နိမ့်သော နေရာမှာ ထားခြင်း၊
မသန့်သော နေရာသို့ ယူသွားခြင်း၊ ကျော်လွှားသွားခြင်း၊ဖြစ်သလိုထားခြင်း၊ ကလေး ယူဆော့ခြင်း၊ ညစ်ပေသောလက်ဖြင့် ကိုင်ခြင်း မပြုလုပ်ရပေ။
ပုတီး စွမ်းရည် ဓာတ်ပြယ်စေပါသည်။
(မှတ်ချက်-ပုတီးစိပ်နည်းအမျိုးအမျိုး+အကျိုးကျေးဇူး စာအုပ်မှ
ကူးယူ၍ မျှဝေပေးပါသည်။ )
09763383524
#ရွှေဆင်မင်းကျွန်းနက်ပုတီး
#ကျွန်းနက်ပုတီး
