𝐇𝐬𝐮 𝐂𝗼𝐥𝐥𝐞𝐜𝐭𝐢𝗼𝐧 𝐁𝐚𝐛𝐲 𝐒𝐭𝗼𝐫𝐞

27/11/2023

ပံ့သကူ မုန့်ဖိုး 😊😊😊😊
9:45PM မှာ comment မှာဝင်ကြည့်ပေးနော် 😊😊

Send blessing to more friends and find who's the luckiest By KBZPay Pocket Money

30/10/2023

🕯️🎆သီတင်းကျွတ်လပြည့်ကျော် ၁ရက်နေ့🙏🙏🙏🙏

ယခုလို ဝါလကင်းလွတ် သီတင်းကျွတ် အခါသမယမှာ ချစ်ခင်ရသူတွေနဲ့အတူ ကောင်းမွန်ပြည့်စုံသော အချိန်အခါလေးများကို ပျော်ရွှင်စွာဖြတ်သန်းနိုင်ကြပြီး လိုအင်ဆန္ဒများလည်း ပြည့်ဝကြပါစေလို့ ဆုမွန်ကောင်းတောင်းပေးအပ်ပါတယ် 🙏🙏🙏🙏

(9:30PM) ကျ password ပေးမှာမို့ Noti ယူထားကြပါနော် 🥰🥰

🍀Who will be the luckiest one 🍀

Send blessing to more friends and find who's the luckiest By KBZPay Pocket Money

05/05/2023

🔥🔥 Stock လက်ကျန်လေး ဖြတ်ချင်လို့ ချစ်ရသောတို့ရေ ....

💥💥ပူပြင်းတဲ့ နွေရာသီလေးမှာ #𝐐𝐮𝐚𝐥𝐢𝐭𝐲 ကောင်းတဲ့ 🇻🇳🇻🇳 ချည်သားဆွဲသား အေးအေး လေးတွေကို အတန်ဆုံးဈေးနဲ့ ဝယ်ထားကြအုံးနော် ......

💥💥 Size တစ်ခုစီမှာ ရနိုင်တဲ့ အထည်အရေအတွက် အဆင်ဒီဇိုင်း ခန့်မှန်းဆိုဒ်လေးတွေနဲ့ ဈေးနှုန်းလေးတွေကို post အောက်လေးတွေမှာပါ ရေးပေးထားပါတယ်ရှင့်

💥💥မေမေတို့ size လေးတွေရွေးတဲ့အခါ ကလေးတစ်ယောက်နဲ့တစ်ယောက် ဖွံ့ဖြိုးတာချင်းမတူတာကြောင့် တစ်ဆိုဒ်ကြီးယူလို့လဲရပါတယ်နော် size တွေက သိပ်မကွာပါဘူးနော် ......ဝယ်ပြီးပစ္စည်းပြန်လဲမပေးလို့ request လုပ်ပါရစေရှင့် 💥💥

12/04/2023

🙏 "နှစ်သစ်ဆုတောင်း" 🙏

မြန်မာသက္ကရာဇ် ၁၃၈၄ ခုနှစ်
💦မြန်မာ့ရိုးရာသကြင်္န် 💦
နှစ်သစ်ကူး အခါသမယမှာ မြန်မာပြည်သူပြည်သားအားလုံး အပူငြိမ်းပြီး သောကကင်းစင်‌သော နှစ်သစ်တစ်ခုဖြစ်ပါစေကြောင်း ဆုတောင်းမေတ္တာပို့သအပ်ပါတယ် 🙏🙏

04/03/2023

💥💥 ဘယ်ချိန်ပဲဖြစ်ဖြစ်အရမ်းဆော့လွန်းတဲ့ မျောက်မင်းသားလေးတွေအတွက် ဘောင်းဘီအတိုလေးရော ရာသီဥတုမရွေး ဝတ်လို့ရတဲ့ ဘီရှည်လေးရော ဂွပြဲမှာစိုးရိမ်တဲ့မေမေတို့အတွက် #𝐐𝐮𝐚𝐥𝐢𝐭𝐲 ကောင်းတဲ့ 🇻🇳🇻🇳 ချည်သားဆွဲသား အေးအေး လေးတင်ပေးလိုက်ပါပြီနော် 💥💥

🍓🍓ဒီဇိုင်းစုံ အဆင်စုံ ရနိုင်တဲ့ ခန့်မှန်းဆိုဒ်လေးတွေနဲ့ ဈေးနှုန်းလေးတွေကို post အောက်လေးတွေမှာပါ ရေးပေးထားပါတယ်ရှင့် 🍓🍓

💥💥မေမေတို့ size လေးတွေရွေးတဲ့အခါ ကလေးတစ်ယောက်နဲ့တစ်ယောက် ဖွံ့ဖြိုးတာချင်းမတူတာကြောင့် တစ်ဆိုဒ်ကြီးယူလို့လဲရပါတယ်နော် size တွေက သိပ်မကွာပါဘူးနော် ......ဝယ်ပြီးပစ္စည်းပြန်လဲမပေးလို့ request လုပ်ပါရစေရှင့် 💥💥

25/02/2023

💥💥 မေမေ တီတီတို့ရေ အိမ်က ဆည်းလည်းလေးတွေအတွက် ဈေးနှုန်းချိူသာပြီး #𝐐𝐮𝐚𝐥𝐢𝐭𝐲 ကောင်းတဲ့ 🇻🇳🇻🇳 ချည်သားဆွဲသား အေးအေး လေးတွေကို အခုပဲ ဝယ်ထားလိုက်ကြစို့ happy မေမေတို့ရေ 😊😊

🍓🍓ဒီဇိုင်းစုံ အဆင်စုံ ရနိုင်တဲ့ ခန့်မှန်းဆိုဒ်လေးတွေနဲ့ ဈေးနှုန်းလေးတွေကို post အောက်လေးတွေမှာပါ ရေးပေးထားပါတယ်ရှင့် 🍓🍓

💥💥မေမေတို့ size လေးတွေရွေးတဲ့အခါ ကလေးတစ်ယောက်နဲ့တစ်ယောက် ဖွံ့ဖြိုးတာချင်းမတူတာကြောင့် တစ်ဆိုဒ်ကြီးယူလို့လဲရပါတယ်နော် size တွေက သိပ်မကွာပါဘူးနော် ......ဝယ်ပြီးပစ္စည်းပြန်လဲမပေးလို့ request လုပ်ပါရစေရှင့် 💥💥

💥💥 #အရောင်ရွေးချင်း
မေမေတို့အကြိုက် ၃ထည်ဝယ်ရင် ၂ထည်ရွေးလို့ရပါတယ်ရှင် .. မင်မင့်ဆီအထုတ်လိုက်ရောက်တော့လည်း မင်မင်လည်းအရောင်ရွေးမရလို့ပါနော် 😌😌😌

🚨🚨 🚨🚨 အော် .... မေ့‌တော့မလို့ #𝐏𝐚𝐠𝐞 မှာ ငွေကျပ် ❸⓿⓿⓿⓿ ဖိုးအထက် ဝယ်ယူအားပေးတဲ့ မေမေ တွေအတွက် အသုံးဝင်မယ့် လက်ဆောင်ပစ္စည်းလေးကို အချစ်တွေထည့်ပြီး သေချာပြင်ဆင်ပေးထားတယ်ဆိုတာပါ ကြေငြာပေးတာပါ 🥰🥰🥰

🛒🛒🛒 မှာယူလိုပါက👉👉𝑷𝒍𝒛 𝑷𝒂𝒈𝒆 𝑪𝑩

10/02/2023

💥💥ဟယ်လို .... မေမေ တီတီ တို့ရေ .... ‌မကြာခင် နွေရာသီရောက်တော့မယ်ဆိုတော့ သားသား မီးမီး လေးတို့ အတွက် ပေါ့ပါးပြီး ဈေးနှုန်းသက်သာမယ့် အဆင်ဆန်းလေးတွေ တင်ပေးတော့မှာမို့..𝐋𝐢𝐤𝐞 & 𝐅𝗼𝐥𝐥𝗼𝐰 လေး လုပ်ဖို့ ‌မမေ့ကြနဲ့နော် 💥💥

22/01/2023

Gong Xi Fa Cai 🧧 🐰🐰🐰

21/01/2023

ဖေဖေ မေမေ တို့ ဖတ်သင့်သော

ကလေးတွေရဲ့ ကိုယ်ပိုင်စိတ်နေစိတ်ထား (ဗီဇစိတ်)

ကလေးတိုင်းမှာ သူ့ရဲ့ ကိုယ်ပိုင် ဗီဇစိတ်၊ စိတ်နေစိတ်ထား ကိုယ်စီရှိကြပါတယ်။ ကလေးတစ်ယောက်ရဲ့ ကိုယ်ပိုင် စိတ်နေစိတ်ထားဆိုတာဟာ ကမ္ဘာလောကကြီးကို သူ့ရဲ့ တုန့်ပြန်တတ်တဲ့ အမူအကျင့်၊ ပုံစံပါပဲ။

ကလေးတစ်ယောက်ရဲ့ စိတ်နေစိတ်ထားက ဘယ်လိုလဲဆိုတာကို သူ့ရဲ့တုန့်ပြန်ပုံ၊ ကိုယ်ကိုယ်ကို ထိန်းချုပ်နိုင်စွမ်းတွေက ဘယ်လိုရှိသလဲ၊ ဘယ်လောက်အတိုင်းအတာရှိသလဲနဲ့ လူတွေကိုဆက်ဆံတဲ့ပုံစံတွေကိုကြည့်ပြီး မှန်းဆကြည့်နိုင်ပါတယ်။

𒊹 တုန့်ပြန်ပုံ - ဒါကတော့ စိတ်လှုပ်ရှားတဲ့အခါ၊ သူတို့လိုချင်တာမရတဲ့အခါတွေကို ကလေးတွေအနေနဲ့ ဘယ်လောက်ပြင်းပြင်းထန်ထန်တုန့်ပြန်သလဲဆိုတာကိုပြောတာပါ။ ပိုပြီး ပြင်းပြင်းထန်ထန် တုန့်ပြန်တတ်တဲ့ကလေးတွေဟာ စိတ်ခံစားမှုလည်း ပိုပြီး ပြင်းထန်တတ်ကြပါတယ် (စိတ်ကြီးတဲ့ ကလေးအမျိုးအစားပါ)။

𒊹 ကိုယ့်ကိုယ်ကို ထိန်းချုပ်နိုင်စွမ်း - ဒါကတော့ ကလေးတွေအနေနဲ့ သူတို့ စိတ်ခံစားမှုကို ထုတ်ဖော်ပြသပုံ အပါအဝင် သူတို့ရဲ့ အပြုအမူတွေကို ဘယ်လောက်ထိန်းချုပ်နိုင်စွမ်း ရှိသလဲပေါ့။ အဲဒီ ထိန်းချုပ်နိုင်စွမ်းထဲမှာ သူတို့ရဲ့ အာရုံစူးစိုက်မှုကို ထိန်းချုပ်နိုင်စွမ်းနဲ့ ဘယ်လောက်ဇွဲရှိသလဲဆိုတာလည်း ပါပါတယ်။

𒊹 လူမှုဆက်ဆံရေး - ဒါကတော့ သူတို့အနေနဲ့ လူစိမ်းတွေ ဒါမှမဟုတ် မကြုံဖူးတဲ့ အဖြစ်အပျက်တွေကို ဘယ်လောက် လိုက်လျောညီထွေ စိတ်သက်သက်သာသာ ရင်ဆိုင်နိုင်သလဲဆိုတာပါ။

ကလေးတွေဟာ သူတို့ရဲ့ကိုယ်ပိုင် စိတ်နေစိတ်ထား (ဗီဇ)လေးတွေနဲ့ မွေးဖွားလာကြပါတယ်။ မိဘတစ်ယောက်အနေနဲ့ ကိုယ့်ကလေးရဲ့စိတ်ကို မွေးကင်းစကတည်းက သိကြမှာပါ။ ဥပမာ “ဖူးဖူးကတော့ အရမ်းအေးတယ်”၊ “အာကာကတော့ လုပ်နေကြအစီအစဥ်အတိုင်းလုပ်ရတာ ကြိုက်တယ်” စသဖြင့်ပေါ့။

ကလေးတွေ တစ်ယောက်နဲ့တစ်ယောက် ဘာလို့ကွာကြသလဲဆိုတာကို သူတို့ စိတ်နေစိတ်ထား ကွဲလို့လို့ နားလည်နိုင်ပါတယ်။ ဥပမာ၊ ကိုယ့်ကလေးက သွက်တာ၊ စိတ်ကြီးတာလည်း ရှိနိုင်သလို၊ အေးပြီး သိပ်ပြန်မတုန့်ပြန်တဲ့ ကလေးလည်း ရှိနိုင်ပါတယ်။ ကိုယ့်ကိုယ်ကို ထိန်းနိုင်တဲ့ ကလေးရှိသလို၊ မထိန်းနိုင်တဲ့ကလေးလည်းရှိနိုင်ပါတယ်။ လူတွေနဲ့ အဆင်ပြေတဲ့ ကလေးရှိသလို၊ မပြေတဲ့ကလေးလည်းရှိပါတယ်။

◾️ ကလေးရဲ့စိတ်နေစိတ်ထားကို လိုက်ပြီး ကိုယ့်ရဲ့ အုပ်ထိန်းပုံကို လိုက်လျောညီထွေဖြစ်အောင် လုပ်ခြင်း

ကိုယ့်ကလေးရဲ့ စိတ်နေစိတ်ထား (ဗီဇစိတ်) ကို ပြောင်းလဲလို့ မရပါဘူး။ သူတို့လေးတွေဟာ သူတို့ရဲ့ ပုံစံနဲ့သူတို့ပါပဲ။ အဲဒါက ကောင်းတဲ့အရာတစ်ခုပါ။ ဒါပေမယ့် ကိုယ့်ကလေးရဲ့ ဖွံဖြိုးတိုးတက်မှုအတွက်ကိုတော့ သူ့ စိတ်နေစိတ်ထားနဲ့ လိုက်ဖက်အောင် အုပ်ထိန်းပေးခြင်းအားဖြင့် ကိုယ်က ပြုစုပျိုးထောင်ပေးနိုင်ပါတယ်။ သူတို့ စိတ်နေစိတ်ထားလေးရဲ့ ကောင်းတဲ့အပိုင်းတွေကို ပိုကောင်းလာအောင် ကိုယ်က ကူညီပေးနိုင်တယ်။ သူတို့ရဲ့ စိတ်နေစိတ်ထားလေးကြောင့် ခက်ခဲနေတတ်တဲ့ အခြေအနေလေးတွေကိုလည်း ကိုယ်က ပိုပြီး နားလည်ပေးနိုင်သလို အဲဒီ အခြေအနေတွေကို သူတို့လေးတွေ ကိုင်တွယ်ဖြေရှင်းတတ်လာအောင် သင်ယူတတ်ဖို့ ကိုယ်က ဘေးကကူညီပေးလို့ရပါတယ်။

ကိုယ့်ကလေးရဲ့ စိတ်နေစိတ်ထားအလိုက် အုပ်ထိန်းမှုပုံစံကို လိုက်လျောညီထွေဖြစ်အောင် ဘယ်လိုလုပ်ရမလဲဆိုရင် ...

▫️ တုန့်ပြန်မှုအားများတဲ့ (သွက်ပြီး စိတ်ကြီးတတ်တဲ့) ကလေးမျိုးအတွက်

ကိုယ့်ကလေးက အရမ်းတုန့်ပြန်မှုအားများတယ်ဆိုရင် ကောင်းတဲ့အရာတွေဖြစ်လာတဲ့ အခါမျိုးတွေမှာ ကလေးဟာ အရမ်းသွက်ပြီး ကိုယ့်အတွက် ပျော်စရာလေးဖြစ်ပါလိမ့်မယ်။ ဒါပေမယ့် သူတို့စိတ် မကျေမနပ်ဖြစ်တဲ့အခါတွေ၊ အလိုမကျ၊ လိုချင်တာမရတဲ့အခါတွေမှာလည်း သူတို့လေးတွေဟာ အရမ်းနားငြီး၊ ဇာတ်လမ်းရှည်နေပါလိမ့်မယ်။ ပိုပြီး အေးအေးဆေး‌ဆေးတုန့်ပြန်လာနိုင်တတ်အောင် သူတို့ကို ကူညီပေးဖို့လိုပါလိမ့်မယ်။ ဥပမာ စိတ်ကို လျှော့ချပြီး စိတ်ဆိုး ဒေါသထွက်တာကို ပါးစပ်ကနေ ပြောတတ်အောင် သင်ပေးတာမျိုး။

ဒီကလေးတွေဟာ အရမ်းလည်း လှုပ်လှုပ်ရှားရှားနေတတ်တဲ့ အငြိမ်မနေနိုင်သူလေးတွေမို့ သူတို့အတွက် အပြင်ထွက် ကစား၊ သွားလာဖို့ များများလုပ်ပေးရပါတယ်။ အားကစားအသစ်တွေ စမ်းသင်ယူခိုင်းတာ၊ ကစားခိုင်းတာဟာ သူတို့ကိုပိုတိုးတက်ဖွံ့ဖြိုးလာအောင် အကူအညီဖြစ်စေနိုင်ပါတယ်။ ဒါပေမယ့် သူတို့လေးတွေအနေနဲ့ သံပါတ်လျှော့ပေးဖို့လည်း လိုတာမို့ ညအိပ်ခါနီးမှာ သက်သက်သာသာလေး နားခိုင်းတာဟာလည်း ကောင်းပါတယ်။

▫️ တုန့်ပြန်မှုနည်းတဲ့ (အေးတဲ့) ကလေးအတွက်

တုန့်ပြန်မှုနည်းတဲ့ (အေးတဲ့) ကလေးတွေဟာ သူတို့နဲ့ အဆင်ပြေအောင်နေဖို့ ပိုတော့ လွယ်ပါတယ်။ ဒါပေမယ့် သူတို့က သိပ်ပြီးတော့ မရဲကြဘူး။ သူတို့လေးတွေကျတော့ ကိုယ့်ကိုယ်ကို ကာကွယ်ရပ်တည်တတ်အောင် ကူညီပေးရပါမယ်။ ဥပမာ သူတို့အနေနဲ့ ပိုပြီး ရဲရဲဝံ့ဝံ့ ရင်ဆိုင်တတ်ဖို့ လိုတဲ့အရာလေးတွေကို သတိထားမိရင် အဲဒီကိစ္စတွေကို ကလေးအနေနဲ့ ပြောင်းလဲဖြေရှင်းတတ်အောင် လုပ်ပေးပါ။ အဲဒီလို ကလေးတွေကို မိသားစု စကားဝိုင်းထဲမှာ ဘေးမရောက်နေအောင်လည်း သတိထားဖို့ အရေးကြီးပါတယ်။ ဥပမာ “ဇာနည်ရေ၊ သား ဘာမှ သိပ်မပြောဘူးနော်၊ ဒီ ရုပ်ရှင်ကို သားရော ကြည့်ချင်ရဲ့လား ပြောပါဦး” ဆိုတာမျိုး။

အဲဒီလို သိပ်မတုန့်ပြန်တဲ့ကလေးတွေဟာ ကိုယ်လက်လှုပ်ရှားမှုလည်း နည်းပါတယ်။ ပုံဆွဲတာ၊ အရုပ်လေးတွေဖြတ်ညှပ်ကပ်လုပ်တာလိုမျိုး လက်နဲ့ လက်ချောင်းလေးတွေကို သုံးပြီး အာရုံစိုက်ရတဲ့ fine motor skills ကိုသုံးရတဲ့ဟာမျိုးကို ပိုပြီးလုပ်ချင်တတ်ကြပါတယ်။ ဒါပေမယ့် သူတို့ကိုလည်း ကိုယ်လက်လှုပ်ရှားလုပ်ဖို့ အားပေးရပါမယ်။ ဥပမာ စာအုပ်ထဲမှာ ညှပ်ကပ်ရအောင် သစ်ရွက်လေးတွေ ပန်းခြံထဲသွားကောက်ကြမယ် ဆိုတာမျိုး။ အိမ်နားက စာအုပ်ဆိုင်မှာသူ့အတွက် စာအုပ်လေးတွေသွားဝယ်ကြမယ်ဆိုပြီး ကားနဲ့ မသွားဘဲ၊ လမ်းလျှောက်သွားကြတာမျိုး။

◾️ ကိုယ့်ကိုယ်ကို ထိန်းနိုင်တဲ့ကလေးများ၊ မထိန်းနိုင်တဲ့ ကလေးများကို အုပ်ထိန်းခြင်း

▫️ ကိုယ့်ကိုယ်ကို ထိန်းချုပ်နိုင်စွမ်းရှိတဲ့ကလေးအတွက်

ဒီကလေးတွေကတော့ စိတ်ဆိုးတဲ့အချိန်၊ ပျော်တဲ့အချိန်တွေလိုမျိုး ခံစားမှုတွေကို တည်တည်ငြိမ်ငြိမ် ထိန်းတတ်ကြပါတယ်။ ပျော်စရာ၊ ဝမ်းနည်းစရာတွေ ဖြစ်ပြီးတဲ့အခါမှာ စိတ်ကို မြန်မြန်အေးအောင် လုပ်နိုင်ပြီး စိတ်လိုက်မာန်ပါ မတုန့်ပြန်တတ်ကြဘူး။
တကယ်လို့ စည်းစနစ်နဲ့နေရတာ ကြိုက်တဲ့ကလေးဆိုရင် အာရုံစူးစိုက်နိုင်စွမ်းလည်း ပိုရှိကြလိမ့်မယ်။ တစ်ခုခုကို လုပ်ရင် မရမချင်းလုပ်တာမျိုး။ အဆင်မပြေတာတွေကိုလည်း ပိုပြီးသည်းခံတတ်နိုင်လိမ့်မယ်။ အိမ်စာတွေဘာတွေကိုလည်း လိုက်ကြည့်ပေးစရာမလိုဘဲ လုပ်နိုင်တတ်တယ်။ ဒါပေမယ့် သူတို့က အမှားအယွင်းကို သေးသေးလေးမှ လက်မခံနိုင်တတ်တဲ့သူ၊ အမှားအယွင်းလုံးဝ မဖြစ်ချင်တဲ့သူတွေ ဖြစ်တတ်တယ်။ ဒါကြောင့် အမှားလုပ်မိတာဟာလည်း “ရတယ်”ဆိုတာကို သိအောင် ပြောပြပေးပါ။

▫️ ကိုယ့်ကိုယ်ကို သိပ်မထိန်းနိုင်တဲ့ ကလေး

အာရုံကို တစ်ခုတည်းထားဖို့ခက်တဲ့ ကလေးမျိုးတွေအတွက် ခက်ခဲတဲ့အရာတွေကို လုပ်တဲ့အခါမှာ သူတို့လေးတွေကို ဘေးက အများကြီး အားပေးတတ်ဖို့လိုပါတယ်။ သူတို့ဟာ တစ်ခုလုပ်နေရင်းကနေ နောက်တစ်ခုကို မြန်မြန် စိတ်ပြောင်းသွားတတ်တယ်။ ဒါပေမယ့် ဖန်တီးနိုင်စွမ်းကျတော့ သူတို့က အားကောင်းတတ်ပါတယ်။ ကလေးကို အာရုံစိုက်နိုင်အောင်လို့ သူတို့လုပ်ရတဲ့ အလုပ်တွေ (စာတွေ) ကို ပျော်စရာကောင်းတဲ့ ဂိမ်းလေးတွေလို၊ ဖန်တီးမှု များများလုပ်ရတဲ့ဟာမျိုးတွေလုပ်ပေးခြင်းအားဖြင့် ကူညီပေးပါ။

◾️ လူတွေနဲ့ နေတတ်တဲ့ကလေး၊ မနေတတ်တဲ့ကလေးတွေကို အုပ်ထိန်းခြင်း

▫️ လူတွေနဲ့ နေတတ်တဲ့ကလေး

ကိုယ့်ကလေးက လူတွေနဲ့နေရတာ အရမ်း အဆင်ပြေတယ်ဆိုရင် သူတို့ဟာ တခြားသူတွေနဲ့ နေရတာကို ကြိုက်ပါလိမ့်မယ်။ တခြား ကလေးတွေနဲ့ ကစားဖို့ ချိန်းတာ၊ အဖွဲ့လိုက် လုပ်ရတာတွေမှာ သူတို့ ပျော်လိမ့်မယ်။ ဒါပေမယ့် တစ်ချိန်လုံးကြီး သူတို့ကို ကစားဖို့ ချိန်းပေး၊ လူတွေနဲ့ တွေ့ပေးနေဖို့တော့လည်း မလိုပါဘူး။ သူတို့လေးတွေကို တစ်ယောက်တည်း နေတတ်အောင်လည်း ကူညီပေးဖို့လိုပါတယ်။

လူတွေနဲ့ ပိုပြီးနေတတ်တဲ့ ကလေးတွေဟာ လိုက်လျောညီထွေဖြစ်အောင်လည်း အရမ်းနေတတ်ပြီး လုပ်နေကြပုံစံမဟုတ်ဘဲ အပြောင်းအလဲဖြစ်လာတဲ့အခါမှာလည်း တခြားကလေးတွေထက် ပိုပြီး လက်ခံပေးတတ်ပါတယ်။ အဲလို လိုက်လျောညီထွေနေတတ်တဲ့ကလေးမျိုးက အသစ်အသစ်တွေ အများကြီး သင်ပေးရလွယ်ပါတယ်။ ဒါပေမယ့် ကလေးအတွက် ကိုယ်နဲ့ တစ်ယောက်ချင်း အချိန် မရတာမျိုး မဖြစ်အောင်တော့ သတိထားပါ။

▫️ လူတွေနဲ့ သိပ်မနေတတ်တဲ့ကလေး

ကိုယ့်ကလေးက လူတွေနဲ့ သိပ်မရောတတ်ဘူးဆိုရင်တော့ သူတို့ဟာ တစ်ယောက်တည်း နေတတ်၊ ကစားတတ်ပြီး မပျင်းအောင် ကိုယ့်ဘာသာနေတတ်တဲ့သူတွေဖြစ်ကြဖို့များပါတယ်။ ဒီကလေးတွေကျတော့လည်း သူငယ်ချင်းတွေ ထားတတ်အောင် ကူညီပေးရပါတယ်။ ကလေးက အဖွဲ့လိုက်၊ လူအများနဲ့ နေဖို့ အဆင်မပြေဘူးဆိုရင်တော့ သူငယ်ချင်းတစ်ယောက်၊ နှစ်ယောက်လောက်နဲ့ အိမ်မှာ ကစားဖို့ ချိန်းပေးတာ၊ ပန်းခြံခေါ်သွားတာမျိုးလေးတွေလုပ်ပေးပါ။

သူတို့က အပြောင်းအလဲကိုလည်း သိပ်မကြိုက်ကြလို့ လုပ်နေကြ အစီအစဥ်အတိုင်းပဲလုပ်ချင်ကြပါလိမ့်မယ်။ ကောင်းတဲ့အချက်ကတော့ သူ့အတွက်က လုပ်စရာတွေ သူ့အစီအစဥ်ထဲ ထည့်ရတာ လွယ်ပါတယ်။ ဒါပေမယ့် အပြောင်းအလဲလေးတွေကို လက်ခံတတ်လာအောင်လည်း ကူညီပေးရပါမယ်။

ကလေးတွေရဲ့ စိတ်နေစိတ်ထားဟာ မိဘတွေနဲ့ တူချင်မှတူပါလိမ့်မယ်။ တချို့ မိဘတွေအတွက်ကတော့ သူတို့ကလေးရဲ့ စိတ်နေစိတ်ထားက သူတို့နဲ့တူတဲ့အခါမှာ ပိုပြီးနားလည်ပေးဖို့ လွယ်ပါလိမ့်မယ်။ ကိုယ်ကလည်း ကြိုတွက်လို့ ၊ ပြင်ဆင်လို့ရတာကို ကြိုက်သူမျိုးဆိုရင် ပုံမှန်အိပ်ချိန်နဲ့ အိပ်ရတာကြိုက်တဲ့ ကလေးမျိုးကို ထိန်းရတာပိုလွယ်ပါတယ်။ ဒါပေမယ့် ကိုယ်က ကိစ္စရပ်တွေကို အတိအကျမဟုတ်ဘဲ ကိုယ်ကြိုက်သလို လုပ်ရတာကိုကြိုက်တဲ့သူမျိုးဆိုရင် ပုံမှန်အတိုင်းအမြဲသွားရတာကို ကြိုက်တဲ့ကလေးနဲ့ အသားကျဖို့ အချိန်ယူရပါလိမ့်မယ်။

◾️ စိတ်နေစိတ်ထားတွေ ဘယ်လို ပြောင်းလဲတတ်သလဲ

ကလေးကြီးလာတဲ့အခါမှာ သူ့စိတ်နေစိတ်ထားလေးတွေ ပြောင်းလာတာကို မြင်ရတတ်ပါတယ်။ သူ့ရဲ့ အတွေ့အကြုံတွေကနေ အခြေအနေတွေအပေါ်မှာ သူ့ရဲ့ ပြုမူပုံတွေကို ပြောင်းလာအောင် လုပ်ပေးတာပါ။
ဥပမာ ကျောင်းမှာတုန်းက အာရုံပျံ့လွင့်လွယ်တဲ့ကလေးဟာ ကြီးလာတော့ကျတော့ အလုပ်အစည်း‌ဝေးတွေမှာ ကောင်းကောင်းအာရုံစိုက်နိုင်တာမျိုး။ ဒါက ဘာကြောင့်လဲဆိုတော့ အသက်ကြီးလာတော့ လုပ်ရမယ့်ဟာကို ပိုပြီးနားလည်လာလို့ ဒါမှမဟုတ် စိတ်ကို မလွင့်အောင် ထိန်းချုပ်နိုင်တဲ့နည်းတွေကို သိလာလို့ ဖြစ်နိုင်ပါတယ်။

အချုပ်ပြောရရင်တော့ ကလေးတိုင်းဟာ သူတို့ရဲ့ ကိုယ်ပိုင်စိတ်နေစိတ်ထားလေးတွေ၊ ဗီဇလေးတွေရှိကြပြီး ဘယ်ဟာက ပိုကောင်းတယ်လို့ မဟုတ်ဘဲ၊ သူ့ကိုယ်ပိုင်စိတ်ဗီဇလေးကို သူအကောင်းဆုံး အသုံးပြု ရှင်သန်နိုင်စေဖို့ပဲ မိဘတွေက ဘေးကနေ ပံ့ပိုးပေးရမှာပါ။ လေးထောင့်လို စိတ်ပုံသဏ္ဌာန်ရှိတဲ့ကလေးကို အဝိုင်းလို ပုံစံခွက်ထဲကို အတင်းသွတ်သွင်းဖို့ကြိုးစားမယ်၊ ဘေးကနေ အားမလိုအားမရဖြစ်နေမယ်ဆိုရင်တော့ ကလေးရော မိဘရော အရမ်းပင်ပန်းပြီး အကျိုးထက် အပြစ်ကို ပိုဖြစ်စေပါလိမ့်မယ်။ ကလေးရဲ့ ပင်ကိုယ်စိတ်နဲ့ သူ့ရဲ့ ဖြစ်တည်မှုတန်ဖိုးကို မိဘက အသိအမှတ်ပြုပေးမှ ကလေးကိုယ်တိုင်လည်း သူ့တန်ဖိုး ရှိရင်းစွဲအပေါ်ယုံကြည်မှုရှိရှိနဲ့ မြှင့်တင် အသုံးပြု အသက်ရှင်သွားနိုင်မှာပါ။

ဂျွန်မိုးစက်
January 20, 2023

Reference :
Raising Children Network, Temperament: what it is and why it matters. (20 October 2020). Retrieved July 10, 2022. https://raisingchildren.net.au/newborns/behaviour/understanding-behaviour/temperament

29/12/2022

Hello 🌞🌞🌞 အားလုံးပဲ မာလကာပင် ....😊😊😊မင်္ဂလာပါနော်... 🥰🥰
🌟🌟🌟 Collection Baby Store လေးကနေ ကြိုဆို မိတ်ဆက်လိုက်ပါတယ်နော် 🌟🌟🌟
💢💢 မင်မင် ဒီ လေး စထောင်ပြီးကတည်းက ဘာပစ္စည်းမှ announce မလုပ်ဘဲ လေးတင်လိုက် ပဲလုပ်နေတာကို သည်းခံပြီး & follow share လုပ်ပေးတဲ့ တစ်ယောက်ချင်းစီတိုင်းကို‌ ရင်ထဲကနေ လှိုက်လှိုက်လှဲလှဲကို ကျေးဇူးတင်ပါတယ်ရှင် 🙏🙏🙏
💥💥💥မင်မင့် ရဲ့ ဒီ လေးကနေ ချစ်သောသူများရဲ့ သားသား မီးမီး တူ တူမလေး တွေ အတွက် ဈေးနှုန်း‌ချိူသာပြီး qualityကောင်းမွန်တဲ့ အဝတ်အထည် အသုံးအဆောင် နဲ့ .. မွေးစကနေ လသားအရွယ်ထိ ချည်သားစစ်စစ် ပစ္စည်းလေးတွေကို ရောင်းချ‌ပေးသွားမှာဖြစ်ပါတယ် ....💥💥💥
😇😇 ဒီ မင်မင့်ရဲ့ ပစ္စည်းလေးတွေကို announce မလုပ်ပဲ ပထမဦးဆုံး page ထောင်တဲ့ ရည်ရွယ်ချက်ကတော့ ရိုးသားပါတယ် ... ချစ်သောသူများနဲ့ page လေးကို ရင်းနှီးစေချင်တာရယ် ... မင်မင့် အိမ်ထောင်သက် ၅နှစ်အတွင်းမှာ baby လေးမရသေးပေမယ့် ကိုယ့်ရဲ့ တခြားသောချစ်သော ကလေးများအတွက် လက်ဆောင်ပေးရင် ကိုယ့်ကလေးလေးကို ဝယ်ပေးရသလိုမျိူးကို ရင်ထဲကနေ ဝယ်ပေးဖြစ်တယ် ရှာပေးဖြစ်တယ် .. အဲ့လိုကနေ ဘယ်တော့မှ ငါ့ပုံစံနဲ့ OS ရောင်းလို့ ဖြစ်မှာမဟုတ်ပါဘူးဆိုတဲ့ သူက နောက်ဆုံးမှာတော့ ငါ့ကလေးလေးအတွက်ကနေရည်ရွယ်ပြီး baby online shop တွေ အများကြီးကနေ အရဲစွန့်စားပြီး ဆုံးဖြတ်လိုက်တာပါနော် 🥰🥰🥰
ဒါပေမယ့် မင်မင့်ကို အချိန်တစ်ခု ထပ်ပေးဖို့တောင်းဆိုပါရစေ 🙏🙏🙏 ဘာလို့လည်းဆိုတော့ ချစ်သောသူများအတွက် ပစ္စည်းချင်းတူ ဈေးနှုန်းတူတာချင်းကိုမှ မတူခြားနားတဲ့ ပုံစံလေးတွေနဲ့ service လေးတွေ ကိုမှ ပေးချင်တဲ့ မင်မင့်အတွက် အချိန်လေးတစ်ခု ယူပြီး အကောင်းဆုံး ပြန်လာခဲ့ပါမယ်လို့ တောင်းဆိုချင်လို့ပါနော် 🥰🥰🥰🥰