10/09/2022
အတင်းအကျပ် positive ဖြစ်ကိုဖြစ်ရမယ်၊ အကောင်းတွေပဲသီးသန့်လက်ခံမယ်ဆိုတဲ့
ခံယူချက်နောက်မှာ လက်ရှိခံစားနေရတဲ့ နာကျင်မှု၊ စိတ်မချမ်းမြေ့စရာ စိတ်ဒဏ်ရာ ဝေဒနာတွေကို ထိပ်တိုက်မရှင်းပဲ မသိချင်ယောင်ဆောင်နေတဲ့ Spiritual Bypass မဖြစ်နေဖို့ပဲလိုပါတယ်။
Spirituality ရဲ့ Shadow ဘက်ပါ။
(I personally, consider Spiritual bypassing
to be the shadow side of spirituality.)
အလွန့်အကျွန် အကောင်းမြင်ရမယ်ဆိုတဲ့
အကြံပေးမှူမျိုးကို ကျွန်မအစကတည်းက
ရှောင်ပါတယ်။
ယုတ်တိမရှိလို့ပါ။
ဖြစ်လာတဲ့ ဒေါသ၊ သောက၊ လောဘ၊ မောဟ emotions တွေကို ကော်ဇာအောက်ထဲ ထည့်ထားသလို သိမ်းထား၊ အောင့်ထား ရမှာမဟုတ်ပဲ ဘယ်လိုမျိုးအဆင်ပြေအောင် ဖြေလျော့ process လုပ်ရမလဲဆိုတာကမှ ကျွန်မတို့အားလုံးလုပ်ရမဲ့ အရာပါ။
တကယ်ကို spirituality ရော၊ တရားသဘောရော နားလည်တဲ့သူက စိတ်ဝေဒနာ ဖြစ်လာရင် ပြဿနာတွေ မဖြေရှင်းပဲ တရားအတင်းထိုင် ၊ အဓိဌာန် လုပ်ရမယ်ဆိုတဲ့ အသိရှိ၊ အားလုံးအဆင်ပြေနေတာပဲဆိုပြီး ဟန်ဆောင်နေတာမရှိပဲ အဲ့ဒီနာကျင်မှုကို ထိပ်တိုက်တွေ့ဖို့ ၊ စိတ်ကိုပြန်လည်ထိန်းညှိဖို့ ဘာကိုအရင်ဆုံးစလုပ်လဲဆိုတော့
ခဏလေး ဘာမှ မတုံပြန် react မလုပ်ပဲ
ငြိိမ်နေလိုက်တယ်။
ပြောချင်တာတွေမပြောခင် ခဏလေး pause လုပ်ငြိမ်လိုက်ပြီး ထိန်းလိုက်တယ်။
ကိုယ်ထိလက်ရောက် ဆိုးဆိုးရွားရွားတွေမလုပ်ခင် pause လုပ် ငြိမ်လိုက်ပြီး ထိန်းလိုက်တယ်။
ပြီးတော့မှာ ပြောစရာရှိ၊ လုပ်စရာရှိ သတိနဲ့ပြောလုပ်တယ်။
ကျွန်မ Public Profile နဲ့ အလုပ်စလုပ်ကတည်းက အမြဲလေ့ကျင့်နေခဲ့တာ ဒီ
Pausing Practice လေးပါပဲ။
ဒီလိုမျိုး Pause မလုပ်ခဲ့ရင် ကျွန်မက ပြန်တုံ့ပြန်လိုက်လို့ ဖြစ်လာမဲ့ မလိုလားအပ်တဲ့ သူစိမ်းအချင်းချင်း လေလှိုင်းကတိုက်ခိုက်တဲ့ “ပွဲ”
တွေ လတိုင်းရှိသွားနိုင်ပါတယ်။ 😝
ကိုယ့် emotion ကိုယ်တာဝန်ယူရတာပဲ။
အခုထက်ထိလဲ လေ့ကျင့်နေရတုံးပါပဲ။😮💨
ခဏလေး Pause လုပ်လိုက်တာနဲ့ ငြိမ်းချမ်းသွားတာ။
ခဏလေး Pause လုပ်လိုက်တာနဲ့ ရန်မများတော့တာ။
ခဏလေး Pause လုပ်လိုက်တာနဲ့ ကိုယ့်မှရှိတဲ့ power ကို သူများကို ရော့အင့် ဆိုပြီး ရုပ်ပျက်ဆင်းပျက်မပေးမိတော့တာ။
စိတ်နာကျင်မှု( pain) ၊ စိတ်ထဲ အမြင်ကွက်/ အမြင်မကြည် trigger ဖြစ်တာတွေကို ကျွန်မတို့ မဖြစ်အောင်ဆိုပြီး လိုက်ပိတ်ဆို့လို့မရပါဘူး။
မြင်တတ်ရင် ဒီ pain ၊ trigger တွေက အမှန်တကယ်တော့
ကျွန်မတို့အားလုံးကို လမ်းပြပေးနိုင်တဲ့ ဆရာတွေပါပဲ။ 😇
Pain & triggers are your teachers.
Please do not avoid those.✨
————————————————-
Spiritual Bypass ဖြစ်နေတဲ့ လက္ခဏာများ ❌
၁) ကမ္ဘာပေါ်တွင် ဖြစ်ပေါ်နေသော အခြေအနေများ နှင့် လက်တွေ့ဘဝကို မသိကျိုးကျွန်ပြုကာ ရှောင်လွှဲနေခြင်း ။
၂) မိမိ၏ စိတ်ခံစားချက်ကို မသက်မသာဖြစ်စေသော ( သို့မဟုတ် ) မိမိ၏ခံယူချက်နှင့် အံဝင်ခွင်ကျမရှိသော မည်သည့်အကြောင်းအရာများမဆို ရှောင်ဖယ်၍နေတတ်ခြင်း ။ ( denial )
၃) မိမိကိုယ်ကို အရေးပါသော အရွေးချယ်ခံပုဂ္ဂိုလ်ထူးပုဂ္ဂိုလ်မြတ် တစ်ယောက်ကဲ့သို့
သတ်မှတ်ထားခြင်း ။
၄) စိတ်ထဲမပျော်ရွှင်သော်လည်း မျက်နှာပေါ်တွင် ပျော်ရွှင်နေကဲ့သို့ ဟန်ဆောင်ထားခြင်း ။
၅) လူချစ်လူခင်ပေါများပြီး မည့်သည့်အရာမဆို အခက်အခဲမရှိ အရာရာအဆင်ပြေချောမွေ့စွာ ဖြတ်သန်းနေရသကဲ့သို့ ဟန်ဆောင်ပြီး
နေပြခြင်း ။
၆) မိမိ၏ ကိုယ်ပိုင်ဆုံးဖြတ်ချက်ဖြင့် လက်တွေ့
လုပ်ဆောင်ရမည့်အစား ယတြာများအပေါ်
အလွန်အမင်းအားကိုးခြင်း။
၇) ကိုယ်တိုင်ဦးဆောင်လမ်းဖောက်ပြီး လက်တွေ့ကျကျပြုမူရမည့်အစား အထောက်အပံ့များကိုသာ အမြဲရှာဖွေနေခြင်း။
၈) သူတော်စင်များ, ဆရာများနှင့် ဂုရုကြီးများ
တွင်သာ ပြဿနာတိုင်း၏အဖြေ ရှိနေမည်ဟု တွေးတောနေခြင်း ။
၉) ဆုတောင်း, တရားထိုင် လုပ်ခြင်းဖြင့်
ဖြစ်ပေါ်နေသောကိစ္စများ သူ့အလိုလို
ပပျောက်သွားလိမ့်မည်ဟု ထင်မှတ်နေခြင်း ။
၁၀) ကိုယ်တိုင်တာဝန်ယူ လုပ်ဆောင်ရမည့်အစား
သူတစ်ပါးအားလက်ညိုးထိုးပြီး စေခိုင်းခြင်း ။
ဘယ်နှစ်ချက်လောက် ပြန်သုံးသပ်သတိထားမိလဲ ? 🧡
Big love ,
Yamone
