07/04/2024
ခုတခေါက်မှာတော့ ချစ်စရာကလေးငယ်များအတွက်ကျန်းမားရေးဗဟုသုတလေး ဝေမျှပေးလိုက်ပါတယ်နော် ချစ်တို့💕💕
clothing shop
ကလေးငယ်နှင့် နှာခေါင်းသွေးလျှံခြင်း အကြောင်း
နှာခေါင်းသွေးလျှံတယ်ဆိုတာ ကလေးတွေမှာ အဖြစ်များတဲ့ အခြေအနေတစ်ခုပါ။
နှာခေါင်းသွေးဘာကြောင့်လျှံလဲဆိုရင် နှာခေါင်းအတွင်းပိုင်းနံရံက
သွေးကြောငယ်လေးများပေါက်ထွက်တာကြောင့်ပဲဖြစ်ပါတယ်။ ကလေးငယ်တွေရဲ့နှာခေါင်းအတွင်းနံရံဟာအင်မတန်နူးညံ့ပြီး ပါးလွှာတာကြောင့် သွေးကြောလေးတွေကအပေါ်ယံမျက်နှာပြင်မှာရှိနေတဲ့အတွက်အလွယ်တကူပေါက်ထွက်လွယ်တာပဲဖြစ်ပါတယ်။ သာမန်အားဖြင့် နှာခေါင်းသွေးလျှံတာဟာအလွန်ဆုံးငါးမိနစ်ဆယ်မိနစ်အတွင်းမှာဘဲ သူ့အလိုလိုရပ်သွားတဲ့အတွက် ဆရာဝန်ဆီသွားစရာမလိုပါဘူး။
နှာခေါင်းသွေးလျှံနိုင်တဲ့ အကြောင်းအရင်းတွေကတော့ -
• နှာခေါင်းခဏခဏကလော်ခြင်း၊
• နှာခေါင်းကိုထိခိုက်မိခြင်း၊
• ရာသီဥတုခြောက်သွေ့ပူပြင်းခြင်း၊
• နှာခေါင်းအတွင်းပိုးဝင်ခြင်း၊
• ဓာတ်မတည့်ခြင်း၊
• နှာခေါင်းအတွင်းပစ္စည်းတစ်ခုခုဝင်ခြင်း၊
• ဝမ်းတအားချုပ်၍ တအားညှစ်ရခြင်း၊
• အချို့သောဆေးဝါးများ၊
• ခန္ဓာကိုယ်မှာ ရောဂါတစ်ခုခုရှိနေခြင်း (ဒါဟာအလွန်ရှားပါတယ်) စတဲ့အချက်တွေကြောင့် နှာခေါင်းသွေး လျှံတတ်ပါတယ်။ ဒီလိုနှာခေါင်းသွေးလျှံလာပြီဆိုရင် ဒီလိုရှေးဦးသူနာပြုနည်းနဲ့ ပြုစုပေးလို့ရပါတယ်။
• ရေခဲအဝတ်ဒါမှမဟုတ်ရေခဲအိတ် ကို ကလေး နှာတံအပေါ် (သို့) လည်ပင်းအနောက်နဲ့ ဘေးဖက်မှာ အုပ်ပေးထားပါ။
• ကလေးဦးခေါင်းကိုနောက်လှန်မနေပါစေနဲ့။ နောက်လှန်နေမယ်ဆိုရင် သွေးဟာနှာခေါင်းအနောက်ဖက်ကနေ လည်ချောင်းအထိပြန်ဆင်းပြီးတော့ ပြန်အန်နိုင်တယ်။ အန်ရင် နှာခေါင်းသွေးထွက်တာပိုဆိုးနိုင်တယ်။ ဒါကြောင့် သက်တောင့်သက်သာ ထိုင်ခိုင်းထားပါ။
• နှာခေါင်းပေါက်နှစ်ခုရဲ့အထက် နား နှာတံအောက်ဖက် ပျော့နေတဲ့ နေရာကိုလက်နဲ့ ခပ်ဖွဖွဆယ်မိနစ် လောက်ဖိညှစ်ထားပေးပါ။ဒီလိုဖိညှစ်ထားတာဟာ သွေးကို အမြန်ဆုံးတိတ်စေပါတယ်။
ဒီလောက်ဆိုရင်တော့ ကလေးနှာခေါင်းသွေးလျှံတတ်တဲ့ အကြောင်းအရင်း နဲ့ နှာခေါင်းသွေးလျှံလာပြီဆိုရင် ဘယ်လိုပြုစုပေးရမလဲဆိုတာ သိသွားလောက်ပြီထင်ပါတယ်နော်
နောက်ရက်တွေမှာလည်း အခုလို ဗဟုသုတရစရာ အကြောင်းအရာတွေကို Kalay Page မှာတင်မဟုတ်ပဲ Telegram Channel မှာပါ တင်ဆက်ပေးသွားအုံးမှာမလို့ Kalay ရဲ့ telegram channel ကို Join ထားဖို့ မမေ့ နဲ့နော်
https://t.me/kalay_com_mm
knowledge
