ပြည့်ဝ - သင်္ကန်းပရိက္ခရာ နှင့် စတိုး

01/01/2026

13/12/2025

# # # ရဟန်းခံ၊ရှင်ပြု၊နားသ အလှူတော်အချိန်အခါ ရက်မြတ်တွင် သံဃာတော်များအား ကပ်လှူရန် သက်န်းပရိက်ခရာနှင့် လှူဖွယ် အမျိုးမျိုးတို့ကိုလည်း
အလှူ့ရှင်များစိတ်တိုင်းကျ စျေးနှုန်းမှန်ကန်စွာဖြင့် ပြည့်ဝသက်န်းတိုက် မှရောင်းချပေးနေပါသည်။
👨‍👩‍👧‍👦 သားသား ၊မီးမီး တို့အတွက် ရှင်ပြု၊နားသ
ဝတ်စုံများကိုလည်း သပ်ရပ် လှပစွာဖြင့် အလှပဆုံး ရောင်း/ငှား ပေးနေပါသည်။
📢📢📢 အားပေးဝယ်ယူသူ တဦးတယောက်ချင်းစီတိုင်းကို
ပြည့်ဝသက်န်းတိုက်
မိသားစုမှကျေးဇူးအထူးတင်ရှိပါသည်။
🙏🙏🙏

13/12/2025

https://www.facebook.com/share/p/1BWsfJ1QPZ/

10/10/2025

ပုဂံမြို့ဟောင်း တောင်ဘီရွာ
တန့်ကြည်တောင်+သူငယ်တော်တောရ
ဣသိပညဒေဝဂုရုကျောင်းတိုက်တွင်းကထိန်
အတွက်
ပြည့်ဝသက်န်းတိုက်မှသက်န်းများ လှူဘွယ်များဝယ်ယူအားပေးပါသော အလှူ့ရှင်အလှူ့အစ်မများကို ပြည့်ဝသက်န်းတိုက်မိသားစုမှကျေးဇူးအထူးတင်ရှိပါကြောင်း
စိတ်ချမ်းသာ ကိုယ်ကျန်းမာ လိုရာမှန်သမျှပြည့်ဝပါစေကြောင်းဆုမွန်ကောင်းတောင်းလိုက်ပါသည်

27/09/2025

🎇" #ကထိန်ဖြစ်ပေါ်လာပုံ"▪️🎇

ဗုဒ္ဓဘုရားသည် ဇေတဝန် ကျောင်းတော်မြတ်၌ ကိန်းဝပ် စံမ္ပာယ် တင့်တယ်စွာ သီတင်းသုံးနေတော်မူစဉ် သင်္ကန်းလျာ နွမ်းနယ်ပါးရှား ပါဝေယျကတိုင်းသား ဘဒ္ဒဝဂ္ဂီညီနောင် သုံးကျိပ်တို့အား အကြောင်းပြု၍ ကထိန်အလှူ ဖြစ်ပေါ်လာသည်။

သာဝတ္ထိပြည် ဇေတဝန်ကျောင်းတော်၌ သီတင်းသုံး နေတော်မူသော မြတ်စွာဘုရားသခင်အား ဖူးမြှော်ရန် ဘဒ္ဒဝဂ္ဂီ ရဟန်းသုံးကျိပ်တို့သည် မိမိတို့ ဝါဆိုဝါကပ်ရာ သာကေတမြို့မှ ဝါကျွတ်သောအခါ ခြေလျင်ခရီးဖြင့် ကြွလာကြ၏။ ထိုအခါ မိုးကြီး သည်းထန်စွာ ရွာသွန်းသဖြင့် ရဟန်းများ မိုးရေစိုစွတ် ကြကုန်သည်။ ထိုသို့ မိုးရေစိုစွတ်သော သင်္ကန်းဖြင့်ပင် ပူဇော်ကြရသည်ကို မြတ်စွာဘုရားသခင် မြင်တွေ့ရသောအခါ ထိုခရီးသည်ရဟန်းတို့ကို အကြောင်းပြု၍ ပူရိမ ဝါကပ်ခြင်း၌ ပြည့်စုံသော ရဟန်းတို့အား ကထိန်ခင်း ခွင့်ပြုကြောင်း ပညတ်တော်မူခဲ့သည်။

ဘဒ္ဒဝဂ္ဂီညီနောင်သုံးကျိပ်တို့သည် မိဂဒါဝုန်တောတွင် ဇနီးမယားတို့ဖြင့် ပျော်ပါးနေ၏။ ထိုမင်းသားတို့သည် ကောသလမင်းကြီးနှင့် ဆွေမျိုးတော်စပ်ကြ၏။ ကောသလမင်းကြီး၏ အဖေတူ မအေကွဲတော်စပ်သည့် ညီတော်နောင်တော်များ ဖြစ်ကြသည်။ မင်းသားသုံးဆယ်တို့တွင် တစ်ပါးသော မင်းသားမှာ ဇနီးမယားမရှိသည့်အတွက် ရုပ်ရည်ချောမောပြေပြစ်သော ပြည့်တန်ဆာမ တစ်ဦးကို ငှားရမ်းကာ ပျော်ပါး၏။ ထိုပြည့်တန်ဆာမသည် မင်းသားများ ပျော်ပါးမေ့လျော့နေခိုက် ရွှေငွေလက်ဝတ်ရတနာများကို ခိုးယူထွက်ပြေးလေ၏။ မင်းသားသုံးဆယ်တို့သည်လည်း ပြည့်တန်ဆာမကို တောအတွင်း လိုက်လံရှာဖွေလေသည်။

မင်းသားတို့နှင့် မြတ်စွာဘုရားတွေ့ကြပုံ
ထိုအခါကာလသည် မြတ်စွာဘုရားသည် ဗာရာဏသီမြို့၊ မိဂဒါဝုန်တောတွင် သီတင်းသုံးတော်မူပြီး ဥရုဝေလတောသို့ ကြွတော်မူသည်။ ထို့နောက် တောအုပ်ထဲရှိ သစ်ပင်ကြီးတစ်ပင်အောက်တွင် သီတင်းသုံးတော်မူနေချိန် ဖြစ်သည်။ လိုက်လံရှာဖွေနေစဉ် မင်းသားသုံးကျိတ်တို့သည် သစ်ပင်အောက်တွင် သီတင်းသုံးတော်မူနေသော မြတ်စွာဘုရားရှင်ကို မြင်သွားကာ အနားသို့ ချဉ်းကပ်ပြီး “ အရှင်ဘုရား၊ ဒီအနီးအနားတွင် မိန်းမတစ်ယောက်ကို မတွေ့မိဘူးလားဘုရား ” ဟုမေးသည်။ ထိုအခါ မြတ်စွာဘုရားက မင်းသားတို့အား “ မင်းသားတို့၊ ဘာအတွက်ကြောင့် မိန်းမကို လိုက်လံရှာဖွေနေကြသလဲ ” ဟုမေး၏။ ထိုအခါ မင်းသားတို့လည်း ရှာဖွေရခြင်း၏ အကြောင်းစုံကို ပြောလေသည်။ ထိုအခါ မြတ်စွာဘုရားက မင်းသားတို့အား “ (၁) ပျောက်သွားတဲ့ မိန်းမကိုရှာခြင်း (၂) မိမိကိုယ်ကို ရှာခြင်း စသည့် ရှာခြင်းနှစ်မျိုးတွင် ဘယ်ဟာက သင်တို့အတွက် ပို၍ မြတ်ပါသလဲ ” မေးလေ၏။ မင်းသားတို့သည် ပါရမီ ရင့်သန်သူများဖြစ်သည့်အားလျော်စွာ မိမိကိုယ်ကိုရှာခြင်းကသာ မြတ်ကြောင်း ပြောလေ၏။ ထိုအခါ မြတ်စွာဘုရားက မင်းသားတို့အား တရားဟောတော်မူလေ၏။ ပထမ အနုပုဗ္ဗီကထာတရား (၄) ပါးကို ဟောတော်မူ၏။ ထို့နောက် သာမုက္ကံသိက တရားဖြစ်သည့် သစ္စာလေးပါးတရားကို ဟောတော်မူ၏။ တရားဆုံးတော်မူသောအခါ မင်းသားတို့တွင် အချို့သည် သောတပတ္တိမဂ်ဖိုလ်၊ အချို့သည် သကဒါဂါမိမဂ်ဖိုလ် တို့ကို အသီးသီး ရရှိသွားကြ၏။

#မင်းသားများဧဟိဘိက္ခုရဟန်းအဖြစ်ရရှိကြပုံ

မင်းသားတို့သည် မြတ်စွာဘုရားထံတွင် ရဟန်းအဖြစ်ကို ရစေရန် ခွင့်ပန်လျှောက်ထားလေ၏။ မြတ်စွာဘုရားသည် မင်းသားသုံးဆယ်တို့အား ပရိက္ခရာ ရှစ်ဖြာပြည့်စုံစွာဖြင့် မင်းသားတို့အား ရဟန်းဘဝကို ရရှိစေတော်မူ၏။ ထိုရဟန်းတော်တို့သည် ကောသလတိုင်း အနောက်အရပ်ရှိ ပါဝေယျတိုင်းတွင် သီတင်းသုံးတော်မူ၏။ ရဟန်းတော်တို့သည် အရညကင်ဓုတင်၊ ပိဏ္ဍိပါတ်ဓုတင်၊ ပံ့သုကူဓုတင်၊ တိစီဝရိတ်ဓုတင် ဆောင်ရဟန်းများ ဖြစ်တော်မူ ကြလေသည်။

#သာဝတ္ထိမြို့သို့ခြေလျင်ခရီး

အခါတပါး၌ ရဟန်းတော် သုံးဆယ်တို့သည် သာဝတ္ထိမြို့၊ ဇေတဝန်ကျောင်းတော်တွင် သီတင်းသုံးတော်မူနေသော မြတ်စွာဘုရားအား ဖူးမြော်ရန် ခြေလျင်ခရီးဖြင့် ကြွချီတော်မူ၏။ ရဟန်းတို့သည် သာဝတ္ထိသို့ရောက်ရန် လိုနေသေးချိန်တွင် ဝါကပ်ရမည့် အချိန်ဖြစ်သည့် ဝါဆိုလပြည့်ကျော် (၁) ရက်နေ့သည် နီးကပ်လာ၏။ ထို့ကြောင့် သာဝတ္ထိသို့ အရောက်ဆက်သွားရန် မဖြစ်နိုင်တော့သဖြင့် လမ်းခုလပ်ရှိ သာကေတမြို့တွင် ဝါကပ်တော်မူ၏။ မင်းသားတို့ ဝါကပ်တော်မူရာ သာကေတသည် မြတ်စွာဘုရားသီတင်းသုံးတော်မူနေသည့် သာဝတ္ထိမြို့နှင့် ခြောက်ယူဇနာသာ ဝေးတော့၏။ ထိုသို့ အနီးအနားတွင် သီတင်းသုံးရသော်လည်း မြတ်စွာဘုရားကို မဖူးမြော်ရလေခြင်းဟု ရဟန်းတော်တို့သည် တွေးတောကာ ဝါတွင်းသုံးလပတ်လုံး သီတင်းသုံးတော် မူရလေသည်။

#သာဝတ္ထိမြို့သို့ခရီးဆက်ခြင်း

ရဟန်းတော်တို့သည် သာကေတမြို့၌ သီတင်းသုံး၍ သီတင်းကျွတ်လပြည့်နေ့တွင် မဟာပဝါရဏနေ့တွင် ပဝါရဏ ပြုပြီးလျှင် သာဝတ္ထိသို့ ခရီးဆက်ခဲ့ကြသည်။ ထိုအချိန်သည် မိုးကာလ ဖြစ်သောကြောင့် ရဟန်းတော်တို့၏ နှစ်ထပ်သင်္ကန်းများတွင် ရေများဝင်ကာ လေးလံလာသည်။ ရဟန်းတော်များသည် ဓုတင်ဆောင် ရဟန်းများဖြစ်သောကြောင့် သပိတ်၊ နှစ်ထပ်သင်္ကန်း စသည်တို့ကို ပခုံးတစ်ဖက်စီမှာလွယ်၍ ဝန်စည် စလွယ်များဖြင့် ပင်ပင်ပန်းပန်း ခက်ခက်ခဲခဲပင် မြတ်စွာဘုရားထံသို့ ခရီးဆက်ခဲ့ကြသည်။

မြတ်စွာဘုရားထံသို့ ရောက်သောအခါ ရိုသေစွာရှိခိုး၍ သင့်တင့်လျောက်ပတ်သော နေရာတွင် ထိုင်ကြသည်။ မြတ်စွာဘုရားသည် ရဟန်းတို့အား “ရဟန်းတို့ ကျန်းမာကြရဲ့လား၊ မျှတကြရဲ့လား၊ ဝါတွင်း သုံးလပတ်လုံး ညီညီညွတ်ညွတ် ဝမ်းမြောက်ဝမ်းသာနဲ့ အငြင်းအခုံမရှိ ချမ်းသာစွာနေထိုင်ကြရဲ့လား၊ ဆွမ်းအတွက် မပင်မပန်း ချမ်းချမ်းသာသာ ရှိကြရဲ့လား” ဟု မေးတော်မူ၏။ ထိုအခါ ရဟန်းတို့ကလည်း ကျန်းမာကြောင်း၊ မျှတကြောင်း၊ ချမ်းသာစွာနေထိုင်ခဲ့ကြောင်း၊ ဆွမ်းအတွက် မပင်ပန်းကြကြောင်း ပြောကြားလေသည်။ ထို့နောက် ရဟန်းတို့သည် မိမိတို့ မြတ်စွာဘုရားထံသို့ လာရာတွင် ဖြစ်ပျက်ခဲ့ပုံများကို လျောက်ထားကြလေသည်။ မြတ်စွာဘုရားလည်း ရဟန်းသုံးဆယ်တို့အား အနမတဂ္ဂိယသုတ္တန်တရားတော်ကို ဟောကြားတော်မူလေ၏။ တရားဆုံးသောအခါ ရဟန်းသုံးဆယ်တို့သည် အရဟတ္တမဂ်ဖိုလ်၊ အရဟတ္တဖိုလ် ကိုရရှိတော်မူကြကာ ဈာန်ဖြင့် ပါဝေယျတိုင်းသို့ ပြန်ကြွလေသည်။

#ကထိန်ခင်းရန်ခွင့်ပြုခြင်း

ရဟန်းတော်များ ပြန်ကြွသွားပြီးနောက် မြတ်စွာဘုရားသည် ကထိန်ခင်းခြင်းကို ခွင့်ပြုပြီးဖြစ်မည်ဆိုပါက ဤရဟန်းတော် သုံးဆယ်တို့သည် နှစ်ထပ်သင်္ကန်းကို ထားပစ်ခဲ့ပြီး သင်းပိုင်၊ ဧကသီဟူသော နှစ်ထည်သော သင်္ကန်းဖြင့် လာမည်ဆိုပါက ဤကဲ့သို့ ပင်ပန်းမည်မဟုတ်။ ပွင့်တော်မူပြီးခဲ့သော ဘုရားရှင်တို့သည်လည်း ကထိန်ခင်းခြင်းကို ခွင့်ပြုတော်မူခဲ့သည် ဟုကြံစည်တော် မူလေသည်။ ထို့နောက် ကထိန်ခင်းခြင်းကို ခွင့်ပြုတော်မူလိုသဖြင့် ရဟန်းတော်တို့ကို ခေါ်တော်မူ၍ ရဟန်းတို့ ပုရိမဝါ (ပထမဝါ) သို့ ကပ်တော်မူလျက် ဝါမှ ကျွတ်တော်မူလာကြကုန်သော ရဟန်းတို့ကို ငါဘုရားခွင့်ပြုတော်မူ၏ ဟု မိန့်တော်မူကာ ကထိန်ခင်းခြင်းကို ခွင့်ပြုတော်မူလေသည်။ ဤသို့ဖြင့် ကထိန်ခင်းခြင်း ဖြစ်ပေါ်လာသည်။

#ကထိန်ခင်းခြင်း

ဝါတွင်း သုံးလပတ်လုံး ဝါမကျိုးမပျက်ပဲ ပဝါရဏာပြုသော ရဟန်းရှိရာ ကျောင်းတိုက်၌ ကထိန်ခင်းကြသည်။ ကထိန်ခင်းရာ၌ သင်္ကန်းတစ်ထည်ကို ဖြစ်စေ အများကို ဖြစ်စေ ’ဣမံစီဝရံ သံဃဿဒေမိ’ ဤသင်္ကန်းကို သံဃာတော်များအား လှူဒါန်းပါ၏ဟု လျှောက်ထား၍ ဆက်ကပ် လှူဒါန်းကြသည်။

ကထိန်ပွဲတော်ကို ’မိုးလကုန်စဲ ကထိန်ပွဲ’ဟူသော ဆိုရိုးနှင့်အညီ၊ သီတင်းကျွတ် လပြည့်ကျော် တစ်ရက်နေ့မှ တန်ဆောင်မုန်း လပြည့်နေ့အထိ ခင်းကျင်းရသည်။ မြန်မာနိုင်ငံတွင် ပုဂံခေတ်အခါကပင်လျှင် အစပြု၍ ကထိန်ခင်းပွဲ ကျင်းပခဲ့ကြသည်။ ယခုခေတ် ကထိန်ခင်းရာတွင် မရှိနွမ်းပါးသော ရဟန်းအားဖြစ်စေ၊ အကြီးဆုံး မထေရ်အားဖြစ်စေ ကပ်လှူရန် ဥတ်သင်္ကန်းအပြင် အခြံအရံ လှူဖွယ်ပစ္စည်းများကို ထည့်သွင်း လှူဒါန်းလေ့ရှိသည်။

ကထိန်ခင်းရ၌ သံဃိက စစ်စစ် ဖြစ်သင့်သည့်အတွက် အလှူ့တကာများက မည်သည့်ပစ္စည်းကား သံဃိကပစ္စည်း၊ မည်သည့်ပစ္စည်းကား ပုဂ္ဂလိကပစ္စည်း ဖြစ်သည်ဟု ခွဲခြားလျှောက်တင်ကြားသင့်ပေသည်။ ကထိန်ခင်း၍ သင်္ကန်းရရှိသော ရဟန်းတို့မှာ ကထိန်အာနိသင်ငါးပါး ခံစားရကြောင်း ကျမ်းဂန်များတွင် မိန့်ဆိုထားသည်။

#ကထိန်ခင်းရန်ကိစ္စ၈ပါး

1=ကထိန်သင်္ကန်းကို အလှူခံမှု၊
2=ကထိန်ခံထိုက်သောပုဂ္ဂိုလ်ကို သံဃာတော်တို့က စိစစ်ရွေးချယ်ပေးမှု၊
3=ထိုရွေးချယ်ခံရသူအားသိမ်တွင်း၌ ကမ္မဝါဖတ်၍ ကထိန်သင်္ကန်းကို ပေးမှု၊
4=တိစီဝရိက် အဓိဋ္ဌာန်တင် သင်္ကန်းဟောင်းကိုပစ္စဒ္ဓိုရ်ပြု အဓိဋ္ဌာန်စွန့်မှု၊
5=ခင်းမည့် သင်္ကန်းသစ်ကို ကပ္ပဗိန္ဒုထိုးမှု၊
6=သင်္ကန်းအမည်ဖြင့်အဓိဋ္ဌာန်တင်မှု၊
7=နှုတ်မြွက်၍ ခင်းမှု၊
8=အနုမောဒနာပြုမှု။

#ကထိန်ခင်းမည့်ရဟန်း၏ အင်္ဂါ ၈-ပါး

၎င်းအင်္ဂါရှစ်ပါးနှင့်ပြည့်စုံသော ရဟန်းမှသာကထိန်ခင်းထိုက်သည် ဆို၏။

1=ပုဗ္ဗကရဏံဇာနာတိ- ရှေးဦးစွာ ပြုလုပ်ရမည့်ကိစ္စရပ်တို့ကို သိရ ပြုရခြင်း၊
2=ပစ္စုဒ္ဓါရံ- ပစ္စုဒ္ဓိရ်ပြုတတ်ရခြင်း၊
3=အဓိဋ္ဌာနံ- အဓိဋ္ဌာန်တင်တတ်ရခြင်း၊
4=အတ္ထာရံ- ခင်းပုံခင်းနည်း သိထားရခြင်း၊
5=မာတိကံ- မာတိကာကို သိထားရခြင်း၊
6=ပလိဗောဓံ- ကြောင့်ကြကို သိထားရခြင်း၊
7=ဥဒ္ဓါရံ- ကထိန်နှုတ်ပုံကိုသိထားရခြင်း၊
8=အာနိသံသံ- အာနိသင်တို့ကို သိထားရခြင်း။

#ကထိန်အာနိသင်၅ပါး

ကထိန်ခင်းရသော ရဟန်းတော်များ ခံစားရသည့် ကထိန်အကျိုး၅-ပါးဖြစ်သည်။

1=အနာမန္တ စာရ- ထင်ရှားရှိသော ရဟန်းကို မပန်ကြားမူ၍ မြို့တွင်းရွာတွင်း ဆွမ်းဖိတ်ရာအိမ်သို့သွားနိုင်ခြင်း၊

2=အ သမာဒါန စာရ- အဓိဋ္ဌာန်တင်ပြီး ဆောင်သောသင်္ကန်းကို မယူမူ၍ သွားနိုင်နေနိုင်ခြင်း၊

3=ယာဝ ဒတ္ထ စီဝရ- အလိုရှိတိုင်း သင်္ကန်းကို အဓိဋ္ဌာန် ဝိကပ္ပနာမပြုမူ၍ထားနိုင်ခြင်း၊

4=ဂဏ ဘောဇန- ထမင်းစားကြွပါ စသည်ဖြင့် မအပ်သောဖိတ်ခြင်းရှိသောဂဏဘောဇဉ်ကို စားနိုင်ခြင်း၊

5=ကထိန်ခင်းသော ကျောင်းတိုက်၌ ကထိန်ခင်းပြီးနောက် တပေါင်းလပြည့်နေ့အတွင်း သံဃာအားလှူသော သင်္ကန်းလျာပုဆိုးကိုလည်းကောင်း၊ သို့မဟုတ် သင်္ကန်းကိုလည်းကောင်း၊ ထိုကျောင်းတိုက်ရှိ ကထိန် အနုမောဒနာပြုသော ရဟန်းတို့သာ ရနိုင်ခြင်း

#သင်္ကန်းသုံးမျိုး

ကထိန်ခင်းရန်အတွက်ဘုရားရှင်ခွင့်ပြုတော်မူခဲ့သောသင်္ကန်းသုံးမျိုး ရှိသည်။

1=သံဃာဋိ- ဒုကုဋ်ခေါ်နှစ်ထပ်သင်္ကန်းကြီး
2=ဥတ္တရာသင်္ဂ- ကိုယ်ဝတ်ခေါ် ဧကသီ
3=အန္တရ ဝါသက- ခါးဝတ်ခေါ် သင်းပိုင်

#ကထိန်မြောက်သောသင်္ကန်းများ

1=အဟတေန အတ္တတံ ဟောတိ ကထိနံ
သင်္ကန်းအသစ်ဖြင့် ကထိန်ခင်းမှ ကထိန်မြောက်ပါသည်။

2=အနိမိတ္တကတေန အတ္ထတံ ဟောတိ ကထိနံ
ဘယ်သင်္ကန်း ၊ ဘယ်အမျိုးအစား သင်္ကန်း စသည်ဖြင့် နိမိတ်မပြပဲ အလိုလို ဖြစ်ပေါ်လာသော သင်္ကန်းဖြင့် ကထိန်ခင်းမှ ကထိန်မြောက်ပါသည်။

3=အပရိကထာကတေန အတ္ထတံ ဟောတိ ကထိနံ
ဤသင်္ကန်းဖြင့် ကထိန်ခင်းမည်ဟု ပရိယာယ်မဆိုပဲ အလိုလို ဖြစ်ပေါ်လာသော သင်္ကန်းဖြင့် ကထိန်ခင်းလျှင် ကထိန်မြောက်ပါသည်။

4=အကုက္ကုကတေန အတ္ထေတံ ဟောတိ ကထိနံ
မငှားသော သင်္ကန်းဖြင့် ကထိန်ခင်းလျှင် ကထိန်မြောက်ပါသည်။

5=အသန္နိဓိကတေန အတ္ထတံ ဟောတိ ကထိနံ
ကထိန်ခင်းမည့် နေ့မရောက်မီ ကျောင်း၌ မသိုမှီး မထိန်းသိမ်းထားသော သင်္ကန်းဖြင့် ကထိန်ခင်းလျှင် ကထိန်မြောက်ပါသည်။

6=အနိဿဂ္ဂိယေန အတ္ထတံ ဟောတိ ကထိနံ
ကထိန်ခင်းမည့် နေ့မရောက်မှီ ကျောင်းကို ကြိုတင် ပို့မထားသော သင်္ကန်း ၊ ကထိန်ခင်းမည့် နေ့ရောက်မှ ကျောင်းကို ပို့သော သင်္ကန်းဖြင့် ကထိန်ခင်းလျှင် ကထိန်မြောက်သည်။

7=ပဉ်စကနေ ဝါ အတိရကေပဉ်စကနေ ဝါ တဒဟဝေ သဉ်ဆိန်နနေ သမဏ်ဏလီကတနေ အတ်ထတံ ကထိနံ။
ကထိန်ခင်းသည့် နေ့တွင် အိမ်ကြီးအိမ်ငယ်နှင့်တကွ ငါးခန်း (သို့မဟုတ်) ငါးခန်းထက်ပိုအောင် ဖြတ်ချုပ်ထားသော သင်္ကန်းဖြင့် ကထိန်ခင်းလျှင် ကထိန်မြောက်သည်။

#ကထိန်မမြောက်သောသင်္ကန်းများ

1=န ဒဠှီကမ်မကရဏ မတ်တနေ အတ်ထတံ ဟောတိ ကထိနံ
နှစ်လွှာစပ်ကာမျှဖြင့် နှစ်လွှာစပ်ထားသော သင်္ကန်းဖြင့် ကထိန်ခင်းလျှင် ကထိန်ခင်းသည် မမည်။

2=န နိမိတ္တကတေန အတ္ထတံ ဟောတိ ကထိနံ
ဤသင်္ကန်းဖြင့် ကထိန်ခင်းမည်ဟု နိမိတ်ပြသော သင်္ကန်းဖြင့် ကထိန်ခင်းလျှင် ကထိန်မမြောက်။

3=န ပရိကထာကတေန အတ္ထတံ ဟောတိ ကထိနံ
ဤသင်္ကန်းဖြင့် ကထိန်ခင်းမည်ဟု ပရိယာယ်ဆို၍ ရသော သင်္ကန်းဖြင့် ကထိန်ခင်းလျှင် ကထိန် မမြောက်။

4=န ကုက္ကုကတေန အတ္ထတံ ဟောတိ ကထိနံ
ခေတ္တ ငှားသော သင်္ကန်းဖြင့် ကထိန်ခင်းလျှင် ကထိန် မမြောက်။

5=န သန္နိကတေန အတ္ထတံ ဟောတိ ကထိနံ
ကထိန်ခင်းမည့် နေ့ မရောက်မီ ကျောင်း၌ သိုမှီးထားသော သင်္ကန်းဖြင့် ကထိန်ခင်းလျှင် ကထိန် မမြောက်။

6=န နိဿဂ္ဂိယေန အတ္ထတံ ဟောတိ ကထိနံ
ကထိန်ခင်းမည့် နေ့ မရောက်မီ ကျောင်းကို ကြိုတင်ပို့ထားသော သင်္ကန်းဖြင့် ကထိန်ခင်းလျှင် ကထိန် မမြောက်။

7=န အညတွ ပဉ်စကနေ အတိရကေပဉ်စကနေ ဝါ တဒဟဝေ သဦ်ဆန်နနေ သမဏ်ဏလီကတနေ အတ်ထတံ ဟောတိ ကထိနံ
ကထိန်ခင်းသည့် နေ့တွင် အိမ်ကြီးအိမ်ငယ်နှင့်တကွ ငါးခန်း (သို့မဟုတ်) ငါးခန်းထက် ပိုအောင် ဖြတ်မထားသော သင်္ကန်းဖြင့် ကထိန်ခင်းလျှင် ကထိန် မမြောက်။

ကထိန်သင်္ကန်းအား ဉတ်သင်္ကန်း၊ ကထိန်လျာသင်္ကန်း၊ မိုးပေါ်ကျသင်္ကန်း၊ မသိုးသင်္ကန်းဟု အမျိုးမျိုး ခေါ်ဝေါ်ကြသည်။

#ကထိန်ဉတ်သင်္ကန်းဆိုသည်မှာ👇👇👇

ကထိန် ခင်းထိုက်သော ရဟန်းအား ကထိန်ခင်းမည့် သင်္ကန်းကို ဉတ္တိဒုတိယ ကမ္မဝါစာဖတ်ပြီး ပေးအပ်ရသည်ကို စွဲ၍ ကထိန် ဉတ်သင်္ကန်းကြီးဟု ခေါ်ကြပါသည်။ ကထိန်ခင်းမည့် သင်္ကန်းသည် ဒုကုဋ် နှစ်ထပ်သင်္ကန်းမှ ဉတ်သင်္ကန်းဟု မဆိုလိုပါ။ သင်းပိုင်၊ ဧကသီ တထည်ထည်ဖြင့် လည်းကောင်း၊ သင်းပိုင်၊ ဧကသီ ထွဲထားသည့် ဒွိစုံဖြင့် လည်း လှူဒါန်း နိုင်ပါသည်။

ကိုးကား

1=မဟာဂန္ဓာရုံကျောင်းတိုက်ဆရာတော် အရှင်ဝိဇယာလင်္ကာရ. ကထိန်အကြောင်းသိကောင်းစရာ။

2=ဝိနည်းမဟာဝါ- ကထိနက္ခန္ဓက

3=(မဟာဝဂ္ဂပါဠိတော် ၊ စာမျက်နှာ ၃၅၃)

4=(တိပိဋက ပါဠိ-မြန်မာ အဘိဓာန်၊ က-ဝဂ်၊ အတွဲ-၅၊ ၁၉၉။)

Crd. သမိုင်းအကြောင်း

#တရားစကား
……………………………


#မူရင်းpostတင်သူ_အဆင့်ဆင့်မျှဝေသူများကိုကျေးဇူးတင်စွာဖြင့်ဂါရဝပြုပါသည်
#ကူးယူပြီးထပ်ဆင့်မျှဝေကုသိုလ်ပြုပါသည်။

09/09/2025

ကထိန် အကြောင်း သိကောင်းစရာ
***************************

တစ်နှစ်မှာ တစ်လ တစ်လမှာ တစ်ကြိမ်
တစ်ကြိမ်မှာ တစ်ကျောင်းသာ
လှူခွင့်ရှိတဲ့ ကထိန်အကြောင်းကို
အားလုံးသိစေဖို့ ရေးသားလိုက်ခြင်းပါ …
၁။ ကထိန်စကားရဲ့ အဓိပ္ပါယ်
၂။ ကထိန်ခင်းခြင်း အဓိပ္ပါယ်
၃။ ကထိန်ခင်းရခြင်း အကြောင်း
၄။ ကထိန်ခင်းရခြင်း အကျိုး
၅။ ကထိန်အလှူ မွန်မြတ်ပုံ
မဂ်လမ်းကိုရည်ရွယ်ပုံ တို့ကို
ရှင်းလင်းပြောပြချင်တာပါ …

၁။ #ကထိန်ဆိုတာ

ကထိန - ဆိုတဲ့
ပါဠိစကားလုံးကနေ ဆင်းသက်လာပြီး
ထိုကထိန ဆိုတဲ့ ပါဠိကို
ကထိန်ဟူ၍ မြန်မာမှုပြုထားခြင်းဖြစ်ပါတယ် …

ကထိနဆိုတဲ့ စကားလုံးက
မြဲမြံခြင်း ၊ ခိုင်ခံ့ခြင်း ၊ ခိုင်မြဲခြင်းဆိုတဲ့
အဓိပ္ပါယ်ရှိပါတယ် …

မြဲခြင်း အမျိုးမျိုးရှိကြပေမယ့်
ကထိန်နှင့်ပတ်သတ်လို့ မြဲခြင်းကတော့
- အချိန်ကာလအားဖြင့် မြဲခြင်း
- အကျိုးတရားအားဖြင့် မြဲခြင်းပင်

အချိန်ကာလအားဖြင့် မြဲခြင်းကား
သီတင်းကျွတ်လပြည့်ကျော် တစ်ရက်နေ့မှ
တန်ဆောင်မုန်း လပြည့်နေ့အထိ တစ်လအတွင်းမှာ ကထိန်သင်္ကန်း ဆက်ကပ်လှူဒါန်းခြင်း …
ကထိန်ခင်းခြင်းတို့ကို ပြုလုပ်ရမည်ဟု
မြတ်စွာဘုရား အမိန့်တော်ဖြင့်
ပိုင်းခြား သတ်မှတ်ပေးခဲ့တာပါ …

တခြားသော နတ်တော်လ ၊ ပြာသိုလ ၊ တပို့တွဲလတို့ကို ပြောင်းရွှေ့၍ ကထိန်ခင်း၍ မရပါဘူး …

ဒါကြောင့် …

ကထိန်ဆိုတာ
အချိန်ကာလအားဖြင့် မြဲခြင်းဖြစ်၏ …

အကျိုးတရားအားဖြင့် မြဲပုံကား
ကထိန်ခင်းသည့် ကျောင်းတိုက်မှာ
သီတင်းသုံးတော်မူကြသည့် ပုရိမဝါမှ ထသော
{ ဝါဆိုလပြည့်ကျော် ၁ - ရက်နေ့မှ
သီတင်းကျွတ်လပြည့်နေ့ထိ
ဝါဆိုဝါကပ်ကြသော } ရဟန်းတော်များမှာ

သီတင်းကျွတ်လပြည့်ကျော် တစ်ရက်နေ့မှ
တပေါင်း လပြည့်နေ့တိုင်အောင် ငါးလ တိတိ
ကထိန်အကျိုး ငါးမျိုးကို ခိုင်ခိုင်မြဲမြဲ
ရရှိစေပါတယ် …

တခြားလများသို့
ကထိန်အကျိုးတရားများ ပြောင်းလဲသွားခြင်းမရှိ၊ မည်သူက ဖျက်လို့မရအောင် မြဲမြံခိုင်မြဲခြင်း
ဖြစ်ပါတယ် …

၂။ #ကထိန်ခင်းခြင်းအဓိပ္ပါယ်က -
ကထိန် အကျိုးတရားများကို
ကျယ်ပြန့်အောင် ပြုလုပ်တာဖြစ်ပါတယ် …

ဆိုလိုသည်မှာ
ကထိန်မခင်းသည့် ကျောင်းတိုက်က
ရဟန်းတော်များမှာ ကထိန် အကျိုးကို
သီတင်းကျွတ် လပြည့်ကျော် { ၁ } ရက်နေ့မှ
တန်ဆောင်မုန်း လပြည့်နေ့ အထိ
{ ၁ } လပဲ အကျိုးအာနိသင် မြဲပါတယ် …

ကထိန်ခင်းလိုက်တဲ့ ကျောင်းတိုက်ရှိ
ရဟန်းတော်များ ကတော့
သီတင်းကျွတ်လပြည့်ကျော် { ၁ } ရက်နေ့မှ
တပေါင်းလပြည့်နေ့အထိ { ၅ } လတိုင်အောင်
အကျိုးတရားများ ကျယ်ပြန့်သွားတယ်ဟု
ဆိုလိုခြင်း ဖြစ်ပါတယ် …

ကထိန်ခင်းခြင်းကို
လူများက ခင်းရတာ မဟုတ်ဘဲ
ရဟန်းတော်များသာ ခင်းရတာပါ …

ရဟန်းတော်တောင်မှ
ပုရိမဝါ { ပထမဝါ } ဆိုတဲ့
ရဟန်းများသာ ခင်းလို့ရတာပါ …

{ ပစ်ဆိမဝါ } လို့ခေါ်တဲ့
ဒုတိယဝါဆိုတော်မူတဲ့ ရဟန်းတော်များ
ခင်းလို့ မရပါဘူး …

လူများကတော့
သင်္ကန်းကို လှူဒါန်းပေးနိုင်တဲ့
ကထိန် သင်္ကန်းအလှူရှင်
ကထိန်ဒါယကာ ဒါယိကာမအဖြစ်သာ
ခံယူခွင့်ရတာပါ …

လူအများအနေနဲ့
သံဃဿဒေမ ဆိုပြီး လှူဒါန်းလိုက်တဲ့ သင်္ကန်းကို သံဃာတော်များက ကထိန်ခင်းမယ့်
ရဟန်းကို ရွေးချယ်ပြီး သိမ်ထဲမှာ
ဉ တ်ကမ္မဝါစာဖြင့် ပြုလုပ်ခြင်းကိုပဲ
ကထိန်ခင်းသည်ဟု ဆိုခြင်းဖြစ်ပါတယ် …

ထို့ပြင် …
ကထိန်သင်္ကန်းဟာ
ဒီနေ့အလှူခံပြီး ဒီနေ့ပြီးအောင် ကံဆောင်ပြီးတဲ့
သင်္ကန်းမှသာ ကထိန်ခင်းလို့ရတာပါ …

ညလွန်တဲ့ သင်္ကန်း မဖြစ်ရပါဘူး …

ဆိုလိုတာက
ဒီနေ့ရတဲ့ သင်္ကန်းကို
နောက်နေ့ကျမှခင်းမယ်ဆိုရင်
ကထိန်ခင်းရာ မရောက်ပါဘူး …

မသိုးသင်္ကန်း ဆိုတာ
ရက်လွန်သွားတဲ့ သင်္ကန်းမဟုတ်ဘဲ
ဒီနေ့အလှူခံ ဒီနေ့အပြီးကံဆောင်ပြီး
ဒီနေ့ခင်းတဲ့သင်္ကန်းကိုပြောတာပါ …

ရက်လွန်သွားတဲ့သင်္ကန်း မဟုတ်မှသာ
ကထိန်ခင်းလို့ ရတာပါ …

ထို့ပြင် …

ကထိန်သင်္ကန်း ဖြစ်ပေါ်လာအောင်
စည်းရုံးတာမျိုး ၊ အလှူခံတာမျိုးလည်း
မဖြစ်ရပါဘူး …

အောက်ထစ်ဆုံး
မိမိကိုမွေးပေးလိုက်တဲ့ မိခင်ကိုတောင်မှ
ကျုပ်ကျောင်းမှာ ကထိန်ခင်းပါဆိုပြီး
မပြောရပါဘူး …

အဲလိုပြောပြီး ရလာတဲ့ သင်္ကန်းကိုလည်း
ကထိန်ခင်းလို့ မရပါဘူး …

ကထိန်သင်္ကန်း အလှူရှင်က
မိမိအလိုလို နားလည် သဘောပေါက်ပြီး
သံဃဿဒေမ ဆိုပြီး သံဃာကို ရည်စူးပြီး
လှူဒါန်းတဲ့ သင်္ကန်းဖြင့်သာ
ကထိန်ခင်းရတာ ဖြစ်ပါတယ် …

ဒီသင်္ကန်းက
ဘယ်ရဟန်းအတွက် စတဲ့ ပုဂ္ဂိုလ်ကိုစွဲပြီး
လှူဒါန်းတဲ့ သင်္ကန်းဆိုလည်း
ကထိန် ခင်းလို့မရပါဘူး …

သံဃာကိုလှူဒါန်းတဲ့
သင်္ကန်းပဲ ခင်းလို့ရတာပါ …

နောက်ပြီး
ကာလအပိုင်း အခြားအနေနဲ့
သီတင်းကျွတ် လပြည့်ကျော်တစ်ရက်နေ့မှ
တန်ဆောင်မုန်းလပြည့်နေ့ တစ်လ
တစ်လမှာလည်း ကျောင်းတစ်ကျောင်းမှာ
တစ်ကြိမ်သာခင်းခွင့်ရှိပါတယ် …

- အပေါ်ရုံ { ဧကသီ } သင်္ကန်း
- ခါးဝတ် { သင်းပိုင် }
- နှစ်ထပ်သင်္ကန်း { ဒုကုဋ် }
၄င်းသင်္ကန်း သုံးမျိုးတို့တွင်
တစ်မျိုးမျိုးဖြင့် ကထိန်ခင်းနိုင်ပါတယ် …

ကျန်သော ပဒေသာပင်မှ ပစ္စည်းများနှင့်
အခြားသော လှူဖွယ် ပစ္စည်းများနှင့်လည်း
ကထိန်ခင်းလို့ မရနိုင်ပါ …

၃။ #ကထိန်ခင်းရခြင်းအကြောင်းကား -

မြတ်စွာဘုရားရှင် ဇေတဝန်ကျောင်းတော်မှာ
သီတင်းသုံးတော်မူနေတဲ့ အချိန်
ဓုတင် ဆောင်တော်မူကြတဲ့
ပါဝေယျကတိုင်းသား ရဟန်းတော်
အပါးသုံးဆယ်များဟာ မြတ်စွာဘုရားရှင် အား
ဖူးမျှော်ဖို့အတွက် သာဝတ္ထိကိုလာရင်း လမ်းမှာ
သည်းထန်စွာ ရွာသွန်းတဲ့ မိုးကြောင့်
ရဟန်းတော်များ ဝတ်ဆင်ထားတဲ့ သင်္ကန်းတွေ
နှစ်ထပ် သင်္ကန်းတွေ အားလုံး
မိုးတွေ စိုရွှဲကုန်ပါတယ် …

မြတ်စွာဘုရားထံကို ရောက်လာတဲ့ အခါ
မြတ်စွာဘုရားရှင်က ဝါတွင်းကာလမှာ
ချမ်းချမ်းသာသာ သီတင်းသုံးပြီး
တရားအားထုတ် ခွင့် ရ - မရမေးတဲ့ အခါ
ထိုရဟန်းတော် အပါးသုံးဆယ်က
မိမိတို့အဖြစ်ကို လျောက်ထားကြ ပါတယ် …

ထိုရဟန်းတော်များရဲ့ အခက်အခဲများကို
ရှေးရှုပြီး မြတ်စွာဘုရားရှင်က ရဟန်းတို့ -

ဝါကျွတ်ပြီးသော
ရဟန်းတော်တို့အား ကထိန်ခင်းခြင်းကို
ငါဘုရား ခွင့်ပြုတော်မူတယ်ဟူ၍

ပါဝယျကဘဒ္ဒဝဂ္ဂီ ရဟန်း သုံးဆယ်ကို
အကြောင်းပြုပြီး ကထိန်းခင်းရခြင်း
အကြောင်းတရား ဖြစ်ပေါ်ခဲ့တာပါ …

၄။ #ကထိန်ခင်းခြင်း_အကျိုးတရားကား -

{ ကထိန်အာနိသင် } ရသော ရဟန်းတို့မှာ
- အိမ်တစ်အိမ်က ဆွမ်းစားပင့် ဖိတ်ထားတာ ရှိရင်
အဲဒီအိမ်မှာ ဆွမ်းမစားမီ ဖြစ်စေ ၊ ဆွမ်းစားပြီး
ဖြစ်စေ ၊ တခြားအိမ်သို့ သွားလိုပါက
ထင်ရှားရှိသော ရဟန်းအား မပန်ကြားဘဲ
သွားလာနိုင်ခြင်း …

- တိစီဝရိတ် အဓိဋ္ဌာန် တင်ထားသော သင်္ကန်းကို မယူဘဲ သွားလာနိုင်ခြင်း …

- ဆွမ်းဘုဉ်းပေးကြွပါဟု မဖိတ်ဘဲ
ထမင်းစားလာပါ ၊ မုန့်စားလာပါ စတဲ့
လူအသုံးအနှုန်းများဖြင့် ပင့်ဖိတ်တဲ့
ဂဏဘောဇဉ်ကို ဘုဉ်းပေးနိုင်ခြင်း …

- အလိုရှိတိုင်း
အဓိဋ္ဌာန်ဝိကပ္ပနာမပြုသော သင်္ကန်းကို
ဆောင်နိုင်ခြင်း …

- ထိုကထိန်ခင်းသော
ကျောင်းတိုက်၌ ဖြစ်ပေါ်သမျှသော
သင်္ကန်းများကို ကထိန်ခင်းသော
ရဟန်းတို့အား ဖြစ်ရခြင်း စတဲ့
အကျိုးအာနိသင် ငါးပါး { သိက္ခာပုဒ် ငါးပုဒ် }
ကင်းလွတ်ခွင့်ကို ရတော်မူပါတယ် …

ကထိန်သင်္ကန်း လှူဒါန်းတဲ့
ဒကာ ဒကာမများ အနေဖြင့်လည်း
- အရပ်လေးမျက်နှာအရပ်များသို့
အတားအဆီးမရှိ ၊ လွတ်လွတ်လပ်လပ်
သွားနိုင်ခြင်း
- မည့်သည့်အရပ်ကို မဆို
တာဝန်ကိစ္စမလေးဘဲ ပေါ့ပေါ့ပါးပါး
သွားလာနိုင်ခြင်း
- အစားအသောက်နဲ့ ပါတ်သက်လို့
အဆိပ်အတောက်စတဲ့ ဘေးဥပါဒ်အန္တရာယ်
မဖြစ်ခြင်း
- မိမိတို့၏ ပစ္စည်းဥစ္စာများကို
ရန်သူမျိုးငါးပါး လာရောက်ဖျက်ဆီးခြင်း ဆိုတဲ့
ဘေးအပေါင်းမှ ကင်းဝေးခြင်း
- မိမိတို့၏ ပစ္စည်းဥစ္စာများကို သူတစ်ပါးတို့
လာရောက်အစိုးတရယူငင်ခြင်း ဆိုတဲ့
ဘေးအပေါင်းမှ ကင်းဝေးစေခြင်း ဆိုတဲ့
ရဟန်းတော်များ၏ ကထိန်အာနိသင်
ငါးပါးအတိုင်း ရရှိစေနိုင်တာဖြစ်ပါတယ် …

၅။ #ကထိန်သင်္ကန်းလှူဒါန်းရတာ
#မွန်မြတ်ပုံ_မဂ်လမ်းကို_ရည်ရွယ်ပုံ -

ကထိန်သင်္ကန်း လှူဒါန်းရတာ
အကျိုးအလွန် ကြီးမြတ်တယ် …

ဘာကြောင့်
အကျိုးကြီးမြတ်ရသလဲ ဆိုတော့
မြတ်စွာဘုရားရှင်က
အခြားပစ္စည်းလေးပါးနောက်ကို လိုက်ပြီး
အလှူခံကြရင် ကဲ့ရဲ့တော်မူတယ် …

ပစ္စည်းလေးပါး တစ်ခုခု ရရေး
အားထုတ်နေရင် ကဲ့ရဲ့တော်မူတယ် …

သို့သော်
ကထိန်း အကျိုးအာနိသင်များ ကိုတော့
အလှူခံဖို့ မြတ်စွာဘုရားရှင် ကိုယ်တော်တိုင်
ချီးမွမ်းတော်မူပါတယ် …

ဒါကြောင့်
အလွန်မွန်မြတ်သန့်စင်လှပါတယ် …

အလှူရှင်များ အနေဖြင့်
မဂ်ဖိုလ်နိဗ္ဗာန်ကို ရည်မှန်း၍ လှူဒါန်း ကြသလို
ရဟန်းတော်များ ဘက်ကလည်း
ဒီသင်္ကန်းကို ဝတ်ရုံလို့ မဂ်ဖိုလ်နိဗ္ဗာန်ရသည် အထိ
ကြိုးစား ပွားများ အားထုတ်နေကြတဲ့ အတွက်
အလွန်ပင် မွန်မြတ်လှပါတယ်ဟု
ရေးသားလိုက်ရပါတယ် …

#ဒေါက်တာ_အရှင်_ဝိမလဝံသ
{ နာလန္ဒာတက္ကသိုလ် }

, Original Uploader

Like & Share
******************************
Unicode Version
👇👇👇👇👇👇👇👇
ကထိန် အကြောင်း သိကောင်းစရာ


တစ်နှစ်မှာ တစ်လ တစ်လမှာ တစ်ကြိမ်
တစ်ကြိမ်မှာ တစ်ကျောင်းသာ
လှူခွင့်ရှိတဲ့ ကထိန်အကြောင်းကို
အားလုံးသိစေဖို့ ရေးသားလိုက်ခြင်းပါ …
၁။ ကထိန်စကားရဲ့ အဓိပ္ပါယ်
၂။ ကထိန်ခင်းခြင်း အဓိပ္ပါယ်
၃။ ကထိန်ခင်းရခြင်း အကြောင်း
၄။ ကထိန်ခင်းရခြင်း အကျိုး
၅။ ကထိန်အလှူ မွန်မြတ်ပုံ
မဂ်လမ်းကိုရည်ရွယ်ပုံ တို့ကို
ရှင်းလင်းပြောပြချင်တာပါ …

၁။ #ကထိန်ဆိုတာ

ကထိန - ဆိုတဲ့
ပါဠိစကားလုံးကနေ ဆင်းသက်လာပြီး
ထိုကထိန ဆိုတဲ့ ပါဠိကို
ကထိန်ဟူ၍ မြန်မာမှုပြုထားခြင်းဖြစ်ပါတယ် …

ကထိနဆိုတဲ့ စကားလုံးက
မြဲမြံခြင်း ၊ ခိုင်ခံ့ခြင်း ၊ ခိုင်မြဲခြင်းဆိုတဲ့
အဓိပ္ပါယ်ရှိပါတယ် …

မြဲခြင်း အမျိုးမျိုးရှိကြပေမယ့်
ကထိန်နှင့်ပတ်သတ်လို့ မြဲခြင်းကတော့
- အချိန်ကာလအားဖြင့် မြဲခြင်း
- အကျိုးတရားအားဖြင့် မြဲခြင်းပင်

အချိန်ကာလအားဖြင့် မြဲခြင်းကား
သီတင်းကျွတ်လပြည့်ကျော် တစ်ရက်နေ့မှ
တန်ဆောင်မုန်း လပြည့်နေ့အထိ တစ်လအတွင်းမှာ
ကထိန်သင်္ကန်း ဆက်ကပ်လှူဒါန်းခြင်း …

ကထိန်ခင်းခြင်းတို့ကို ပြုလုပ်ရမည်ဟု
မြတ်စွာဘုရား အမိန့်တော်ဖြင့်
ပိုင်းခြား သတ်မှတ်ပေးခဲ့တာပါ …

တစ်ခြားသော
နတ်တော်လ ၊ ပြာသိုလ ၊ တပို့တွဲလတို့ကို
ပြောင်းရွှေ့၍ ကထိန်ခင်း၍ မရပါဘူး …

ဒါကြောင့် …

ကထိန်ဆိုတာ
အချိန်ကာလအားဖြင့် မြဲခြင်းဖြစ်၏ …

အကျိုးတရားအားဖြင့် မြဲပုံကား
ကထိန်ခင်းသည့် ကျောင်းတိုက်မှာ
သီတင်းသုံးတော်မူကြသည့် ပုရိမဝါမှ ထသော
{ ဝါဆိုလပြည့်ကျော် ၁ - ရက်နေ့မှ
သီတင်းကျွတ်လပြည့်နေ့ထိ
ဝါဆိုဝါကပ်ကြသော } ရဟန်းတော်များမှာ

သီတင်းကျွတ်လပြည့်ကျော် တစ်ရက်နေ့မှ
တပေါင်း လပြည့်နေ့တိုင်အောင် ငါးလ တိတိ
ကထိန်အကျိုး ငါးမျိုးကို ခိုင်ခိုင်မြဲမြဲ
ရရှိစေပါတယ် …

တစ်ခြားလများသို့
ကထိန်အကျိုးတရားများ ပြောင်းလဲသွားခြင်းမရှိ၊ မည်သူက ဖျက်လို့မရအောင် မြဲမြံခိုင်မြဲခြင်း
ဖြစ်ပါတယ် …

၂။ #ကထိန်ခင်းခြင်းအဓိပ္ပါယ်က -

ကထိန် အကျိုးတရားများကို
ကျယ်ပြန့်အောင် ပြုလုပ်တာဖြစ်ပါတယ် …

ဆိုလိုသည်မှာ
ကထိန်မခင်းသည့် ကျောင်းတိုက်က
ရဟန်းတော်များမှာ ကထိန် အကျိုးကို
သီတင်းကျွတ် လပြည့်ကျော် { ၁ } ရက်နေ့မှ
တန်ဆောင်မုန်း လပြည့်နေ့ အထိ
{ ၁ } လပဲ အကျိုးအာနိသင် မြဲပါတယ် …

ကထိန်ခင်းလိုက်တဲ့ ကျောင်းတိုက်ရှိ
ရဟန်းတော်များ ကတော့
သီတင်းကျွတ်လပြည့်ကျော် { ၁ } ရက်နေ့မှ
တပေါင်းလပြည့်နေ့အထိ { ၅ } လတိုင်အောင်
အကျိုးတရားများ ကျယ်ပြန့်သွားတယ်ဟု
ဆိုလိုခြင်း ဖြစ်ပါတယ် …

ကထိန်ခင်းခြင်းကို
လူများက ခင်းရတာ မဟုတ်ဘဲ
ရဟန်းတော်များသာ ခင်းရတာပါ …

ရဟန်းတော်တောင်မှ
ပုရိမဝါ { ပထမဝါ } ဆိုတဲ့
ရဟန်းများသာ ခင်းလို့ရတာပါ …

{ ပစ္ဆိမဝါ } လို့ခေါ်တဲ့
ဒုတိယဝါဆိုတော်မူတဲ့ ရဟန်းတော်များ
ခင်းလို့ မရပါဘူး …

လူများကတော့
သင်္ကန်းကို လှူဒါန်းပေးနိုင်တဲ့
ကထိန် သင်္ကန်းအလှူရှင်
ကထိန်ဒါယကာ ဒါယိကာမအဖြစ်သာ
ခံယူခွင့်ရတာပါ …

လူအများအနေနဲ့
သံဃဿဒေမ ဆိုပြီး လှူဒါန်းလိုက်တဲ့ သင်္ကန်းကို
သံဃာတော်များက ကထိန်ခင်းမယ့်
ရဟန်းကို ရွေးချယ်ပြီး သိမ်ထဲမှာ
ဉ တ်ကမ္မဝါစာဖြင့် ပြုလုပ်ခြင်းကိုပဲ
ကထိန်ခင်းသည်ဟု ဆိုခြင်းဖြစ်ပါတယ် …

ထို့ပြင် …

ကထိန်သင်္ကန်းဟာ
ဒီနေ့အလှူခံပြီး ဒီနေ့ပြီးအောင် ကံဆောင်ပြီးတဲ့
သင်္ကန်းမှသာ ကထိန်ခင်းလို့ရတာပါ …

ညလွန်တဲ့ သင်္ကန်း မဖြစ်ရပါဘူး …

ဆိုလိုတာက
ဒီနေ့ရတဲ့ သင်္ကန်းကို
နောက်နေ့ကျမှခင်းမယ်ဆိုရင်
ကထိန်ခင်းရာ မရောက်ပါဘူး …

မသိုးသင်္ကန်း ဆိုတာ
ရက်လွန်သွားတဲ့ သင်္ကန်းမဟုတ်ဘဲ
ဒီနေ့အလှူခံ ဒီနေ့အပြီးကံဆောင်ပြီး
ဒီနေ့ခင်းတဲ့သင်္ကန်းကိုပြောတာပါ …

ရက်လွန်သွားတဲ့သင်္ကန်း မဟုတ်မှသာ
ကထိန်ခင်းလို့ ရတာပါ …

ထို့ပြင် …

ကထိန်သင်္ကန်း ဖြစ်ပေါ်လာအောင်
စည်းရုံးတာမျိုး ၊ အလှူခံတာမျိုးလည်း
မဖြစ်ရပါဘူး …

အောက်ထစ်ဆုံး
မိမိကိုမွေးပေးလိုက်တဲ့ မိခင်ကိုတောင်မှ
ကျုပ်ကျောင်းမှာ ကထိန်ခင်းပါဆိုပြီး
မပြောရပါဘူး …

အဲလိုပြောပြီး ရလာတဲ့ သင်္ကန်းကိုလည်း
ကထိန်ခင်းလို့ မရပါဘူး …

ကထိန်သင်္ကန်း အလှူရှင်က
မိမိအလိုလို နားလည် သဘောပေါက်ပြီး
သံဃဿဒေမ ဆိုပြီး သံဃာကို ရည်စူးပြီး
လှူဒါန်းတဲ့ သင်္ကန်းဖြင့်သာ
ကထိန်ခင်းရတာ ဖြစ်ပါတယ် …

ဒီသင်္ကန်းက
ဘယ်ရဟန်းအတွက် စတဲ့ ပုဂ္ဂိုလ်ကိုစွဲပြီး
လှူဒါန်းတဲ့ သင်္ကန်းဆိုလည်း
ကထိန် ခင်းလို့မရပါဘူး …

သံဃာကိုလှူဒါန်းတဲ့
သင်္ကန်းပဲ ခင်းလို့ရတာပါ …

နောက်ပြီး
ကာလအပိုင်း အခြားအနေနဲ့
သီတင်းကျွတ် လပြည့်ကျော်တစ်ရက်နေ့မှ
တန်ဆောင်မုန်းလပြည့်နေ့ တစ်လ
တစ်လမှာလည်း ကျောင်းတစ်ကျောင်းမှာ
တစ်ကြိမ်သာခင်းခွင့်ရှိပါတယ် …

- အပေါ်ရုံ { ဧကသီ } သင်္ကန်း
- ခါးဝတ် { သင်းပိုင် }
- နှစ်ထပ်သင်္ကန်း { ဒုကုဋ် }
၄င်းသင်္ကန်း သုံးမျိုးတို့တွင်
တစ်မျိုးမျိုးဖြင့် ကထိန်ခင်းနိုင်ပါတယ် …

ကျန်သော ပဒေသာပင်မှ ပစ္စည်းများနှင့်
အခြားသော လှူဖွယ် ပစ္စည်းများနှင့်လည်း
ကထိန်ခင်းလို့ မရနိုင်ပါ …

၃။ #ကထိန်ခင်းရခြင်းအကြောင်းကား -

မြတ်စွာဘုရားရှင် ဇေတဝန်ကျောင်းတော်မှာ
သီတင်းသုံးတော်မူနေတဲ့ အချိန်
ဓုတင် ဆောင်တော်မူကြတဲ့
ပါဝေယျကတိုင်းသား ရဟန်းတော်
အပါးသုံးဆယ်များဟာ မြတ်စွာဘုရားရှင် အား
ဖူးမျှော်ဖို့အတွက် သာဝတ္ထိကိုလာရင်း လမ်းမှာ
သည်းထန်စွာ ရွာသွန်းတဲ့ မိုးကြောင့်
ရဟန်းတော်များ ဝတ်ဆင်ထားတဲ့ သင်္ကန်းတွေ
နှစ်ထပ် သင်္ကန်းတွေ အားလုံး
မိုးတွေ စိုရွှဲကုန်ပါတယ် …

မြတ်စွာဘုရားထံကို ရောက်လာတဲ့ အခါ
မြတ်စွာဘုရားရှင်က ဝါတွင်းကာလမှာ
ချမ်းချမ်းသာသာ သီတင်းသုံးပြီး
တရားအားထုတ် ခွင့် ရ - မရမေးတဲ့ အခါ
ထိုရဟန်းတော် အပါးသုံးဆယ်က
မိမိတို့အဖြစ်ကို လျောက်ထားကြ ပါတယ် …

ထိုရဟန်းတော်များရဲ့ အခက်အခဲများကို
ရှေးရှုပြီး မြတ်စွာဘုရားရှင်က ရဟန်းတို့ -

ဝါကျွတ်ပြီးသော
ရဟန်းတော်တို့အား ကထိန်ခင်းခြင်းကို
ငါဘုရား ခွင့်ပြုတော်မူတယ်ဟူ၍

ပါဝယျကဘဒ္ဒဝဂ္ဂီ ရဟန်း သုံးဆယ်ကို
အကြောင်းပြုပြီး ကထိန်းခင်းရခြင်း
အကြောင်းတရား ဖြစ်ပေါ်ခဲ့တာပါ …

၄။ #ကထိန်ခင်းခြင်း_အကျိုးတရားကား -

{ ကထိန်အာနိသင် } ရသော ရဟန်းတို့မှာ
- အိမ်တစ်အိမ်က ဆွမ်းစားပင့် ဖိတ်ထားတာ ရှိရင်
အဲဒီအိမ်မှာ ဆွမ်းမစားမီ ဖြစ်စေ ၊ ဆွမ်းစားပြီး
ဖြစ်စေ ၊ တခြားအိမ်သို့ သွားလိုပါက
ထင်ရှားရှိသော ရဟန်းအား မပန်ကြားဘဲ
သွားလာနိုင်ခြင်း …

- တိစီဝရိတ် အဓိဋ္ဌာန် တင်ထားသော သင်္ကန်းကို
မယူဘဲ သွားလာနိုင်ခြင်း …

- ဆွမ်းဘုဉ်းပေးကြွပါဟု မဖိတ်ဘဲ
ထမင်းစားလာပါ ၊ မုန့်စားလာပါ စတဲ့
လူအသုံးအနှုန်းများဖြင့် ပင့်ဖိတ်တဲ့
ဂဏဘောဇဉ်ကို ဘုဉ်းပေးနိုင်ခြင်း …

- အလိုရှိတိုင်း
အဓိဋ္ဌာန်ဝိကပ္ပနာမပြုသော သင်္ကန်းကို
ဆောင်နိုင်ခြင်း …

- ထိုကထိန်ခင်းသော
ကျောင်းတိုက်၌ ဖြစ်ပေါ်သမျှသော
သင်္ကန်းများကို ကထိန်ခင်းသော
ရဟန်းတို့အား ဖြစ်ရခြင်း စတဲ့
အကျိုးအာနိသင် ငါးပါး { သိက္ခာပုဒ် ငါးပုဒ် }
ကင်းလွတ်ခွင့်ကို ရတော်မူပါတယ် …

ကထိန်သင်္ကန်း လှူဒါန်းတဲ့
ဒကာ ဒကာမများ အနေဖြင့်လည်း
- အရပ်လေးမျက်နှာအရပ်များသို့
အတားအဆီးမရှိ ၊ လွတ်လွတ်လပ်လပ်
သွားနိုင်ခြင်း
- မည့်သည့်အရပ်ကို မဆို
တာဝန်ကိစ္စမလေးဘဲ ပေါ့ပေါ့ပါးပါး
သွားလာနိုင်ခြင်း
- အစားအသောက်နဲ့ ပါတ်သက်လို့
အဆိပ်အတောက်စတဲ့ ဘေးဥပါဒ်အန္တရာယ်
မဖြစ်ခြင်း
- မိမိတို့၏ ပစ္စည်းဥစ္စာများကို
ရန်သူမျိုးငါးပါး လာရောက်ဖျက်ဆီးခြင်း ဆိုတဲ့
ဘေးအပေါင်းမှ ကင်းဝေးခြင်း
- မိမိတို့၏ ပစ္စည်းဥစ္စာများကို သူတစ်ပါးတို့
လာရောက်အစိုးတရယူငင်ခြင်း ဆိုတဲ့
ဘေးအပေါင်းမှ ကင်းဝေးစေခြင်း ဆိုတဲ့
ရဟန်းတော်များ၏ ကထိန်အာနိသင်
ငါးပါးအတိုင်း ရရှိစေနိုင်တာဖြစ်ပါတယ် …

၅။ #ကထိန်သင်္ကန်းလှူဒါန်းရတာ
#မွန်မြတ်ပုံ_မဂ်လမ်းကို_ရည်ရွယ်ပုံ -

ကထိန်သင်္ကန်း လှူဒါန်းရတာ
အကျိုးအလွန် ကြီးမြတ်တယ် …

ဘာကြောင့်
အကျိုးကြီးမြတ်ရသလဲ ဆိုတော့
မြတ်စွာဘုရားရှင်က
အခြားပစ္စည်းလေးပါးနောက်ကို လိုက်ပြီး
အလှူခံကြရင် ကဲ့ရဲ့တော်မူတယ် …

ပစ္စည်းလေးပါး တစ်ခုခု ရရေး
အားထုတ်နေရင် ကဲ့ရဲ့တော်မူတယ် …

သို့သော်
ကထိန်း အကျိုးအာနိသင်များ ကိုတော့
အလှူခံဖို့ မြတ်စွာဘုရားရှင် ကိုယ်တော်တိုင်
ချီးမွမ်းတော်မူပါတယ် …

ဒါကြောင့်
အလွန်မွန်မြတ်သန့်စင်လှပါတယ် …

အလှူရှင်များ အနေဖြင့်
မဂ်ဖိုလ်နိဗ္ဗာန်ကို ရည်မှန်း၍ လှူဒါန်း ကြသလို
ရဟန်းတော်များ ဘက်ကလည်း
ဒီသင်္ကန်းကို ဝတ်ရုံလို့ မဂ်ဖိုလ်နိဗ္ဗာန်ရသည် အထိ
ကြိုးစား ပွားများ အားထုတ်နေကြတဲ့ အတွက်
အလွန်ပင် မွန်မြတ်လှပါတယ်ဟု
ရေးသားလိုက်ရပါတယ်။
ဒေါက်တာအရှင်ဝိမလဝံသ နာလန္ဒာတက္ကသိုလ်
သာဓု သာဓု သာဓု ပါဘုရား 🙏🙏🙏

04/09/2025

🙏🙏🙏

29/08/2025