03/10/2020
🚰 ပိုလှချင်ရင် ရေပိုသောက်ပါ 🚰
ရေအသက် တစ်မနက်လို့တောင် ဆိုရအောင် ခန္ဓာကိုယ်အတွက်'ရေ'ရဲ့ အခန်းကဏ္ဍက ကြီးလှပါတယ်။
လူတိုင်းရေသောက်ပေမဲ့ တချို့က အသက်ရှင်ဖို့ လိုသလောက်ပဲသောက်တတ်ကြပါတယ်။
ရေထက် အချိုရည်တွေ ဘီယာတွေသောက်ရတာပိုကြိုက်တတ်ကြပါတယ်။
🩺ရေသောက်ခြင်းရဲ့ အကျိုးကျေးဇူးတွေက ??
ရေများများသောက်တဲ့အခါ
▪️ဝမ်းမှန်စေပါတယ်
▪️ခန္ဓာကိုယ်က အဆိပ်အတောက်တွေ ဖယ်ရှားပေးပါတယ်
▪️နှလုံးကျန်းမာရေးအတွက် ကောင်းပါတယ်
▪️စိတ်ဖိစီးမှုလျော့စေတယ်
▪️ခေါင်းကိုက်ပျောက်စေတယ် စတဲ့အကျိုးကျေးဇူးတွေအပြင် တခြားအကျိုးကျေးဇူးတွေလည်း အများကြီးရှိပါသေးတယ်။
🚩နောက်ထပ်အရေးကြီးတဲ့အချက်တစ်ခုကတော့ အသားအရေကောင်းမွန်ဖို့အတွက် ရေဓာတ်ပြည့်ဝနေဖို့လိုအပ်တာပဲဖြစ်ပါတယ်။
ဒါကြောင့် ရေများများသောက်ပေးဖို့ လိုပါတယ်။
🩺ရေသောက်နည်းလို့ ရေဓာတ်မပြည့်မဝဖြစ်လာတဲ့အခါ အသားအရေမှာ
▪️ ခြောက်သွေ့တာ
▪️ ယားယံတာ
▪️မျက်ကွင်းညိုလာတာ
▪️မျက်တွင်းကျလာတာ
▪️အသားရောင်မွဲခြောက်ခြောက်ဖြစ်လာတာ
▪️အရေးအကြောင်းတွေ ပိုထင်ရှားလာတာ စတဲ့ လက္ခဏာတွေပေါ်လာပြီး အလှအပကို ထိခိုက်စေပါတယ်။
🚩ရေသောက်များလို့ ရေဓာတ်ပြန်လည်ပြည့်ဝသွားသူတွေမှာတော့
▪️အသားအရေ ပိုကြည်လင်လာတာ
▪️ပြည့်တင်းလာတာ
▪️အရေးအကြောင်းတွေလျော့ပါးလာတာ
▪️ပိုလန်းဆန်းလာတာ သိသိသာသာတွေ့ရပါလိမ့်မယ်။
🩺တနေ့ရေဘယ်လောက်သောက်ဖို့လိုလဲ ??
တနေ့ကို အနည်းဆုံးဖန်ခွက် ၈ခွက် သို့မဟုတ် ၂လီတာ အနည်းဆုံးသောက်ပေးဖို့လိုအပ်တယ်လို့ ဆိုကြပါတယ်။
🩺ရေဓာတ်ပြည့်ဝအောင် ဘယ်လိုနေမလဲ ??
▪️ရေများများသောက်ပါ။
▪️အိပ်ရေးဝဝအိပ်ပါ။
▪️ရေအပြင် အရည်ရွှမ်းတဲ့ အသီးအနှံတွေ များများစားပါ
▪️ဟင်းချို၊ စွပ်ပြုတ်လို အရည်များတဲ့ အစာတွေများများ စားပါ
▪️ဆီးရွှင်ပြီးရေဓာတ်ဆုံးရှုံးမှုများစေတဲ့ ကော်ဖီ၊ လက်ဖက်ရည်၊ ဘီယာ စတာတွေ ရှောင်ရပါမယ်
▪️လေ့ကျင့်ခန်းတွေ အားကစားတွေလုပ်ပြီးရင် ရေပဲသောက်ပါ
▪️ချွေးထွက်များရင်တော့ အုန်းရည်၊ ဓာတ်ဆားရည်စတာတွေနဲ့ ဆားဓာတ်တွေပါ ပြန်လည်ဖြည့်တင်းပါ။
ကျန်းမာပျော်ရွှင်ကြပါစေ...
Credit.
