05/01/2025
၄ နာရီလာ ၈ နာရီပျက်မီးလာတဲ့ဇယားအသစ်ကြောင့် အထည်ချုပ်လုပ်ငန်းတွေအနေ မီးစက်အစားထိုးဖို့အတွက် 𝐒𝐨𝐥𝐚𝐫, 𝐈𝐧𝐯𝐞𝐫𝐭𝐞𝐫 နှင့် 𝐁𝐚𝐭𝐭𝐞𝐫𝐲 တွေအသုံးပြုပြီး အပ်ချုပ်စက်တွေ ဘယ်လို 𝐫𝐮𝐧 မလဲ❓
အထည်ချုပ်ရုံတွေအတွက် လျှစ်စစ်မီးကအသက်ဆိုတော့ ခုလိုပုံမှန်မီးပျက်နေတဲ့အချိန်မှာ မီးစက်ဆီအကုန်ကျလည်းသက်သာပြီး စက်တွေလည်းအေးဆေး run နိုင်ဖို့တခြားနည်းလမ်းကတော့ Solar, Inverter ရယ် Battery ရယ်သုံးတာပါ… Jenna တို့ mMD အလုပ်ရုံမှာ Solar ကိုအသုံးပြုလာတာ 2022 January ထဲကဆိုတော့ ခုဆို ၃ နှစ်ရှိပါပြီ… တကယ့်အမှန်ကန်ဆုံးနှင့် စားရိတ်အသက်သာဆုံး ဆုံးဖြတ်ချက်ပါ…
လက်ရှိအလုပ်ရုံမှာ စုစုပေါင်း inverter ၂ လုံး (3kW တစ်လုံး နှင့် 5kW တစ်လုံး) 8 kW အသုံးပြုနေပါတယ်… 5kW inverter တစ်လုံးကတော့ ဆာဗိုမော်တာအပ်ချုပ်စက် ၁၅ လုံး၊ ဒါးစက် ၃ လုံး၊ ကြယ်သီးဖောက်စက် ၁ လုံး၊ ကြယ်သီးတပ်စက် ၁ လုံး၊ lighting မီး အပွင့် ၃၀ ကျော်၊ ပန်ကာ ၃ လုံး နှင့် aircon ၁ လုံး အသုံးပြုနေပါတယ်… မီးပျက်နေတဲ့အချိန်ဆိုရင်တော့ Aircon ကိုတော့ 27 C လောက်မှာလေရအောင်လေးပဲဖွင့်ပါတယ်… 3kW inverter ကတော့ မီးပူတစ်လုံးထဲသီးသန့်သုံးတာပါ… မီးပူကမီးအားအရမ်းဆွဲပါတယ်… ဒီ 8kW နဲ့အလုပ်ရုံတစ်ခုကိုမီးပျက်နေတဲ့အချိန်အတွင်းရော မီးလာနေတဲ့အခါမှာပါအေးအေးဆေးဆေးနိုင်အောင်သုံးလို့ရတာကြောင့် မီတာဖိုးပါအရမ်းကိုသက်သာတာပါ… အပ်ချုပ်စက်တွေက ဆာဗိုမော်တာစက်အကောင်းတွေဆို တစ်လုံးမှ 150 W လောက်ပဲအများဆုံးဆွဲတာမလို့ ၁၀ လုံးမှ 1.5 kW လောက်ပဲရှိပါတယ်… ကြယ်သီးဖောက်စက်ကတော့ မီးဆွဲအားပိုများလို့ မီးပျက်နေတုန်းအရေးကြီးကြယ်သီးဖောက်စရာရှိတာမျိုးဆို aircon ပိတ် ဒါးစက်မသုံးပဲဆို ကျန်တဲ့စက်တွေအေးဆေးချုပ်နေလို့ရပါတယ်နော်…
Solar နဲ့ inverter သုံးနေတဲ့ ၂ နှစ်လုံးဘာပြဿနာမှကိုမရှိခဲ့ပဲ မီးစက်ဆီဖိုးလည်းမကုန် အလုပ်လည်းမပျက်လို့ မီးစက်အစားထိုးရှာနေတဲ့သူတွေအတွက် တကယ် recommend ပေးပါတယ်… အခုအသစ်ဖွင့်မယ့် Timeless Fashion Academy (TFA) ကျောင်းမှာလည်း စက် ၁၅ လုံးလောက်ရယ် aircon တစ်လုံးရယ်နိုင်အောင် 5kW inverter ရယ် LiFePo4 battery ရယ်ပါတပ်ထားတာမလို့ သင်တန်းသူတွေအချုပ်မပျက်စေရဘူးနော်…
ကုန်ကျစားရိတ်အနေနဲ့ကတော့ လွန်ခဲ့တဲ့ ၃ နှစ်ကတပ်ခဲ့တဲ့ သိန်း ၄၀ တန် 3kW Solar, Inverter, Battery set ကတော့ခုဆို သိန်း ၇၀-၈၀ လောက်တော့ရှိပါမယ်… 5kW ဆိုရင်တော့ Battery အားပေါ်မူတည်ပြီး သိန်း ၁၀၀ ကျော်လောက်တော့ကျနိုင်ပါတယ်… Jenna တို့ကတော့ ဟိုးအရင်ထဲကတပ်ထားတာမလို့စျေးကတော်တော်သက်သာပါတယ်… Battery ကတော့ အလုပ်ရုံဘက်မှာတပ်တုန်းကရွေးစရာသိပ်မရှိလို့ အရည်အိုးတွေပဲသုံးခဲ့တာ ခုထိဘာမှပြဿနာမရှိသေးပါဘူး… TFA သင်တန်းဘက်မှာတော့ လက်ရှိစျေးကွက်ထဲ quality အမြင့်ဆုံး Grade A LiFePo4 battery ကိုတပ်လိုက်ပါတယ် အာမခံလည်း ၇ နှစ်တောင်ပါလို့ပါ…
အထည်ချုပ်ရုံသေးသေးပဲဆို 3kW လောက်ဆိုသေချာနိုင်ပြီး စက်အလုံး ၂၀-၃၀ လောက်အထိဆို 5kW လောက်ဆိုအဆင်ပြေပါတယ်… စက်တွေကတော့ မီးစားနည်းတဲ့ ဆာဗိုမော်တာစက်တွေဖြစ်ရပါမယ်နော်…
တခြားသိချင်တာရှိသေးရင်လည်း comment မှာမေးလို့ရပါတယ်…
~
𝓙𝓮𝓷𝓷𝓪
𝘍𝘰𝘶𝘯𝘥𝘦𝘳 𝘰𝘧 𝘮𝘔𝘋 𝘊𝘰𝘭𝘭𝘦𝘤𝘵𝘪𝘰𝘯𝘴 & 𝘛𝘪𝘮𝘦𝘭𝘦𝘴𝘴 𝘍𝘢𝘴𝘩𝘪𝘰𝘯 𝘈𝘤𝘢𝘥𝘦𝘮𝘺
