KMZ Online Store, No. 7, Aung San Thuriya Hla Thoung Road, Yangon (2026)

18/10/2024

သီတင်းကျွတ်လပြည့်
အဘိဓမ္မာအခါတော်နေ့
အဘိဓမ္မာ ဆိုတာ အဘိဝိသိဌဓမ္မ ထူးခြားတဲ့ဓမ္မတွေပါဝင်တဲ့ ဒေသနာ ... ၊
သို့မဟုတ် အတိရေကဓမ္မ ပိုပြီးပြည့်ပြည့်စုံစုံ ဟောထားတဲ့ ဒေသနာဖြစ်တယ် ... ။
တနည်းအားဖြင့် ပြောရမယ်ဆိုရင်
“အဘိ” ဆိုတာ ... အလွန်လေးနက်တဲ့ ... ။
" ဓမ္မ " ဆိုတာ ... သဘာဝတရားဓမ္မများလို့ ဆိုလိုတယ် ... ။
🌹

သာမန်ပုဂ္ဂိုလ်တွေက ...
“ ငါ ...သူတစ်ပါး ... ယောက်ျား ... မိန်းမ ” ဆိုတဲ့ လောကဝေါဟာရအရသာ သိနေကြသော်လည်း မြတ်စွာဘုရားက အဘိဓမ္မာတရားတော်ကို သမ္မုတိသစ္စာပိုင်းက စကားလုံးတွေ များများမသုံးဘဲနဲ့ ပရမတ္ထဆိုက်ထိတဲ့ စကားလုံးတွေ သုံးနှုံးဟောပြသွားတာဖြစ်တယ် ... ။
🌹

အဘိဓမ္မာတရားတော်ဟာ သုတ္တန်တွေထက် ပိုပြီးလေးနက်တယ် ... ၊ ပိုပြီးပြည့်စုံတယ် ... ။
🌹

သုတ္တန်ပါဠိဆိုတာ လူတွေရဲ့ စရိုက် ဝါသနာ
အခြေနေကိုကြည့်ပြီး ဆုံးမသွန်သင်ခဲ့တဲ့ တရား
ဒေသနာတော်များ ဖြစ်တယ် ... ။
🌹

အဘိဓမ္မာကတော့ ...
စရိုက်ဝါသနာများကို ရှုင့်ခြင်းမပြုဘဲ ...
“ ဘယ်လိုသဘာဝတရားတွေ အချင်းချင်း အမှီပြုဆက်သွယ်ပြီး ဖြစ်ကြသလဲ ” ဆိုတာကို
ရှင်းပြတယ် ... ။
🌹

သဘာဝတရားသက်သက် အကျယ်ချဲ့ ဟောထားတာဖြစ်လို့အင်မတန်မှ ထူးခြားတဲ့ ဒေသနာတော်တစ်ရပ်လို့ ... ဗုဒ္ဓဘာသာဝင်တွေအားလုံး တညီတည်း လက်ခံထားကြတယ် ... ။
🌹

အဲဒီ အဘိဓမ္မာဒေသနာတော်ကို အကျယ်ချဲ့
ပြီး တာဝတိံသာနတ်ပြည်မှာ မြတ်စွာဘုရား
ဟောတာက တစ်ပွဲ ... ၊
လူ့ပြည်မှာ မြတ်စွာဘုရားဆီက နည်းခံပြီးတော့ ...
ရှင်သာရိပုတ္တရာ ... ဟောတာက တစ်ပွဲလို့ အဘိဓမ္မာတရားပွဲကြီး နှစ်ပွဲဟာတစ်ပြိုက်နက်ပြီးဆုံးတယ်လို့ ပြောရမယ် ...။
🌹

ဒီကနေ့ လူ့ပြည်ရောက်လာတဲ့ အဘိဓမ္မာတရားတော်ဟာ ရှင်သာရိပုတ္တရာကိုဟောတဲ့ အဘိဓမ္မာတရားလို့ မှတ်ယူရမှာ ဖြစ်တယ် ... ။
🌹

“ အဘိဓမ်မ ပါစနာမါ နာမ သာရိပုတ်တေထ ရပ်ပဘဝေါ ”
အဘိဓမ္မာမှာ အခုလို အစီစဉ်တကျ
“ ဝါစနာမဂ္ဂ ” ပို့ချတဲ့အစဉ် ( သို့မဟုတ် ) အဘိဓမ္မာ
လက်ချာဟာ ...
ရှင်သာရိပုတ္တရာ ပေးသွားတဲ့အတိုင်းမှတ်တမ်းတင်ထားတာ ဖြစ်တယ် ... ။
🌹

လူသားတွေနဲ့သင့်လျော်ရုံ မကျဉ်းမကျယ် စီစဉ်ထားတဲ့ အဘိဓမ္မာတရား ဖြစ်တယ် ... ။
🌹

နတ်ပြည်မှာဟောတဲ့ အဘိဓမ္မာတရားကတော့ ဒီထက်ပိုပြီး ကျယ်ဝန်းတယ် ... ။
🌹

အဲဒီ အဘိဓမ္မာကို မြတ်စွာဘုရား ပြည့်ပြည့်
စုံစုံဟောကြားပြီး ဒီကနေ့ပဲ နိဂုံးချုပ်နိုင်ခဲ့တာပါ ... ။🌹

🌼🌹🌼🌹🌼🌹🌼🌹🌼🌹🌼🌹🌼🌹🌼🌹

#ကျေးဇူးတော်ရှင်_ပါမောက္ခချုပ်ဆရာတော်ဒေါက်တာရှင်နန္ဒမာလာဘိဝံသ ...

🌼🌹🌼

Credit... 🙏🙏🙏

20/07/2024

🌕 ဝါဆိုလပြည့်နေ့ 🌕

ဒီနေ့ဟာ မြန်မာနိုင်ငံရဲ့ ဗုဒ္ဓဘာသာရေး ပြက္ခဒိန်ထဲမှာ အရေးကြီးတဲ့ ဝါဆိုလပြည့်နေ့ပါ။ ဗုဒ္ဓဘာသာဝင်တွေအတွက် သံဃာတော်များ သီလရှင်များ သုံးလတာ သီလတရားကျင့်ကြမယ့် သီလဝါဆိုရဲ့ အစဖြစ်ပါတယ်။ 🕊️

ဒီနေ့မှာ ကျွန်မတို့

ဗုဒ္ဓ၏ ပထမဆုံး သာသနာတော်ပြုသောနေ့

ဗုဒ္ဓ၏ ဗာဓိသုခရောက်သောနေ့

ဗုဒ္ဓ၏ သောထွန်းတော်မူသောနေ့

တို့ကို အမှတ်တရပြုကြပါတယ်။

ဤနေ့တွင် ဘုန်းကြီးများအား အလှူအတန်းများ ပူဇော်ခြင်း၊ အဝတ်အစားများ၊ ဆေးဝါးများ ပူဇော်ခြင်းတို့ကို ပြုလုပ်ကြပါတယ်။ 🌸

မိသားစုများလည်း အတူတကွ စုပေါင်းပြီး အကြီးအကဲများက အလှူအတန်းများ ပြင်ဆင်ပေးကြပြီး လူငယ်များက ယဉ်ကျေးမှု အစီအစဉ်များတွင် ပါဝင်ဆင်နွှဲကြပါတယ်။ ဤနေ့ရဲ့ စည်းလုံးညီညွတ်မှုနှင့် သန့်ရှင်းမှုရဲ့ စိတ်ဓာတ်ကို အားလုံး လက်ခံကြပါစို့။

ဝါဆိုလပြည့်နေ့သည် အားလုံးအတွက် ငြိမ်းချမ်းမှု၊ ပျော်ရွှင်မှုနှင့် စိတ်ပိုင်းဆိုင်ရာ တိုးတက်မှုများကို ပေးပါစေကြောင်း ချစ်သောအမျိုးများလည်းတရားထူး တရားမြတ်များရရှိပါစေရန်ဆုတောင်းပေးပါသည်ရှင့်🙏🙏🙏

#ဝါဆိုလပြည့်နေ့ #သီလဝါဆို #မြန်မာ့ယဉ်ကျေးမှု

19/07/2024

(၇၇)နှစ်မြောက် အာဇာနည်နေ့အား ဂုဏ်ပြုရေးစပ်ပါသည်။

*** မိုးနှင့်အပြိုင် မျက်ရည်ဖြိုင် ***
******************************
* အုပ်အုပ်ဆိုင်းဆိုင်း........ညို့ညို့မှိုင်းမှိုင်း
တဖွဲဖွဲရွာ......မိုးဒေဝါက
ငြိမ်သက်တိတ်ဆိတ်......ပြည်သူ့ရိပ်ကို
ပိုမိုလွမ်းစေ......ဖန်လေသည်......။

* တ ဒိုင်း ဒိုင်း သံ........သေနတ်သံတို့
ဂျူဗလီဟော......စုရုံးတောမှာ
ဗိုလ်ချုပ်အပါ......ကိုးယောက်မှာဖြင့်
အသက္ဇီဝ.....ချုပ်ငြိမ်းရသည်.......။

* အစည်းအဝေးတစ်ခု......အစပြုလို့
ဖြစ်လာဝမ်းနည်း.......လူသတြ္ပဲကို
ကြားမိပြည်သူ......ရင်မှာပူလို့
အလွမ်းဓာတ်ထက်......အဆွေးတက်သည်.....။

* အာဏာမက်မော.......ဂဠုန်စောမှာ
ဆင်ခြင်ဉာဏ်မဲ့.......ကောက်ကျစ်ခဲ့လို့
ကိုးဦးဇာနည်.......သေရှာပြီပေါ့
ရင်နာအလွမ်း......ပြည်သူတမ်းသည်........။

* မိုးနှင့်အပြိုင်........မျက်ရည်ဖြိုင်ခဲ့
ရင်မှာကျွမ်းလု........ပြည်သူမှုမှာ
ဖြေမဆည်နိုင်.........ပြည်သူမှိုင်လို့
သမိုင်းတစ်ခေတ်.......တွင်ရစ်ခဲ့ပြီ
ဇာနည်ကိုးဦး......အကြောင်းတည်း.......။

စိတ်ညှို့ရှင်
(Mohnyin)
1872024

22/05/2024

ကဆုန်လပြည့် ဗုဒ္ဓနေ့မှာ ညောင်ရေသွန်းလောင်းရင်း KMZ Online Storeချစ်သူများ အားလုံး ကျန်းမာခြင်းသုခ ချမ်းသာခြင်းသုခများပိုင်ဆိုင်ပြီး အေးချမ်းသာယာရှိကြပါစေရှင်🙏🙏🙏
credit

01/05/2024

"အလုပ်သမားနေ့"

၂၀၂၄ ခုနှစ် ၊ မေလ (၁) ရက်နေ့မှာ ကျရောက်သည့် ''အလုပ်သမားနေ့ ''အား Onlie Store
မိသားစုမှလှိုက်လှဲစွာ ဂုဏ်ပြုကြိုဆိုအပ်ပါတယ်။

ကမ္ဘာပေါ်ရှိ နေရာဒေသ အသီးသီးတွင် လုပ်ကိုင်နေကြသော အလုပ်သမားများ အားလုံး ရောဂါကင်းဝေကာ စီးပွား ဥစ္စာ တိုးတက်ပြီး သာယာပျော်ရွှင်သော ဘဝလေးကို ပိုင်ဆိုင်ကြပါစေလို့ ဆုမွန်ကောင်းတောင်းပေးလိုက်ပါတယ်။
Online Store

08/04/2024

သင်္ကြန်နဲ့ အတာအိုး
#သင်္ကြန်
“ကူးပြောင်းခြင်း၊ပြောင်းရွှေ့ခြင်း” လို့ အဓိပ္ပာယ်ရတဲ့ ပါဠိဘာသာစကား “သင်္ကန္တ” ကို မြန်မာမှုပြုပြီးတော့ “သင်္ကြန်” လို့ခေါ်တာ ဖြစ်ပါတယ်။ နှစ်ဟောင်းကနေ နှစ်သစ်ကို ကူးပြောင်းတဲ့ကာလကို “သင်္ကြန်ကာလ”လို့ ခေါ်ဆိုပါတယ်။ ပါဠိစကားလုံး”အန္တ” မှ ဆင်းသက်လာတဲ့ “နောက်ဆုံး” လို့ အဓိပ္ပာယ်ရတဲ့ အတာနှင့်တွဲဖက်ပြီးတော့လည်း “အတာသင်္ကြန်” လို့ ဆိုကြပါသေးတယ်။

#အတာအိုး
🙏သင်္ကြန်တွင်းမှာ သိကြားမင်းက လူ့ပြည်ကို ဆင်းလာတယ်လို့ အယူရှိတယ်။
သကြားမင်းကို စာင့်ကြိုတဲ့အထိမ်းအမှတ်နဲ့ အတာအိုးကို ရေအပြည့်ထည့်ပြီး အတာပန်း (၇)မျိုးနဲ့ သင်္ကြန်မကျခင် ကြိုတင်ပြင်ဆင်ရပါတယ်။ သိကြားမင်း လူ့ပြည်ဆင်းလာတဲ့အချိန်အတွင်းမှာ မကောင်းမှု တတ်နိုင်သမျှမလုပ်ဘဲ ဥပမာ သီလယူ၊ဥပုပ်စောင့်၊အလှူအတန်းပြုလုပ်ခြင်း စတဲ့ ကောင်းမှု ကုသိုလ်တွေပဲ စောင့်ထိန်းကြပါတယ်။

🙏အတာပန်း (၇)မျိုးဆိုတာ နေ့(၇)နေ့ ကိုဆိုလိုတာဖြစ်ပြီး
တနင်္ဂနွေဆို အ-ဥ -အုန်းရွက်၊သြဇာရွက် ၊
တနင်္လာအတွက်ဆို … က -ခ-ဂ-ဃ-င ထဲက ကန့်ကော်ပန်း၊ခရေ …
အင်္ဂါဆို ဇီးရွက်၊
ဗုဒ္ဓဟူးဆို ရွက်လှ၊ရေတမာ၊
ကြာသပတေးဆို မြေဇာ၊မာလကာရွက်၊
သောကြာဆိုသပြေပန်း၊
စနေဆို တမာရွက်၊ ဒန်းပန်း၊ အစရှိသဖြင့် အတာပန်းအဖြစ် နေ့ (၇)နေ့ပါအောင်ထည့်ကြပါတယ်။ မိမိနေထိုင်ရာ ပတ်ဝန်းကျင်ကိုမူတည်ပြီး ဒန်း၊ ဇီး၊ စသည်ဖြင့် ထည့်ကြတယ်။

🙏သင်္ကြန် ၄ရက်လုံး အတာအိုးနဲ့ကြိုပီး နှစ်ဆန်းတစ်ရက်နေ့ရောက်တော့ အန္တရာယ်ကင်း ပရိတ်ရွတ်ကြတဲ့အခါ “အတာအိုး” နဲ့ “အတာပန်း” ကနေ “ပရိတ်အိုး” နဲ့ “ပရိတ်ပန်း” အဖြစ် အသွင်ကူးပြောင်းပြီး မိမိတို့အိမ် ပတ်ပတ်လည်မှာ “ပရိတ်ပန်း” တွေကို အိမ်ဦးဝင်းထရံတွေမှာ ထိုးစိုက်ကာ ဆုတောင်းကြရတာ ဖြစ်ပါတယ်။ ဒီလိုဆုတောင်းလိုက်မယ်ဆိုရင် မကောင်းတဲ့ ကံဆိုး၊ ကံညံ့တွေ ပျောက်ကာ ကံဇာတာတက်လာပြီး လူမှုနယ်ပယ်မှာ အောင်မြင်မယ်လို့ ရိုးရာဓလေ့အရ ယုံကြည်ကြပါတယ်။

🙏ပရိတ်ရေကို ပထဝီမြေကြီးမှာ မှီတင်းနေထိုင်ကြတဲ့ သတ္တဝါများအားလုံး ကျန်းမာ၊ချမ်းသာပါစေ၊ အငြိုးအတေးများ ပြေပျောက်ပါစေ။အေးချမ်းကြပါစေလို့ မေတ္တာလေးပို့ပြီး မြေကြီးကို သွန်းလောင်းပေးပါ။
အတာအိုးထဲမှ ရေကိုလည်း သင်္ကြန်တွင်းနေ့စဉ် ရေလဲပေးရင် ပိုကောင်းတယ်လို့ မှတ်သားဖူးပါတယ်။
အားလုံးပဲ ကျန်းမာ၊ ချမ်းသာကြပါစေ
( ဗဟုသုတ အလို့ငှာ လေ့လာ ကူးယူးဖော်ပြပါသည်၊၊)
Source >> Facebook / Youtube

02/04/2024

Heat stroke Warning ⚠⚠⚠
၂၀၂၄ ဧပြီလ ၂ရက်နေ့မှ ၁၀ရက်နေ့အတွင်း မြန်မာနိုင်ငံအနှံအပြားမှာ ပူပြင်းခြောက်သွေ့နိုင်ပါတယ် အပူရှပ်ခြင်းသတိပြုပါ(Heat stroke)
မနက် ၁၀ နာရီမှ ညနေ ၅နာရီအတွင်းရေချိုးခြင်းကိုရှောင်ကျဥ်ကြပါ အရိပ်အာဝါသကောင်းကောင်းမှာနေထိုင်ကြပါ

🔥အပူချိန် 35°C - 37°C ကြားကို သုံးရက်ဆက်တိုက်ရပ်နေရင် Level -1
🔥 37°C ကနေ upper 40°C ထိတိုးလာရင် Level 2 danger ပါ ။
ကလေးငယ်‌ငယ်လေးတွေ၊ အသက်ကြီးတဲ့သူတွေ၊ Pet တွေအထူးအထူးဂရုစိုက်ပါ။ နွေရာသီ ပူနေကြလိုမဟုတ်ပါဖူးနော်၊ ထပ်ပြောပါမယ်။ အခုတောင်လူတိုင်း Heat stroke ဖြစ်နေကြတယ်။ (လည်ပင်းနာ၊ အသံဝင်၊ ချောင်းဆိုး၊ နှာချေ၊ နှာစီး အဆက်မပြတ်၊ မျက်စိပူ ) အခုဒီမှာမီးပြတ်နေတော့ပိုတောင်ဆိုးမှာပါ။ ရုတ်တရက် ဦးနှောက်သွေးကြောပြတ်တာမျိုး အခန့်မသင့်ရင်လူငယ်၊ လူကြီးအရွယ်စုံဖြစ်တတ်တယ် မပေါ့ပါနဲ့နော်။
ဘာလုပ်သင့်လဲဆို ရေဘူးဆောင်ပါ။အေးစက်နေတဲ့ ရေခဲရေထက် ရိုးရိုးရေပိုကောင်းပါတယ်။ အရမ်းပူလာရင်တောင် ရေခပ်နွေးနွေး body pressure balance ဖစ်အောင် သောက်ပေးသင့်တယ်။ ရေခဏခဏသတိရတိုင်းသောက်ပါ။
အိမ်ကို လိုက်ကာကာပါ။ အဝတ်အစားချွေးစုပ်တာ ပေါ့ပါးတာ။
လေဝင်လေထွက်ရှိ အပူထွက်လွယ်တာဝတ်ပါ။
အသောက်အစားလေးခဏလျှော့ပါ။
Gym အပြင်းအထန်လုပ်တာလျှော့။
Sunglasses, sun cream 2-3 hours နေတခါ ထပ် on, ထီး၊ ဦးထုပ်မ‌ဖြစ်မနေဆောင်။
Aircon, fan directly အေးစက်အောင်မထားပါနဲ့။ အပြင်ရုတ်တရက်ထွက်မိရင် shock ရှိ။
အကောင်းဆုံးကတော့ မဖြစ်မနေကိစ္စကလွဲပြီး အိမ်ပြင်ထွက်ခြင်း၊ အပြင်ထွက်ခြင်းမျိုးရှောင်ကြ‌နော် ။
ချစ်တဲ့သူတွေကို share ပေးပြီး ဂရုတစိုက်သတိပေးပါ

11/01/2024

Happy Karen Festival!
ကရင်နှစ်သစ်ကူးမှာ အားလုံးပဲ အေးချမ်းသာယာကြပါစေ။ ကျန်းမာခြင်းသုခ ချမ်းသာခြင်းသုခများ ပိုင်ဆိုင်ကြပါစေ။
photo

31/12/2023

🎊 HAPPY NEW YEAR 🎊
👑နှစ်သစ်မှာ ကောင်းခြင်းတွေ ယူလာပေးပါ....
အားလုံးပဲ နှစ်သစ်မှာ ကျန်းမာခြင်းသုခ၊ချမ်းသာခြင်းသုခ၊
လူမှုရေးများအားလုံး ကောင်းမွန်ကြပါစေလို့ KMZ မိသားစုမှ စုမွန်ကောင်းတောင်းလိုက်ပါတယ်...

24/12/2023

ချစ်ရသူအားလုံး ကျန်းမာရေး၊လူမှုရေး၊ စီးပွားရေးများ ကောင်းမွန်ကြပါစေ ပျော်ရွှင်စရာ ခရစ်စမက်လေးဖြစ်ပါစေရှင် ကျန်းမာရေးသုခများ ပြီးပြည့်စုံပါစေလို့ KMZ မိသားစု မှဆုတောင်းပေးပါတယ်🙏🙏🙏

29/10/2023

သီတင်းကျွတ်လပြည့်နေ့
(အဘိဓမ္မာအခါတော်နေ့ )
~~~~~~~~~~~~~~~
ဗုဒ္ဓဘာသာဝင်မြန်မာလူမျိုးတို့၏ နေ့ထူးနေ့မြတ်များထဲမှ တစ်ရက်အပါအဝင်ဖြစ်သည့် သီတင်းကျွတ်လပြည့်နေ့တွင်
မြန်မာပြည်သူပြည်သားအပေါင်းတို့ စိတ်နှလုံး ရွှင်လန်းချမ်းမြေ့ပါစေကြောင်း ...
မိသားစုမှ ဆုမွန်ကောင်းတောင်းပေးအပ်ပါသည်။

ကျန်းမာပျော်ရွှင်သော သီတင်းကျွတ်အခါသမယလေး ဖြစ်ပါစေ🙏🙏🙏
စိတ်ချမ်းသာ ကိုယ်ကျန်းမာပြီး စီးပွားရေးများလည်းကောင်းမွန်ကြပါစေ။

#သီတင်းကျွတ်
#ဆုတောင်း

01/08/2023

ဝါဆိုလပြည့်နေ့ (ဓမ္မစကြာအခါတော်နေ့)
ဒီနေ့သည် ဗုဒ္ဓဘာသာဝင်တို့ အထွဋ်အမြတ်ထားရာနေ့တစ်နေ့ဖြစ်ပြီး သန္ဓေ၊ တောထွက်၊ ဓမ္မစက်၊ တချက်ပြာဋိဟာ ဆိုစကားရှိခဲ့ပါတယ်။

အဓိပ္ပာယ်ကတော့ ဂေါတမမြတ်စွာဘုရားရှင်ဟာ ဝါဆိုလပြည့်နေ့မှာ တုသိတာနတ်ပြည်ကနေသက်ဆင်းပြီး လူ့ပြည်မှာ ပဋိသန္ဓေနေတော်မူခဲ့ခြင်း၊ ဝါဆိုလပြည့်နေ့မှာပဲ ဘုရားအလောင်းတော် သိဒ္ဓတ္ထမင်းသားဟာ တောထွက်တော်မူခဲ့ခြင်း၊ ဝါဆိုလပြည့်နေ့မှာပဲ ဘုရားရှင်ဟာ မိဂဒါဝုန်တောမှာ ပဉ္စဝဂ္ဂီ (၅) ဦးကို ဓမ္မစကြာတရားဦး ဟောတော်မူခဲ့ခြင်းနဲ့ ဝါဆိုလပြည့်နေ့မှာ ဂေါတမမြတ်စွာဘုရားဟာ သာဝတ္ထိပြည် သရက်ဖြူပင်ရင်းမှာ ရေအစုံ မီးအစုံ တန်ခိုးပြာဋိဟာကိုပြသတော်မူခြင်းတို့ပဲ ဖြစ်ပါတယ်။

ဝါဆိုလပြည့်နေ့ဟာ ဘုရားအဖြစ်ရောက်ရှိကြောင်းဝန်ခံတော်မူတဲ့နေ့၊ တရားရတနာ စတင်ပေါ်ပေါက်ရာနေ့၊ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့်ကြုံသောနေ့၊ သံဃာရတနာ စတင်ပေါ်ထွန်းတဲ့နေ့၊ ဧဟိ ဘိက္ခု ဆိုတဲ့ စကားကို စတင်ကြားရသောနေ့ ဆိုရင်လဲ မမှားပါဘူး။ ဓမ္မစကြာတရားဟောတော်မူတဲ့ ဝါဆိုလပြည့်နေ့ ကို ဓမ္မစကြာအခါတော်နေ့ လို့လဲ နိုင်ငံတော်အစိုးရက တရားဝင်သတ်မှတ်ထားပြီး ဘုရားရှင်ရဲ့ ဓမ္မစကြာတရားတော်ကို ပဉ္စဝဂ္ဂီ (၅) ဦးနဲ့ အတူ နတ်ဗြဟ္မာ (၁၈) ကုဋေတို့ နာယူကြတယ်လို့ ကျမ်းဂန်မှာ ဆိုထားပါတယ်။

သံဃာတော်များဟာ ဝါဆိုလပြည့်ကျော် (၁) ရက်နေ့ကစပြီး ဝါတွင်းသုံးလကာလပတ်လုံး ဝါဆိုဝါကပ်တဲ့အခါထူး အခါမြတ်လည်း ဖြစ်ပါတယ်။ ဓမ္မစကြာတရားခေါ် ဓမ္မစကြာသုတ္တန်ဟာ အလွန်ထူးမြတ်ပြီး ဘုရားအဖြစ်သို့ ရောက်တော်မူအပြီးမှာ ဦးဦးဖျားဖျားဟောကြားတော်မူတဲ့ တရားဒေသနာတော်ဖြစ်ပါတယ်။ ဓမ္မစကြာသုတ္တန်ကို ပိဋကတ်ကျမ်းဂန်များမှာတော့ ဓမ္မစက္က ပဝတ္တန သုတ္တန် လို့လည်း ခေါ်ဆိုထားပါတယ်။

ဒါကြောင့် ဗုဒ္ဓဘာသာဝင်တို့ဟာ ရှေးယခင်တည်းက စားနပ်ရိက္ခာအတွက် လယ်ယာလုပ်ငန်းကို ကြိုးစားလုပ်ကိုင်ရင်း တစစ်ဘက်ကလည်း ဝါဆိုလပြည့်နေ့မှာ ကျောင်းကန်ဘုရားများကိုသွားရောက်ပြီး ဝါဆိုပန်းများ ကပ်လှူခြင်း၊ ဓမ္မစကြာတရားတော်များကို ရွတ်ဖတ်သရဇ္ဈာယ်ခြင်းအပြင် ဝါတွင်းသုံးလမှာအခြားကာလများထက်ပိုပြီး အလှူဒါနများပြုခြင်း၊ သီလဆောက်တည်ခြင်းနဲ့ တရားဘာဝနာကျင့်ကြံအားထုတ်ခြင်း စတာတွေကို ပြုလုပ်လေ့ရှိကြပါတယ်။

ဘုရားရှင်သာသနာတော်တွင်းက ရဟန်းတို့ဟာ ဝါဆိုလပြည့်နေ့မှာ ဝါတွင်းသုံးလပတ်လုံး မိမိတို့ရဲ့ ကျောင်းအာရမ်အတွင်းမှ အရပ် တစ်ပါးသို့ ရွှေ့ပြောင်းသွားလာခြင်း မပြုပါ ဆိုတဲ့ ပဋိညာဉ်နဲ့ ဝါဆို ဝါကပ်မှုများကိုပြုကြရပါတယ်။ ရဟန်းတွေ ဝါတွင်းသုံးလပတ်လုံး ငြိမ်သက်စွာတရားအားထုတ်လျက်ရှိချိန်မှာ ဗုဒ္ဓဘာသာဝင်တို့ဟာ ရဟန်းတွေရဲ့ သိက္ခာပုဒ်တော်များကို ကြည်ညိုပြီး လပြည့်လကွယ်နေ့တွေရောက်တိုင်း သီတင်းသီလဆောက်တည်ကာ သူတော်ကောင်းတရားပွားများအားထုတ်ကြခြင်း၊ ကုသိုလ်ဒါနမှုများကို ပြုကြခြင်းတို့ကို ဝါကပ်တဲ့ရဟန်းတွေကို ချမ်းမြေ့စေရန် ထောက်ပံ့ကြပါတယ်။

ဓမ္မစကြာတရားတော်မှာ ရှေးဦးစွာ ဝဲယာအစွန်း နှစ်ပါးကို ရှောင်ကြဉ်ဖို့ ဟောပြောထားပါတယ်။ ဝဲယာအစွန်းနှစ်ပါး ဆိုသည်မှာတော့ ကာမသုခလ္လိကာနုယောဂ ဆိုတဲ့ ကာမဂုဏ်ချမ်းသာတို့ကို ခံစားပျော်ပါးခြင်း၊ အတ္တကိလမထာနုယောဂ ဟူတဲ့ မိမိကိုယ်ကို ဒုက္ခပေးကာ ကျင့်ကြံအားထုတ်ခြင်း တို့ကို ရှောင်ကြဉ်ပြီး နိဗ္ဗာန်ချမ်းသာ ရရှိရေးအတွက် မဇ္ဈိမာပဋိပဒါ အလယ်လမ်းစဉ် ဖြစ်တဲ့ မဂ္ဂင်ရှစ်ပါးကို ကျင့်ကြံအားထုတ်ဖို့ ညွှန်ပြတော်မူထားတာပဲ ဖြစ်ပါတယ်။

မဂ္ဂင်ရှစ်ပါး ဆိုတာကတော့ သမ္မာ ဒိဋ္ဌိ ကောင်းမြတ်စင်ကြယ်သော သိမြင်မှု၊ သမ္မာ သင်္ကပ္ပ ကောင်းမြတ်စင်ကြယ်သော ကြံစည်မှု၊ သမ္မာ ဝါစာ ကောင်းမြတ်စင်ကြယ်သော ဝစီကံမှု၊ သမ္မာ ကမ္မန္တ ကောင်းမြတ်စင်ကြယ်သော ကာယကံမှု၊ သမ္မာ အာဇီ၀ ကောင်းမြတ်စင်ကြယ်သော အသက်မွေးမှု၊ သမ္မာ ဝါယာမ ကောင်းမြတ်စင်ကြယ်သော အားထုတ်မှု၊ သမ္မာ သတိ ကောင်းမြတ်စင်ကြယ်သော အောက်မေ့မှု၊ သမ္မာ သမာဓိ ကောင်းမြတ်စင်ကြယ်သော တည်ကြည်မှု တို့ပဲ ဖြစ်ပါတယ်။

ဒါ့အပြင် ဆင်းရဲအမှန်ဟူသော ဒုက္ခသစ္စာ၊ ဆင်းရဲဖြစ်ကြောင်းအမှန်ဟူသော သမုဒယသစ္စာ၊ ဆင်းရဲချုပ်ငြိမ်းရာအမှန်ဟူသော နိရောဓသစ္စာ၊ ဆင်းရဲချုပ်ငြိမ်းရာသို့ ရောက်ကြောင်းအမှန် ဆိုတဲ့ မဂ္ဂသစ္စာ သစ္စာလေးပါးကို ဟောတော်မူခဲ့ပါတယ်။

ရဟန်းရှင်လူတို့က သုံးလပတ်လုံး ဒါန၊ သီလ ၊ ဘာဝနာ အစရှိတဲ့ သူတော်ကောင်းတရားတွေကို ငြိမ်သက်စွာအားထုတ်ခြင်း အစပြုတဲ့ ဝါဆို လပြည့်နေ့များမှာ ဗုဒ္ဓဘာသာဝင်တို့ဟာ ဝါကပ်ခြင်းအမှုကို ပြုကြကုန်တဲ့ ရဟန်း သံဃာတို့ကို ပန်း၊ ဆီမီးတို့ဖြင့် ပူဇော်ကြပါတယ်။ ဝါဆို ဝါကပ်တာကို အစွဲပြုကာ ဝါဆိုပန်း၊ ဝါဆိုဖယောင်းတိုင် စတဲ့ ဝေါဟာရ အသုံးအနှုန်းတွေလည်း ပေါ်ပေါက်လာပါတယ်။

ရှေးက မြန်မာဘုရင်တွေလက်ထက်မှာ တစ်လကို ပွဲတော်တစ်မျိုးကျင်းပလေ့ရှိပြီး ဝါဆိုလမှာတော့ ပဉ္စင်းတော်ခံပွဲ ကျင်းပလေ့ရှိပါတယ်။ ပဉ္စင်းတော်ခံပွဲမှာ ရဟန်းအဖြစ်သို့ဝင်ခွင့်ရှိကာ ဝင်လိုသူ ရှင်လူရဟန်းလောင်းတို့ကို ရဟန်းဘောင်သို့အခမ်းအနားနှင့် သွတ်သွင်းချီးမြှင့်ပေးပြီး ဘုရင်မင်းတွေကိုယ်တိုင် အလေးအမြတ်ပြုကာ ကျင်းပခဲ့တဲ့ပွဲတော်လည်း ဖြစ်ပါတယ်။

Credit: ရိုးရာလေး

KMZ Online Store

18/10/2024

20/07/2024

19/07/2024

22/05/2024

01/05/2024

08/04/2024

02/04/2024

11/01/2024

31/12/2023

24/12/2023

29/10/2023

01/08/2023

Address

Telephone

Website

Alerts

Contact The Business

Shortcuts

Share

Category