09/09/2025
အသိပေးတောင်းဆိုချက်
ယခုဝတ်စုံများဟာ ကျမ Han ( ) ကိုယ်တိုင် ဒီဇိုင်းဖန်တီး ချုပ်လုပ်ထားခဲ့ပြီးသရုပ်ဆောင်မင်းသမီး သင်းသဲဗိုလ်
မော်ဒယ်သရုပ်ဆောင် ယူပါခင်၊ မော်ဒယ်ချစ်မမမိုးတို့နဲ့ ရိုက်ကူးရေးပြုလုပ်ခဲ့/Fashion Show မှာဝတ်ဆင်ပြသခဲ့တဲ့ ဝတ်စုံများဖြစ်ပါတယ်။
ကျမကိုယ်တိုင် ဒီဇိုင်းဖန်တီး ချုပ်လုပ်ထားခဲ့တဲ့၊ ကျမရဲ့ ရိုက်ကူးရေးနဲ့ Fashion Show တွေမှာ အသုံးပြုခဲ့တဲ့ ဝတ်စုံ (၁၀) စုံခန့်ကို တက်သစ်စ မိတ်ကပ်ဖန်တီးရှင်တစ်ယောက်က သူဓါတ်ပုံရိုက်ချင်ပါတယ်ဆိုပြီး လာရောက်ငှားရမ်းသွားခဲ့ဖူးပါတယ်။ ကျမ ငွေကြေးတစ်စုံတစ်ရာမှ မယူဘဲ ကူညီခဲ့ပါတယ်။
အဲဒီငှားရမ်းသွားတဲ့ ဝတ်စုံတွေထဲမှအချို့ကို ဒီဇိုင်နာလို့ နာမည်ခံထားတဲ့၊ ဖက်ရှင်ကျောင်းထောင်ထားသူ (ကျမနဲ့သိကျွမ်းခြင်း တစ်စုံတစ်ရာမရှိသူ) တစ်ဦးက အဆိုပါ မိတ်ကပ်ဖန်တီးရှင်ထံမှ ကျမမသိဘဲထပ်ဆင့်ရယူကာ ကျမဝတ်စုံများကို ကျမအားအသိပေးခြင်းမရှိ၊ ကျမထံမှ တစ်စုံတစ်ရာခွင့်တောင်းခြင်းမရှိဘဲ ဝတ်ဆင်ပြီး ဓါတ်ပုံများရိုက်ခြင်း၊ ကျောင်းသင်တန်းကြော်ငြာများတင်ခြင်း၊ သင်တန်းဆင်းပွဲဓါတ်ပုံများရိုက်ကူးထားခြင်းများ တွေ့ရှိလိုက်ရတဲ့အတွက် အလွန်အမင်းစိတ်မကောင်း၊ ဒေါသထွက်မိပါတယ်။
ထိုဝတ်စုံများဟာ မိမိချုပ်လုပ်ထားသည့် ဝတ်စုံများမဟုတ်ကြောင်း၊ မူရင်းဒီဇိုင်နာဖြစ်သူ ကျမကို ခွင့်ပြုချက်မယူ၊ အသိမပေးဘဲ အသုံးပြုခဲ့ခြင်းဖြစ်ကြောင်းနှင့် နောက်နောင်ယခုလို ပြုလုပ်မည်မဟုတ်ကြောင်း Social Media တွင် Public ဖြင့် ချက်ချင်း အသိပေးတောင်းပန်ပေးပါ။
ပညာကိုတန်ဖိုးထားတတ်ပါ။
ကိုယ့်နာမည်ကိုလည်း တန်ဖိုးထားတတ်ပါ။
