02/01/2025
Welcome 2025 🥰
နေ့တနေ့ မှ လတလ ကနေ နှစ်တနှစ်ကို ကူးပြောင်းလာပါပြီ...🤗
ဘဝကြီးက ကားမောင်းတာနဲ့ ယှဥ်ပြောရရင် ကားမှာဆိုလဲ နောက်ကြည့်မှန်က အသေးလေးပဲ ပါပါတယ်. အရှေ့က မှန်က မြင်ကွင်းကျယ် ကြီးကြည့်ပြီးမောင်းရပါတယ်. နောက်ကြည့်မှန်က အန္တရာယ် ကင်းကင်းမောင်းနိုင်ဖို့ တခါတလေကြည့်ဖို့ပဲလိုပါတယ်. ကိုယ့်ရဲ့ အရှေ့မြင်ကွင်းကိုသာ သေချာလေး ဂရုစိုက်ပြီးမောင်းနှင်ရပါတယ်.
အဲ့လိုပါပဲ အတိတ်က ဖြစ်ခဲ့တဲ့အရာတွေကို သင်ခန်းစာယူဖို့လောက်ပဲ ပြန်သတိရ အမှတ်ရတာကောင်းပါတယ်. တချိန်လုံးခေါင်းထဲထည့်ပြီးနေနေရင် အရှေ့ဆက်ဖို့ကြာတာ၊ ခက်ခဲတာဖြစ်လာပါတယ်.
ကားဘေးမှန်တွေဆိုတာလဲအတူတူပါပဲ။ ကိုယ်သွားမဲ့လမ်းမှာ ကျော်တက်ဖို့ အရှိန်မြှင့်ဖို့ ဘေးကွေ့ဖို့အတွက် အန္တရာယ်ကင်းအောင်ခဏ ကြည့်ဖို့ပဲလိုပါတယ်။ ဒီလိုပါပဲ ဘေးပတ်ဝန်းကျင်ရဲ့ ဝေဖန်တဲ့စကားတွေ အပြစ်တင်တာရှိမယ်၊ ချီးကျူးတာရှိမယ်၊ ကဲ့ရဲ့တာရှိမယ် အစုံပေါ့လေ.. ဒီအရာတွေကိုလဲ အကြာကြီးဆုတ်ကိုင်ခံစားနေလို့မရပါဘူး။ ကိုယ့်ဘဝအတွက် ကားနဲ့တူတဲ့ ခန္ဓာကြီး နေကာင်းကျန်းမာနေဖို့နဲ့ မှန်ကန်တဲ့ လမ်းကြောင်းကို တည့်မတ်စွာသွားနိုင်ဖို့ ဝေဖန်ပိုင်းခြားနိုင်တဲ့ အသိဥာဏ်တွေကိုပဲ ကိုယ့်ကိုယ်ဂရုစိုက်ပြုစုပျိုးထောင်ရပါမယ်။
ကိုယ်တိုင် ဂရုစိုက်တဲ့အခါ တပါးသူကို ထိခိုင်နိုင်တဲ့အခြေအနေကိုကာကွယ်နိုင်သလို ကိုယ့်ကိုလာထိခိုက်နိုင်တဲ့အခြေအနေလဲ လျော့သွားတာပေါ့။ ဒါပေမဲ့ မမြင်ရတဲ့ အခြေအနေတွေဆိုတာလဲ ရှိစမြဲမလို့ အဲ့အတွက် ကိုယ့်စိတ်က အခြေခိုင်အောင် ဘယ်လိုပဲကြုံလာလာ ကိုယ်စိတ်နှလုံးမှန်ကန်စွာနဲ့ရင်ဆိုင်ကျော်ဖြတ်နိုင်ဖို့ လေ့ကျင့်ထားရမှာပေါ့....ဒါတွေကတော့ ကားနဲ့ပဲ ယှဥ်ပြောရရင် အင်ဂျင်ဝိုင်၊ မီးလုံး၊ ဘရိတ် စသဖြင့် သေချာအောင်စစ်ဆေးပြီးမှ ခရီးတခုထွက်ရသလိုပဲ..ကိုယ့်အတွက် လိုအပ်တဲ့ အသိပညာ၊ အတတ်ပညာတွေ ကိုသေချာဆည်းပူးလေ့လာထားရမှာပေါ့လေ...
ကားမှာလိုအပ်တဲ့ အရာတွေကို တခါပြုပြင်ရုံနဲ့ တသက်လုံးအပြီးသုံးလို့မရပဲ အမြဲပြုပြင်ထိန်းသိမ်းနေရသလိုပဲ ကိုယ်တိုင်လဲ ဘယ်ပညာကိုမဆို စိတ်အတွက်ပဲဖြစ်စေ၊ ကျန်းမာရေးအတွက်ပဲဖြစ်စေ အမြဲလေ့လာ ပြုပြင်ထိန်းသိမ်းနေမှသာ အမှားအနည်းဆုံးနဲ့ နောင်တအနည်းဆုံး ဆုံးဖြတ်ချက်၊ လမ်းကြောင်းကို ရွေးချယ်နိုင်မှာပေါ့လေ...
အားလုံးပဲ ကိုယ်စိတ်နှလုံး ၃ ပါး မှန်ကန်စွာနဲ့ အရာရာကို ရင်ဆိုင်ကျော်ဖြတ်နိုင်ကြပါစေ......🥰🥰🥰
