07/06/2020
မိန်းကလေးတွေမှာတွေ့ရတတ်တဲ့ ခန္ဓာကိုယ်အမျိုးအစား (၇)မျိုး
ခုခေတ်ခုကာလမှာ ယောကျင်္ားလေးတွေကော မိန်းကလေးတွေပါ ဖက်ရှင်ကျကျဝတ်စားလာကြပါပြီ။ ဒီလိုဝတ်တတ်စားတတ်ဖို့ ကိုယ်နှင့်လိုက်ဖက်မယ့် အဝတ်အစားရွေးချယ်ခြင်းကလည်း တခုအပါအဝင်ပါပဲ။ လူတွေမှာ အထူးသဖြင့် အမျိုးသမီးလေးတွေမှာ တယောက်နှင့်တယောက် ခန္ဓာကိုယ်အချိုးအစားချင်း မတူကြပါဘူး။ ကိုယ့်ခန္ဓာကိုယ်နှင့်လိုက်ပြီး ဝတ်စားတတ်တာလည်း အရည်အချင်းတခုပါ။ ကိုယ်ကဘယ်ခန္ဓာကိုယ်အချိုးအစားထဲမှာပါလဲ မသိဘူးဆိုလည်း စိတ်ပူစရာမရှိပါဘူး။ အခုအရင်ဆုံးပြောပြမယ့်အကြောင်းအရာက မိန်းကလေးတွေရဲ့ ခန္ဓာကိုယ်အမျိုးအစား (၇)မျိုးအကြောင်းပြောပြပေးသွားမှာပါ။ ကိုယ်က ဘယ်အမျိုးအစားထဲမှာပါလဲ သိရအောင် ပေကြိုးတချောင်းတော့ အဆင်သင့်ပြင်ထားပါတော့နော်။
ပေကြိုးအဆင်သင့်ရပြီဆိုရင် ကိ်ုယ့်ရဲ့ ရင်၊ ခါး၊ တင် ကိုတိုင်းရမှာပါ။ တိုင်းတဲ့နေရာမှာ ရင်နှင့်တင်က အဖောင်းဆုံးနေရာ၊ ခါးကသိမ်နေတဲ့နေရာ ဒါမှမဟုတ်လည်း ချက်ပတ်လည်ကိုတိုင်းရမှာပါ။
Ideal Body Type
ပထမဆုံးပြောပြချင်တာက ideal body type ဆိုတဲ့အတိုင်း ဒီခန္ဓာကိုယ်အချိုးအစားက စံပြအနေအထားမျိုးပေါ့။ ဘယ်လိုခန္ဓာကိုယ်မျိုးကို ideal body type လို့ခေါ်လဲဆိုတော့ ပထမဆုံး တင်နှင့်ခါးရဲ့ ကွာခြားမှုရှာပါ။ တင်ကိုတိုင်းလို့ရတဲ့ အတိုင်းအတာထဲက ခါးကိုတိုင်းလို့ရတဲ့အတိုင်းအတာကိုနှုတ်ပါ။ အဖြေက 9�“-12”ကွာခြားရပါမယ်။
နောက်တခုက ရင်နှင့်ခါးကို တိုင်းတာရပါမယ်။ ခါးအတိုင်းအထာထဲက ရင်အတိုင်းအတာကိုနှုတ်ရင် 4”-5” ကွာရပါမယ်။ ပြီးတော့ bra cup size က size B ဖြစ်ရပါမယ်။ Bra cup size တွေက အကြမ်းဖျင်း A ကနေ G လောက်ထိရှိတတ်ပါတယ်။ ဒီအကြောင်းသိချင်ရင်နောက်မှ ပြောပြပါမယ်နော်။ အခု size B ကတော့ မြန်မာမိန်းကလေး အများစုရှိတတ်တဲ့ ဆိုဒ်မျိုးပါပဲ။
အခုပြောထားတဲ့ ၃ခုနှင့် ကိုက်ညီတဲ့ ခန္ဓာကိုယ်ကို ideal body type အဖြစ်သတ်မှတ်ပါတယ်။
2. Hourglass Body Shape
Hourglass ဆိုတဲ့အတိုင်း သဲနာရီလိုမျိုး ခါးသိမ်သိမ် ရင်ပြည့်ပြည့် တင်ကားကား ပုံစံမျိုးပါ။ ဂစ်တာရှိတ်လို့လည်း ပြောလို့ရပါတယ်နော်။ ကဲ... ဒီတော့ ဘယ်လိုမျိုးလဲကြည့်လိုက်ကြရအောင်ပါ။ ပထမဆုံး ခါးက ရင်နှင့်တင်ထက် သေးရပါမယ်။ ဒီတော့ တင်နှင့်ရင်က ခါးထက် နည်းနည်းပိုကြီးရမယ်ပေါ့။ ဒါမှ သဲနာရီပုံပေါက်မှာလေ။ ဒီထက်ပိုပြီးတိတိကျကျပြောရရင် ခါးအတိုင်းက တင်အတိုင်းထက် 13လက်မအနည်းဆုံးကွာရမယ်။ ရင်အတိုင်းနှင့် တင်အတိုင်းက တူတူနီးပါးလောက်ရှိရမယ်။
ဥပမာအနေနှင့် Jennifer Lopez တို့ Beyonce’ တို့လိုပုံစံမျိုးပေါ့။
3. Triangle Body Shape (Pear Shape)
ဒီတခါတော့ triangle ဆိုတဲ့အတိုင်း တြိဂံပုံစံခန္ဓာကိုယ်အချိုးအစားပါ။ အဲဒီအချိုးအစားကို pear shape လို့လည်းခေါ်တယ်။ သစ်တော်သီးပုံစံအပေါ်သေး အောက်ကြီးတဲ့ ပုံစံမျိုး။ ရင်က တင်ထက် ပိုသေးတယ်။ ဒါမှမဟုတ် ပခုံးကျဉ်းပြီး တင်ကားတယ်။ ထပ်ပြီးတိတိကျကျပြောရရင် ခါးနှင့်ရင်အတိုင်းကွာခြားချက်က 4” ထက်နည်းတယ်။ တချို့တွေကခါးနေရာက ပိုသိမ်ပြီး တင်ကပိုကားတယ်။ အဲလိုမျိုးဆို spoon body type လို့လည်းခေါ်တယ်။ ဇွန်းကို ထောင်ထားသလိုမျိုး အပေါ်ပိုင်းက သေးပြီး အောက်ပိုင်းကပိုပြည့်နေသလိုမျိုးပေါ့။
4. Inverted Triangle Body Shape
ဒီတခုက ခုနက pear shape တို့နှင့် ဆန့်ကျင်ဖက်ပါ။ သူ့နာမည်အတိုင်း တြိဂံကို ပြောင်းပြန်လှန်ထားသလိုပုံမျိုးပါ။ အပေါ်ပိုင်းကြီးပြီး အောက်ပိုင်းသေးတဲ့ ခန္ဓာကိုယ်မျိုးပါ။ ရင်အတိုင်းက တင်အတိုင်းထက်ပိုကြီးတယ်။ Bra cup size က C, D, DD ရှိတတ်တယ်။ ရင်ကြီးတယ်။ ပြည့်ပြည့်လေးနှင့်လှတယ်ပေါ့။ ဒါမှမဟုတ်လည်း ပခုံးတွေကျယ်နေတတ်တယ်။ တင်ပါးကျဉ်းတယ်။ တိတိကျကျပြောရရင် ခါးက ရင်ထက် 5”ထက်ပိုသေးနေတတ်တယ်။ ရင်အတိုင်းကကြီးနေတာပေါ့။
5. Rectangle Body Shape
ထောင့်မှန်စတုဂံပုံစံ ခန္ဓာကိုယ်အမျိုးအစားပေါ့။ ရင် ခါး တင် တဖြောင့်တည်းရှိတတ်ကြတယ်။ ကွာလှည်းခါးနှင့်တင် အတိုင်းက အများဆုံး 9”လောက်ပဲကွာတတ်ကြတယ်။ Banana Shape, Straight Shape, Ruler Shape စသဖြင့်လည်းခေါ်ကြတယ်။ ဒီလိုခန္ဓာကိုယ်မျိုးက မော်ဒယ်တွေမှာတွေ့ရတတ်တဲ့ အမျိုးအစားပါ။ ပိန်ပိန်ပါးပါးနှင့် ခါးနေရာမှာလည်း သိသိသာသာတိမ်မနေဘူး။ တချို့ အားကစားသမားတွေမှာလည်း ဒီ ခန္ဓာကိုယ်မျိုးတွေ့ရတတ်တယ်။
6. Diamond Body Shape
စိန်တုံးလေးနှင့်တူတဲ့ ခန္ဓာကိုယ်အမျိုးအစားပေါ့။ စိန်တုံးဆိုတဲ့အတိုင်း ခါးကတင်နှင့်ရင်ထက် ပိုကြီးနေတတ်တယ်။ ဗိုက်ကလေးက စူစူလေးထွက်နေတတ်တယ်။ အဲလိုဗိုက်ထွက်တာ အပေါ်ဗိုက်နှင့် အောက်ဗိုက်ရှိသေးတယ်။ အပေါ်ဗိုက်က ပိုပူနေရင် ပန်းသီးရှိတ်လို့ခေါ်တယ်။
7. Oval Body Shape
နောက်ဆုံးတခုကတော့ ဘဲဥပုံခန္ဓာကိုယ်ပါ။ လုံးလုံးလေးမို့ Round Body Shape လို့လည်းခေါ်တယ်။ သူကျတော့ ခုနက စိန်တုံးပုံစံနှင့် ကွာသွားတာက ရင်လည်းပိုထူတယ်။ တင်လည်းပိုထူတယ်။
ဒီတော့ကိုယ့်ခန္ဓာကိုယ်က ဘယ်အမျိုးအစားထဲမှာပါလဲ။ ကိုယ့်အသိ၊ သူငယ်ချင်းတွေကကော ဘယ်လိုပုံစံမျိုးလဲဆိုတာသိရအောင် တိုင်းတာပြီးပြောပြပေးသွားပါအုန်း။
ဘယ်လိုပုံစံမျိုးပဲရှိရှိ လူ့ခန္ဓာကိုယ်က လှပြီးသားပါ။ စံပြဖြစ်ပြီးသားပါ။ ဒီထက်ပိုလှအောင် ဘယ်ခန္ဓာကိုယ်အမျိုးအစားက ဘယ်လိုပုံစံမျိုးတွေ ဝတ်သင့်လည်းဆိုတာ နောက်ပို့စ်မှာ ပြောပြပေးသွားမှာ မလို့ YY Fashion Page ကို like & see first လုပ်ထားဖို့တော့ မမေ့နှင့်နော်။
