https://www.facebook.com/1640572896212566/

Cosmos online shop, Yangon (2026)

19/06/2023

ချစ်သောလေးတို့ရေ..ဒီတစ်ခါမှာSharing လုပ်ပေးခြင်းတဲ့အကြောင်းလေးကတော့ ဝက်ခြံအတွက် သုံးလို့အသင့်တော်ဆုံး တိုနာအကြောင်းလေးပဲ ဖြစ်ပါတယ်💛

ဝက်ခြံ၊အဆီပြန်တဲ့အသားအရေအတွက် တိုနာ(toner) သုံးကြပါတယ်။ တိုနာကို သန့်စင်တဲ့ ဆေးရည်အဖြစ်သိကြပါတယ်။ မျက်နှာသစ်ပြီးစမှာ ပိုမိုသန့်ရှင်းအောင် တိုနာသုံးရပါတယ်။ ပြီးတော့မှ အစိုဓာတ်လိမ်းဆေးသုံးရတယ်။ ခက်တာက တိုနာအများစုမှာ ပါတဲ့ပစ္စည်းတွေက လူတိုင်းနဲ့မတည့်တာပါ။ propylene glycol, harsh exfoliating acids, alcohol, mineral oil, glycerin, fragrance နဲ့ dyes ဆိုးဆေးတွေက အရေပြားကို ထိခိုက်စေတယ်။ တချို့ဝက်ခြံပိုထွက်တာရှိတယ်။ အဲလိုမဖြစ်ရအောင် လူတိုင်းနဲ့သင့်တော်တဲ့ အိမ်လုပ်တိုနာလုပ်နည်းကို ဖော်ပြပါမယ်။ ဒီနည်းက ဝက်ခြံ၊အဆီပြန်တဲ့အသားအရေအတွက် အထူးကောင်းမွန်ပါတယ်။

Toner လုပ်ဖို့ ဘာတွေလိုအပ်လဲ
လက်ဖက်စိမ်းရည်(green tea)
- ခွက် လေးပုံသုံးပုံ
ပန်းသီးရှာလကာရည်(apple cider vinegar)
- ခွက် လေးပုံတစ်ပုံ
လက်ဖက်စိမ်းရည်နဲ့ ပန်းသီးရှာလကာရည်ကို ရောပြီး ဂွမ်းနဲ့ တို့လိမ်းပေးရမှာဖြစ်ပါတယ်။ပန်းသီးရှာလကာရည်ရွေးတဲ့အခါ အဖြူထက် အညိုရောင်အနှစ်ပါတာပိုကောင်းပါတယ်။ ဖြစ်နိုင်ရင် bragg တံဆိပ်ရွေးပါ။ တချို့စီးတီးမတ်တွေမှာ ဝယ်လို့ရနိုင်ပါတယ်။ acetic acid ပါတယ်။ လက်ဖက်စိမ်းရည်က pH level ထိန်းညှိပေးတယ်။ အာနိသင်ကောင်းဖို့ မျက်နှာသစ်ပြီး ညစဉ်သုံးဖို့တော့လိုပါတယ်။ တစ်ခါရောပီးသား toner အရည်ဟာ နှစ်ပတ်အထိပဲ သုံးလို့ရတယ်။

ဘာအာနိသင်တွေရှိလဲ...
(၁) Green tea က အရောင်ကျတယ်။ အင်တီအောက်စီးဒင့်အာနိသင်ရှိတယ်။ အရေပြားပျက်စီးတာကို ကာကွယ်ပေးနိုင်တယ်။ အသက်အရွယ်ကြောင့် အရေပြားတွန့်တာကို ကာကွယ်ပေးပါတယ်။ ဝက်ခြံအမဲစက်တွေအတွက်လည်း ကောင်းပါတယ်။
(၂) apple cider vinegar ကacetic acid ပါလို့ အရေပြား သဘာဝ pH ကို ထိန်းညှိပေးပါတယ်။ ဝက်ခြံပေါက်တာက pH မြင့်တက်လာလို့လည်း ဖြစ်နိုင်ပါတယ်။ acetic acid က ဘက်တီးရီးယားပေါက်ဖွားမှုကို ကာကွယ်ပေးတယ်။

အနံ့နဲ့ အာနိသင်ပိုကောင်းအောင် အဆီတွေလည်း ထည့်လို့ရပါသေးတယ်။
Essential oil ထည့်ရင် ၂-၅စက်ထက် ပိုမထည့်သင့်ဘူး။
- Orange essential oil (အဆီဂလင်းကိုထိန်းပေးတယ်။ ကိုလာဂျင်ထွက်စေတယ်)
- Lavender essential oil (ပိုးသေစေတယ်။အရောင်ကျစေတယ်)
- Lemon juice (အသားရောင် ကြည်လင်စေတယ်။ အရေပြားတင်းရင်းစေပြီး အမဲစက်တွေကို ကာကွယ်ပေးတယ်။ အမာရွတ်အတွက်လည်းအသုံးဝင်တယ်)

နေ့စဉ်မျက်နှာမှာ သုံးခြင်းအားဖြင့် အဆီပြန်ခြင်းကင်းစေတယ်။ ချွေးပေါက်ကျဉ်းစေတယ်။ အရေပြားတင်းရင်းစေတယ်။ PH level ထိန်းညှိပေးလို့ ဝက်ခြံမထွက်အောင်လည်း ကာကွယ်ပေးနိုင်တယ်။ ဒီနည်းက အဆီပြန်တဲ့လူတွေနဲ့ သင့်တော်တဲ့ အလွယ်ဆုံး အိမ်လုပ်တိုနာ တစ်မျိုး ဖြစ်ပါတယ်။

မူရင်းရေးသားသူအားလေးစားစွာဖြင့် ကူးယူဖော်ပြပါသည်။🙏🙏

💖ချစ်သောလေးတို့လည်း ကိုယ့်အသားအရေနဲ့ကိုက်ညီတဲ့ Skin Care Products တွေကိုသုံးပြီး နုပျိုလှပနိုင်ပါစေ💖

18/06/2023

Lotion ဆိုတာ...ခန္ဓာကိုယ်အရေပြားအတွက် လိုအပ်နေတဲ့ ဗီတာမင်ဓာတ်တွေ၊ ရေဓာတ်တွေကို ဖြည့်တင်းပေးတဲ့ အရည်တစ်မျိုးဖြစ်ပါတယ်။ အရည်ဆိုတဲ့နေရာမှာ ပျစ်နှစ်တဲ့အရည်မျိုးလည်းရှိသလို ခပ်ကျဲကျဲအရည်မျိုးလည်း ရှိပါတယ်။

လူတွေ ဘာကြောင့် Lotion လိမ်းကြတာလဲ🤔

💖အသားဖြူချင်လို့
💖Glowချင်လို့
💖နေလောင်ဒဏ်ကာကွယ်ချင်လို့
💖အမာရွတ် အမည်းစက်တွေ ပျောက်ချင်လို့
💖အသားအရေ စိုစိုလေးဖြစ်ချင်လို့...အစရှိတဲ့ အကြောင်းပြချက်တွေနဲ့ Lotionကို လိမ်းကြပါတယ်။

ဘာအကြောင်းကြောင့်နဲ့ ဖြစ်ဖြစ် Lotionကို အသက်အရွယ်မရွေး၊ ကျား မ မရွေး လိမ်းကြ၊ လူးကြပါတယ်။ Lotionတွေကိုလည်း အာနိသင်အမျိုးမျိုးကို ဘူးပုံစံ အစုံအလင်နဲ့ ရွေးချယ်စရာတွေအများကြီးနဲ့ စျေးကွက်ထဲမှာ ထုတ်လုပ်ရောင်းချနေကြပါတယ်။

နောက်တစ်ခေါက်ကျရင် Body Lotionအကြောင်းကို အသေးစိတ် မျှဝေပေးသွားဦးမှာမို့လို့ ချစ်သောလေးတို့ စောင့်ကြည့်ပြီးဖတ်ရှုပေးကြပါဦးနော်😘

💖ချစ်သောလေးတို့လည်း ကိုယ့်အသားအရေနဲ့ ကိုက်ညီတဲ့ Skin Care Products တွေကို သုံးပြီး နုပျိုလှပနိုင်ပါစေ💖

18/06/2023

ယနေ့ကျရောက်သော အဖေများနေ့ကစပြီး မိသားစုနဲ့အတူ သက်ဆုံးတိုင် ပျော်ရွှင်ချမ်းမြေ့စွာ နေထိုင်သွားနိုင်ပါစေကြောင်း Cosmos အဖွဲ့သားများက ဆုတောင်းမေတ္တာခြွေလိုက်ရပါတယ်🙏🙏

#အဖေများနေ့
'sDay
'sDay

17/06/2023

ဒီနေ့ခေတ်မှာ အလှအပထိန်းသိမ်းသည့်ပစ္စည်းမျိုးစုံ ထွက်လာပါတယ်။ Skin Care ကုမ္ပဏီတွေ အပြိုင်အဆိုင် ပေါ်လာသလို ပစ္စည်း အခေါ်အဝေါ်တွေကလည်း မနည်းလှပါ။ serum , essence , ampoule , facial foam , body scrub , lotion , toner , moisturizer , sun screen , make up, foundation စသည်ဖြင့် နာမည် မျိုးစုံနဲ့ ထွက်လာတယ်။ဒီလို ခေတ်နဲ့အပြိုင် ထွက်လာတဲ့ အလှအပပစ္စည်းတွေ အသုံးပြုတဲ့အခါ ကိုယ့်ဘက်က သေချာနားလည်ဖို့လိုပါတယ်။ ဘာ့ကြောင့်လဲဆိုတော့ ဒီနေ့ခေတ်ထွက်လာသည့် skin care ပစ္စည်းတန်ဖ်ိုးများက မသေးလို့ဖြစ်ပါတယ်။

skin care ဥပဒေသအရ ဈေးအကြီးဆုံးပစ္စည်းတိုင်း ကိုယ်နှင့်ကိုက်ညီချင်မှ ကိုက်ညီမယ်၊ တချို့ ပိုဆိုးလာတာမျိုးတောင် ရှိတယ်။ ကောင်းကောင်း အသုံးမပြုတတ်ရင် အာနိသင်လည်း နည်းသွားတတ်သေးတယ်။ ကိုယ်က ဘယ်ပစ္စည်းနဲ့ ကိုက်ညီသလဲ၊ ဘာအတွက် သုံးချင်တာလဲ၊ ဘယ်ပစ္စည်းက ကိုယ့်အတွက် အသုံးဝင်နိုင်မလဲ ဆိုတာ သေချာနားလည်ဖို့လိုပါတယ်။ ကိုယ့်အရေပြားကိုယ်သေချာ နားမလည်၊ သူများကောင်းတယ် ဆိုတိုင်း လိုက်သုံးနေတာလည်း သိပ်မှားတယ်။ အဲလိုမဖြစ်အောင် skin care တွေအကြောင်း အသေးစိတ်နားလည်နေဖို့ လိုပါတယ်။

ဒီနေ့ skin care တွေမှာ အခြေခံအကျဆုံးဖြစ်သည့် အသုံးပြုပုံ အဆင့်ဆင့်ကို အရင်ဆုံး ဖော်ပြပါမယ်။

မျက်နှာလိမ်းဆေး သုံးစွဲပုံ အဆင့်ဆင့်
(၁) မျက်နှာသစ်ဆပ်ပြာအရင် သုံးပါ။
(၂) Toner တခုခု ဆက်လိမ်းပါ။ သန့်စင်တဲ့ ဂွမ်းစနဲ့ လိမ်းရပါတယ်။
(၃) ပြီးရင် အပေါ်က serums (သို့) gels တစ်ခုခုထပ်သုံးပါ။
(၄) အစိုဓာတ်ထိန်း moisturizer ဆက်သုံးနိုင်ပါတယ်။ (အများစုက နို့နှစ်ရည်ဖြစ်တယ်)
(၅) နေလောင်ကာလိမ်းဆေး sunscreen ဆက်သုံးချင် သုံးပါ။
(၆) နောက်ဆုံးရောက်မှသာ makeup primer (သို့) foundation တစ်ခုခုသုံးရပါတယ်။

(skin care တွေကို အထက်ပါအတိုင်း အစီစဉ်တကျ သုံးပါ။ ယေဘုယျအားဖြင့် အရည်ကြည်တွေကို အရင်သုံးပြီး အရည်ပျစ်တာတွေကို နောက်ဆုံးမှ လိမ်းရမယ်လို့ မှတ်ထားသင့်တယ်)

ညပိုင်းအသုံးပြုနည်း
ညဖက် အရေပြားလိမ်းဆေး သုံးသည့်အခါ နံပါတ်(၄)ထိ အစဉ်တိုင်းသုံးနိုင်တယ်။ ဒါပေမယ့် sunscreen နှင့် makeup မျိုး လုံးဝမသုံးသင့်ပါ။ အဆိုပါပစ္စည်းများက အဆီဂလင်း၊ချွေးဂလင်းများကို ပိတ်ဆို့စေပါတယ်။ အဆီပြန်စေပြီး ဝက်ခြံကို ဖြစ်စေတယ်။ အကယ်၍ ညပိုင်း bleaching creams(အရောင်ချွတ်ခရင်မ်) တခုခုလိမ်းချင်ရင် မအိပ်ခင် တနာရီလိုမှာ ကြိုလိမ်းထားဖို့ လိုပါတယ်။ ဒါမှသာ မျက်လုံးထဲ မရောက်အောင် ကြိုတင်ကာကွယ်နိုင်မှာ ဖြစ်တယ်။

သတိပြုစရာ အချက်များ❗
(၁) တိုနာသုံးသည့်အခါ ခြောက်သွေ့အောင်အရင် ထားပြီးမှ တခြားလိမ်းဆေးများဆက်သုံးပါ။
(၂) ညဖက်လိမ်းသည့်အခါ moisturizer ကို နောက်ဆုံးမှလိမ်းရပါတယ်။ အဲဒီပေါ်မှာ ဘာမှ ထပ်မလိမ်းပါနဲ့။ (ဂျပန်လူမျိုးတွေကတော့ face mask ထပ်အုပ်တာမျိုးရှိပါတယ်)
(၃) မျက်နှာသစ်ဆပ်ပြာများကြောင့် အရေပြားရဲလာရင် အပေါ်မှာ ဘာမှမသုံးပဲ ခဏစောင့်ပါ။ ရဲတာ သက်သာမှ skin care တွေ ဆက်သုံးသင့်ပါတယ်။

လိမ်းဆေး ရွေးချယ်နည်း❗

• skin care တွေ သုံးသည့်အခါ အဆီပြန်သည့်အသားအရေမှာ ရေဓာတ်အခြေခံပစ္စည်းများသာ ရွေးချယ်သုံးစွဲသင့်ပါတယ်။ cream type များကိုတော့ မသုံးသင့်ပါ။ အထူးသဖြင့် နွေရာသီလိုမျိုးမှာပါ။မျက်နှာ အဆီပြန်တာ၊ဝက်ခြံထွက်တာ ပိုဖြစ်နိုင်တယ်။
• ခြောက်သွေ့သည့်အသားအရေအတွက် moisturizer နှင့် serum လိုပစ္စည်းမျိုး သုံးသင့်ပါတယ်။ cream typeပုံစံလည်း သုံးနိုင်ပါတယ်။
• အရေပြားခြောက်သွေ့သူဖြစ်ဖြစ်၊ အဆီပြန်သူဖြစ်ဖြစ် moisturizer တစ်မျိုးမျိုး သုံးဖို့ လိုပါတယ်။ ဒါမှသာ ရေဓာတ်ကြောင့် မျက်နှာက အမြဲ ကြည်လင်သန့်စင်နေမှာ ဖြစ်ပါတယ်။

ဒေါက်တာ အေးမင်းထူး Pageမှ ပြန်လည် ကူးယူဖော်ပြပါသည်။

💖ချစ်သောလေးတို့လည်း ကိုယ့်အသားအရေနဲ့ ကိုက်ညီတဲ့ skin care products တွေသုံးပြီး နုပျိုလှပနိုင်ပါစေ💖

16/06/2023

လူတော်တော်များများ မေ့လျော့နေကြတာ တစ်ခုရှိတယ်😬
မျက်နှာကို Skin Careလိုက် ခန္ဓာကိုယ်ကို Skin Care လိုက်နဲ့ လုပ်နေပေမဲ့ မျက်နှာမှာ အရေးပါလှတဲ့ နှုတ်ခမ်းသားကိုတော့ ဂရုစိုက်ဖို့မေ့နေတတ်ကြပါတယ်။

💋နှုတ်ခမ်းသား ခြောက်သွေ့ခြင်း
💋ရာသီမရွေး နှုတ်ခမ်းကွဲခြင်း
💋နှုတ်ခမ်းညိုခြင်း...အစရှိတဲ့ နှုတ်ခမ်းနဲ့ပတ်သက်တဲ့ ပြဿနာတွေ မဖြစ်ရလေအောင် ချစ်သောလေးတို့ရဲ့ နှုတ်ခမ်းသားကိုလည်း Skin Careပေးဖို့ လိုမယ်နော်...

Lip Skin Care productsတွေ မျိုးစုံလည်း အခုအခါမှာ ထုတ်လုပ်လာပြီ ဖြစ်ပါတယ်။
💋နှုတ်ခမ်းနီ အနေနဲ့ပဲ Daily ဆိုးထားချင်လား...
💋ညအိပ်ခံနီး Maskအနေနဲ့ပဲ ကပ်မလား...
ပုံစံမျိုးစုံကို အာနိသင် အစုံအလင်နဲ့ နေရာတိုင်းမှာ လွယ်လင့်တကူ ဝယ်ယူကာ ကိုယ့်နှုတ်ခမ်းသားလေးကို ဖူးဖူးစိုစိုလေးနဲ့ပန်းနုရောင်သန်းပြီး လှပနိုင်ကြပြီပဲဖြစ်ပါတယ်။

💖ချစ်သောလေးတို့လည်း ကိုယ့်အသားအရေနဲ့ ကိုက်ညီတဲ့ Skin Care Products တွေသုံးပြီး နုပျိုလှပနိုင်ကြပါစေ💖

15/06/2023

ချစ်သောလေးတို့ရေ Under-eye Masks အကြောင်းလေး အနည်းငယ် ရှင်းပြပါရစေ😊😊

Under-eye Masks ကို ဘာကြောင့်ကပ်ရတာလဲ❕

လူတစ်ယောက်ရဲ့ အိုမင်းရင့်ရော်မှုကို သိသာစေတဲ့ အစိတ်အပိုင်းကတော့ မျက်လုံးနားက အရေးအကြောင်းတွေပဲဖြစ်ပါတယ်။ မျက်လုံးနားတစ်ဝိုက် အရေးအကြောင်းတွေ၊မျက်ကွင်းညိုတာတွေ၊ အစက်အပြောက်တွေကို သက်သာစေဖို့နဲ့ မျက်လုံးနားက နူးညံ့တဲ့အသားအရည်ကို ရေဓာတ်ဖြည့်တင်းပေးဖို့အတွက် Under-eye Maskကို ကပ်ကြပါတယ်။

ဘာအကျိုးကျေးဇူးတွေရမှာလဲ❕

မျက်လုံးနားတစ်ဝိုက်မှာ ဖြစ်တတ်တဲ့ အရေးအကြောင်းတွေကို လျှော့ချပေးပါတယ်။ မျက်နှာတွင် ကော်လဂျင်ဆုံးရှုံးမှုအများဆုံးနေရာကတော့ မျက်လုံးနားတစ်ဝိုက်ဘဲ ဖြစ်ပါတယ်။မျက်လုံးနဲ့ပတ်သက်တဲ့ ဖြစ်လေ့ရှိတဲ့ အရေပြားပြဿနာတွေကိုလည်း သက်သာစေပါတယ်။

မျက်နှာလေး Glowနေသလို မျက်လုံးနားတစ်ဝိုက်ကိုလည်း ကြည်လင်ဝင်းပနေစေဖို့ Under-eye Masksကပ်ပေးဖို့ မမေ့ကြပါနဲ့နော်👀✨
ကိုယ့်အသားအရေနဲ့ သင့်တော်တဲ့ Under-eye Masksကို ရွေးချယ်အသုံးပြုပြီး အိုမင်းရင့်ရော်မှုကို ကာကွယ်ကြမယ်🤗🤗

💖ချစ်သောလေးတို့ ကိုယ့်အသားအရေနဲ့ ကိုက်ညီတဲ့ Skin Care Products တွေကို သုံးပြီး နုပျိုလှပနိုင်ပါစေ💖

-eyeMasks

14/06/2023

ချစ်သောလေးတို့ရေ...
Facial Masks ကပ်တဲ့အခါ မျက်လုံးနဲ့ နှုတ်ခမ်း တစ်ဝိုက်ကို မကပ်ဘဲ အလွတ်ထားရတော့ မျက်လုံးလေးနဲ့နှုတ်ခမ်းလေး လှပနုပျိုကျန်းမာစေဖို့အတွက် Under-Eye Masksနဲ့ Lip Maskကို လည်း ကပ်ပေးဖို့ မမေ့ရဘူးနော်...

🌸Under-Eye Masks ကပ်ပေးရင် မျက်လုံးနားက အရေးအကြောင်းတွေ သက်သာစေပြီး ပန်ဒါမျက်လုံး(မျက်ကွင်းညို)နေတဲ့ ဒုက္ခကနေလည်း ပျောက်ကင်းစေမှာပါ

🌸Lip Mask ကို ပုံမှန်ကပ်ပေးရင် နှုတ်ခမ်းကွဲတာ၊နှုတ်ခမ်းသားခြောက်သွေ့တာတွေကို သက်သာစေတဲ့အပြင် နှုတ်ခမ်းသား ဖူးဖူးစိုစိုလေးနဲ့ ပန်းနုရောင်သန်းတဲ့ နှုတ်ခမ်းလေးကို ပိုင်ဆိုင်နိုင်မှာပါ

မျက်နှာအသားအရေ အတွက် Masks ကို အမျိုးအစားအများကြီး အာနိသင် အစုံအလင် နဲ့ကို ထုတ်လုပ်ရောင်းချပေးနေသလို တခြားသော ခန္ဓာကိုယ်အစိတ်အပိုင်းအတွက်လည်း Masksတွေ ထုတ်လုပ်ရောင်းချပေးလျက်ရှိပါတယ်။

Under-eye Masks နဲ့ Lip Mask အမျိုးအစား အရောင်အစုံကို စျေးကွက်ထဲတွင် ရွေးချယ်ဝယ်ယူနိုင်ပါတယ်။

နောက်တစ်ခေါက်ကျရင် Under-Eye Mask အကြောင်းကို အသေးစိတ် Sharing လုပ်ပေးသွားမှာမို့လို့ စောင့်ကြည့်ပေးပါဦးနော်

💖ချစ်သောလေးတို့ ကိုယ့်အသားအရေနဲ့ ကိုက်ညီတဲ့ Skin Care Products တွေကိုသုံးပြီး နုပျိုလှပနိုင်ပါစေ💖

-eyeMasks

13/06/2023

ချစ်သောလေးတို့ရေ...အခုတစ်ခါမှာ Facial Mask ကပ်ရင် ဘယ်လိုအကျိုးကျေးဇူးတွေရမလဲကို ပြောပြပေးမှာ ဖြစ်ပါတယ်။🤗🤗

Facial Mask ကပ်တဲ့အခါ...
💧မျက်နှာအသားအရေကို အတွင်းပိုင်းအထိ ဖုန်မှုန့်၊အညစ်အကြေးများကို သန့်စင်ပေးခြင်း
💧 ချွေးပေါက်ကျယ်တာကို ကာကွယ်ပေးခြင်း
💧အဆီပြန်တာကို သက်သာခြင်း
💧ဝက်ခြံ၊အမဲစက်၊တင်းတိပ် များကို မထွက်အောင် ကာကွယ်ပေးခြင်း
💧မျက်နှာကို ရေဓာတ်ဖြည့်ပေးခြင်း...အစရှိတဲ့ အကျိုးကျေးဇူးတွေကို ရရှိပါတယ်။

ကိုယ်မျက်နှာအသားအရေနဲ့ ကိုက်ညီတဲ့ Facial Maskကို ရွေးချယ်ဖို့တော့ လိုအပ်ပါလိမ့်မယ်။ အခုအခါမှာလည်း ရွေးချယ်စရာ Maskအမျိုးအစားတွေ အများကြီး ထုတ်လုပ်လာပြီး ဖြစ်တဲ့အတွက် ကိုယ့်မျက်နှာအသားအရေရဲ့ လိုအပ်ချက်ကိုတော့ သိဖို့ လိုပါလိမ့်မယ်။

Maskကို တစ်ပတ် ၂ကြိမ် မှ ၃ကြိမ်အထိ ဂရုတစိုက်ကပ်ပေးရင်တော့ သိသာတဲ့အကျိုးအာနိသင် ကိုရရှိမှာ အသေအချာပါ😊😊

💖ချစ်သောလေးတို့လည်း ကိုယ့်အသားအရေနဲ့ ကိုက်ညီတဲ့ skin care products တွေ သုံးပြီး နုပျိုလှပနိုင်ပါစေ💖

12/06/2023

ချစ်သောလေးတို့ရေ ဒီတခေါက်မှာ ဝက်ခြံမထွက်အောင် ဘာတွေလုပ်ရမလဲကို Sharingလုပ်ပေးသွားမှာပါ😇😇

(၁) မျက်နှာကို သန့်စင်အောင် နေ့စဉ် ပြုလုပ်ပါ။ မျက်နှာသစ်ဆပ်ပြာသုံးပြီး မနက်တစ်ကြိမ်၊ ညတစ်ကြိမ် ဆေးကြောသန့်စင်ပါ။(တစ်နေ့ နှစ်ကြိမ်-သုံးကြိမ် ထက် မျက်နှာပိုမသစ်ပါနဲ့)

(၂) အပျော့စား scrub ဆေးဆပ်ပြာတစ်ခုခုကို တစ်ရက်ခြားတစ်ခါ သုံးပြီး မျက်နှာသစ်ပေးပါ။ scrub သုံးတဲ့အခါ အလွန်အကျွံပွတ်လိမ်းတာမျိုးရှောင်ရပါမယ်။ မျက်နှာပေါ် တစ်မိနစ်ခန့်ထားပြီး ရေပြန်ဆေးပေးပါ။ နောက်ပိုင်း တစ်ပတ်နှစ်ကြိမ်ခန့်သာ ဆက်သုံးပါ။

(၃) အဆီပြန်တဲ့ မျက်နှာမှာ လိမ်းဆေးအဆီ oil ကို မလိမ်းသင့်ပါ။ ဝက်ခြံ ပိုထွက်တတ်တယ်။

(၄) မိတ်ကပ်ရွေးရာတွင် အဆီနဲ့သိပ်ထားတဲ့ pressed powder ထက် loose powder ကိုသာ ရွေးချယ်သင့်ပါတယ်။

(၅) အစားအသောက်ပုံစံပြောင်းသင့်တယ်။ အဆီ၊ဆီကြော်စာ ၊နို့၊ကြက်ဥ၊ ပင်လယ်စာ မစားပါနဲ့။ အသီး၊အရွက်၊အစေ့အဆန်၊ အိုမီဂါသရီးပါတာ များများစားပေးပါ။ ရေများများသောက်ပါ။ အားဆေးတွေထဲမှာ vitamin A,C,B3,B5 ပါတာတွေ ကောင်းပါတယ်။

(၆) လိမ်းဆေးတွေထဲမှာ AHA(alpha hydroxy acids) နဲ့ BHA( beta hydroxy acids) ပါတာတွေ ပြောင်းလိမ်းပေးပါ။ ဒီ chemical လိမ်းဆေးတွေက ဝယ်လို့ရတယ်။ အဆီဂလင်း ဖွဲ့စည်းမှုကို တားဆီးတဲ့ပြင် ဆဲလ်သေတွေကိုပါ ဖယ်ရှားပေးနိုင်တယ်။ ဒီထဲမှာ BHA (salicylic acid)က ပိုကောင်းပါတယ်။

(၇) ဝက်ခြံထွက်နေစဉ် whitening cream, နေလောင်ကာတွေ မသုံးပါနဲ့။ အရည်ကျဲတဲ့ serum နဲ့ essence စတာတွေ ပြောင်းလဲသုံးစွဲသင့်ပါတယ်။

(၈) ဝက်ခြံပေါက်သူမိန်းကလေးများရဲ့ (၄၅)ရာခိုင်နှုန်းဟာ အသားဖြူစေတဲ့ emulsion သို့မဟုတ် cream တွေကြောင့်ဖြစ်တာ တွေ့ရှိရပါတယ်။

မူရင်းရေးသားသူ
ဒေါက်တာအေးမင်းထူး(အရေပြားအထူးကုဆရာဝန်)

💖ချစ်သောလေးတို့ ကိုယ့်အသားအရေနဲ့ ကိုက်ညီတဲ့ Skin Care Products တွေကိုသုံးပြီး နုပျိုလှပနိုင်ပါစေ💖

11/06/2023

မိုးတွင်းတောင် ရောက်နေပြီပဲ😊
မိုးရာသီဆိုတဲ့အတိုင်း နေရာတိုင်းက စိမ်းစိုလန်းဆန်းနေကြတာပဲ😇

မိုးတွင်းဆိုတော့ အရာရာတိုင်းက စိုထိုင်းထိုင်းဖြစ်နေကြတယ်။ မိုးရေ၊ အဝတ်စိုတွေ၊ အောက်သိုးသိုးအနံ့ထွက်နေပြီး မှိိုနံ့စွဲနေတဲ့ အသုံးအဆောင်တွေ၊ စေးကပ်နေတဲ့ဖုန်မှုန့်တွေကြောင့် မျက်နှာနဲ့ခန္ဓာကိုယ်မှာ အရေပြားရောဂါတွေ ဖြစ်လာနိုင်ပါတယ်။ ပွေး၊ နှင်းခူ၊ဝက်ခြံ၊ အသားအရည်ယားယံ နီမြန်းခြင်းတွေ ဖြစ်လာနိုင်ပါတယ်။

နွေရာသီတုန်းကတော့ နေရောင်ခြည်ဒဏ် ကာကွယ်အောင်၊ နေလောင်မှာဆိုးတာတွေကြောင့် ချစ်သောလေးတို့အသားအရေကို ဂရုတစိုက် ထိန်းသိမ်းကြသလို အခုလို မိုးတွင်းမှာလည်း အသားအရည်ကို သေချာကို ဂရုစိုက်သင့်ပါတယ်။

ကိုယ်လိမ်းနေကြ၊ သုံးနေကြ skin careတွေကို ပုံမှန်သုံးပေး လိမ်းပေးရမှာဖြစ်ပါတယ်။ ထို့အပြင် ကိုယ်ရဲ့တစ်ကိုယ်ရည်အသုံးအဆောင်ပစ္စည်းတွေကိုလည်း သန့်ရှင်းအောင် ထားရမှာဖြစ်ပါတယ်။ မိုးတွင်းမှာ အဖြစ်များတဲ့ အရေပြားရောဂါတွေ မဖြစ်ရလေအောင် အထူးဂရုစိုက်ပေးဖို့ လိုပါတယ်။🤗🤗

💖ချစ်သောလေးတို့လည်း ကိုယ့်အသားအရေနဲ့ ကိုက်ညီတဲ့ Skin care products တွေကို သုံးပြီး နုပျိုလှပနိုင်ပါစေ💖

10/06/2023

ချစ်သောလေးတို့ ဝက်ခြံ ကြောင့် စိတ်ညစ်နေရပြီလား😞
ဒီနေ့မှာတော့ ဝက်ခြံ ပေါက်နေရင် ဘာအစားအစာတွေ ရှောင်ရမလဲကို Sharing လုပ်ပေးသွားမှာပါ။

(၁) ဝက်ခြံထွက်စဉ် နို့နဲ့ နို့ထွက်ပစ္စည်းတွေ အဓိကရှောင်သင့်တယ်။ အထူးသဖြင့် ရောင်ရမ်းနာဝက်ခြံတွေမှာပါ။ နွားနို့က ဝက်ခြံပေါက်ခြင်းနဲ့ ဆက်စပ်နေတယ်။ နွားနို့သောက်ခြင်းဟာ IGF-1 ပမာဏကို 10-20% နှုန်း မြှင့်တက်စေတယ်။ နို့ထွက်ပစ္စည်းမှာပါတဲ့ betacellulin ဓာတ်က ဆဲလ်ကွဲပွားခြင်းနဲ့ မျက်နှာအဆီပြန်ခြင်းကို ဖြစ်စေပြီး ဝက်ခြံထွက်လာစေတယ်။

(၂) ချောကလက်ကလည်း ဝက်ခြံကို ထွက်စေတယ်။ သွေးတွင်း ဂလူးကို့စ်ပမာဏ ရုတ်တရက်တက်ရင် အင်ဆူလင်ပမာဏရုတ်တရက်များပြီး အဆီဂလင်းက ပိုထုတ်ရတယ်။ ချောကလက်စားပြီး ၄ ရက်မြောက်နေ့မှာ ဝက်ခြံဖြစ်နှုန်း ၁၄၀% တိုးပွားလာပြီး (၇) ရက်မြောက်နေ့မှာ ၁၆၀ % ထိ တိုးပွားလာတာတွေ့ရတယ်။ ဒါ့ကြောင့် ချောကလက်စားတာတွေကို ဝက်ခြံထွက်စဉ် ရှောင်ရပါမယ်။

(၃) ပြုပြင်ထားတဲ့အစားအစာတွေ၊ခေါက်ဆွဲခြောက်ထုပ်တွေဟာ insulin ပမာဏကို ရုတ်တရက် မြှင့်တက်စေနိုင်တယ်။ နောက်ဆက်တွဲအနေနဲ့ အမျိုးသားဟော်မုန်း အင်ဒရိုဂျင်ပမာဏ များလာပြီး ဝက်ခြံထွက်လာတတ်တယ်။ ဒီအချက်ကြောင့် ခေါက်ဆွဲခြောက်ထုပ်နဲ့ အသင့်စားတွေ ရှောင်ရတာဖြစ်ပါတယ်။

(၄) ကြွက်သားထုထည်တက်အောင် သောက်ရတဲ့ ပရိုတင်းပေါင်ဒါတွေ၊whey protein တွေလည်း ရှောင်သင့်တယ်။ တချို့က ကြက်ဥစားတယ်။ ကြက်ဥအနှစ်မှာ ပါတဲ့ ကိုလက်စတောက ဝက်ခြံကို ပိုဆိုးစေတယ်။ သီအိုရီတစ်ခုအရ အဆီဂလင်းကထုတ်တဲ့ sebum နဲ့ ကြက်ဥအနှစ်က ပါဝင်ဖွဲ့စည်းပုံချင်းတူလို့ ဖြစ်တယ်။

(၅) အရက်၊ကော်ဖီ၊ လက်ဖက်ရည်နဲ့ အချိုရည်တွေကလည်း ဝက်ခြံထွက်ခြင်းကို အားပေးတယ်။ နောက်တချက်က ဆီကြော်စာတွေနဲ့ အာလူးချောင်းကြော်တွေဖြစ်ပါတယ်။ ဝက်ခြံပျောက်ဖို့ အထက်ပါ အစားအသောက်တွေ စနစ်တကျရှောင်ကြဉ်ဖို့ လိုပါတယ်။

မူရင်းရေးသားသူ
ဒေါက်တာအေးမင်းထူး(အရေပြားအထူးကုဆရာဝန်)

💖ချစ်သောလေးတို့ ကိုယ့်အသားအရေနဲ့ ကိုက်ညီတဲ့ Skin Care Products တွေကိုသုံးပြီး နုပျိုလှပနိုင်ပါစေ💖

09/06/2023

မိုးရာသီမှာရော suncream လိမ်းသင့်လား❔❔

Suncream လိမ်းသင့် မလိမ်းသင့်ထက် Suncream ဘာကြောင့်လိမ်းရလဲကို အရင်ရှင်းပြချင်ပါတယ်။

ချစ်သောလေးတို့ suncreamကို ပုံမှန် သုံးပေးမယ်ဆိုရင်
🌞နေလောင်ခြင်း
🌞မျက်နှာမှာ တင်းတိပ်၊မှဲ့ခြောက်များထွက်ခြင်း
🌞အသက်အရွယ်နဲ့မလိုက် အရေးအကြောင်းများထွက်ခြင်း...အစရှိတဲ့အရေပြားပြဿနာတွေကနေ ကာကွယ်ပေးပါတယ်။

Suncream ဆိုတော့ နွေရာသီမှာပဲ သုံးသင့်တာလား...မိုးရာသီမှာရော suncream လိမ်းသင့်လား❔❔

Suncream ကို နွေရာသီတစ်ခုပဲ သုံးပေးရတာ လုံးဝ(လုံးဝ) မဟုတ်ပါဘူး။ အမြဲ အစဥ်တစိုက် ပုံမှန်သုံးပေးရတဲ့ skin care product တစ်မျိုးပါ။ အခုလို အိုဇုန်းလွှာပါးလွှာမှု၊ ပေါက်ပြဲမှုတွေကြောင့်ခရမ်းလွန်ရောင်ခြည်က အနည်းနဲ့အများမဆို တိုက်ရိုက်ထိတွေ့မိကြရပါတယ်။ Suncream လိမ်းမှသာ ထိုဒဏ်က ကာကွယ်ပေးပြီးသား ဖြစ်မှာပါ။
ချစ်သောလေးတို့ Suncreamကို ဘယ်ရာသီဥတုမဆို နေ့စဥ်လိမ်းပေးရမှာဖြစ်ပါတယ်🤗🤗

Suncreamကို ကျား မ မရွေး အသက်အရွယ် မရွေး သုံးပေးလို့ရပါတယ်။ ငယ်ရွယ်တဲ့အချိန်မှာ သုံးပေးရင်တော့ ပိုကောင်းပါတယ်။

ဘယ်Suncream အမျိုးအစားကိုပဲသုံးသုံး ညဘက်မျက်နှာသစ်တဲ့အခါ Double Cleansing လုပ်ဖို့တော့ လိုပါတယ်နော်❗

💖ချစ်သောလေးတို့ ကိုယ့်အသားအရေနဲ့ကိုက်ညီတဲ့ Skin Care Products တွေကို သုံးပြီး နုပျိုလှပနိုင်ပါစေ💖

Cosmos online shop

19/06/2023

18/06/2023

18/06/2023

17/06/2023

16/06/2023

15/06/2023

14/06/2023

13/06/2023

12/06/2023

11/06/2023

10/06/2023

09/06/2023

Address

Telephone

Website

Alerts

Contact The Business

Shortcuts

Share