Juu&Thaw MayMay

04/12/2025

Food For thoughts

မြန်မာပြည်အပြီးပြန်သွားတဲ့ကိုမင်းယျာတစ်ယောက်ဘာတွေလုပ်နေပါလိမ့်ဗျာ..

ကျနော့်အကောင့်အဟောင်းလေးဝင်မရတော့လို့ ကိုမင်းယျာနဲ့အဆက်အသွယ်မရှိတော့ပေမဲ့ ဖုန်းထဲမှာကျန်နေသေးတဲ့ကိုမင်းယျာရေးပြီး စာဖတ်သူရင်ထဲကိုရောက်ခဲ့တဲ့
ဝက်သားစားစောခဲ့တယ်ဆိုတဲ့ post လေးကို
နောက်လူတွေလည်း ဝက်သားစားစောသင့်မစောသင့် တွေးတောလို့ရအောင် ကူးယူဖော်ပြလိုက်ပါတယ်။

ကျနော်လည်း ငွေအသုံးလွန်တိုင်း
ငါဝက်သားစားစောသွားပြီလားဆို
အမြဲသတိရစေမိတဲ့စာလေးမို့ သိမ်းထားမိတာလေးပါ။❤️

ကိုမင်းယျာခင်ဗျ
ကူးယူဖော်ပြခွင့်လေးတောင်းဆိုပါတယ်။
Moezatt

Iink လေးကတော့ အကောင့်အသစ်ပါ
https://www.facebook.com/share/17fpbtbbBd/?mibextid=wwXIfr
Comment မှာလည်းထည့်ပေးထားပါမယ်။

Yar
'ဝက်သား စားတာ စောခဲ့တယ်'

ဒီနေ့ မပြောဖြစ်တာကြာပြီ ဖြစ်တဲ့ အဖေနဲ့ ဖုန်း ရတယ် ဗျ...
'သား ......ရွာမှာ အလှူ လှူဖို့ ငွေစု ပြီးပြီလား'

'မစုဖြစ်သေး ပါဘူး အဖေရာ....
သမင်မွေးရင်း ကျားစားရင်း ပါပဲ....
အရင်ဖုန်း ပျောက်သွားလို့ နောက်ထပ် အသစ်ထွက်တဲ့ iPhone လဲလိုက်တယ် အဖေ...
အသစ်ထွက်တဲ့ ဖုန်းက အရမ်းမိုက်တယ် အဖေ ရ.....' ပြောမိတော့....

'သား.... ဝက်သားစား မစောနဲ့ နော်...' လို့ မှာရှာတယ်..

ကျွန်တော် ငိုင်သွားတယ်....အဖေဘာများ ပြောပါလိမ့်.....ပေါ့။

အမြဲတမ်း ဇာတ်လမ်းလေးတွေနဲ့ ဆုံးမတတ်တဲ့ အဖေ့ အကြောင်း ပြန်စဉ်းစားတော့ အခု ဇာတ်လမ်းလေး ပြန်ထွက်လာတယ်ဗျ...။အဖေ ဆုံးမခဲ့တဲ့ ဇာတ်လမ်းလေးကို ကြိုးစားပြီး တင်ပြပေးပါ့မယ် ဗျာ...။ကြားဖူးကြမယ်လို့လဲ ထင်ပါတယ်။ .........................

'ဝက်သား စားတာ စောခဲ့တယ်'

(၁)
'ငါ...ဒီဆိုင်ကို မဝင်ဖြစ်ခဲ့ရင် ကောင်းသားကွာ' ....ဆိုတဲ့ အတွေး ရယ် ....
ယူကျုံးမရတဲ့ နောင်တ တစ်ခုရယ်...
ကြီးမား မှန်ကန်တဲ့ အသိတရားတစ်ခု ရယ် ...နဲ့ ဦးစိန်မောင် ပါးပြင်ပေါ် ရေစီးကြောင်းတစ်ခုက
ပူကနဲ စီးဆင်းသွားပါတော့တယ်။

(၂)
'သူငယ်ချင်း ဒီနေ့ ဘာဟင်းလဲဟေ့...
ငါတော့ ဝက်သားချက်တယ် လှမြင့် ရ..
စားပါ ဦး...'

'ထုံးစံအတိုင်း ကုလားပဲ ဆံကြော် လေးနဲ့ ဆီဆမ်း၊ဆားဖြူးပေါ့ စိန်မောင် ရာ...
မေးစရာ လိုသေးလို့လား ဟ'

'တစ်ခါ တလေ လေး ဝက်သားဟင်းလေးဘာလေး ချက်စားစမ်းပါဦး သူငယ်ချင်းရာ...
မနေ့က ရွာတောင်ပိုင်းက ဝက်ပေါ်လို့ စားရတာဟ...စားရခဲ တယ်...
ငါတောင်မှ ငါးပိသာ ဆွဲထားလိုက် သဟေ့။'

'ဝက်သား စားဖို့ စောပါသေးတယ် စိန်မောင် ရာ...'

စိန်မောင် တစ်ယောက် သူငယ်ချင်းဖြစ်သူ လှမြင့် အဖြစ်ကို နားမလည် ပဲ ကြောင်စီစီ ကြည့်ပါတော့တယ်။
တကယ်ဆို အခုချိန် ဝက်သား ဘာလို့ မစားသင့် မှာလဲ....နားမလည်နိုင်။ သူငယ်ချင်း နှစ်ယောက် ဒိုးတူပေါင်ဘက် လွှဆွဲ စားလာကြတာ ကြာလှ ပေါ့။

ဒီကောင် လှမြင့်ကိုက ကပ်စီး အတော်နည်းတဲ့ ကောင်...။
ကိုယ့် ဝမ်းကိုတောင် မသထာ တဲ့ကောင်။

အခုရာသီ ရွာမှာ အိမ်သစ်ဆောက်တဲ့ သူတွေ ပေါတော့ သစ်ပင်ကနေ သစ်သား ဖြစ်အောင်
လွှဆွဲစား ကြတဲ့ စိန်မောင်တို့ နှစ်ယောက် လက်မလည်အောင် အလုပ်ရကြတယ် ။
ငွေလည်း ရွှင် နေတဲ့ အချိန်ပေါ့။
ဝက်သား ကြိုက်တဲ့ စိန်မောင် အတွက်တော့
နေ့တိုင်း ဝက်သား စားရတဲ့ ရာသီပါပဲ...။
ဒီလိုအချိန်မှာ ကပ်စီးကုပ်ပြီး နေ့တိုင်း ကုလားပဲ ဆံကြော်နဲ့ ထမင်းဆီဆမ်း နေ့တိုင်း ထုပ်လာတဲ့ လှမြင့် ကို နားမလည်တာတော့ အမှန်။

အခု နှစ်ယောက်သား အလုပ်သိမ်း လို့ အိမ်ပြန်ချိန်မှာလည်း ကြည့်...
လှမြင့်က သစ်ဆွဲလို့ ထွက်လာတဲ့ ပကာသားတွေ ကြိုးနဲ့ စည်းပြီး ရွာထိ ထမ်းပြန်ဦးမယ်...။

'လှမြင့် အဲဒီ ပကာတွေက ဘာလုပ်ဦး မလို့လဲ...'

'အိမ်မှာ ထင်းဆိုက်ဖို့ပေါ့ဟ စိန်မောင်ရ'

'ဟာ....အများကြီး ကွာ...မင့်အိမ်မှာ မင့်ကလွဲလို့ ခွေးတစ်ကောင်တောင် မရှိတဲ့ တစ်ကောင်ကြွက် ပဲဟာ....'

'ငါ ထင်းဆိုက်လို့ ပိုတော့ အိမ်နီးချင်းတွေ ပေးလိုက်တာပေါ့ကွာ...ကုသိုလ်တောင်ရသေး...'

'ကြိုးစား...ကြိုးစား...လှမြင့် ရေ..
စိန်မောင်တို့က တော့ မောမယ့် အလုပ်
လေတောင် မချွန်ဘူးဟေ့...'

(၃)
'မိလှ စုထားတဲ့ ငွေ လေး ရေကြည့်စမ်းဟာ...'

'မနက်က ကျုပ်ရေကြည့်ထားတာတော့ ခြောက်ရာ အစိတ်တင်း ရှိတယ် တော့...'

'လွှက လုံးဝကို ဆွဲမရတော့ဘူး ဟ...မနက်ဖြန် မြို့တက်ဝယ်ရမယ်...
အိမ်အတွက် လိုတဲ့ ဆန်လေးရယ် နို့ညှာကောင်အတွက် အားဆေးလေးရယ် ဝယ်ခဲ့မယ်...
လိုတဲ့ ငွေလေးရာလောက်တော့ မသန်းရီဆီက တစ်ဆယ်တိုးပဲ ယူရတော့မှာပေါ့ဟာ....'

ကိုစိန်မောင် တစ်ယောက် ငယ်ငယ်ကလို တင်းတင်းရင်းရင်း မရှိတာ့ပဲ ကလေး တွေနဲ့ ဖက်သီလိုက်နေတဲ့ သူ့မိန်းမ မယ်လှရယ်..
နို့ပိန်ကို ကပ်တွယ်နေတဲ့ မယ်လှ ရင်ခွင်ထဲက နို့ညှာ ကောင်ရယ်...ကြည့်ပြီး
သက်ပြင်း လေးလေးကြီး ဆွဲမိပါတော့တယ်...

'ဟူး....ဒီ မိုးဦးကျ အိမ်လည်း မိုးရဦးမယ်...ကလေးသုံးယောက်နဲ့ လူကြီးနှစ်ယောက်စားအိုးကကြီး...။လွှဆွဲတာပဲ လုပ်စားတတ်တဲ့ စိန်မောင် အဖို့ရာသီချိန်ပြီးရင် ဝင်ငွေက မရှိပြန်...။
တော်ပါသေးရဲ့လေ...အကြီးကောင်ကြီးက လွှကူဆွဲပေးနိုင်လာလို့ပဲ ကူဖော်လောင်ဘက် လေးရလာလို့ တော်သေးတာ ....ပ။

'ဘာလိုလို နဲ့ အကြီးကောင်ကြီးတောင် ရှင်ပြုပေးရတော့မှာပါလား...ဝက်သားကျွေးလေးနဲ့ လှူလိုက်ရရင် ဘယ်လောက် ကောင်းလိုက်မလဲ...
ပြောရင်းဆိုရင်း ဝက်သားမစားရတာ ကြာပါပေါ့လား ဟာ....'

ဦးစိန်မောင် တစ်ယောက် တစ်ယောက်တည်း ညီးတွားသလို ရေရွတ်နေရင်းက မစားရတာကြာပြီဖြစ်တဲ့ ဝက်သားဟင်းလေးကို မြင်ယောင်ရင်း လည်ချောင်းထဲမှာ
'ဂလု' ကနဲ တံတွေးမြိုချ လိုက်မိပါတော့တယ်။

(၄)
'လှမြင့် ကုန်မာဆိုင်'

ဆိုင်ကြီးက ကြီးမားကျယ်ဝန်းသလောက် ပစ္စည်း အမျိုးစားတွေကလည်း စုံလင်တာကို ကိုစိန်မောင်တစ်ယောက် တဆိုင်လုံး ပတ်ကြည့်ရင်း သွားရည် ကျမိတယ်....။ဘေးမှာလည်း သုံးထပ်တိုက်ကြီးနဲ့ ချမ်းသာလိုက်ကြတာ။
သစ်ဆွဲလွှတွေ ထားတဲ့ နေရာအရောက် ကြည့်နေရင်းက
အင်း ...လိုချင်တာက ဂျပန်ဘဲငန်းတံဆိပ်၊ ဈေးက ရှစ်ရာကျော် ဘယ်လိုမှ မကပ်နိုင်၊ ဒါနဲ့ တရုတ်ဖြစ် လွှတစ်ချောင်းကိုပဲ မျက်စိမှိတ်ယူပြီး ကောင်တာငွေရှင်းဖို့အသွား....
ကောင်တာမှာ ထိုင်နေတဲ့ သန့်ပြန့်နေတဲ့ လူတစ်ယောက်က...

'ဟာ...သူငယ်ချင်းစိန်မောင် ဘာလာလုပ်တာလဲ.. '

'ကျုပ် ...ကျုပ် လွှလာဝယ်တာပါ....'

'ဟေ့ကောင် ဘာတွေ ကြောင်နေတာလဲ...စကားတွေတောင်ထစ်လို့ကွာ....ငါ မင်းနဲ့ လွှ အတူဆွဲခဲ့တဲ့ လှမြင့်လေကွာ...'

ကိုစိန်မောင်တစ်ယောက် ဆွံ့အ မှင်သက်နေရင်း သန့်ပြန့်နေတဲ့ သူဌေးလှမြင့်ကို ကြည့်ရင်းက ဟောင်းနွမ်း ညစ်ပေပြီး အဘိုးအိုရုပ် ပေါက်နေတဲ့ ကိုယ့်အဖြစ်ကို သိမ်ငယ်စွာ ငုံ့ကြည့်မိ နေပါတော့တယ်။

'ကဲ အံ့ဩနေလဲ ပြီးမှ အံ့ဩတော့ ကွာ ...လာ ဆိုင်ဘေးက ငါ့အိမ်သွားရအောင်...
အိမ်မှာ မင်းကြိုက်တဲ့ ဝက်သားချက်တယ်ကွ'
လှမြင့်က သူအိမ်ခေါ်သွားပြီး ကိုစိန်မောင်ကို ထမင်း ကျွေးပါတော့တယ်....။

ကိုစိန်မောင်တစ်ယောက် ဆယ်စုနှစ်လောက် မစားရတာ ကြာပြီဖြစ်တဲ့ ဝက်သားဟင်းနဲ့ ထမင်းကို ခေါင်းမဖေါ်နိုင်အောင် စားနေပါတယ်။ ကိုလှမြင့်ကတော့ ပီတိအပြုံးတွေနဲ့ ကြည့်လို့ပေါ့...။

စားလို့ သောက်လို့ အပြီးမှာတော့ ရှေးဟောင်းနှောင်းဖြစ်တွေ ပြောကြရင်း ....

'ကဲ ...စိန်မောင် အခု လာဝယ်တဲ့ လွှကို မဝယ်တော့နဲ့....ဒီထက်ကောင်းတဲ့ လွှ ငါလက်ဆောင် ပေးလိုက်မယ်...ဟုတ်ပြီလား..
အိမ်က ကလေးတွေဖို့လည်း ဝက်သားဟင်းတွေ မုန့်တွေ ထည့်ပေးလိုက်မယ်...'

'ဘုရားမတာပဲ...ကျေးဇူးပါလှမြင့်ရာ....အခု လာဝယ်တာ ငွေတိုး ယူခဲ့ရတာဟ...
ဒါနဲ့ လှမြင့် ....ငါတို့မတွေ့ဖြစ်တဲ့ ၁၅ နှစ် အတွင်း မင်းဘယ်လိုဖြစ်ပြီး ဒီလောက်ချမ်းသာ သွားတာလဲ.....
သိန်းထီပေါက်လို့လား....
ချမ်းသာတဲ့ မိန်းမရလို့လား.....
ရွှေထုပ်ကြီး ကောက်ရလို့လား...'

ကိုလှမြင့်ရဲ့ ပြန်ဖြေတဲ့ အဖြေကို သိရချိန်မှာတော့ ကိုစိန်မောင် တစ်ယောက် နောင်တကြီးစွာ ခေါင်းငိုက်စိုက် ကျသွားခဲ့ပါတော့တယ် ..။

'မင်း ပြောတာ တစ်ခုမှ မဟုတ်ဘူး စိန်မောင်၊
ငါပြောခဲ့ဖူးတယ် မဟုတ်လား သူငယ်ချင်း..
ဝက်သားစားဖို့ စောသေးတယ် ဆိုတာလေ....
မင်းက ဝက်သားဟင်းနေ့တိုင်းစားနေတဲ့အချိန်က ငါ ကုလားပဲကြော် တစ်ဆုပ်နဲ့ ထမင်းစားခဲ့တယ်...
ငါ ငွေကို ချွေတာပြီး စုဆောင်းခဲ့တယ်....
ငါ အခု နေ့တိုင်း တသက်လုံး ဝက်သားဟင်းချည်းပဲ စားဦးမလား ....စားလို့ရပြီ လေ....

သူငယ်ချင်း....
'မင်း ဝက်သားစားတာ စောခဲ့တာကိုး ဟ
စိန်မောင် ရ'

*ကျွန်တော်လည်း ဝက်သားစား
စောမိခဲ့ပါတယ် ဗျာ *

19/11/2025

19/11/2025

ဖုန်းသုံးတဲ့ ကလေးတွေမှာရှိတဲ့
အကြီးမားဆုံး ပြဿနာ (၄) ခု

ကလေးတွေက ဖုန်းကို ကိုင်လိုက်တာနဲ့
သူတို့ကမ္ဘာကြီးထဲမှာ
ပျော်ဝင်သွားတာပဲနော်။
ဒါပေမဲ့ အဲ့ဒီလို ပျော်ဝင်နေရင်းနဲ့
သူတို့ရဲ့ဘဝမှာ ကြီးကြီးမားမား
ထိခိုက်လာနိုင်တဲ့ ပြဿနာ ၄ မျိုးကတော့...

၁။ အာရုံစူးစိုက်မှု ပျက်ယွင်းပြီး စာမလိုက်နိုင်တာ (Learning and Focus Issues)
ဘယ်လိုဖြစ်လဲ
ဖုန်းထဲက အကြောင်းအရာတွေက
မြန်ဆန်တယ်၊ စိတ်ဝင်စားစရာ
ကောင်းတယ်။
Tik Tok လိုမျိုးတွေဆို
ခဏလေးနဲ့ တစ်ခုပြီးတစ်ခု
ပြောင်းသွားတယ်။
ဒီလို မြန်နှုန်းမြင့်
ကမ္ဘာနဲ့ အသားကျသွားတဲ့အခါ၊
ကျောင်းစာလို၊ စာအုပ်ဖတ်တာလိုမျိုး
အကြာကြီး အာရုံစိုက်ပြီး
ငြိမ်ငြိမ်လေး လုပ်ရတဲ့ အရာတွေ ကို
သူတို့ရဲ့ ဦးနှောက်က ငြီးငွေ့လာတယ်။

စာသင်ခန်းထဲမှာ အာရုံပျံ့လွင့်လွယ်တယ်။
စာကျက်တာ၊ စာဖတ်တာကို
သည်းခံနိုင်စွမ်း နည်းသွားတယ်။
ဒါကြောင့် စာသင်ကြားမှုနဲ့ ပညာရေးမှာ
ထိခိုက်မှုတွေ ဖြစ်လာစေတယ်။

၂။ စိတ်ပိုင်းဆိုင်ရာနဲ့ လူမှုဆက်ဆံရေး ပြဿနာ (Mental Health and Social Problems)
ဘယ်လိုဖြစ်လဲ
ဖုန်းမှာ အချိန်ကုန်များလာတဲ့အခါ
တကယ့်လူ့လောက က
သူငယ်ချင်းတွေနဲ့ ဆော့ကစားတာ၊
စကားပြောတာတွေ
လျော့နည်းသွားတယ်။
သူတို့ရဲ့ လူမှုဆက်ဆံရေးဟာ
မျက်နှာချင်းဆိုင် မဟုတ်ဘဲ
အွန်လိုင်းပေါ်မှာသာ အခြေပြုလာတယ်။

"Social Media" မှာ မြင်နေရတဲ့
တခြားသူတွေရဲ့ ပြီးပြည့်စုံတဲ့
ပုံရိပ်တွေနဲ့ ကိုယ့်ကိုကိုယ် နှိုင်းယှဉ်ပြီး
စိတ်ဓာတ်ကျတာ၊ စိုးရိမ်ပူပန်တာ
တွေ ဖြစ်လာနိုင်တယ်။ ပြီးတော့
တကယ့်ဘဝမှာ စိတ်ခံစားမှုတွေကို
ဘယ်လိုကိုင်တွယ်ရမယ်၊
လူချင်းတွေ့တဲ့အခါ ဘယ်လို
စကားပြောရမယ်ဆိုတဲ့ လူမှုဆက်ဆံရေး
စွမ်းရည် (Social Skills) တွေ
အားနည်းသွားစေတယ်။

၃။ အိပ်ရေးပျက်ပြီး ကျန်းမာရေး ထိခိုက်တာ (Sleep and Physical Health)
ဘယ်လိုဖြစ်လဲ
ညဘက် အိပ်ရာမဝင်ခင်
ဖုန်းကို စိုက်ကြည့်တာဟာ
အကြီးမားဆုံး ပြဿနာပဲ။
ဖုန်းမျက်နှာပြင်က ထွက်တဲ့
အပြာရောင်အလင်း (Blue Light)
က ကျွန်တော်တို့ရဲ့ ဦးနှောက်ကို
အိပ်ချင်စိတ်ဖြစ်စေတဲ့
မယ်လတိုနင် (Melatonin) ဟော်မုန်း
ထုတ်လုပ်မှုကို တားဆီးပစ်တယ်။

ကလေးတွေဟာ အိပ်ချိန်မမှန်ဘဲ
အိပ်ရေးပျက်တယ်။
အိပ်ရေးပျက်တော့
နောက်နေ့ ကျောင်းမှာ မလန်းဆန်းဘဲ
ငိုက်မယ်၊ စိတ်တိုလွယ်မယ်။
ဒါ့အပြင် တစ်ချိန်လုံး ခေါင်းငုံ့ပြီး
ဖုန်းကြည့်နေရတဲ့အတွက်
လည်ပင်းနာတာ၊ မျက်စိညောင်းတာ၊
ခါးနာတာ စတဲ့ ကိုယ်ခန္ဓာဆိုင်ရာ
ပြဿနာတွေလည်း ပါလာစေတယ်။

၄။ စွဲလမ်းမှုနဲ့ မိဘစကားနားမထောင်တာ (Addiction and Behavioral Issues)
ဘယ်လိုဖြစ်လဲ
ဖုန်းကြည့်တာ၊ ဂိမ်းဆော့တာဟာ
ဦးနှောက်ထဲမှာ ပျော်ရွှင်မှုကို
ပေးတဲ့ ဒိုပါမင်း (Dopamine) ကို
လွယ်လွယ်ကူကူ ထုတ်ပေးတယ်။
ဒီလို ပျော်ရွှင်မှုကို အလွယ်ရနေတော့
ကလေးတွေဟာ ဖုန်းကို မသုံးရရင်
မနေနိုင်တဲ့ စွဲလမ်းမှု ဖြစ်လာတယ်။

မိဘတွေက ဖုန်းသိမ်းတာ၊
အချိန်ကန့်သတ်တာ လုပ်တဲ့အခါ
စိတ်တိုမယ်၊ ဒေါသထွက်မယ်၊
ငြင်းဆန်မယ်။
ဒီလိုနဲ့ မိသားစုဝင်တွေကြား
ဆက်ဆံရေး တင်းမာလာပြီး
ကလေးရဲ့ အပြုအမူပိုင်းဆိုင်ရာ
ပြဿနာတွေ (Behavioral Problems)
ပိုမို ကြီးထွားလာစေတာ ဖြစ်ပါတယ်။

ဒီအချက် ၄ ချက်က
ကလေးဖုန်းသုံးစွဲမှုနဲ့ ပတ်သက်ပြီး
မိဘတွေ အသိဆုံးဖြစ်စေဖို့
အရေးကြီးဆုံး ပြဿနာတွေပဲဖြစ်ပါတယ်။

ရေးသူ 𝐊 𝐊𝐡𝐚𝐢

#𝐊𝐊𝐡𝐚𝐢 Page မှ ရေးသားတင်ဆက်သည်။

09/11/2025

အိမ်မှာ အလုပ်လာလုပ်ပေးတဲ့မိန်းကလေးကို ကျွန်မက လစဥ် ဆန်တစ်အိတ် ဆီတစ်ပုံးပါ ပေးပါတယ်။ ဆန်တွေ ဆီတွေနဲ့ သူအိမ်ပြန်သွားတဲ့နေ့ဆိုရင် သူ့အိမ်နားဝန်းကျင်က လူတချို့ လာပြီး ဆန်လေးတွေ ဆီလေးတွေ ချေးကြတယ်လို့ ဆိုပါတယ်။ ဘေးအိမ်က အဒေါ်ကြီးက ဆန်နှစ်လုံး ချေးသေးတယ်။ သူ့သမီးဆီက လခရရင် ပြန်ဝယ်ပေးမယ်တဲ့။ အိမ်ရှေ့က အစ်မကြီးက ဆီလေး နှစ်ဇွန်းလောက် ချေးသေးတယ် စသည်ဖြင့် ကျွန်မကို ပြောပြတတ်တယ်။ ဒါပေမဲ့ သူကတော့ ပြန်တောင်းမနေပါဘူး။ ပြန်ပေးမနေနဲ့ဒေါ်ကြီးဆိုပြီး လှူလိုက်တယ် ပေးလိုက်တယ်လို့ ပြောပါတယ်။ ကောင်းလိုက်တာ.. မရှိတဲ့ကြားက လှူဖြစ်နေတာပေါ့လို့ သာဓုခေါ်လိုက်ရပါတယ်။

သူလည်း အဆင်ပြေတယ်မဟုတ်ဘဲ ရုန်းကန်နေရသူပါပဲ။ သူ့အမျိုးသားလည်း အလုပ်မရှိရှာဘူး။ ကလေးနှစ်ယောက်နဲ့ အိမ်ဌားခနဲ့ ရွာက မိဘတွေတစ်ခါတလေ ထောက်ပံ့ရတာနဲ့ တစ်ယောက်တည်း ပတ်ချာလည်ရိုက်နေတယ်။ ဒီထဲကမှ သူရတာလေးတွေကို လျော့သွားမှာ ကုန်သွားမှာ မစိုးဘဲ ပေးတယ်၊ ဝေတယ်ဆိုတာ စိတ်ဓာတ်အားဖြင့် ပြည့်စုံကြွယ်ဝတဲ့ Abundance Mentality ရှိလို့ပဲ ဖြစ်ပါတယ်။

မြန်မာစကားမှာတော့ မရှိလို့မလှူ၊ မလှူလို့မရှိ ဆိုပြီး ပြောကြတယ်။ အင်္ဂလိပ်စကားမှာတော့ Giving is the secret source of Abundance လို့ ဆိုကြတယ်။ Giving ဆိုတာ ပေးကမ်းခြင်းဖြစ်ပြီး Abundance ဆိုတာ ကြွယ်ဝပြည့်စုံခြင်းကို ဆိုလိုပါတယ်။ ပြည့်စုံကြွယ်ဝခြင်းရဲ့ လျှို့ဝှက်ချက်အရင်းအမြစ်ဟာ ပေးကမ်းလှူဒါန်းခြင်းပဲ ဖြစ်ပါသတဲ့။ ပေးလေ ရလေပါပဲ။ Abundance Mentality ဆိုတာက ပြည့်စုံကြွယ်ဝတဲ့ စိတ်ဖြစ်ပါတယ်။ တချို့ဆင်းရဲပေမဲ့ ပေးချင်ကမ်းချင်တဲ့စိတ်ရှိတယ်။ တချို့ချမ်းသာပေမဲ့ ကပ်စေးနဲနေတဲ့သူရှိတယ်။

Abundance Mentality ရဲ့ ဆန့်ကျင်ဘက် Lack Mentality ဆိုတာကိုတော့ တိုရေရှားရေစိတ်ဓာတ်လို့ ပြောရမယ်ထင်ပါတယ်။ Lack Mentality ကို Scarcity Mentality လို့လည်း ပြောကြတယ်။ ပါးရှားတဲ့ စိတ်မျိုးပေါ့။ တစ်ခုခုကို မပေးချင်ဘူး။ ကုန်သွားမှာစိုးတယ်။ ငါ့အတွက်မလောက်ငှဘူး။ မကျန်တော့မှာ စိုးတယ် စသည်ဖြင့် တွေးတောတတ်တဲ့စိတ်ဟာ Lack Mentality ပဲ ဖြစ်ပါတယ်။ Fear Based ကြောက်ရွံ့ခြင်းမှာ အခြေခံတယ်။

ကြောက်နေတော့ Energy တွေ ကျတယ်။ လှူဒါန်းပေးကမ်းခြင်းနဲ့ ပတ်သက်ရင် ငါတော့ သိပ်မလှူတော့ဘူး။ လှူတာများသွားပြီ စုထားတာထဲက လျော့သွားလို့မဖြစ်ဘူး။ တော်ပါပြီလေ။ တစ်ထောင်မလှူတော့ဘူး။ တစ်ရာပဲ လှူတော့မယ်စသည်ဖြင့် ရည်မှန်းထားတဲ့အတိုင်းမဟုတ်ဘဲ လျှော့လှူတာ ကန့်သတ်ချက်တွေနဲ့လှူတာ သံသယတွေနဲ့လှူတာဟာ Lack Mentality ပါပဲ။

တစ်ခါတလေကျတော့လည်း လူတွေမှာ Lack Mentality ကပိတ်ဆို့ကာဆီးနေတတ်ပါတယ်။ ကျွန်မကိုယ်တိုင် ပေးတာ
နဲ့ ပတ်သက်ပြီး စိတ်ထဲကပါသလောက် မလုပ်ဖြစ်ဘဲ လုပ်ခါနီးမှ လျှော့လိုက်တာမျိုးတွေရှိတယ်။ ကိုယ့်ကိုယ်ကိုယ် သိပ်မကျေနပ်ဘူး။ Limitation အကန့်အသတ်တွေနဲ့ ပေးလိုက်တယ်။ အဲဒီအချိန်တုန်းက ကျွန်မရတဲ့ လာဘ်လာဘတွေဟာလည်း အကန့်အသတ်တွေနဲ့ပဲလာတယ်။

ပိုက်ဆံဆိုတာ မသေသရွေ့ပြန်ရှာလို့ရပါတယ်။ သေသွားရင် ရှာထားသမျှ မလှူလိုက်ရဘူးဖြစ်နေမယ်ဆိုတဲ့ စိတ်နဲ့လှူလာတဲ့အခါ ခုတော့ စိတ်ကပါသလောက် လက်ကရောက်တဲ့ Abundance Mentality ကို ရလာတယ်။ဆန်၊ ဆီ၊ ခေါက်ဆွဲခြောက်စသည်ဖြင့် အထုပ်လေးတွေထည့်ထားပြီး သွားလေရာမှာ လိုအပ်တဲ့သူတွေ ပေး
ပါတယ်။ ဒါကိုသိတဲ့လူတစ်ယောက်က ကျွန်မကို ဆီလေးတစ်ပုလင်းလောက်ပေးပါလို့ တစ်ရက်က ပြောလာတယ်။ သူ့ကို ဆီတစ်ပုလင်းသာမက ဆီတစ်ပုံး၊ ဆန်တစ်အိတ်ပါ ယူသွားပါလို့ ပြည့်စုံအောင်ပေးကမ်းနိုင်တဲ့အတွက် ဝမ်းသာမိတယ်။
စိန်တွေရွှေတွေမပေးနိုင်ပေမဲ့ ဆန်ဆီစားစရာလောက်တော့ပေး
နိုင်တယ်။ အမြဲအသင့်ရှိနေတယ်။ အားရပါးရပဲ ပေးချင်တယ်။ သူများတွေ အားရပါးရ ပေးတာတွေ့ရင်လည်း ဝမ်းသာမိတယ်။

ပိုင်းလော့ဆရာတော်ကြီးကလည်း ပေး
တဲ့အခါ စလယ်ဆုံး ဖြူဖြူစင်စင် ပျော်ပျော်ရွှင်ရွှင် ဖြစ်ရမယ်လို့ဆိုတာ နာဖူးတယ်။ ဒီလိုပေးခွင့်ရတဲ့အတွက် ကိုယ့်ကိုယ်ကိုယ်လည်း အားရှိလာတယ်။ Energy တွေရလာတယ်။ မကုန်သွားဘူး။ ထပ်ရလာဦးမယ်။ ပေးလို့ရသေးတယ်ဆိုတဲ့ ယုံကြည်မှုလည်းပေါ်လာတယ်။ Turst Based ဖြစ်လာပါတယ်။ အများကြီး မချမ်းသာပေမဲ့ မခက်ခဲတော့ဘူး။ လိုချင်တယ်လို့ စိတ်ကဖြစ်ရင် ပေးတဲ့သူပေါ်လာတာတွေလည်း မကြာခဏကြုံရတာ အမှန်ပါပဲ။

Lack Mentality က Negative Energy ဖြစ်တယ်။ Abundance Mentality ကတော့ Positive Energy ဖြစ်တယ်။ Abundance Mentality နဲ့ Lack Mentality ရဲ့ ကွဲပြားခြားနားချက်လေးတွေကိုလည်း ဖော်ပြပေးလိုက်ပါတယ်။

Abundance Mentality
(ပြည့်စုံ ကြွယ်ဝသောစိတ်)

🐞ကိုယ့်ဘဝကို ကျေးဇူးတင်တတ်သလို သူများအပေါ်လည်း ကျေးဇူးတင်တတ်တယ်။
🐞အားလုံးအတွက် လုံလောက်ပါတယ်လို့တွေးတယ်။
🐞တခြားသူတွေကို အသိအမှတ်ပြုတယ်။ ဝမ်းသာပေးတယ်။
🐞အခုလက်ရှိဘဝမှာ ရနေတဲ့အရာတွေကို သတိထားမိ မြင်မိတယ်။
🐞Trust Basedယုံကြည်မှုကို အခြေခံထားတယ်။ကောင်းသော စွမ်းအင်တွေကို ပွားလာစေတယ်။
🐞ကိုယ် ဘယ်လိုပေးရမလဲ စဉ်းစားနေတယ်။

Lack Mentality
(တိုတောင်းရှားပါးတဲ့စိတ်)

🐞ကိုယ့်ဘဝကိုရော သူများတွေကိုပါ ကျေးဇူးမတင်တတ်ဘူး။
🐞ဘယ်သူ့အတွက်မှ လုံလုံလောက်လောက်မရှိဘူးလို့ တွေးတယ်။
🐞မနာလိုစိတ်ရှိတယ်။
🐞အခုလက်ရှိဘဝမှာ ရနေတာတွေကို မမြင်တတ်ဘူး။
🐞Feared basedကြောက်ရွံစိတ်ကိုအခြေခံတယ်။
🐞energyကောင်းသောစွမ်းအင်တွေ လျော့ကျသွားစေတယ်။
🐞ကိုယ့်အတွက်ဘာရှိလဲပဲ စဉ်းစားတယ်။

ဒါနပါရမီဖြည့်ဆည်းတဲ့နေရာမှာ ဒီစိတ်နှစ်မျိုးကြောင့် ဘယ်လိုအကျိုးရလဒ်တွေရနိုင်သလဲဆိုတာ သိစေချင်လို့ Lack Mentalityနဲ့ Abundance Mentality အကြောင်းလေးကို ရေးတင်ပေးလိုက်ပါတယ်။

မွန်ဟော်စီ
၂၀၂၁




#မနက်စာအာဟာရ

08/11/2025

မြန်မာတွေက ကလေးကို IQ မြင့်ဖို့
စာပဲလှိမ့်သင်ပေးနေတယ်
အရေးကြီးတာက EQ , SQ, AQ တွေ ကောင်းဖို့ပါ

ခုခေတ် စိတ်ပညာရှင်တွေရဲ့ သိပ္ပံနည်းကျ သတ်မှတ်ချက်က..
လူတွေရဲ့ အသိဉာဏ်ကို တိုင်းတာတဲ့စနစ်ဟာ
အခြေခံအားဖြင့် ၄ မျိုးတောင် ရှိလာသတဲ့..။

* အိုင်ကျူ (IQ)
* အီးကျူ (EQ) နှစ်ခုနဲ့တင် မကဘဲ..
* အက်စ်ကျူ (SQ)
* အေကျူ (AQ) ဆိုတဲ့.. နှစ်ခုပါ ထပ်တိုးလာပါတယ်။

အရှည်ကတော့ ...

1) Intelligence Quotient (IQ)
2) Emotional Quotient (EQ)
3) Social Quotient (SQ)
4) Adversity Quotient (AQ) တို့ပဲ.. ဖြစ်ပါတယ်။

အကျယ်နည်းနည်းချဲ့.. ရှင်းပြပါ့မယ်။

1) Intelligence Quotient (IQ)
☘️☘️☘️☘️☘️☘️☘️☘️☘️

အိုင်ကျူလို့ အများသိတဲ့.. အသိဉာဏ် လယ်ဗယ်က..
တကယ်တော့ ကျိုးကြောင်းဆက်စပ် တွေးခေါ်မှုကို
တိုင်းတာရုံ သက်သက်ပဲ။

သင်္ချာပုစ္ဆာတွေကို.. ဖြေရှင်းနိုင်တယ်၊
အဖြစ်အပျက်တွေကို.. မှတ်မိတယ်၊
အတွေ့အကြုံထဲကနေ.. သင်ခန်းစာ ယူနိုင်တယ်၊ ဒါပဲ..။
အဲ့ဒါက.. ခင်ဗျားတို့ရဲ့ IQ level ပါပဲ..။

မြန်မာကျောင်းစနစ်ဆိုရင်တော့
စာတော်တာ IQ ကောင်းလို့လို့ သတ်မှတ်တတ်ကြတယ်။
တကယ်က မြန်မာကျောင်းစနစ်က
အလွတ်မှတ်များနေတဲ့စနစ် တစ်ခုသာသာ သာဖြစ်ပါတယ်။

2) Emotional Quotient (EQ)
📌📌📌📌📌📌📌📌📌

အီးကျူကျတော့..
လူအများနဲ့ မင်းရဲ့ဆက်သွယ်မှု လယ်ဗယ်ကို..
တိုင်းတာတာ ဖြစ်တယ်။
စိတ်ဓာတ် တည်ငြိမ်ရင့်ကျက်မှုကို ဆိုလိုပါတယ်။

လူအများနဲ့ ဆက်ဆံတဲ့အခါ..
မင်းဘယ်လောက် အဆင်ပြေလဲ❓
မင်း ဘယ်လောက် ရိုးသားမှုရှိလဲ❓
တာဝန်ယူမှု တာဝန်ခံမှု ရှိလား❓
လူသားအချင်းချင်း.. လေးစားတန်ဖိုးထားသလား❓
ယဉ်ကျေးသိမ်မွေ့စွာ.. ပြောဆိုဆက်ဆံနိုင်လား❓
သူများ ပါစင်နယ်ကိစ္စတွေကို.. လေးစားထိန်းသိမ်းပြီး..
ကိုယ်ချင်းစာနာ တွေးခေါ်ပေးနိုင်လား❓
ဒါတွေအားလုံးက.. ခင်ဗျားတို့ရဲ့.. EQ level ပါပဲ..။

မြန်မာတွေမှာ လိုအပ်ချက်ကတော့ EQ ပါဘဲ။
ဥပမာ သူတပါး personal ကိစ္စဆိုလည်း
လေးစားစွာ ထိန်းသိမ်းထားဖို့ကို ညံံ့ကြတယ်။
ကိုယ်နှုတ်ကို မနိုင်တာ
စောင့်စည်းပေးရမှန်း မသိတာတွေ တွေ့ရပါတယ်။

ကိုယ့်ပြောခံရပြီဆိုလည်း ထစ်ခနဲဆို ဒေါသထွက်လွယ်တယ်
ပြဿနာရှာတယ်။
ကိုယ်စိတ် ကိုယ်မထိန်းနိုင်ကြတာ အများကြီးပါပဲ။
ကိုယ်ရဲ့ တဒင်္ဂ ဖြစ်ပေါ်လာတဲ့ Emotion နောက်
လိုက်သွားကြတဲ့သဘောပါ။

အသက်သာကြီးလာပြီး
ကိုယ်နှုတ်စောင့်စည်းနိုင်မှုနည်းသူ၊
စိတ်ဓာတ်ရင့်ကျက်မှု နည်းသူတွေကို
EQ နည်းတယ် လို့ ပြောလို့ရတယ်။

3) Social Quotient (SQ)
💋💋💋💋💋💋💋

ဒါကတော့.. ကိုယ့်ရဲ့ မိတ်ဆွေ၊ အပေါင်းအသင်း၊
သူငယ်ချင်း၊ မိသားစု ဆွေမျိုးတွေကြားမှာ..
ဘယ်လောက်ထိ အချိန်ကြာကြာ..
ရင်းနှီး ဆက်သွယ်မှုတွေကို ထိန်းထားနိုင်လဲ❓
ဘယ်လောက်ထိ ကိုယ့်ရဲ့ အသိုင်းအဝိုင်းနဲ့..
ပေါင်းသင်းဆက်ဆံရေး ကွန်ယက် ကျယ်ပြန့်သလဲ❓
ဒါတွေကို.. တိုင်းတာနိုင်တာက..
ဆိုရှယ် SQ level ဖြစ်ပါသတဲ့..။

မြန်မာတွေ ပြောလေ့ပြောထရှိတဲ့
ကိုယ့်ထမင်း ကိုယ်ရှာစားတာ ဘယ်သူ့ဂရုစိုက်ရမှာလဲ နဲ့ ……
ဂျပန်လူမျိုးတစ်ယောက် ဆိုင်တစ်ဆိုင်ဖွင့်ရင်
သူ့ပတ်ဝန်းကျင် Society အတွက်
သူ့ဆိုင်က ဘာအကျိုးပြုနိုင်မလဲ ဆိုတဲ့အတွေးအခေါ် ကို
နှိုင်းယှဉ်ကြည့်ပါ SQ သဘောတစ်ခုပါပဲ။

SQ ဆိုတာ အပေါင်းအသင်းဆံ့တာ တစ်ခုတည်းမဟုတ်ဘဲ
ပတ်ဝန်းကျင်ကို ဘယ်လောက်အကျိုးပြုသလဲ လဲပါတယ်။
မိတ်ဆွေကောင်း ပေါသူ၊
မိတ်ဆွေတွေနဲ့ ပတ်ဝန်းကျင်ရဲ့ ယုံကြည်ခြင်းခံရသူတွေဟာ
ဘာလုပ်လုပ် အဆင်ပြေကြတာများပါတယ်။

4) The Adversity Quotient (AQ):
🚀🚀🚀🚀🚀🚀🚀🚀🚀🚀

အရေးအကြီးဆုံး အေကျူ ဆိုတာက..
ဘဝမှာ တွေ့ကြုံလာရသမျှ..
ခက်ခဲကြမ်းတမ်းတဲ့ ပြောင်းလဲမှုတွေကို
ရဲရဲရင်ဆိုင် ဖြေရှင်းကျော်လွှားနိုင်တဲ့စွမ်းရည်လယ်ဗယ်တဲ့..။
အဲ့ဒါ.. AQ level တဲ့..။

မြန်မာစကားနဲ့ ပြောရရင်...
လောကဓံကို မင်း ဘယ်လောက်ခံနိုင်စွမ်း ရှိမလဲပေါ့ ⁉️

အေကျူလယ်ဗယ်ပေါ် မူတည်ပြီး..
လူတွေဟာ ကိုယ့်ကိုယ်ကို သေကြောင်းကြံမယ့်သူတွေ၊
မိသားစုကို စွန့်ခွာ၊ ကိုယ့်ရင်သွေး ကိုယ်စွန့်ပစ်တဲ့သူတွေ..
ဖြစ်လာကြတာပါတဲ့..။
အေကျူလယ်ဗယ် နိမ့်သူတွေက..
ပြဿနာတို့ ဒုက္ခတို့ကို.. #ရင်မဆိုင်နိုင်ကြသူတွေပေါ့။
တနည်း သတ္တိကြောင်သူတွေပေါ့။

မြန်မာတွေက လောကဓံနဲ့ကြုံလို့ တစ်ခုခုကျရှုံးသွားရင်
#ကံကိုဘဲ_ပုံချတတ်ကြပြီး အခွင့်အရေးရှိနေပါရဲ့နဲ့
ပြန်မကြိုးစားကြဘူး။ ဒါလဲ AQ နည်းခြင်းတစ်မျိုးဘဲ။

IQ , EQ , SQ, AQ. နှိုင်းယှဉ်လေ့လာချက်
🍄🍄🍄🍄🍄🍄🍄🍄🍄🍄🍄🍄🍄

လက်တွေ့ မှာ ဘဝကို အောင်အောင်မြင်မြင်နဲ့ ဖြတ်သန်းပြီး..
အများထက်ပိုတဲ့ ထိပ်ဆုံးနေရာတွေ ရောက်ရှိနေသူတွေဟာ..
ဒုတိယ နဲ့ တတိယဖြစ်တဲ့..
EQ နဲ့ SQ လယ်ဗယ်မြင့်မားသူတွေသာ ဖြစ်ပါသတဲ့..။

အများထင်တဲ့.. IQ မြင့်သူတွေ မဟုတ်ကြဘူး။
သူတို့ အိုင်ကျူက.. ပုံမှန်ပဲတဲ့..။

အိုင်ကျူမြင့်တယ်ဆိုတဲ့ သူတွေဟာ..
နောက်ဆုံးမှာ EQ နဲ့ SQ မြင့်တဲ့
ဘောစိသူဌေး လုပ်ငန်းရှင်တွေဆီမှာ..
#လခစား_ဝန်ထမ်းဘဝနဲ့ သူတို့ဘဝကို.. နိဂုံးချုပ်ရတယ်
လို့တောင် ပြောရမလိုဖြစ်နေပါတယ်။

ဝမ်းနည်းစရာကောင်းတာက..စာသင်ကျောင်းတွေဟာ..
အိုင်ကျူလယ်ဗယ်မြင့်မားအောင်
လုပ်ပေးတဲ့ သင်ကြားနည်းတွေက များနေပြီး..
EQ နဲ့ SQ level ကို တိုးတက်လာအောင်
ပြုလုပ်ပေးတဲ့ သင်ရိုးပြဌာန်းချက် ပရိုဂရမ်တွေက..
အင်မတန် နည်းနေတုန်းပဲတဲ့..။
(တိုးတက်နေတဲ့နိုင်ငံက
သူတို့ဆီက ကျောင်းတွေမှာတောင်နော်)
မြန်မာပြည်မှာဆိုရင်တော့ ဝေလာဝေးပဲ။

တကယ်တော့.. EQ က
ကိုယ့်ရဲ့ ပင်ကိုစရိုက် သဘာဝကို ဖော်ပြပြီး..

SQ ကျတော့.. အဲဒီ့ ကိုယ့်စရိုက်က ကိုယ့်ပတ်ဝန်းကျင်ကို..
ဘယ်လောက်ထိ သက်ရောက်သွားလဲလို့.. ဖော်ပြတာပါတဲ့။

အထက်က IQ , EQ , SQ ၃ ခု ကောင်းလို့
အောင်မြင်လာပြီပဲဆိုပါစို့
လောကဓံရဲ့ အထုအထောင်း မခံရတဲ့သူ မရှိပါဘူး။

ကိုယ်အမှား မပြုသော်လည်း
ကိုယ့်ဆီလာတဲ့ လောကဓံတွေ ရှိပါတယ်။
ဥပမာ စက်ရုံ မီးလောင်သွားတယ်။
အစိုးရဥပဒေ အပြောင်းအလဲကြောင့်
လုပ်ငနိးရပ်ဆိုင်းသွားတယ်။ စသဖြင့်ပေါ့လေ။

အဲဒီနေရာမှာ AQ က အရေးပါလာပါပြီ။
ပြန်ပြီးကြိုးစားမယ်။ ပြသနာတွေကို ရင်ဆိုင်ဖြေရှင်းမယ်။
လဲရင်ပြန်ထ ဒါဘဝပဲဆိုတာ AQ ပါပဲ။

အောင်မြင်မှု ခိုင်မာနေတဲ့သူတွေ၊
ထိပ်ဆုံးမှာ တည်မြဲနေသူတွေ အကုန်ကြည့်ပါ။

လောကဓံရဲ့ ထုထောင်းမှုကနေ
ရုံးထလာကြသူတွေ များပါတယိ။
အရှံးမပေးခဲ့ကြသူများသာ ဖြစ်ပါတယ်။

🐝🐝🐝🐝🐝🐝🐝🐝🐝🐝🐝🐝🐝🐝

မြန်မာမိဘတွေကို အကြံပြုချင်တာလေးက

မိဘတွေဟာ.. ကိုယ့်သားသမီး AQ Level မြင့်လာအောင်..
ဘဝမှာ အခက်အခဲတွေနဲ့ #ငယ်စဉ်ကတည်းက_ရင်ဆိုင်ပေးတွေ့ပြီး..
လေ့ကျင့် သင်ကြားပေးသင့်တယ်လို့ ဆိုတယ်..။

သူ့အသက်အရွယ်၊ သူ့အသိဉာဏ် လယ်ဗယ်အတိုင်း..
ခန္ဓာကိုယ်ရော၊ ဦးနှောက်ရောကို အလုပ်ပေးတဲ့..
တာဝန်ဝတ္တရားတွေ၊ ခိုင်းစေမှုတွေ..
ဥပမာ... အားကစားနဲ့ အနုပညာ ဖန်တီးမှုတွေ၊
ခွန်အားနဲ့ လုပ်ရမယ့်.. အလုပ်ကြမ်းတွေကိုလည်း
လုပ်ခိုင်းတတ်ရမယ် ဆိုတာပါပဲ..။

IQ မြင့်ရင်တော့ ရှယ်ကောင်းပေါ့။
မမြင့်ရင်လည်း.. ကိစ္စ မရှိပါဘူး ပုံမှန်လေးဆိုရပါပြီ။
ကျန်တဲ့သုံးခု.. (EQ/SQ/AQ) မြင့်မားဖို့က..
ပိုအရေးကြီးပါတယ်။

ဒါမှ.. အောင်မြင်သူ ၊ အများအကျိုးပြုသူ၊
ဘဝအခက်အခဲ ဒုက္ခတွေကို.. ကျော်လွှားနိုင်တဲ့သူတွေ
ဖြစ်လာကြမှာပါ။

"သားသမီးတွေကို.. သူတို့လျှောက်ဖို့ လမ်းခင်း မပေးပါနဲ့။
#သူတို့ကိုယ်တိုင်_လမ်းခင်းပြီး_လျှောက်တတ်ဖို့ကိုသင်ပေးပါ..." တဲ့....

ကျွန်တော်တို့တတွေ ကိုယ့်သားသမီးကိုချစ်ရင်
သန်မာတဲ့သူတွေ အများအကျိုးဆောင်ရွက်လိုပြီး
စိတ်ဓာတ်ကောင်းရှိသူတွေဖြစ်အောင်
ပြုစုပျိုးထောင်ပေးကြပါ လို့ တိုက်တွန်းရင်း………

—————————————
original writer

ဖတ်လို့ကောင်းအောင်
ပြင်ဆင်ဖြည့်စွက်မှုများ ပြုလုပ်ထားပါသည်။

မေတ္တာဖြင့်

04/11/2025

Follow for more..
Ten Unknown Facts About
Founding: Tesla was founded in 2003 by engineers Martin Eberhard and Marc Tarpenning, not Elon Musk. Musk joined the company as a major investor and became its public face. Model Naming Quirk: Tesla’s car lineup follows a playful pattern: Model S, 3, X, and Y. Elon Musk has said it was meant to spell "S3XY," with the number 3 replacing an "E." Battery Focus: Tesla's breakthrough isn’t just in electric cars but also in battery technology. Tesla has invested heavily in creating powerful and long-lasting batteries, not only for cars but also for energy storage solutions like Powerwall. Autopilot and Full Self-Driving: Tesla’s Autopilot is an advanced driver-assistance system, but it’s not fully autonomous. The company is working on Full Self-Driving (FSD) software, which could eventually enable true autonomous driving. Gigafactories: Tesla operates massive manufacturing plants known as Gigafactories, located in the U.S., China, and Germany. These factories are integral to Tesla’s ability to scale production and reduce costs. SpaceX Connection: Tesla and SpaceX, both run by Elon Musk, share more than just a CEO. The companies collaborate on technology, and SpaceX’s Falcon Heavy rocket even launched a Tesla Roadster into space as part of a 2018 test flight. Sustainable Vision: Tesla's mission is to accelerate the world’s transition to sustainable energy. In addition to electric cars, the company is a leader in solar power and energy storage solutions. Over-the-Air Updates: Tesla was the first car manufacturer to allow over-the-air software updates, letting owners download new features and improvements to their cars without visiting a dealership. AI and Robots: Tesla’s AI Day event introduced Tesla Bot, a humanoid robot designed to handle dangerous or repetitive tasks, showcasing Musk’s vision for AI and robotics beyond automobiles. Environmental Impact: Tesla has reduced the overall carbon footprint of its vehicle manufacturing and is working on creating fully recyclable batteries, making it a leader in the green automotive revolution.

04/11/2025

https://www.facebook.com/share/r/17EVHD5ovU/

27/10/2025

27/10/2025

သမီးလေး ကြီးလာရင် ဖတ်ဖို့
သားလေးလည်း ဖတ်သင့်တာပဲ

ကိုယ်က လူပျို အပျိုဖြစ်ဖြစ်၊
အိမ်ထောင်သည်ပဲဖြစ်ဖြစ်၊
ကွာရှင်းပြီး နောက်အိမ်ထောင် ပြုလိုသူပဲဖြစ်ဖြစ် တရုတ်ပြည်က အစီအစဉ်တင်ဆက်သူ Tu Lei ရဲ့ စကားကို ဖတ်ကြည့်ပါ.. ဆင်ခြင်စရာ၊ နိုးကြားစရာတွေ ရပါလိမ့်မယ်။

"ကိုယ်က ကွာရှင်းပြီးသားဆိုရင် ကိုယ့်ကို စွဲစွဲလမ်းလမ်း ချစ်တဲ့သူနဲ့ မဆုံရင် နောက်အိမ်ထောင် မပြုပါနဲ့။ မဆုံခဲ့ရင်လည်း ပိုက်ဆံပဲ ရှာပါ။

နောက်ကျမှ အိမ်ထောင်ပြုလို့ ရသလို အိမ်ထောင်မပြု လူပျို အပျိုကြီးအဖြစ်နဲ့လည်း နေလို့ရပါတယ်။ အိမ်ထောင်အမှားတော့ မပြုလိုက်နဲ့။ အိမ်ထောင်မှား ပြုမိတာက အိမ်ထောင်မပြုတာထက် ဆိုးပါတယ်။

အရည်အသွေးနိမ့်တဲ့ အိမ်ထောင်ရေး အစား အရည်အသွေးမြင့်တဲ့ တစ်ကိုယ်တည်းဘဝနဲ့ နေလိုက်မယ်။ ဘာလို့လဲဆိုတော့ ခြေလှမ်းတစ်ချက်မှားရင် တစ်ပွဲလုံး ရှုံးသွားလို့ပါ။

အိမ်ထောင်ပြုတာက ပျော်ရွှင်ဖို့ပါ။
ကွာရှင်းတာကလည်း ပျော်ရွှင်ဖို့ပဲ။
အိမ်ထောင်မပြုတာကလည်း ပျော်ရွှင်ဖို့ပါပဲ"

❤️‍🩹

ဘယ်သူကမှ ကွာရှင်းဖို့ အိမ်ထောင်ပြုကြတာ မဟုတ်ပါဘူး။ ပျော်ရွှင်ခြင်းဆီ အပြေးနှင်ခဲ့ကြသူတွေပါ။

အိမ်ထောင်ပြုခြင်းရဲ့ ရည်ရွယ်ချက်က ချစ်ခင်ကြင်နာဖို့၊ ဂရုစိုက်ဖို့၊ အတူတကွ ကြီးပြင်းဖို့၊ တစ်ယောက်ကို တစ်ယောက် နားလည်ဖို့၊ အရာအားလုံးကို အတူတကွ မျှဝေဖို့ပါ။

ဒါပေမဲ့ ကိုယ်တိုင်ကြုံတွေ့ပြီးတဲ့နောက်မှ တစ်ဖက်လူရဲ့ စိတ်မရှည်တဲ့ ခံစားချက်တွေ၊ စကားလုံးတွေ၊ လျစ်လျူရှုမှု အမျိုးမျိုးကို ရင်ဆိုင်လာရတဲ့အခါ ကိုယ်တို့ရဲ့ ပျော်ရွှင်မှုအတွက်ဆိုတဲ့ ကနဦး ရည်ရွယ်ချက်ကို အားတုံ့အားနာ ဖြစ်လာမိတယ်။ လူတိုင်းလည်း အဲဒီလိုပဲ ခံစားရပါသလား...

အိမ်ထောင်ရေးဘဝမှာ ဖြတ်သန်းတဲ့ နည်းလမ်း နှစ်သွယ်ရှိတယ်။

1️⃣ မိတ်ဖက်အဖြစ် ပေါင်းသင်းဆက်ဆံခြင်း၊

2️⃣ ဘဝတစ်လျှောက်လုံး အတူတကွ ဖြတ်သန်းခြင်း ဖြစ်တယ်။

မိတ်ဖက်အဖြစ် ပေါင်းသင်းဆက်ဆံခြင်းနဲ့ နေ့ရက်တွေကို ဖြတ်သန်းနိုင်ပေမယ့် ခံစားချက်တွေကို မဖန်တီးနိုင်ဘူး။ အချစ်၊ ဂရုစိုက်မှု၊ အံ့အားသင့်စရာတွေ၊ ရိုမန်တစ်ဆန်မှုတွေ မရှိဘူး။ ခံစားချက် အတုံ့အလှည့် ဆက်သွယ်မှုတွေ မရှိဘူး။ ဒါက မိတ်ဖက်အဖြစ် ပေါင်းသင်းခြင်း ဖြစ်တယ်။

ချစ်ခင် ကြင်နာတာ၊ ကိုယ့်ကို ဆင်းရဲဒုက္ခ မခံစားစေတာ၊ ကိုယ့်ကို ပြုံးရယ်စေတာက ဘဝတစ်လျှောက်လုံး အတူတကွ ဖြတ်သန်းခြင်းဖြစ်တယ်။

အိမ်ထောင်ရေးဆိုတာ အချစ်ရဲ့ ဆင့်ပွားတည်ရှိမှုဆိုပေမယ့် ဖြတ်သန်းရတဲ့ ဘဝကြောင့် ပေါ့ပေါ့တန်တန် အပြုအမူတွေသာ ကျန်ရစ်တယ်။

Tu Lie ပြောသလိုပဲ ... အိမ်ထောင်ရေးဆိုတာ ကိုယ့်ကို အရမ်းချစ်ပြီး ကိုယ်မှကိုယ် ဖြစ်နေတဲ့သူနဲ့ မဆုံခဲ့ရင် အိမ်ထောင်ပြုဖို့ အတော် စဉ်းစားရပါမယ်။

လူလတ်ပိုင်းအရွယ် ရောက်လာမှ အမျိုးသမီးတွေဟာ အိမ်ထောင်ကျပြီး ကလေးရှိပြီးတဲ့နောက်မှာတောင် ဘာလို့ ကွာရှင်းပြတ်စဲကြတာလဲ၊ စိတ်ဓာတ်ကျကြတာလဲ၊ ပြီးတော့ တိတ်တဆိတ် ဘဝကို အဆုံးသတ်ကြတာလဲဆိုတာကို နားလည်သွားတော့တယ်။

ဘာလို့လဲဆိုတော့ အိမ်ထောင်ကျပြီးတာတောင် ဘဝရဲ့ ခါးသီးမှု၊ မောပန်းမှုနဲ့ မကျေနပ်မှုတွေက သူတို့ကို လွတ်လမ်းမပေးလို့ပါ။ ကိုယ်ရွေးချယ်ခဲ့တဲ့ ယောက်ျားတောင် ကိုယ့်ကို ဂရုမစိုက်တော့တဲ့အတွက် ထွက်သွားဖို့ကိုပဲ သူတို့ရွေးချယ်ကြရတာပါ။

"လောကမှာရှိတဲ့ ကျီးကန်းတွေက အမည်းရောင်ပဲ... ဘယ်သူနဲ့ ယူယူ အတူတူပဲလေ" လို့ အများက ပြောကြတယ်။ ဒါ တကယ် မှန်သလား။

လက်တွေ့ဘဝမှာက ကိုယ့်ရွေးချယ်မှုနဲ့ ကိုယ်ဘယ်သူနဲ့ အတူရှိနေတယ် ဆိုတာက တကယ့်ကို ကွာခြားမှုရှိတယ်ဆိုတာ ပြောပြနေပါတယ်။

တချို့က ကိုယ့်ရဲ့အလင်းဖြစ်လာပြီး တချို့ကတော့ ကိုယ့်ကမ္ဘာထဲက အလင်းအားလုံးကို ငြိမ်းသတ်ပစ်တယ်။

တကယ်လို့ ကိုယ် ဒေါသပိုထွက်လာတတ်တယ်ဆိုရင် ဒါဟာ ကိုယ့်စရိုက် ပြောင်းသွားလို့ မဟုတ်ဘူး... ကိုယ့်ကို နားမလည်သူတစ်ယောက်နဲ့ ကိုယ်ဆုံလိုက်ရလို့ပါ။

ချစ်သူကောင်းတစ်ယောက်ဆိုတာ လူ့လောကရဲ့ ဒုက္ခတစ်ဝက်ကို လျှော့ချပေးနိုင်ပြီး မကောင်းတဲ့ချစ်သူဆိုတာ ကိုယ့်ဘဝရဲ့ ဒုက္ခတွေ ဖြစ်လာပါတယ်။

အိမ်ထောင်ရေး ကံကောင်းသည်ဖြစ်စေ၊ မကောင်းသည်ဖြစ်စေ နားလည်ထားရမှာက "အိမ်ထောင်ရေးဆိုတာ ဘဝရဲ့ အရာအားလုံး မဟုတ်ဘူး။ ကိုယ့်မှာ ရှိသမျှနဲ့ လောင်းကြေး မထပ်ပါနဲ့။ ရှုံးသွားရင် အရာအားလုံး ဆုံးရှုံးပြီး ကမောက်ကမ ဖြစ်သွားလိမ့်မယ်"

မှတ်ထားရမှာက ... ကိုယ့်ဘဝရဲ့ လက်ကျန်ပိုင်းဟာ သန်မာပြီး အကောင်းမြင်စိတ်ရှိရမယ်၊ အသက်မွေးဝမ်းကျောင်း ပြုနိုင်စွမ်းနဲ့ ကျန်းမာတဲ့ ခန္ဓာကိုယ်တစ်ခု ရှိရမယ်။

ပိုက်ဆံကို ကြိုးစားရှာဖွေပါ။ ငွေကြေး လွတ်လပ်မှုရှိမှ ခိုင်မာတဲ့စိတ်ဓာတ် ရှိပြီး ဘဝကို ဗြုတ်စဗျင်းတောင်း မဖြတ်သန်းမှာပါ။

ဖတ်မိတဲ့စာတစ်ပုဒ်... ဘာသာပြန် မျှဝေပါတယ်

💌
#နိုင်းနိုင်းစနေ

17/10/2025

https://www.facebook.com/share/v/1AC54J1jbj/