18/08/2025
❝ နားမကြားတဲ့ ဖား ❞
တစ်ခါတုန်းက ဖားတွေနေတဲ့
တိုင်းပြည်ကြီးတစ်ခုမှာ
ပြိုင်ပွဲလေးတစ်ခု ကျင်းပကြသ တဲ့..။
အဲဒီပြိုင်ပွဲကို အနယ်နယ်အရပ်ရပ်က
ဖားမျိုးနွယ်စုတွေ အများအပြား
ဝင်ရောက်ယှဉ်ပြိုင်ကြတယ်။
ပြိုင်ပွဲက ရိုးရိုးကလေးပါ၊
တောင်ကုန်းလေး တစ်ကုန်းရှိတယ်၊
အဲဒီ တောင်ကုန်း ထိပ်ဆုံးပေါ်ကို
တက်နိုင်တဲ့ ဖားဟာ နောက်ဆုံး
အနိုင်ရသူလို့ သတ်မှတ်ခြင်း ခံရမယ်။
သူရဲကောင်း ဖားတစ်ကောင် အဖြစ်
ဂုဏ်ပြုခံရမယ်။
တစ်ခုရှိတာက အဲဒီတောင်ကုန်းကို
တက်မယ့် လမ်းဟာ အရမ်း ချောတာမို့
အောက်ကိုပြုတ်ကျပြီး ရှုံးချင် ရှုံးသွားနိုင်တယ်၊
လမ်းကြောင်းကလဲ အောက်ကိုပြုတ်ကျဖို့
အလားအလာ ပိုများနေတာကြောင့်
တော်ရုံ အနိုင်ရဖို့ဆိုရင် မနည်းကြိုးစားယူရမှာ။
ဒီအခါ ပြိုင်ပွဲဝင် ဖားတွေက
ဆင်ခြေပေးကြတယ်..
"ဒီနေရာကို ဘယ်လိုလုပ်ပြီး
တက်လို့ ရမှာလဲ.. အဲလောက်ခက်ခဲနေရင်
မပြိုင်ဘူးကွာ.. ပြိုင်ပွဲကနေ
လုံးဝ နုတ်ထွက်တယ်ကွာ" ဆိုပြီး
ပြိုင်ပွဲဝင်တဲ့ ဖားတချို့ ပြိုင်ပွဲကနေ
နုတ်ထွက်သွားကြတယ်။
ဒါပေမဲ့ တစ်ကောင်တည်းသော
ဖားကသာ အဲဒီတောင်ကုန်းပေါ်ကို
တရွေ့ရွေ့ကလေး တက်ပြီးတော့
တောင်ထိပ်ပေါ်ကို တက်ပြနိုင်ခဲ့တယ်။
ဒါကိုပဲ ပြိုင်ပွဲပုံစံကို သဘောမကျလို့
စောစောတုန်းက နုတ်ထွက်သွားကြတဲ့ ဖားတွေဟာ
တောင်ပေါ်တက်ပြသွားတဲ့ ဖားကို
ကြည့်ရင်း တအံ့တဩ ဖြစ်နေကြတယ်။
"သူက ဘာကောင်မို့လို့လဲ..
ဘယ်လိုမှော်အစွမ်းတွေ တတ်ထားလို့လဲ.."
စသည်ဖြင့် ဖားအချင်းချင်းကြားမှာ
ဝေဖန်သံတွေ ဆူညံသံတွေ ပွက်လောရိုက်ပြီး
ပြောစရာ စကားဖြစ်လာတော့တာပေါ့။
အဲဒီအခါ တောင်ပေါ်ရောက်သွားတဲ့
ဖားရဲ့အကြောင်းကို သိတဲ့ ဖားတစ်ကောင်က
ဝေဖန်နေကြတဲ့ ဖားတွေကို
အခုလို ပြောပြတယ်။
“ ကိုယ့်ကောင်တို့ရေ ..အဲဒီဖားက
မွေးရာပါ နားပင်းနေတာ..
ခုနတုန်းက ငါတို့ နုတ်ထွက်တာကို
ဘာဖြစ်လို့ နုတ်ထွက်မှန်း သူ မသိလို့
အခုလို အနိုင် ရသွားတာ..
တကယ်လို့ သူသာ နားကြားခဲ့မယ်ဆိုရင်
အခုလို တက်နိုင်မယ် မထင်ဘူးဗျ ”
ဒီပုံပြင်ထဲက နားမကြားရတဲ့
ဖားတစ်ကောင်လိုပါပဲ..
တစ်ခါတလေ ကျနော်တို့ဘဝမှာ
အပျက်သဘောဆောင်တဲ့
ဝေဖန်မှုပေါင်းစုံ ကြုံတွေ့နိုင်ပါတယ်။
နောက်ပြီး လူတွေက
သူတို့ မလုပ်နိုင်ဘူးလို့ ထင်တဲ့
အရာ မှန်သမျှကို တခြားလူကိုပါ
မလုပ်နိုင်အောင် ဆွဲချတတ်တဲ့ အကျင့်
ရှိနေတတ်ကြပါတယ်။
ဒါကြောင့် ဘဝတစ်ခုကို
ထီးထီးမားမား ရှင်သန်ရပ်တည်တဲ့အခါ..
နားမကြားတဲ့ ဖားတစ်ကောင်လို ကျင့်သုံးပြီး
မလိုအပ်တဲ့ ဝေဖန်ပြောဆိုသံတွေကို
မကြားချင်ယောင် ဆောင်ထားဖို့ လိုတယ်။
ဘယ်သူ ဘာပြောပြော..
ဘာလုပ်လုပ်၊ မလုပ်လုပ်..
ကိုယ် လုပ်စရာရှိတာကို
ဖြောင့်ဖြောင့်တန်းတန်း
ရဲရဲဝံ့ဝံ့ လုပ်ဖို့ အင်မတန်အရေးကြီးတယ်။
မင်းဘဝမှာ....
အရေးမပါတာတွေကို
အရာပေးမိရင် ..
ဘယ်တော့မှ အောင်မြင်မှုကို မရနိုင်ပါဘူး။
🤍🌿
゚viralシ
#ဓမ္မသုတရသစာပေ #ခွန်အားဖြည့်စာပေ
#မေတ္တာဖြင့်ပြန်လည်မျှဝေပါသည်
🏆
#လေးစားစွာဖြင့်မူရင်းရေးသားသူကို
ေးပါတယ်🙏💞
