09/05/2023
ပူစီနံအရည်... နှစ်နှစ်ခြိုက်ခြိုက် အိပ်ပျော်စေသလို အဆီကိုလည်း ကျစေတယ်၊ အိန္ဒိယ အစားအစာတွေထဲမှာရော အတို့အမြုပ် အနေနဲ့ပါ စားနိုင်တဲ့ ပူစီနံကို စားရုံလေးနဲ့ လေ့ကျင့်ခန်း ထူးထူး ထွေထွေ လုပ်စရာမလိုပဲ ကိုယ်အလေးချိန် ကောင်းကောင်း လျော့ချနိင်ပါတယ်။ နောက်ပြီး
(၁) အစာကြေစေတယ်
ခံတွင်းကိုလည်း ရှင်းစေတယ်၊ အစာကိုလည်း ကြေစေတယ်၊ အစာမာမာ စားတာများရင် ဒါမှမဟုတ် အစာမကြေ ဖြစ်နေရင် ပူစီနံ နည်းနည်းလောက် စားပေးရုံနဲ့ အစောကြေသွားပါလိမ့်မယ်။
(၂) အာရုံကြော အားကောင်းစေတယ်၊ ခေါင်းကိုက်ပျောက်ကင်းစေတယ်
ပူစီနံကို ပုံမှန် စားသုံးပေးပါက အာရုံကြောကို အားကောင်းစေသလို ခေါင်းကိုက်နေချိန်မှာ စားသုံးပေးမယ်ဆိုရင် ပူစီနံရဲ့ အနံ့ကြောင့် ခေါင်းကိုက်ပျေက်ကင်းစေတာကို တွေ့ရမှာပါ
(၃) ချွဲကျစေတယ်၊ ချောင်းဆိုးပျောက်စေတယ်
ချောင်းဆိုးပျောက်ဆေး အများစုမှာ ပူစီနံရဲ့ ဓါတ်ကို ထည့်သွင်း ထုတ်လုပ်ထားတာ တွေ့နိုင်သလို အနည်းငယ် ပူရှိန်တဲ့ ဓါတ်ကြောင့် ချွဲကျစေသလို ချောင်းဆိုလည်း ပျောက်ကင်းစေတာ တွေ့ရပါတယ်။
(၄) ပန်းနာရင်ကျပ်လည်း သက်သာစေနိုင်တယ်
ပန်းနာရင်ကျပ်သမားတွေရဲ့ လက်စွဲတော် အစားအစာဖြစ်ပါတယ်၊ အကောင်းဆုံး စားသုံးသင့်တဲ့ အရွက်က ပူစီနံပါ၊ လည်ချောင်းရှင်းပြီး အသက်ရှုလမ်းကြောင်း ကောင်းမွန်စေတာကို တွေ့ရပါတယ်။
(၅) မိခင်များကို နို့ထွက်ကောင်းစေပါတယ်
နို့တိုက်မိခင်တွေ နို့ထွက်ကောင်းချင်တယ်ဆိုရင် ပူစီနံ အနည်းငယ်လောက်ကို ပုံမှန် စားရုံနဲ့ နို့ထွက်အားကောင်းလာစေနိုင်ပါတယ်။
(၆) အ၀လွန်ခြင်းကို ကာကွယ်ပေးနိုင်တယ်
ပူစီနံရွက်ထဲမှာပါရှိတဲ့ ပူရှိန်တဲ့ဓါတ်ဟာ သွေးထဲက အဆီခဲတွေကို ဖယ်ရှားပေးနိုင်ပြီး အ၀လွန်ခြင်းကို ကာကွယ်ပေးနိုင်တာ တွေ့ရပါတယ်။
(၇) အသားရေစိုပြေစေတယ်
အရွက်ကို ပုံမှန် စားသုံးပေးခြင်းက အရေပြားကို စိုစွတ် အေးမြစေတယ်၊ စိုပြေစေတယ်၊ နေပူဒဏ် ခံနိုင်စေတယ်၊ ပူစီနံနဲ့ ဖော်စပ်ထားတဲ့ အရေပြား လိမ်းဆေးတွေက အရေပြား ကူးစက်ရောဂါတွေကိုပါ ကာကွယ်ပေးနိုင်တာ တွေ့ရပါတယ်။
(၈) သတိမေ့ခြင်းကို သက်သာစေနိုင်တယ်
အသက်အရွယ် ကြီးမားလာခြင်းနဲ့ စိတ်ဖိစီးမှုများခြင်းကြောင့် သတိမေ့ခြင်းကို ပူစီနံက ကာကွယ်ပေးနိုင်တာ၊ သက်သာစေနိုင်တာ တွေ့ရပါတယ်။
(၉) ကိုယ်အလေးချိန် မှန်စေတယ်
အ၀လွန်ခြင်းကို ကာကွယ်ပေးနိုင်သလို ကိုယ်အလေးချိန် များနေသူတွေ၊ အ၀လွန်နေသူတွေအတွက် သွေးထဲက အဆီတွေဖယ်ပေးကာ ကိုယ်အလေးချိန်ကို မှန်စေပြီး သွက်လက်ဖျတ်လတ်စေပါတယ်။
(၁၀) ကင်ဆာကိုလည်း ကာကွယ်ပေးနိုင်တယ်
အထိရောက်ဆုံး ကာကွယ်မှု ပေးနိုင်တာ မဟုတ်ပေမယ့် နောက်ဆုံး လေ့လာတွေ့ရှိချက်တွေအရ ကင်ဆာဖြစ်စေမယ့် ဆဲလ်တွေဖြစ်တည်မှုနဲ့ ကင်ဆာဆဲလ်တွေ သေစေနိုင်မှုကို ပူစီနံဓါတ်က ကူညီ တိုက်ဖျက်ပေးနိုင်တာ တွေ့ရပါတယ်။
