04/07/2026
ဂျပန်နိုင်ငံ လူဝင်မှုကြီးကြပ်ရေးဦးစီးဌာနသည် နိုင်ငံခြားသားများအတွက် ဂျပန်စာနှင့် လူမှုဘဝစည်းကမ်းများကို သင်ယူနိုင်မည့် "ဂျပန်စာနှင့် လူမှုဘဝသင်ယူရေးအစီအစဉ် (ယာယီအမည်)" ကို စတင်ရန် စီစဉ်နေပါသည်။
အမြဲတမ်းနေထိုင်ခွင့် (PR) နှင့် ၁၀ နှစ်ထက်ကျော်သော ရေရှည်နေထိုင်ခွင့်လျှောက်ထားရာတွင် ယခုအစီအစဉ်ကို တက်ရောက်ရန် သတ်မှတ်ချက်အဖြစ် ထည့်သွင်းသွားမည်ဖြစ်ပြီး ဂျပန်နိုင်ငံသား (帰化) ခံယူရာတွင်လည်း သင်တန်းတက်ရောက်မှုနှင့် ဂျပန်စာအရည်အချင်းကို စစ်ဆေးသွားမည်ဖြစ်ပါသည်။
ဂျပန်အစိုးရသည် ယခုနွေရာသီတွင် ပညာရှင်များအဖွဲ့ကို ဖွဲ့စည်းပြီးအသေးစိတ်စနစ်စတင်ရေးဆွဲကာ ၂၀၂၇ ခုနှစ်တွင် သင်ရိုးညွှန်းတမ်းနှင့် တက်ရောက်မှုစစ်ဆေးမည့်စနစ်ကို ပြုလုပ်ပြီး ၂၀၂၈ ခုနှစ်တွင်စမ်းသပ်လုပ်ဆောင်သွားရန် ရည်မှန်းထားပါသည်။
အမြဲတမ်းနေထိုင်ခွင့် (PR) နှင့် ဂျပန်နိုင်ငံသား (帰化) အဖြစ်ခံယူခြင်းတို့အတွက် ယခုအစီအစဉ်မစတင်မီကပင် သတ်မှတ်ထားသော ဂျပန်စာအရည်အချင်းရှိရန် ဦးစွာမဖြစ်မနေ သတ်မှတ်သွားဖို့လည်း စဉ်းစားနေပါသည်။
ဂျပန်နိုင်ငံတွင် ရေရှည်နေထိုင်ရန် သို့မဟုတ် နိုင်ငံသားအဖြစ် လျှောက်ထားရန်ရည်ရွယ်ထားသူများအနေဖြင့်နောင်တွင် ဂျပန်စာ နှင့် လူမှုဘဝစည်းကမ်းသင်တန်းတက်ရောက်ရန်မဖြစ်မနေလိုအပ်လာပြီး ဂျပန်စာအရည်အချင်းရှိရန်လိုအပ်လာမည့် သဘောဖြစ်ပါသည်။
📝ယုဇုမေမေ
