15/04/2024
Нойргүйдэж, ядраад байгаа хүмүүс хонины толгой чанаж ид. Үлдсэн хоосон ясан дээр нь 3-5л ус хийгээд зөөлөн галаар 1цаг чана. Гарсан шөлийг нь шүүгээд орой унтахаасаа өмнө 1 аяга уу. Мэдрэлийн ядаргаанд сайн. Кофегоо багасгаад гоньдны цай уу. Хий дарж, тамир тэнхээ тэтгэнэ.
Гурил, гурилан бүтээгдэхүүн шингээж боловсруулахад асуудалгүй бол өглөө гарахдаа замбаа зуурч идээд, гоньдтой цай уугаад гарч байгаарай.
Орой унтахаасаа өмнө халуун бүлээн усанд шилбэнийхээ тал хүртэл хөлөө дүр. Усандаа жамц давс, цагаан гаа, ургамлын охь гээд дуртайгаа хий. Хөлөө арчаад чихний омог, нуруу ууц, хөлийн шагай, улаа шар тосоор сайхан халуу дүйгтэл нь тосол. Хүүхдүүддээ бас энэ аргыг хэрэглэж байвал тамир тэнхээ тэтгэнэ.
Гэх мэт уламжлалт, орчин цагийг хослуулж, ирсэн хүмүүстээ зөвлөгөө өгдөг дөө. Зөв хооллоно гэдэг нь дандаа ногоо, тахианы цээж мах идэхийг хэлэхгүй. Өсөж төрсөн газрынхаа уламжлалт хүнсэн дээр суурилж, зохистой хэмжээгээр, зөв зохицуулж идэхийг шим тэжээлтэй хооллолт гэнэ.
Хоол зүйч Э.Оюуномин
