10/02/2026
Business.MN ярилцлага нийтлэгдлээ👍
Мерч гэж юу вэ? Мерчийн зах зээл, бид юу хийдэг вэ? Бид юуг зорьж байгаа вэ? зэрэг олон зүйлсийг ярьсан байгаа.
👉Дизайнер Жанна яагаад гадаадыг зорих болов?
Өдийг хүртэл өөрсдийн хүчээр зүтгэж, ямар ч Хятад хөрөнгө оруулагчгүйгээр, бие даан Хятадад үйлдвэр байгуулж, олон улст гарах хүндхэн ажлыг зориг гарган эхлүүлсэн Erdenetulga Urtnasan, Bayarkhuu Ulaankhuu нараар бахархаж байна. Ийм том зүйлийг зорьж яваа хамт олонтой хамтрах болсон нь миний хувьд хүндтэй үүрэг хэдий ч хатуухан сорилт байлаа.
Ийнхүү Гуанжоу-н үйлдвэрийг хариуцаж олон улст мөс хагалах үүрэг хүлээж аваад 1 жил болжээ. Энэ ажил нь олон талын ур чадвар, авъяас, тэсвэр тэвчээр шаардаж байгаа. Харин дизайнер байх нь давуу тал болж байна. Мөс хагалж байгаа хүнд ойрын 3-4 хоног л харагддаг, юуг яаж хэзээ хийх гэж байгаа нь тодорхойгүй харанхуй байдаг. Байдал яаж эргэхийг хэн ч мэдэхгүй, байнгын бэлэн байдалд байдгаас гадна хэлтэй, хурдтай, дасан зохицох чадвартай байх, хурдан тооцоолж оновчтой шийдвэрийг түргэн хугацаанд гаргах шаардлага ч үүсч байна. Магадгүй энэ нь дараагийн хүмүүст хялбар зам гаргах байх, магадгүй бидний зам хялбар болох байх…
Ямартай ч Дизайнер Б.Жанна нь нэр төр хөөцөлдөж, хөөсөрч, болсон болоогүй юм зарж явсангүй. Оёсон хувцасныхаа зургийг хуваалцаж, хийсэн ажлуудаа танилцуулж явсаар өнөөдөр манай JANNA URLAN Хятадын тэр бум хүн дунд үйл ажилгаагаа эхлүүлээд байна.
Харин энэ удаад Сэтгүүл дээр Бийг Жанна ХХК-н захирал, ЖАННА УРЛАН-г үүсгэн байгуулагчийн хувиар гарлаа. Дээр нь нэмж хэлэхэд Олон улст бол “STDesign хувцасны хэвлэл”-н МЕРЧАНДАЙЗ-н МЕНЕЖЕР гэж явж байгаа.
Үргэлж урам өгч дэмжиж байдаг эрхэм үйлчлүүлэгчдэдээ баярлалаа🙏
👉Бидний ярилцлагыг үзэхийг хүсвэл доорх холбоосоор ороорой. Сэтгүүлийн 42-45 хуудас. Мөн HUNNU AIR бүх нислэгт байгаа шүү.
Сэтгүүл худалдаж авах 👇
https://business.mn/magazines/
Сэтгүүл дижиталаар унших👇
https://flip.business.mn/mag86
