05/06/2026
Нээлтийн тууз хэрэглэж ирсэн түүхээс:
Орчин үеийн тууз хайчлах ёслол XIX зууны сүүл үеэс, ялангуяа АНУ болон Европт түгээмэл болсон гэж үздэг. Шинэ гүүр, төмөр зам, олон нийтийн байгууламж, шинэ ажил үйлчилгээ, бүтээн байгуулалтыг нээхдээ өнгөт тууз татаж, хүндэт зочид хайчаар тасалдаг заншил тогтжээ. Ингэснээр тухайн үйл явдлыг онцгойлон тодруулж, ирээдүйн хөгжлийг бэлгэдэн хурц хайчаар хүндэт зочид хайчлан, баяр хөөрөөр билгэдэн ёслол үйлддэг нь хүн төрөлхтний түүхэнд ёс жаяг, төр, бизнесийн үйл ажиллагааны дэг, ёслолын арга хэмжээ болон хөгжсөөр.
Яагаад ихэвчлэн улаан тууз хэрэглэдэг вэ?
Улаан өнгө нь олон соёлд:
* Амжилт
* Эрч хүч
* Аз хийморь
* Баяр ёслол зэргийг бэлгэддэг тул нээлтийн туузанд хамгийн түгээмэл хэрэглэгддэг. Мөн байгууллагын бэлгэдэл өнгө, улс үндэстний дээдэлдэг өнгийн тууз ч хайчлах нь бий.
Тиймээс нээлтийн тууз хайчлах нь зүгээр нэг ёслол биш, харин “бэлтгэл үе дуусч, шинэ ажил албан ёсоор эхэллээ” гэсэн бэлгэдэлт үйлдэл юм.
