18/12/2024
Маскны талаар багахан мэдээлэл оруулъя.
N90, N95, эсвэл N99 гэсэн үнэлгээтэй олон хамгаалалтын нүүрний маск байдаг. Энэ нийтлэг тэмдэглэгээ нь маск нь 0.3 микроны хэмжээтэй нарийн хэсгүүдийг хаахад хэрхэн үр дүнтэй гэдгийг илэрхийлж байгаа үзүүлэлт юм.
Жишээлбэл, N95 бохирдлын маск нь нарийн хэсгүүдийн 95%-ийг хаадаг, N90 нь 90%-ийг хаадаг, N99 нь 99% хаадаг гэх мэт. Мөн KN95 болон FFP2 гэсэн стандартууд нь 0.3 микроны хэмжээтэй хэсгүүдэд N95 стандарттай адилхан үр дүнтэй байдаг.
Хэрвээ та хэсэгчилсэн бохирдол эсвэл агаарт тархсан халдварын аэрозолуудаас хамгаалахын зорьж байвал, KN95, FFP2 эсвэл N95 бохирдлын маскыг стандарт болгон ашиглах нь зөв юм.
Доорх зурган дээр бид өөр өөр төрлийн маскнууд PM 2.5 болон түүнээс дээш ширхэгтэй тоосонцруудыг шүүх чадварыг харьцуулсан хүснэгтүүд оруулсан. PM буюу Particulate matter гэдэг нь агаар дахь тоос, хөө, бохирдол, утаа, шингэн дусал зэрэг хэсгүүдийг хэлж байгаа.
Хятадаас орж ирж байгаа KN95 маскнууд бүгд GB2626 гэсэн стандарттай байгаа тул та үүнийг бас маскны худалдан авалт хийхдээ анзаарч байгаарай.
Мөн хамгийн сүүлийн хүснэгтэд ХАВХЛАГАТАЙ маск нь ХАВХЛАГАГҮЙ маскыг бодвол илүү шүүх чадвар өндөртэйг харуулж байна. Хавхалга нь амьсгалах эсэргүүцлийг бууруулдаг, чийгийг бага хуримтлуулж маск дор дулааныг бага хуримтлуулдаг. Хавхлага дахь хамгаалалагч резин нь таныг амьсгал авахад тань руу чиглэгдэх учир гаднаас тэр хэсгээр агаар нэвтрэхгүй, харин гаргах үед эсрэг чиг рүү агаарыг гаргана.
Утааны үед бид KN95 маск сонгохыг зөвлөж байна харин ханиад, томуунаас өөрийгөө сэргийлэх болон бусдад халдаахгүй зорилготой байвал та эмнэлгийн маск ашиглаарай.
P.S. Утааны маск нь агаарыг биш агаар дахь тоосонцрыг шүүдэг тул утааны муухай үнэр нь үнэртэх тохиолдол байдаг. Иймээс зарим үед маск зүүсэн, зүүгээгүй адилхан утаа үнэртэж байна масктай, маскгүй явах ялгаагүй гэсэн эндүүрэл гардаг. Аль эсвэл утаа багаслаа маскгүй явахад болно гэж хүмүүс боддог. Агаар дахь хүнд металл, тоосонцрууд тийм амархан арилдаггүй юм. Та өөрийн эрүүл мэндээ бодон ямар ч үед маскаа зүүж хэвшээрэй 😉
