25/05/2025
Ааваа надад энэ гинжийг зүүгээд өгөөч.....
Энэ түүх намайг алмайруулж, сэтгэлд гуниг суулгасан юм. Бүх эцэг эхчүүдэд зориулав.
- Надад энэ гинжийг зүүгээд өгөөч гэж нүдэндээ итгэл тээсэн харцаар бяцхан хөвгүүн шивнэлээ.
Энэ өглөө бусад өдрийнх шиг ердийн л нэгэн өглөө байсан юм:
- Бос! Нүүрээ угаа! Үсээ самна! Цамцаа өмс! - хурдлаач!
- Өглөөний цай уух цаг алга! Сок аваад яв - битгий юм яриад бай!
- Би дөнгөж сая юу гэж хэлсэн бэ? Чи муухай болгочихлоо ш дээ! Яасан ядаргаатай юм бэ! Чи ганц юм ч зөв хийчихгүй юм аа!
Хүү юу ч хариулсангүй. Тэр "Ааваа" ч гэж хэлж чадсангүй. Тэр айж байлаа.
Сургууль дээрээ төвлөрч чадахгүй байв. Үргэлж л будилж байв. Үргэлж л гуниглаж байв.
Түүний өөртөө тавьдаг "яагаад бусад хүүхдүүд аз жаргалтай байдаг юм бэ? Яагаад би биш гэж" гэдэг асуултаа л асуудаг байв.
Орой хичээлээ тарж ирчихээд тэр зориг гарган:
- Өнөөдөр манай багш "Аав чинь ажил дээрээ юу хийдэг вэ?" гэж асуухад Би юу гэж хариулахаа мэдэхгүй байлаа гэв.
- "Би нохой сургадаг" гэж аав нь харцаа өргөлгүй хариулав.
- Тэднийг юунд сургадаг юм? хэмээн хүү намуухан асуув.
- Тэднийг дуулгавартай байлгахад сургадаг. Юм эвдлэхгүй байхад, хамгаалахад, амь аврахад, тэвчээртэй, зоригтой, үнэнч байхад сургадаг. Ер нь хариу нэхэхгүйгээр бүгдийг хийж чаддаг байхад сургадаг.
-Та яаж тэднийг дадлагажуулдаг юм?
-Би тэдэнд жижигхэн гинж зүүдэг. Би тэдэнтэй зэрэгцэж яваад, тайван ярьж, алдааг нь засаж, хүн рүү дайрахгүй байхад сургаад би уурлаагүй гэдгээ мэдэгдэхийн тулд дараа нь тэднийг энхрийлдэг. Үүний тулд маш их тэвчээр, дахин тэвчээр хэрэгтэй.
Хүү үгээ залгин, харц нь гуниглаж, аав руугаа хараад чичирсэн хоолойгоор:
- Ааваа та надад гинж зүүгээд өгөөч......
Би тантай цуг сурмаар байна.
Хашгирахгүйгээр намайг сургаад өг.
Дараа нь тэврээрэй.
Надтай тэвчээртэй байгаарай.
Би гэрээ хамгаална. Би бусдыг хайрлаж сурна.
Хэзээ нэгэн цагт та хараагүй боллоо гэж бодоход би таны нүд болж өгнө.
Зүгээр л надад гинж зүүгээд өгөөч гэж гуйжээ.
Аав гэнэт цурхиртлаа уйлав.
Аав нь хүүгээ тэвэрч тэдний хооронд хайраас бий болсон харагддаггүй, маш их тэвчээрийг давсан, зөөлхөн хайр татам шинэ гинж бий болсон юм.
Тэр гинж тэр цагаас хойш хэзээ ч тасраагүй, улам батжин бэхжиж хайраар дүүрэн гялалзах болсон билээ.
🤍 Бидний хүүхдэд цаг хугацаа, халамж, зөөлөн сэтгэл эцэг эхийн зүгээс ямар их дутдаг гэдгийг битгий мартаарай.
Яагаад гэвэл хайр хашгирдаггүй, харин тэр илэрхийлэгддэг юм.
copy💯✒️📚
