Санаа

Санаа Contact information, map and directions, contact form, opening hours, services, ratings, photos, videos and announcements from Санаа, Apparel & Clothing, Баянзүрх, Ulaanbaatar.

16/11/2017

Бүсгүйчүүдэд зориулсан хувцас загварын үнэтэй зөвлөгөөнүүд
1. Хэзээ ч өмсдөггүй хувцаснуудаа гарга.
Ойрын 3-5 жилийн турш ерөөсөө өмсөөгүй хувцаснуудаа хандивлаж, хүнд өгөхийг нь өгөөрэй. Тэгээд өөрт чинь яг ямар хувцас хэрэгтэй байгааг сайн бодсоны эцэст дэлгүүр хэсэхийг зөвлөе.
2. Төлөвлөгөөтэй дэлгүүр хэсье.
Хүлээн авалт, баяр ёслолд оролцох гэж байгаа бол сэтгэл хөдлөлдөө биш, үс засалт, аксиссуар зэрэгтээ тохируулж даашинз гутлаа сонгоорой. Даашинз авах гэж байгаа бол даашинзны төрөлжсөн дэлгүүр орохыг зөвлөе.
3. Ноолууран эдлэл
Ноолууран эдлэл үнэтэй ч гэсэн чанартай. Хэдэн өвлийн турш таныг дааруулахгүйгээс гадна, цэмцгэр ихэмсэг харагдуулах болно. Ноолууран эдлэлийг хэр зөв арчилна, тэр чинээгээрээ олон жил өмсөнө. Хүйтэн усаар угааж, мушгилгүй, эвтэйхэн өлгөж хатаагаарай4. Холгодог гутлыг “номхотгосон нь”
Бага зэрэг жижигдсэн, холгодог гутлыг сунгах хамгийн үр дүнтэй арга бол дотор нь ууттай ус хийж хөлдөөх явдал. Энэ бол олон бүсгүйчүүдийн талархлыг хүлээгээд буй шалгарсан арга юм шүү. Итгэхгүй бол туршаад үзээрэй.
5. Эрвээхий зангиа + бүс
Ажил хэрэгч хувцаслалтыг чимдэг зүйл бол эрвээхий зангиа. Үүнийг та ямар ч сорочкин цамцан дээр өнгийг нь тохируулан зүүж болно. Харин гоолиг бэлхүүсээ тодотгож, илүү цэмцгэр харагдахыг хүсвэл нарийхан бүсийг урт цамц, бариу, сул даашинз зэрэг төрөл бүрийн хувцсан дээр өнгө тохируулан зүүгээрэй.
6. Цуванд анхаарлаа хандуулъя.
Цув, хүрэм, блэйзер худалдан авахдаа анхаарах гол дүрэм бол таны мөрөнд яг таарч байгаа эсэх юм. Хэрвээ мөр нь л томдож эсвэл жижигдэж байвал хичнээн таалагдаж байсан ч түүнийг дэлгүүрт нь үлдээ.
7. Биеийн хэсгүүдээ ил гаргах нь
Та нэг дор биеийн ихэнх хэсгээ ил гаргасан хувцас өмсөх нь тохиромжгүй гэдгийг сануулъя. Тухайлбал богинохон юбка өмсөж байгаа бол мөр юм уу, гэдэс ил гарсан цамц өмсөхгүй байх, нуруу ил гардаг хэт богинохон даашинз сонгож авахгүй байх гэх мэтчилэн.
8. Өөрийгөө хатан хаанд өргөмжил.
Таны гоо сайхан өөрийгөө арчлах, эрүүл мэнддээ анхаарах зэргээс шууд хамааралтай. Хамгийн наад зах нь гэрэлтсэн эрүүл арьстай байхыг хүсвэл бүтэн нойртой явах, ус сайн уух зэргийг өдөр тутамдаа заавал ч үгүй биелүүлэх ёстой шүү.
9. Өөрийн биеийн галбирт тохирсон хувцас өмсөх.
Биеийнхээ өөг далдлахуйц хувцас өмсөж сураарай. Жишээ нь намхан нуруутай бол V хэлбэрийн цамц, биеийн өнгөтэй туфли зэрэг нь илүү өндөр харагдуулдаг.
10. Жийнсийг мартлаа гэж үү?
Загварлаг дэгжин төрхийг жийнсэн өмд, хүрэмгүйгээр хэрхэн бүрдүүлэх билээ? Жийнсэн өмд 2 угаалтын дараа л суначихдаг учраас үл ялиг жижиг размерийг аваарай. Мөн өмдний шуумгийг гуталныхаа дээд хэсэгт байхаар тохируулаарай.
11. Нүүрний будаг болон хөлс дарагчны толбоноос сэргийлэх.
Хувцсанд үлдсэн энгэсэг, уруулын будаг болон хөлс дарагчны толбо арилгахад хэцүү байдаг. Ийм тохиолдолд толбыг шинэ дээр нь хүүхдийн салфеткаар үрж арчаарай.
12. Тод өнгөтэй эсвэл том аксессуар
Ийм ээмэг зүүлтнүүд энэ жилийн тренд болж байгаа билээ. Гэхдээ ихэнхидээ даруухан хувцсан дээр сонгох юм уу, нэг дор олон том аксессуар зүүхгүй байхыг хичээгээрэй.
13. Ороолт
Ороолт зүүхэд таны төрх байгаагаасаа хэд дахин өнгөлөг, сайхан харагдах болно. Хавар намрын улиралд өдөр тутмын хувцаслалтанд ноосон болон даавуун ороолт нь өндөр үүрэг гүйцэтгэнэ.
4. Загварлаг бас эвтэйхэн
Найзуудтайгаа үдшийг хөгжилтэй өнгөрүүлэхэд дэгжин байхаас гадна биед эвтэйхэн хувцас сонгох нь хамгийн чухал. Хөлийг тань холгох гутал, хөлрүүлдэг материалтай цамц зэрэг нь санаа зовоож, шууд л гэртээ харих сонголтыг хийлгүүлэх болно.
15. Дэлгүүр хэсэхдээ их мөнгө битгий авч яв.
Байгаа хэрээр нь үрдэг зуршил ихэнх эмэгтэйчүүдэд бий. Тухайн үеийн сэтгэл хөдлөлөөр худалдан авсан зүйлсийг хожим өмсөхгүй, хэрэглэхгүй байх нь элбэг тохиолддог. Тиймээс дараа нь амаа барихгүйн тулд дэлгүүр хэсэхдээ л төлөвлөгөөтэй бас хязгаартай бай.
6. Бүх талаас нь хар.
Дэлгүүрт хувцас өмсөж үзээд ар тал, урд тал, хоёр хажуунаасаа сайн харж байж сонголтоо хийгээрэй. Өөр ямар хувцсан дээр тань зохих эсэхийг ч бодолц.
17. Нэгэн хэвийн байдлаасаа сал
Байнга л ажил хэрэгч хувцас өмсдөг бол нэг удаа ч гэсэн сул чөлөөтэй хувцаслаад үз. Нүүрээ ерөөсөө буддаггүй бол нэг удаа ч гэсэн тод будаж үз. Магадгүй танд таалагдах ч юм бил үү?
18. Эрэгтэй хувцаслалтыг заавал туршиж үз.
Эрэгтэй хувцаслалт нь бүсгүйчүүдийг өөртөө итгэлтэй, хайнгадуу, илүү содон ч гэмээр төрхтэй болгодог. Сул цамц өмслөө гээд эмэгтэйлэг байдлаа алдана гэж бүү ай.
19. Том жижиг цүнх
Эмэгтэй хүний шүүгээнд том, дунд, жижиг 3 төрлийн цүнх байх хэрэгтэй. Дээрээс нь нэмээд гоёлын гар цүнх байхад илүүдэхгүй.
20. Цүнхээ баглаж сураарай
Ачаа бэлдэх гэдэг бол зөвхөн эр хүний ажил биш. Аялал зугаалга, ажлын томилолтоор явахад өөрт тань хэрэг болох нь дамжиггүй.

15/11/2017

Ажил хэрэгч эмэгтэйчүүдийн хувцаслалтанд тавигдах ёс зүйн шаардлагын тухай авч үзье. Ажил хэрэгч эмэгтэйчүүдийн хувцаслалтын хувьд дресс кодын хязгаарлалтууд харцангүй бага байдаг. Энэ нь өнгөний зохицол, гоёлын зүүлт, аксесуарын хослолыг чөлөөтэй хийх боломжийг бүрдүүлдэг билээ.
Гэсэн хэдий ч энэ нь зарим үед ажил хэрэгч хувцаслалтанд тодорхой хэмжээний хүндрэлүүдийг бий болгодог, тодруулбал нийтээр дагаж мөрдөх хэм хэмжээ болон хүлээн зөвшөөрөгдөх чөлөөт сонголт хоёрын хоорондох заагийг нарийн тодорхойлоход хэцүү болдог. Иймээс дараах зөвлөгөөнд анхаарлаа хандуулна уу.

1. Албан конторт өмсч буй хувцас нь хэзээ ч "бусдыг өдөөсөн, тэдний анхаарлыг хэт татсан" байж болохгүй. Өөрөөр хэлбэл хэт богино эсвэл хэт урт, стрейч брюк, захгүй болон ханцуйгүй цамц аль аль нь тохиромжгүй.

2. Цаг агаарын ямар ч нөхцөлд ажил хэрэгч эмэгтэй урт шилэн оймс өмсөх ёстой. Харин өмд өмссөн тохиолдолд богино шилэн оймс өмсөж болно.

3. Эрээн мяраан хувцас өмсөж болохгүй. 2-3 төрлийн зонхилох өнгөнөөс илүү байх ёсгүй. Гуравдагч өнгө нь 15 хувиас хэтэрч болохгүй.

4. Сүлжмэл хувцас сонгохдоо болгоомжтой хандаарай. Сайн чанарын, өндөр үнэтэй сүлжмэл костюмыг /хослол/ ажил хэрэгч хувцаслалтанд тооцож болно. Харин том том нэхээстэй, ялангуяа гараар нэхсэн хувцас өмсөхийг хатуу хориглодог.

5. Нэг гартаа мөнгөн, нөгөө гартаа алтан /монетон/ бөгж зүүх тохиромжгүй. Гоёлын зүүлтний талаар мартаж болохгүй. Гоёлын зүүлтний хувьд өмссөн хослолыг илүү тод, хурц болгоход тусалдаг ч түүнийг хэтрүүлэн хэрэглэж болохгүй. Энгэрийн зүүлт, хүзүүний зүүлт болон гинжийг нэгэн зэрэг хамтад нь хэрэглэх нь тохиромжгүй.

6. Гутал, цүнх, үзэг, тэмдэглэлийн дэвтэр зэрэгт гар татах хэрэггүй. Эдгээр зүйлс нь таны хэв загварыг /стиль/ илэрхийлж байдаг.

7. Цагаан өнгийн гутал болон арьсан цүнх тийм ч тохиромжтой бус. Тэдгээр нь илүү хурдан гадаад өнгө төрхөө алддаг.

8. Нүүрний будаг ба үнэртэнг хэрэглэх нь зүйтэй. Гэхдээ хэмжээг нь тааруулах нь чухал.

9. Үс засалтандаа анхаарал хандуулах нь зүйтэй. Үс засалт болон үсний урт, богиноос үл хамааран ямар ч тохиолдолд үс угаасан, цэвэр байх ёстой. Урт үсийг боох эсвэл шуух нь илүү тохиромжтой.
Одоо дресс кодыг хувцас болон гоёл чимэглэлийн зүйлсээ зөв сонгоход зориулан хэрхэн ашиглаж болох талаар авч үзье.

Уламжлалт ажил хэрэгч хувцаслалт /Business traditional (Bt)/ - энэ нь хэлэлцээр явуулах, зочдыг хүлээн авах үед болон өдрийн хүлээн авалтын үед өмсдөг уламжлалт ажил хэрэгч хувцас юм. Энэ төрлийн хамгийн тохиромжтой хувцас нь эмэгтэйчүүдэд юбка пиджак, өмд пиджак, даашинз пиджак зүй ёсоор тооцогддог. Пиджакны дотор сорочка маягийн захтай цамц болон захгүй, өнгө дагуу цамц өмсөж болно. Ажил хэрэгч эмэгтэйчүүдийн хослолын хувьд өнгөний хязгаарлалт бараг байдаггүй. Зөвхөн улирлын шинж чанар бүхий хязгаарлалтууд л байж болох юм. Тухайлбал: дулааны улиралд тод өнгийн, өвлийн улиралд бараан, тодруулбал улаан хүрэн, бор өнгийн хослолыг өмсөхөд тохиромжтой байдаг. Харин даашинзны хувьд ажил хэрэгч дресс кодын дагуу дараах өнгийг ашиглахыг зөвшөөрдөг. Үүнд: сул хөх өнгөнөөс цэнхэр өнгө, цайвар шаргалаас бор өнгө, улаан хүрэн, бүх төрлийн саарал өнгө орно. Энэхүү заасан өнгөнд хар өнгө байхгүй байгаад та бүхэн анхаарлаа хандуулаарай. Орчин цагийн ажил хэрэгч хэв загвар нь хар өнгийн хувцсыг эрэгтэйчүүд төдийгүй эмэгтэйчүүдийн өдөр тутмын ажил хэрэгч хувцсанд онцлохоо больсныг баталж байна. Харин нэг өнгийн эсвэл тод биш судалтай хувцас илүүд тооцогдох болсон билээ. Одоо цагт геометрийн, ургамлын болон абстракт зураг бүхий материал ашиглахыг хүлээн зөвшөөрч байгаа хэдий ч зайлшгүй биш гэдгийг анхаарах хэрэгтэй.

Албан ёсны хувцаслалт / Business best (Bb)/ - энэ нь илтгэл тавих болон албан ёсны арга хэмжээний үед өмсдөг хувцас юм. Энэ бол та өөртөө илүү их анхаарал хандуулах шаардлагатай нөхцөл байдал. Тухайн тохиолдолд гоёмсог, чухал байдлыг илүүтэй тодотгосон хар өнгийн хослол зохимжтой байдаг. Зарим нэг хэв загвар тодорхойлогчид /стилист/ ийм төрлийн арга хэмжээний үед өдөр тутмын хувцастай харьцуулахад илүү тод, хурц өнгийн хувцас тохиромжтой хэмээн зөвлөдөг. Гоёлын чимэг зүүлтийн ач холбогдол илүү дээгүүрт тавигдана.

Ёслолын хувцаслалт /Business formal (Bf)/ - Энэ нь хүлээн авалтын үед ажил хэрэгч эмэгтэйчүүдийн өмсдөг хувцас юм. Ажил хэрэгч ёс зүйн дагуу 20 цаг хүртэлх хүлээн авалтанд уригдагсад хослол, даашинз хүрэмтэй өмсөхийг илүүд тооцдог. Зарим тохиолдолд бүрх малгай өмсөж болно. Эмэгтэйчүүд ширээний ард бүрх малгайгаа тайлж болохгүй, харин хүлээн авалтын эзэн эмэгтэйн хувьд хэзээ ч бүрх малгай өмсөж болохгүй. Хэрвээ урилган дээр эрэгтэйчүүд фрак эсвэл смокинг зайлшгүй өмсөх шаардлагатай гэж заасан тохиолдолд хамт хүрэлцэн ирж буй эмэгтэйчүүд нь заавал үдшийн даашинз / платье/ өмсөх ёстой. Даашинзны хэв загвар нь нөхцөл байдал болон улиралтайгаа зохицсон байх хэрэгтэй. Ажил хэрэгч эмэгтэйчүүдийн хувьд эстрадын од шиг байх нь зохимжгүй. Түүнчлэн оддын тоглолтын хувцсыг хуулбарласан байх нь тохиромж муутай байдаг.

Албан бус ажил хэрэгч хувцаслалт /Business casual (Be)/ -Энэ нь албан контор буюу оффист өдөр тутам өмсдөг хувцас юм. Энэхүү хувцаслалт нь сонгуульт албан үүрэг бүхий байгууллагын эмэгтэйчүүдийн хувьд тэр бүр зохицдоггүй. Зуны улиралд тааран эсвэл хөвөн даавуу материалаар хийсэн хослол болон нийлэг материалтай цамц өмсөхийг зөвшөөрдөг.

Баасан гаригийн хувцаслалт / Casual Friciay (CF)/ - Үүнийг өөрөөр тав дахь өдрийн стандарт хэмээн нэрлэдэг. Энэхүү стандартын дагуу зарим нэг байгууллагын удирдлагууд ажил хэрэгч хатуу хэв загварыг ягштал мөрдөхөөс татгалзах боломжийг олгодог. Эмэгтэйчүүдийн хувьд тод өнгийн, хөнгөн, зуны даашинз болон сүлжмэл джемпер өмсөхийг зөвшөөрдөг. Харин жинсэн хувцас өмсөхийг таашаадаггүй.

Бизнес аялалын хувцаслалт / Business travel (Btr)/ - Энэ нь томилолтоор явахад өмсдөг хувцас юм. Эмэгтэйчүүдийн хувьд энэхүү ажил хэрэгч хувцаслалтанд тавигдах шаардлага нь эрэгтэйчүүдийнхтэй ижил байдаг. Аялалын хувцас нь нэн тэргүүнд биед эвтэйхэн байх ёстой. Энэхүү хэв загварын хувцаслалтын үед брюкэн өмд хамгийн тохиромжтой байдаг. Хамгийн гол нь зорьсон газарт хүрэлцэн ирэх үед ажил хэрэгч байдлыг илтгэсэн байх нь чухал.

Address

Баянзүрх
Ulaanbaatar

Telephone

80048448

Website

Alerts

Be the first to know and let us send you an email when Санаа posts news and promotions. Your email address will not be used for any other purpose, and you can unsubscribe at any time.

Shortcuts

Share

Category