01/07/2025
Аав байх, Аав болох тэнгэр газар шиг өөр!
- Гэртээ битгий согтуу ороорой. Хүүхдүүд нь айж, эхнэр нь эмээдэг юм. Хүүгээ том болоод сайн хүн болоосой гэж хүсч байгаа бол өөрөө эхлээд сайн хүний үлгэрийг үзүүл.
- Гэр бүлээ битгий мартаарай. Найз нөхөдтэйгээ наргиж цэнгэн шөнө хагаслан явж байхдаа гэр бүл нь алзахгүй дээ гэж боддог байх. Тийм биш ээ.
- Ажил, найз нөхөд карьер нь нэгдүгээрт харин гэр бүлээ түүний дараагийн байранд тавьж “Гэр бүлийнхээ төлөө ажиллаж байна” гэх үгээр бамбай хийж гэр бүлээсээ хөндийрсөөр, аз жаргалтай амьдралын төлөө явж зүтгэж байна гэж бодсоор байвал та аз жаргалтай өдрүүдийг алдсаар байгаа нь тэр.
- Гэр бүлд нь мөнгө л хэрэгтэй гэж боддог эцэг, хайр халамж анхаарлаар дутаахгүй юмсан гэж боддог аав ялгаатай.
- Эцэг байсан бол хүүхдүүд чинь ирээдүйд эцгүүд л болно. Аав байсан бол ирээдүйд хүү чинь жинхэнэ аав болно. Та аав байхыг үлгэрлэсэн бол хүү чинь интернэтэд ээж, аавдаа хайртай гэсэн зураг оруулахаас илүү түрүүлж хариад өөрийн чинь хийдэг ажлыг хийчихээд хүлээж суух болно. Танд эдийн бэлэг бэлдэхээс илүү сэтгэлийн бэлэг өгөх болно.
- Үр хүүхдийнхээ хожмын өдрийн дурсамжинд “сайн аав” болж үлдэхийн төлөө өнөөдрийн амьдралаа зориулаарай. Ааваасаа ичиж биш, ааваараа бахархаж, үлгэр дуурайл болгож, “миний аав” хэмээн ам бардам дурсах сайн аав болохыг бүхий л аав нартаа хүсье.
ААВ ТА ҮҮРГЭЭ УМАРТАЛГҮЙ, ГЭР БҮЛЭЭ ХАЙРЛАЖ, АЗ ЖАРГАЛТАЙ АМЬДРАЛЫГ БОСГООРОЙ
